حلقة اول
ايمان هي المجنونة تع قصتنا و هي شابة ماشي طويلة و ماشي قصيرة لا طاي تاعها تهبل عينيها خضورة و شعرها شاتان شوية طويل متوسط شباب عمرها 19 سنة و قاعدة فالدار و هي وحيدة امها و بوها) (معاد هو رجل بمعنى الكلمة عندو كور يهبل و اسمر و عينيه كحولة و شعرو اكحل و الله يهبل يا البنات بصح معاد لي زادو جمال و رجولة هو انسان ملتزم يعني غنا حرام المعري حرام شعرك يبان حرام علاقة بين طفل و طفلة حرام و هو عمرو 27 سنةواش راهو يسنا فيك يا السي معاد هههه!!!الحلقة 2الام: غولي كملي الميناج غدوة العيد و يجونا ضياف و لازم نروحو لدار خالك نعاونوهم راهو جاي معاد مالخارجايمان: شكون هدا معاد تاني واش دانا حنا لتماالام: يا القزديرة هدا وليد خالك عندو 15 سنة و هو في اسبانيا كان يقرا عند فاميلة يماها لتم و ماجاش كامل ما تعرفيهشايمان: لوكان نضرب على ولاد خالي فالانترنت نصيب عندو طفل من كل ولاية يا محاينك شحال يتزوج و شحال يولد قوليلو ينقص شوية يخلي الدالة للي مازالوالام: يا حااه نندب واش دخلك خلي يتزوج و يولد و يجيب الثالثة و الرابعة تساليه نتيايمان: لالا ما نسالوش بصح نسال في صالح كي يجي عشيا نقول الشرع حلل ربعة جيب الثالثة و الرابعةقالتها و جات رايحة حتى جاتها بليغة 44 على الوجه مسكين داخت دارت ليماها ولات تشوف فيها زوج قاتلهاايمان : لعجوز كنا متفاهمين تضربيني وحدك قلنا معليش علاش جبتي خالتي تتحاما هادي و الله ما نسكت عليها هههه( مسكينة شافت بالدوبل )
الحلقة 3كملو الميناح و دارو شوية ڨاطو و رقدو غدوة منداك العيد ناضو صباح و خملو و جاو الناس يقبلو كيما كامل لعياد فليل قاتلها يماهاالام: وجدي لحوايج نروحو ليوم لدار خالك يجي يدينا خالك باباك مشغولايمان : اااووفف ياك مازال باش يجي هاداك المفقود خلي غدوة و نروحو حابة نبات في دارناالام: نوضي بركاك مالتفنيين لوكان يدخل كاش سراق نخليك وحدك هبلت اناايمان: زعما نتي مخبيا لملاير باش يدخلو السراقين نتي مخبية زوج خواتم فونتيزي خايفة من السراقخافي على السراق مسكين يتعب روحو و يصاكريفي باش يدخل يلقا زوج خواتم راني سور بلي نلقاوه مصروع هنا بالداتالام: بلعي يالقزديرة حنخبطك ب حلال منا و نوضي وجدي روحك بركاينا متكسار الراسطلعت ايمان وجدت الكابات و وجدت روحها و دات دوزانها لي تسحقهم جا خالها داهم و راحو للدارو ( خالها عندو مرتو ميتة و معاود الزواج و هدا معاد يماه ميتة و عندو ختو و خوه من باباه )
الحلقة 4 جازو يومين و الغد منداك يلحق معاد كامل يطيحو و ينوضو و يوجدو رقدو و الصباح ناضت ايمان و بنت خالها يديرو فالڨاطو و زادو لحقو بنات خلهم و خالاتهم لوخرين كل وحدة واش دير و الكبار راحو يسناو فمعاد فالمطارنروحو للمطار عند معاد كان راكب فالطيارة و يسمع فالقرآن ماشي فاهم احساسو كيفاش حيقابل ناس ما شافهومش من 15 سنة كيفاش يقدر يعيش في وصتهم ،كانت قاعد ة قدامو وحدة ملي ركبت و هي تشوف فيه ( حنا قلنا ملتزم و عندو غض البصر ) قاتلو ( راني نترجم انا ): مرحبا هل ممكن قلمنحى الكيت و قالها : لا املك اختي و قص معاها الكلام (شفتو الملتزم