احم جبتلكم حكايتي وتعرفو بلي لا يأس مع الحياة.. المهم انا طفلة عايشة فدوار مع بابا وجداتي وماما وخوية وحد النهار جا بابا قال لماما بنتك جا واحد خطبني فيها وانا قبلت والسمانة الجاية يجو يشفوها
وانا كنت نتسمع ورا لباب بيسك سمعت اسمي فالموضوع لي يحكو فيه المهم ماقدرتش نقول لالا بيسك علابالي بابا كي يقرر حاجة مايرجعش فيها وفاتو ليام وحنا نوجدو للخطاب وفديك الليلة حلفتني جداتي نرقد معاها وانا بطبيعت الحال ماعنديش مانع فرشت وراحا نرقد قاتلي جدا لالا اليوم لازم نوجدك للخطبة كيمة نتاع زمان وانا ايا وتجبد باطة حنة ومقص حكمتلي شعري من قدام قصتلي شوشة وحكمت الحنة خلطتها وحطتهالي على شعري وربطتها بصاشي ايا وحناتلي يديا ورجليا وقاتي هاك جيتي تشبهي لعرايس زمان وانا جيت كي لخرا حاشة خليقت ربي المهم كيمة كان الحال رقدنا لغدو مع الصباح نوضتني جدة قاتلي نوضي اغسلي نشوفك كي جيتي نضت لقيت في وجهي ماما بدات تغوت
وتسمي وتقول جن فدار وانا نجري ورها ونقول جن وين الجن وهي تعيط وانا نعيط جا بابا يجري قالها واش كاين قاتلو جن قالها وين الجن قاتلو هاهو وهي تأشر ليا وياااما خيتي انا جن شت مع روحي لقيت صح نشبه للجن صاشي فراسي ويديا ورجليا ومع كانت السخانة دابت الحنة وهبطت لوجهي جيت كي الهنود الحمر قلتله
ماما هدي انا كوثر
بابا ولا يضحك وماما ولات تسب وتلعن وتقولي واش درتي وزيد اليوم خطبتك ياخياتي وتحمي طنجرة نتاع الما ودخلني لدوش وتغلق الباب وبدات تحك فيا كي القش وانا نغوت والما كان سخون
حسيت روحي جاجا تتريش المهم بعد معنات وجربت ڨاع واش عندنا من اومو ازيس وحتى الجفال ماسلكتش منو
وجهي من كتر الحكان ولا كي خبزة المطلوع وشعري رغم كلش ما حبش يروح لون الحنة
كي خرجت من الدوش شافتني جدة قاتلي شعرك يهبل جاك هايل وناضت تبزق فيا ولا عليا مافهمتش قاتلي هدي باه ربي يبعد عليك العين والحسد وانا كي المعزة الجن مايشوفش فيا ماخص غير العين
الحلقة2
... المهم اليوم هو اليوم الموعود راح يجي الخطيب المنتضر بعد ما لبست سروال جداتي الاسطوري لي وردي وفيه نورات زورق صغيرين قاتلي يجيب الحض السعيد وحلفتني نلبسو النهار كامل فال خير زعمة وانا معنديش مشكل وبديت نهبر ونسيق ونغسل ونشف الله غالب ماعنديش خوتي لي يعاونوني كملت طحت دالخيط مت بالعيا رميت روحي على سرير ماما ترجع صلبي لبلاصتها بيسك تعوقت وحدث ما لم يكن في الحسبان داتني رقدة وروحت في سااابع نومة وانا على ديك الحالة نحس بطرمطي تقطعت ونوض نغوت بأعلى صوت نلقا ماما تقولي ياالموصيبة نتي راقدة والناس وصلو تفووووه فيك ربي يجبها فيك بهدتني نضت انا نبكي ونقول كلش انا كلش انا والله ماحلبت مراتي المعزات الضيف لي يجي لازم انا نجيبلكم لحليب... قالت هااا نندب حناكي ياو الخطابة نتاعك. وصلو شكون هدرلك على لحليب والمعزة نسيت والله من لعيا عمبالي كا نوم المهم نضت بالزربة جابتلي ماما قفطان سلفتو من عند جارتنا فوزية وفوزية سلفتو من عند ختها تروح بيه لعرس لبستو نلقا