كرونيك ضحك زواج منال و اسامة
انا منال نحكيلكم كفاش تزوجت براجلي اسامة
احم احم نحكيلكم على روحي شوية انا منال عمري20سنة طويلة و عندي لاطاي هبال😋 و بلوووندة و شعري قصير و ماغو و جاية مهبول ايا لمهم نهار لحد صباح جات لينا جارتنا عجلية طبطبت لباب تحتها
انا: اوووو علجووو صفا وش خصك
عجلية: قتلك ماما راكم معروضين عيطت لماماك و مريبونداتش
انا: وشمن عرس خوك مسعود راح يتزوج؟ 😱
علجية: ايه فات كلش بلخف ايا خطبة و مدرناش حنة قلنا نعوضوها فلعرس
انا: علجو زيدي لهيك ريحت فمك 🤣 و زيد شكون قبل بيه مسعود
جات ماما" زهرة " منال ادخلي عيب عليك :
انا: منيش نتمر عليها
ماما: يعجلهم يشكو فيا😒 ادخلي دخلي
لمهم انا دخلت وميتا بلفرحة نموت على لعراس يا جدك راحت ماما لجارتنا جميلة عيطتلها باش تعاونها جميلة هي يمات علجية نعرفكم على علجية عمرها22سنة مشرارة و شعرها تقول ضاربو سينيال ولا مطرطڤ عليها سيشوار 🤣 لمهم حرام تنمر صايي و جاية خمرية و عينيا زروقة بصح متشبه لوالو المهم راحت ماما وانا قعدت دار نشوف من لفوق و يااااااااامااا نشوف من تاقة يقابلني وحد زل بقلااااواة لكوغ شعر لعينين منحكيلكمش مشفتوش مليح مليح لمهم من بعيد يبان زل و لمشكل كان واقف مع عجلو بنت جميلة انا صايي متت بضحك عليها... يتبع
#الحلقة2
لمهم انا كملت شغل دار و لبست جلابة لونها صفرا نتع ماني الله يرحمها و جايتنا ميلي 🤣 لمهم لا علينا و بحكم شعري قصير طول مطلوق كيما لكوريين زعما🤣 لبست لبليغة نتع بابا كن يشوفني يخبطني يجبني في تمنراست لبستها و رحت نشري فلخبز منعند جارنا حمودي خرجت نكركر فلبليغة و طالقة روحي ايا وصلت دخلت و نصيب هذاك زل دخلت في حلابتي صفرا و ياااااازووووهرااااااا شافني عاد يضحك رفدت لخبز و خرجت نجري و من لخلعة و لحشمة نسيت لبليغة لداخل بسك كبيرا عليا حتى رماهالي عمي حمودي من بعيد جابهالي في ترمتي 🤣 هههههه و نعطيها بجرية بليغة في يدي و بليغة في رجلي وصلت و حلفت في روحي مانزيد نلبس جلابت شر هذيك صفرا🤣
درت لغدا و تغديت انا و بابا و رحت لشمبراي عطيتها برقدة لعشية جات علجو عند راسي نوضتني انا: وش خصك علجو لاه تنوضي فيا
علجية: سلفيلي صندالة نتاعك لماغو نهار لعرس
انا: علجوو طريري برا قداش من مرة نقلك رجلك راهي قد رجل بابا لا تبغي نسلفلك صندالة نتع بابا🤣
و جات داخلة لالة زهرة
انا: ماما على سلامتك
ماما: نوضي نوضي نتي منعرف ويكتا تكبري
و دخلت ماما جبدت صندالتي و عطاتها لعلجو ااااااي مااا شاكي ديري جيبي صندالتي و تعطيها علجو بجرية لدارهم و ماما قالتلي كملي رقادك مزال لحال🤣... يتبع
#الحلقة3
نضت لبست قشي و رحت للكوزينة قالتلي ماما غدوة مسعود بن جميلة راح يدير حنتو وانا فرحت كثر منو من انو نحب زهو ايا فليل رحت لجارتنا جميلة قالتلي ماما روحي عاونيهم ضربت فيها حطة و رحت مع دخلة نصيب هذاك لبقلاوة هوا شافني مات بضحك دخلت نجري عتبهديل لي درتو دخلت و صبت مرا ثماك قالتلي شكون نتي بنتمن قلتلها انا صحبت علجو و جارتهم ضحكت كي قلت عجلو و قالتلي الله يبارك عليك بنتي تفضلي دخلت للكوزينة باش نعاونهم صبت جميلة مع لمقروط و لبقلاوة و لقاطو يوجدو للحنة نتع مسعود بسك كان رايح يدير عشا و سهرة ستنيت جميلة