شحال جونتي و ما يحلبش هه )هبطت الطيارة و هو تنهد تنهيدة طويلة و هبط كل ما يمشي يتفكر يماه كي جات ودعاتو آخر مرة منداك النهار ما زاد سافها و لا شم ريحتهايمشي حتى لقا واحد شاد بلاكة مكتوب فيها اسمو كان خو الصغير من باباه و العايلة كانت تسنا برا راح معاد ليه قالو : نعم انه انا من انت (راني نترجم و خوه قاري فهمو)اياد: انا شقيقك الصغير اياد تشرفت بمعرفتك انهم في الخارج في انتظاركمعاد(كان حاب يعنق خوه بصح خاف من ردة فعلو اول مرة يتلاقاو ) خرجو لبرا و الاب غير شاف عماد راح يجري يعنق فيه حتى عماد ماكانش من النعارضين عنق باباه و خالاتو ولاو يبكيو و هو ما يفهمش عربية لي يهدروها يهز راسو برك هههراحو راكبو ف الطونوبيل كي واصلو لدار لقا اوخرين كامل يستناو منهم ايمان المجنونة ههه دخل كن عيان من السفر حتى شاف ايمان لابسة لباس هو ميحبش وحدة تلبس هكداك يحب وحدة مستورة
الحلقة 5المهم فهمو معاد بلي هي بنت عمتو و امبعد استأدن منهم و طلعلشمبرتو ما لقاش روحو في وصتهم واحدة تغني واحدة معريا روحها واحدة تهدر و خلاص و هو كالم و ما يحبش هاد صوالح كي طلع للبيت دار قرآن و زادلو جبد المصاحف حطهم فالدرج ديالو سڨم شومبرتو كيما حبها هو غير الادعيو و المصاحف و القرآن(نعم الرجل ) و المريولة تاعنا بيتها قدام بيتو دارت غنا و ناضت تشطح و تزغرت راحو ليها لبنات و بقاو يشطحو ما عاجبوش الجو خرج للجنان لقى اياد بدا يهدر معاه قالو حاب نولي نفهم هدرتكم ادا تقدر تعلمني و لاو صحبة جازو ليامات و ايمان ولات لدارهم و معاد تعلم العربية و لا يفهمها مليح بصح جيه واعرة فالنطق مي يهدرها....يتبعجازو يمات و اياد حاب يخطب عيط لخالاتو و بناتهم باش يعاونوه و بيان سور ايمان ما تراطيش يماها كانت رايحة بالتخبيا عليها ايمان غير سمعت الباب تحل خرجت تجري مالتوالات لابسة شورت اورونج و بليغة تع باباها و تريكو مرسوم فيه شادي مالغسيل بزاف و لا حلوف ركبت قبل يماها فالطونوبيل غير شافتها تخلعت قاتلها: يا القزديرة تروحي معايا هكا رايحة تضاربيايمان : لالا لعجوز رايحة نلعب ماتش مع ختكو جيها سقلة رباعية الابعاد من عند نبع الحنان رعفتهاركبت و راحو لحقو للدار هبطت ايمان بالبليغة 44، و شورت اورونج و نيفها بالدم كيما خبطتها يماها شافها اياد : ههه ااوو ختيتو راكي تباني الزلة تاع ال 16ايمان : خخخ بهلولة و نتا تبان الزل تع موزمبيق ياخي مدڨلصههه قالها : ههه صحا واش بيك واش صراعلاش راكي هكا شكون ضربكايمان : والو درت ماتش مع الشيخ و لعجوز داقتلها كي ربحت اعطاتنب ببونية هادا مكاناياد شبع ضحك و دخلها للدار خالها شافها قالها : واش مالواد لي قطعتي عليهايمان : قطعت على الزيڨو تاع وليدك خالوهبط معاد شافها و هبط راسو قاتلو : ماشي وقت حشامتك نتا تاني راك مرڨتها تحشم كتر مني.....يتبع