جداتي جابتلي محرمة حمرة وقاتلي هاكي بنتي شبحي راسك كيمة عرايس زمان قلتلها اووه جدة هديك زمان درك تبدلت التقاليد زعفت جدة وقالت خلاص مانحضرش مال لخطبتك ايا على زهري حكمت ديك لمحرمة وحطيتها على راسي كي لعجايز وزايدة حمرة تبان من الموزنبيق شت وقاتلي اقعدي قدامي وخرجتلي الشوشة لي قصتهالي فليل وزيد تبان جيني من الحنة وجبدتلي كحل وقاتلي حطي فعيناك ولحقيني بعتوني ليك نديك لعجوزتك تشوفك ايا حطيت شوية كحل وشوية غجلاف هدا واش نسعا وسرقتو لبنت خالتي فعرس
المهم حكمتني من يدي وتمشي فيا غير بلعقل وتقولي ديري بروحك حشمانة وانا الله غالب وجهي مقزدر مانعرفش نحشم
الحلقة3
المهم وصلت لصالة نتاع النسا وقفت فالباب لقيتهم يسقهواو ماما هزة راسها شافت معايا وكان تشرب فالقهوة من الصدمة خرجت القهوة من خشمها وناضت تجري ووجها صفار وقفت قدامي درق عليا زعما عمبالها مشافونيش وهوما حق ربي شافوني وقاتلي امشي سڨمي روحك بهدلتنا وجدة تقولها والله درك تدخل وماما تشد فيا وتخرج فيا وترفع صوتها جداتي وتقول ايا خلي الطفلة ولا نتعرلك هنايا استسلمت امي العزيزة للأمر الواقع ودخلتني وديك الضحكة الصفرة فوجهها سلمت على زوج عجايز قد جداتي خخخخ باين عجبتهم وزيد سلمت على مرا باين بلي دالقرب نتاع عجوزتي لابسة كي التروكة وشعرها مجبود وصفر باين دايرتلو ليماش وباين ما عجبتهاش قعدت حدا ماما وجداتي ثف ثف ربي يبعد العين خخخخخ واش من عين المهم انا قعدت نلقا طفل طويل عيونه خضورة جسم رياضي اسمر دخل علينا ماتنخلعوش هدا خوية وزيد بركاو ما تكحلو مزال صغير على الزواج كي دخل هز يدو وقال صحيتي طاطا لباس وخزر فيا وقالي كوثر الحقيني وانا قلت خلات وخيلات وخولات فاقلي بلي انا لي سرقتلو خمسلاف وخمسمية لبارح رحت وراه وصلنا للكوزينة شاف معايا من فوق لوط ولا يضحك وقالي جيتي تشبهي لخرا حاشة خليقت ربي زيدت ضحكت انا وقلتلو شت كي المعزة نتاع جدة
تقول هربت لعزين
الحلقة4
سكت خوية وخزرني ولا يدور بيا كي المحققين وانا سكت ودمي نشف وقالي خمسلاف وخمسمية لي كانت فسروالي لزرق شكون هزها ونبدا وربي يجيبها فالياقوت جارتنا اذا انا هزيتها وربي يقرص حنش جارنا براهيم اذا انا ديتها كلش انا ضلامين نموت وتتهناو مني ونطيح فالارض ونلعبها نبكي كي تروكا علابالي واحد مايحبني علابالي قالي سكتي سكتي قوليلي واش درتي بيها برك قلتلو والله شريتها حالكريم بردت بيه حلقي قالي ماعليهش برك كي ليوم خطبتك ني مسامحك وقفت وبستو من خدو قلتلو يعيييشك خوية لعزيز المهم قلتلو روح شوفلي كي داير مسود السعد لي جا يخطبني بيسك خوية كي جاو مكانش فالدار كان يسرح مسكين
انا قعدت فالكوزينة وهو راح ورجع بزربة ومصدوم ووجهو صفر قالي راحين يزوجوك بشيخ داير كي حمود جد التوهامي ويياااااويلي وليت نغوت زهري لمقود حابين تتهناو مني تفوووه فيكم وجوه الشر قالي اسكتي باين مرفه وانا نقولو ربي يعيشك سلكني والله ندير واش تحب تعيش سلكني قالي خلاص انا نسلكك كفاه خوك قد الحيط ونتي تتزوجي بشيخ قلتلو نت هو السوبرمان ديالي زعمة رفد صدرو وحسب روحو حاجة ودخل لعند الرجال وقال.. احم ااشيخ هز روحك وروح تروح ماعندناش بنات حنا لزواج