خرجت مع علجو و ندخلك على لبقلاوة هذيك شبعت مليح و جبت حبات مقروط و قاطو نفطر بيهم و نسحبت للدار رحت رقدت و صباح فطرت و هبطت مع ماما بسك عيطتلنا جميلة نتغداو عندها لبست حطة مطة و درت كوتشوفال و هبطت بتيت ماش و رحت مع ماما دحلنا و حطولنا لقهوة و لقاطو انا دخلت عليهم حتى شلعت و زدت خملت تحت كرشي باش نفطر بيهم صباح بسك زهر رهجتني بلخبز ياااازهراااااااا و يجبو لغدا وشمن مثوم و وشمن شطاطح و شربة الله الله انا طحت عليهم تقول جامي كليت في حياتي و نسا يشوفو فيا تقول جامي شافو واحد ياكل لمهم كملت و رحت زعما نعاون فيهم شفت هذيك لمرا لي سقساتني نتي بنتمن واقفة مع هذاك لبقلاوة ويااا ضهرت يماه عجوزتي 🤤😂 ايا دخلت للكوزينة لعبتها نعاون فيهم ايا رجعت لدارنا و فليل سمعت لغنا روبلاوها على جال مسعود نتع ترامي🤣 وهنا جاتني خطة جهنمية باش نشوف هذاك لبقلاوة رحت لبست سروال بابا و تريكو جدي ربي يرحمو و لبست كاسكيطا و نواضر وليت نبان ڤرنديزر 🤣 هبطت دخلت نشوف لبقلاوة هذاك و كي دخلت صبتو يشطح دخلت انا نحب شطيح و دخلت اهييييه لهووووون ايااااا تلموووند تلموووووووند ونعطيها بشطحة و يخبطني وحد لبتية طاحتلي لكاسكيطة و نواضر و لمصيبة قابلني بابا اونفاص و شافني هذاك لبقلاوة و بابا عطالي كف و طلعني لدار🤣 وانا دمعة و خنونة....يتبع
#الحلقة4 و الاخيرة
دخلت لدار و جات ماما قاللها شوفي بنتك وش دارت شبعوني معاير😭😭 دخلت لشمبرتي ضربت دوش و رقدت صباح نضت دوشت و خرجت باش نروح مع ماما للعرس قالي بابا غير هذب انسايها و مكاش لخرجة من دار انا قعدت نبكي قتلو علااااه قالي قتلك صاييي مكاش وش درت انا خليتهم خرجو و لبست لاغوب سواري درت مكياج فشباب و خدمت شعري و درت لحايك نتع ماني من عام جدي يبكي و رحت صبتهم ريحين للصال باش يديرو لعرس صبت هذاك لبقلاوة يركب فنساء رحت ليه شافني مات بضحك قتلو مكاش بلاصة قالي نتي مهبولة راكي هنا قتلو ششش ني هربت و زاد مات بضحك اااااه ربي على هذيك ضحكة تقتل شاف فيا قالي خرج عليك لحايك فوور منبعد شفت بابا يكحل على وحدو لابسة قفطان و خارجة شبعت ضحك و قالي هذاك لبقلاوة وش اسمك قتلو منال ونت قالي اسامة قالي شحال عمرك قتلو20ونت قالي الله يبارك انا25 عجبني هبلني دالي عقلي و كفاااااش يهدر يااااااازززززززهراااااااا قالي اركبي ركبت مع وحد لعزوج تهدر تهدر و ريحت لعرق قتلتني هبط و ندخل نجري و نتقلب تقليبة نتع كلاب🤣🤣🤣 جا يجري ليا لبقلاوة نتاعي شدلي يدي نضت و قعدت نشوف فيه نسيت روحي قالي ياك لباس قتلو لباس و ضحك دخلت صبت عجوزتي ااا قصدي يمات اسامة قتلي يعمري بنتي خرجتي تهبلي دخلت و نعطيها بشطحة و شافتني ماما قالتلي يامصيبة منين طحتي قتلها خلينا نزهاو لعجوز لمهم لحق ليل و جات ليا يمات اسامة قالتلي وين راهي يماك وريتهالها و هنا عرفت كاين حاجة رحت لدارنا صبت بابا يستنا فيا جا يعيط عليا قتلو شيييخ ضركا نقول لماما على مولات لقفطان قالي ادخلي بنتي دخلي و عطيتها بضحكة قالي مصيبة هاهي غدوة من هذاك قالت لي ماما راه خت جميلة عجبتيها و شافك وليدها ديتيلو لعقل قابلة ياك قتلها وي قابلة و متت بلفرحة و ضركا تزوجنا و عندي وليدي إياد و بنتي سيلين... النهاية ❤
إرسال تعليق