الحلقة 6خزر فيها و قالهم رايح للحامع و خرج و هي قاتلهم بسيف نروح معاكم نشوف لعروسة راحت حلت اياد باش تروح قالها و جدي روحك بصح بالاكي ديري تبهدايل و الله والله غير تخلصيها قاتلو اوكي و مشات بدلت لبست غوب ميني فالغوج و طلقت شعرها و ماكياات و لات تهبل ما تبانش بلي هيا زادت دارت الريحة امبعد هبطت لقاتهم يسناو خزرو فيها خالها قالها : هي جات قزديرة يماها هادا وين ولات بنادمايمان: علاش خالو كون تشوف فيا دورا تاع بير خادمضخكو كامل امبعد دخل معاد و اياد (هوما نورمال فاللبسة يعني كي تلبس الميني و كامل مي معاد لالا ) خزر معاد و هاد الخطرة على غير العادة ما هبطش راسو خزرت فيه و دابت في عينيه امبعد استغفر و هبط راسو قالها : روحي استري روحك ( دارو كامل ليه و قعدو يشوفو فيه حلو فمهم ما فهمو والو )ايمان : ااووو مون ما غي دوك نروح ما يكون غير خاطركخزر فيها و قالها : استري واش بقالك خير ملي يسترك الكفنايمان: خلاص بوقلوزة ما تحلالكش و ما تدصرنيش بزافاياد حكم معاد و قالو حنا نورمال عندنا الطفلة تخرج هكا و بلا بلا بلا قالو معاد زوج كلمات سكتو : تقول نتوما لي كنتو عايشين فاسبانيا ماشي اناو راح و خلاه امبعد اياد راح عند ايمان قالها : ارمي حاجة خفيفة على روحك السيد راه يغير ( هو هدرها ڨصرة خخخ بصح ايمان عاشت معاها هاد الكلمة)لبست ملايا من فوق و هبطت بداك الغوج في فمها و شعرها يدي فيه الريح باعتوها ركبت مع عماد ملي طلعت و هو يستغفر امبعد كرهت حبت تبدل جو قاتلو اسنا دوك نولي طلعت جابت بيدون و ركبتمعاد: هادا واش ديري بيهايمان : نعمر فيه الڨاطو لي يمدوهولنا هههبعدو شوية عالدار و ايمان تقلب الفيستا يا وليدي قلبت داك البيدون و الطبل و تغني و تزغرتمعاد حل فمو ما فهم والو واشبيها الطفلة مريضةمعاد : يا بنت عمتى يا بلوة العايلة واش ديري واش كاين استغفري مولاك هدا مزمار الشيطانايمان : رانا في عرس ما شي جنازة و ربي قالنا افرحومعاد : ايه قالنا افرحو بصح ماشي نخرجو على طاعتو و ديجا نتي ما تصليش واش تعرفي على طاعة ربيايمان: اااي وسمك صح ما نصليش بصح نعرف و نخاف ربيمعاد: صحا ادا كنتي تخافي ربي من غدوة ابداي صليايمان : ايه ايه ان شاء اللهمعاد: و حبسي علينا التشقلالة هاديايمان حلت الكارو رمات البيدون مالكارو فلوطوروت هههه و دارت كيتمان و تسمع في ايمن سرحاني و بلعقل بلعقل و لات تغني و تعيط و تشطح ههه
الحلقة 7(لابسة جلابة و من تحت الميني الشيرة لعابة و تڨول خاطينيييي .... يويويويو يويويويييييي) نحالها الكيتمان و رماه مالتاقةايمان : يا جد يماك باباك شراهولي الكيتمان باش ترميهوليمعاد : قادري روحك الاخت و ما تهدريش معايا هاكا و كي تكوني قدامي ما كان لا غنا لا شطيح لا زغاريت لا تكثار الهدرةايمان في قلبها : احيي نندب على عريس المستقبل انا نعيش بلا زغاريت انا نعيش بلا عراس ياااا يمااا نروح نسويسيديكملو طريقهم و هوما ساكتين لحقو هبطو يزغرتو دخلو قعدوهم كيف كيف رجال و نسا (مالين لعروسة كول ) قعدو يشربو فالقهوة امبعد جات لعروسة شافتها ايمان تعنكرت فيها ما عجبتهاش امبعد قعدو يشربو فالقهوة و جابولهم وحد الڨاطو يابس تخبطو عالحيط ما يتكسرش ههه و ايمان فمها مشرك رفدت حبة و قاتلها شكون دار هاد الڨاطواياد عرف بلي حتهردهاالعروسة : انا درتو سهرت معاه البارح يا ختي (حبت تبين شطارتها دارت ايمان ليمات العروسة و قاتلها : طاطا هادا