الحلقة5 ماقبل الاخيرة
المهم نسمع فبابا يضحك ويقولهم ههههه وليدي ساس الدار يحب يضحك وهو يقولو سمحلي الشيخ انا مانيش نضحك ختي ماهيش للعب مكانش زواج يعني ماكانش وانا لتم هبطتلي الدمعة خوية لعزيز نموت عليك ربي يحفضك ايا نسمع فبابا يقولهم اصبرو نفهمكم وخوية يقولهم مايصبرو مانصبرو عيطو لنسا قالولهم ايا نروحو ونحزم انا بالخيط نتاع البرمة لي يقفلو بيه الكسكاس ونبدا فشطيح ونحرك فطرمطي ونڨز نسمع بابا يعيط كوثر... كوثر ارواحي بنتي ايا نحيت الخيط ورحت لعندو حكمني بابا وقال هدي هي بنتي كوثر خخخخخ تفكرت الاشهار نتاع احم احم هدي هي بنتي احلام....المهم نلقا ديك مولات ليماش تقول عندكم طفلة كي دايرة كيمة المعزة لي قدام بابكم تتعللو بيها انا وليدي الف وحدة تتمناه هدي شيخها تقولو وليدي سبحان الله الناس جات تتقدم راحت فيها المهم نلقا خوية قالها حابة تزوجها لشيخ هدا وتقولي وليدي قالتو هدا جد لعريس وليدي هاوليك فالباب نشوفو لباب نلقا وحد الراجل طول وزين ولبسة فارس احلام هاااا الله لا تربحك اخوية لبغل ربي يجيها فيك نشالله ترفسك البقرة نتاع قدور. ... المهم انا تصدمت خوية تجمد خرجو الخطابة روحو وخوية هرب من الدار وانا كليت طريحة نتاع لكلاب ومعيرة... بعد مرور اسبوع عيطو اهل لعريس وقالو حنا قابلين بلعروسة
هل هم يمزحو
الحلقة الاخيرة:
أرواح نڨولك حاجة صاحبي أرواح بصح سمعني مليح
عمرك في حياتك تولف شيرة ولا تعودها أنك تروح وتولي كيما تبغي نتا هي ci vrais كي تروح وتخليها غادي تولي ضعيفة بلابيك
في البدية وغادي توصل وين طيح بكرمتها ودل روحا وتوصل وين تسمح في حقها وتتنازل باه توليلك بصح حبس حرز دير في راسك بلي أنت هادي الشيرة راك توليلها علا خاطرش ماتقدش تعيش حياتها بلا بيك نت ومعندهاش القوة باه تقعد وحدها راك غالط يا خلادار مك هاد صوالح لي راها ديرلك فيهم غير مين تبغيك هادا مكان دير في بالك هاد الشيرة قد ما تسمح فيها و قد ما تهملها غادي تقتنع بلي أنت ماتصلحلهاش وبلي كي تحتاجك ماغديش تلقااك مع الوقت غادي توالف وحدها وغادي ڨلبها يقساح بسك ڨلب المرا ماشي كيما ڨلب الراجل وغادي تروح ليام وتجي ليام ويجي وحد الوقت وتضربك الشاهدة وتولي عندها و تڨولها توحشتك أنا من عندي كنصيحة حمبوك غي مكان له تروح عندها بسك غادي تلقا إنسانة لي ڨلبها برد من جيهتك وتماك تكون صاي طفرت أمالي إلا عندك كاش إنسانة تبغيك ودايرتك كلشي في حياتها و دايرا كلش علاجالك نتا متسمحش فيها كونلها راجل ااا بن عمي مشي غلطة و لا زوج تخليك تخسر وحد الإنسانة vraiment تبغيك ودايراتك دنيتها بسك الراجل جامي يسمح في صوالحه ڨاع غلطة وطلبت سماح و طيحت بروحا علاجالك متخليهااااش بسك أنت كون غلطت تسمحلك وعلابالي منيش غالط إلا درتلك هاك دير في بالك مشي دايرا عليك النيف وڨاع تبدلها متلڨاش وحدة كيفها
إرسال تعليق