يابس ديرو هاد الكروكي يتشمخ فالما باش نستقهواو بيه غدوةمعاد مقدرش يشد طرطق بالضحك اياد هبل العروسة زعفت و طلعت لشمبرتها و ايمان مبرونشيا في عماد و ضحكتو لي دوبتها يووو و كاين لي ما يعشقش كائن كيما هداالمهم طلبو منهم السماح و هيا بعتوها للدار و فرات راحت لبيتها و قعدت تخمم في معاد و ضحكتو و هدراتو معاها ليوم تبسمت و رقدت و في الجهة الاخرى معاد تاني قعد يخمم فيها و في حلاوتها و هبالها امبعد قال : لالا يا معاد انت قلبك مفتوح غير لمرتك ما تغلطش و ايلا عينك فيها اقصد دارهمصباح جديد على ابطالنا ناضت ايمان دوشت و توضات و صىلات حست روحها مليحة بزاف هبطت شربت قهوتها و قالت لامها ليوم تروح لدار خالهافي الجهة الاخرى ناض حل عينيه تبسم دوش (كان صلا من قبل) و لبس قميص و هبط شرب قهوة معاهم و ڨصرو حتى صونا تلفون اياد : الوو واش تسحقي يا راس التبهديلايمان : عيشك طورو ارواح اديني كرهت وحدي عيشكاياد: ما نجيش خدام و مشغولة و نتي ما جيش عندناايمان: خلاص ابعتلي بوقلوزة هو فارغ شغل عيشك طورو حبيت نبدل شوية هوا و نسحق ختكاياد : صحا دوك نسقسيه ادا ما كانش مشغول يجيككوباو امبعد اياد قال لمعاد باش يروح ليها فرح من لداخل بصح استغفر و حاس روحو غالط فهاد الطريق لي يمشي فيه هو معاد لي تربى على طاعة ربي يخمم تخمام خايب هكا يخمم انو يحب قبل ما يتزوج محااالالحلقة 8المهم هي لبست سليم ابيض و شوميزي كروفات و صندالة كروفات و صاك و دارت كوتشفال ولات تهبل عم رت روحها ريحة علابالها معاد راه جاي و هي طايحة فيه لشوشتها سمعاتو يهدر لتحت مع يماها هبطت شافها قال لعمتو : عمتي انا نروح سلامايمان : واش ما تسلمش عالناس بوقلوزة وليت تتڨوعر كي تعلمت العربيةخزر فيها و ما هدرش معاها هو النار شعلتلو كي شافعا لابسة هكاك ما عجبوش الحال كان حب يشوفها مستورة دايرة حجاب الله الله ...طلعت فالطونوبيل و غلقت الباب طرق كاملة و هي تشوف فيه مقلق و قاعدة تكحل لحقو ما هدرش معاها حطها و راح دخلت رحبو بيها و راحت عند اياد قاتلو قول لديك المطلوعة تسمحلي ...نوليو لمعاد راح دخل للجامع صلى و قعد يدعي في ربي انو ما يغلطش و ينسيه فيها عمرو ما خمم انو مرتو تكون كيفها امبعد راح للبحر ريح شوية و لا للدار لقاها راحت سمعهم يهدرو على عرس اياد بلي قريب و اياد مزروب قال شهرين يرفد ...المهم تعداو اليامات و هوما يوجدو لعرس اياد راحت ايمان ريحت عند دار خالها باش تعاونهم و تلاقاو كامل لبنات تما راكو تعرفو اجواء العرسدارو الڨاطو و الميناج و ايمان تبقى تبع فمعاد غير بعينيها و هو يتجنب فيها ماشي حاب يعصي ربيبقات سمانة على العرس و بداو فالزهو و الغنا و معاد ما يجيش حتى يحبسو الغنا ما يحبش يسمع هاد شي و ما يقدرش يقولهم طفوهالمهم المهبولة تع ايمان دخلت لبيت معاد جبدت قميص ديالو و قعدت تشم فيه دابت مسكينة دخل معاد لقاها تشم فقميصو تبسم كي شافها عندو بزاف ما شافهاش قدامو يشوفها غير مالبعيد قالها : احم احم واش ديري بحوايجي واش راكي تخلطي اخرجي م بيتي ما تزيديش تدخلي هناخزرت فيه و قاتلو : واشبي جدك عمبالك ميتة عليك انا باش نشم ريحتك نيفي كان يسيل و ما لقيتش فاش نمسح لقيت غير هدا هههمعاد تنارفا : استغفر الله استغفر الله يا رب صبرني يا رب ما تخلينيش نغلط اخرجي يا بنت الناس و ادي هاداك القميص اغسليه و حديه و جيبيه شدها ميدها و خرجها و غلق البابهو قعد ياكل فروحو لداخل و هي برا قاعدة تضحك و تشوف فالقنيص و تغني : داني ديتو و الله ما خليتو .... تغني و تشوف فالقميص و تضحكراحت للشومبرة قالت لازم نخلف ضربتي لبست هداك القميص و طلعاتو كي الجبة و راحت تخدم الشغل لي يشوفها يضحك عليها سقساتها بنت خالها : واش طحتي على راسك وليتي تمشي لابسة حوايج خويا يا مرت خوياايمان : اخااه انا بعيد الشر لبستو باش نغسلو ما نحبش نغسل حاجة نقيا و هو قالي بسيف تغسليه خخخخ انا نحب بوقلوزة كيما هاداك امبعد دارو راي و هي ولات تشطح جا معاد خارج كي سمع الغنا لقاها لابساتو و تشطح هبل من راسو
الحلقة 9كمل مشى و يخزر فيها بنص عين هي تشوف فيه و تزغرت خرج بقا يخبط فرجلو فالطونوبيل و يعيط رفد طونوبيلتو و راح للجامع قرا قرآن و راح للبحر كي دخل للدار لقاهم راقدين دخل روطار راح كلا و طلع لشومبرتو و هي حست عليه كي دخل بيتو قدام بيتها و البالكون تاعو لاسق فديالهاايا هو دخل دوش و خرج غير بسربيتا و هي كانت غسلت القميص و حداتو صوطات مالبلكون ديالها لديالو ههه باش ما يشوفوهاش دخلت عليه و هو مريح فالبونك بلا تريكو ناض و قف و بدا يستغفر و هي قاتلو : شد يا المخلوع هاوليك قاميصك مسحت فيه نيفي حتى عشيت نغسل و نحدد بوقلوزة جايح حطاتو و جات رايحة شدها من يدها و جبدها ليه قعدو يغزرو فبعضاهم هي دابت في عينيه و هو تان قعد يشوف فدوك العينين و داك الفم امبعد فاق لروحو طلقها و قالها روحي لبيتك جات خارجة مالبالكون قالها : وين رايحة من تم هاهو لبابايمان : لا حنسويسيدي على الجاست تاع دوك يا بوقلوزةمعاد : روحي يا بنت الناس روحيخرجت مالبالكون وجات حطيح و ناضت تعيطحنمووووت حنموووت مازالني صغيرة حابة نتزوج يا ربي حنموت بايرة يا يما اسمحيلييخرج ليها معاد قالها : يا بنتي بركاي ما تعيطي نوضتي كامل الدار واش السينيما لي دايرتها اسكتيايمان : يا بوقلوزة بنتك سميها عليا يا يمااا حنموووت حنمووتناضو كامل على صوتها خرجو برا لقاوها معلقا فالبالكون تع معاد قالها خالها : واش داك لتما كيفاش حتى وصلتي تم واش صراايمان : يا خالو وليدك حاب يقتلني يا خالو جيت نقولو اسمحلي كي مغسلتلكش القميص رماني منا يا يما حنمووووت حنموووتمعاد : لا حول ولا قوة الا بالله يا بنتي انعلي بليس انا درتلك هكا ربي يهديك ابنت الناس دخل و خلاها هههطلع اياد و خالها جابوها ما هدرت والو معاهم دخلت تكسلت امبعد دخلت للفايسبوك و كتبت :#قريب_مت_بايرة خخخخ قعدت تخمم فيه كيفاش كان لاصق فيها موقبيل عجبها الحالوهو مسكين مكسل و يخمم فيها كي كانت تقولو حنموت باير و سمي بنتك عليا شبع ضحك و رقد يخمم فيهاجازو يامات و نهار ليو الحنا و غدوة العرس دارو العشا للناس و الزغاريت و الشطيح لبنات ڨلبوها بالشطيح هولوها و برا كانو يوجدو للحنا تاع اياد لمحارق الزرنا الزغاريت الحالة مهولةلبست ايمان جبة تع مروك و ماكيات هادي جبة شوية مستورة يعني مام كي شافها ما قال والو
الحلقة 10جاز داك النهار و رقدو ناضو بكري ليوم نهاار كبير بزاف ايد يتزوج بديك المطلوعة هههناضو صباح خملو البنا ت راحو كامل للحفافة و معاد راح مع اياد و صحابو للحفافكملو لبست ايمان روب بلو عريانا فالصدر و الضهر و طويلة بينتلها كامل لاطاي ديالها و طمت شعرها بينلها العضمات تاع رقبها و دارت ماكياج خفيف و كترت مالبوغدو فشواربها خرجت تهبل البنات لوخرين كاين لي لبست الطويل و القصير المهم جاو كامل يهبلوعماد لبس كوستيم بلونوي و طلع شعرو و تراسا لحياتو خرج يهببببلللل حتا اياد لبس كوستيم نواغ و دار بابيون بوغدو كان يهبللل هو تاني المهم جا وقت الكورتاج و ايمان رمات غير شال على كتافها و قاعدة تحوس معامن تركبمحبتش تركب مع معاد علابالها ما يخليهاش تزغرت و تغني هههشافها عماد دور هكاك بديك الروبة هبل ضرب على عقلو ما صابوش هبط يجري حكمها من يدها و طلعا فالطونوبيل و خبط الباب جا حيعيط عليها ركبو معاهم البنات سكت و بلعها في فمو راحو جابو لعروسة و ايمان كانت هابطة جيب الڨاطو المكراشة ههه قالها : تهبطي ما تلومي غير روحكمسكينة راح عليها الڨاطو هه لحقو لا صال و معاد ما حبش يدخل لغنا لداخل و النسا قعد برا و ايمان لداخل ڨلبتها بالشطيح و الزغاريت كل دقيقة تروح تحكم الميكرو تع الديجي و تبدى تزغرت هههلحق وقت لاغوب بلونش و اياد قال لمعاد بسيف تدخل معايا دخل معاد و قالهم يطفو الديجي دقيقة حتى يعاود يخرج كي دخل شافها قاعدة مع واحد و تڨصر هبل شد روحو بسيف كي خرج اياد و مرتو راح معاد جبدها من يدها و خرجها ركبها فالطونوبيل و داها لشط لبحر و هي ما قالت حتى كلمة لحقو للبحر هبط و راح جبدها من يدها و خرجهاوبدا يعيط و قالها : حابا تهبليني حتخرجيني من عقلي واش هاد اللبسة واش دايرا فعمرك واش الدصارة الزايدة مع الدراري واش حابة ديريلي وين حابة توصليايمان: اياااه بوقلوزة علاه راك تعيك و طير غير كون سبع و كولنيمعاد: يا محاينك لوكان جيت سبع نخبيك بين ضلوعي و نبعدك على الناس كامل لوكان جيت سبع نحارب ڨاع الرجال و ما نخلي حتى واحد يخزر فيكايمان : يا عمرييي بوقلوزة ولا رومنسيمعاد : اسسس ما تقولي والوو جبدها عنقها هي جمدتشدها من وجها و قعد يتوشي في وجها بيديه و يمسحلها فشعرها جات حتهدر سكتها ب.... امبعد جبد روحو علها و بدا يستغفر امبعد قالها اطلعي فالطونوبيل طلعت و هي مشوكية ملي صار و فالوقت لي كانت حتقولو نحبك جبد روحو ..طريق كاملة و هوما ساكتين لحقو بداو يسقسو فيهم وين كانو قاتلهم ايمان بوقلوزة داني لعشاء رومانسي و راحت و خلاتهم هو ما لقاش واش يهدر سكت حشم هبط راسو و طلع للشومبرتو
الحلقة 11هي طلعت بقات تخمم فيه و فاللي دارو معنتها يحبني علابيها دار هاك علابيها غار بصح واشبيه دار في رايوو من جيهة الاخري معاد طلع توضا و صلى و قعد يبكي و يطلب السماح من ربي على الغلطة لي دارها ليوم و قرر انو يرجع لاسبانيا باش ينساها و ينسى التخمام الخامج هداكملو يامات العرس تاعهم و خبرهم معاد بلي راجع لاسبانياسمعت ايمان بالحكاية و قالت هو ما يسواش لوكان جا يحبني ما يسمحش فياغد منداك راحت لبيتو صباح حكمت سروالو و حرقتهولو بالحديد ماللور كتبتلو فتركوواتو بوقلوزة يحب ايمان خخخ مريضة الطفلةالمهم هو كي فطن لقا سروالو محروق ما فهمش والو بدل سروالو واحدوخر و لبس التريكو بلا ما يفيق هبط و موجد فاليزاتو و رايح حتا شافهم كامل يخزرو فيه دار في بالو بلي كي حيودعهمحتي جات ايمان تجري امبعد شافت تريكو و ضحكت امبعد راحت ليهايمان : ااووو ماي قدڨوود بوقلوزة يجوطاميني و انا لا خبر
الحلقة 12معاد ما فهم والو معاد: واشبيك هبلتيايمان : يا عمري بوقلوزة دارلي ديكلاغاصيون داموغ يا يما اني نحلم انامعاد : استغفر اللهو جا ماشي و دعهم كامل امبعد باباه قالو يا وليدي بدل التريكو قبل ظا تخرج راس القزديرة راهي نادبتهولك نديبطلع لشمبرتو شاف روحو و بدا يضحك نحاه خباه و راح وصلوه للمطار الطيارة طلعت و هي قلبها خرج راحت للدار بكات حتى شبعت جازو ليامات و توخشاتو و هو ما سقسى ما حوس عليها انقطعو خبارو حتى على اهلوجازو 3 اشهر و ايمان والفت تعايشت مع الوضع ديالها و هو ما بان عليه خبر حتى نهار عيط معاد لاياد و قالو بلى راجع للجزاير بصح ما يخبر حتى واحدجازت سمانة و لخق نهار لي يهبط فيه معاد راح ليه اياد و جابو دخلو للدار و بدا اياد يعيطلهم جاو كامل و عنقوه توحشوه بزاف 3 اشهر ما عيط ما سقسىراح لشمبرتو و قال : راني رجعت ليك يا مجنونتيغد منداك صباح على 6 كان قدام دار ايمان
.الحلقة 13طب طب ما حل حتى. واحد هي كانت راقدة زاد طب طب حل عليه باباها تخلع كي شافو سلم عليه و دخلو و راح عيط ليماهاالام : عسلامة وليدي مرحبا بيك واش هاد الغيبةمعاد: عمتي جيت نخطب ايمان على سنة الله و رسوله هههه حبيبنا مزروبيماها ناضت تزغرت ههه قتلكم دار مهابل هي سمعت الزغاريت ناضت شعرها طالع فالسما لابسة سروال تع بيجاما كبير عليها شافتو ناضت تعيط : يااا بوقلوزة بوقلوزةيماها قاتلها جا يخطب وجها ما غسلاتوش ناضت تزغرت هههههبطت ريحت قدامو و بقات غير تزغرت و هو مهبط راسو يضحك قال باباها : يا وليدي لوكان جيت نعرف نزغرت راني زغرت هههالمهم تفاهمو على الخطبة جا نهار الخطبة و العايلة كامل فرحانة بيهم هي لبست غوب طويلة مستورة زعما ماشي نهار اللول تعريلو هههلحقو الخطابة و زعما قالولها ديريلو الملح فالقهوة هي خمت قالت والله نحرقلك القلب يا سي معاد كيما حرقتلي قلبيدخلو الخطابة للدار و بقاو يسقسو عليها جات و جابت القهوة (دارتلو فيها الهريسة مسكين ههه ) سارباتلهم و لحقت ليه تبسمت و هبطت وجها زعما خشمت هو كوبا لخطرة اللولة خرجتلو القهوة من نيفو ههه ناض يسعل
الحلقة 14ناضت قاتلو :عين يا بوقلوزة عين و صابتك هههههمعاد: هادا تراكتور دحسني ماشي عين صابتنيناضو يضحكو امبعد راح للدوش سڨم روحو و عاود ولا و هي تخزر فيه و تضحكالمهم تعدات الخطبة سلامات و تفاهمو على شهر العرس باش يعاود يولي لاسبانيافهاد الشهر ما تلاقاوش كامل و هي طيح و تنوض مع الجهاز تاعهاكلبت و دارت الويل فيهم هبلتم بالهبال تاعها لحق اليوم الموعود ناضت بكري راحت للحفافة ما حبتش دير كواف جبداتو و دارتو بابيليز و حكماتو فالكوتي و دارت ماكياج شباب و الله بديا البنات خرجت تهبل المهم راحت للدار و هي تالمون مزروبة على بوقلوزة لبست البرنوص و قعدت تسنى فالكورتاج برا ههه كي لحقو لقاوها عند الباب تسنى شبعو ضحك عاودو دخلوها باش تخرج تحت جناح باباها هي طالعة و تزغرت ( ايه ما قتلكمش معاد قال ما يديرش غنا في عرسو يعني فالساكت هو عندو لغنا حرام )
الحلقة 15امبعد خرجت تحت جناح باباها و داوها و هي تصفق فالطونوبيل تقول تهنات منهم ههه تزغرت وحدها امبعد لحقو لاصال الكالم دخلو غير بالزغاريت هي كي شافت الحالة هكاك الدمعة جاتها جامي دارت فبالها عرسها يجوز عالساكت و هي حافضة لغنا تع 48 ولاية ههه لحقت وين تتصدر شافت منا و منا لقاتهوم ساكتين و يڨصرو تقول ما عرس جبدت الدربوكة و يا وليييدييي طبل و تغني و تزغرت ههه توت اوبسيون هاد الطفلة ههه ناضو يشطحو و يزغرتو و يصفقو و يماها تندب فحناكها زادو جاو بنات خالاتها ولاو يغنو و يشطحو ناضت ڨلبتها هي تان ما حبستش تقول كانو شادينهاغير سمعت الكلاكصون تع الطونوبيلات عرفت بوقلوزة جا راحت تجري حكمت بلاصتها امبعد قاتلهم اتقو الله لا يجوز هدا مزمار الشيطان هههدخل معاد و معاه اياد و لافامي كامل معاهم اييه معاد ما لبسش كوستيم لبس اللبسة تع السعودي جاتوو تقتل مع العراقية فراسو خرج توووب دخل قاعد يخزر فيها باسلها راسها و قالها : الحمد الله راني بستك فالحلال و قدام ربي و عبادو
الحلقة 16عنقاتو ديراكت هههه امبعد قالها يا بنتي اهداي رانا قدام الناسقاتلو بوقلوزة رانا فالحلال قدام ربي و عبادو بركانا م لا يجوز تاعكدارلها الخاتم و زاد باسها فجبينها و خرجها داها للاوتال دخلو هو دخل دوش و خرج شافتو غير بالشورت صفارت خضارت حمارت ولات قوس قزح امبعد دخلت بالزربة دوشت لبست نويزات ماكيات خفيف سڨمت شعرها و خرجتااووو مااايي ڨووود هو قعد حال ناض ليها وبدا يقرب لسقها فالحيط و شدلها وجها بين يديه قالها : من نهار شفتك حبيتك من نهار قلتي بوقلوزة عشقتك من نهار لبستي قميصي ادمنت عليك و باسها في عينيهاغلطت نهار هربت منك سامحيني انا تان ما كنتش مليح مفراقك عمري لا كنت نتوقع نحب قبل ما نتزوج علا هادا هربت منك و من حبك سامحيني عيش حبيطاحت دمعة من عينها مسحهالها و قاللها ما تبكيش ما نزيدش نسمح فيك نتي كلش فحياتيايمان : مانيش نبكي عليك بوقلوزة علابالي ما عندك وين تروح بصح جعت ما كليتش مالبارح كرشي راهي تقر قرررر خبطها لراسها و قالها : حبيت نولي رومانسي فسدتيهالي ياخي قزديرة مصدية خخخراح جابلها لماكلة تعشاو امبعد و لا للرومانسية ديالو و هي ما كانتش مالمعارضين و صرا لي صراالحلقة الاخيرفطنت صباح لقات روحها في حضنو باستو و ناضت دوشت خرجت لقاتو مازال راقد و هي اكيييد ما تقدرش تريح عاقلة راحت عمرتلو وجهو بالشامبوا و خلاتو قعدت قدامو و قاتلو : بوقلوزة حبيبي نووض راه الظهرمعاد : جامي سمعتك قلتي معاد كي ناس دايمن بوقلوزة واش هاد لكلمة مين جيبتيها و اوووب حتى يحس في عينيه يحرقو زاد حكهم زادت دخلت الشامبوا مليح ههه ناض يحري مسكين يغسل فوجهو و عينيه حمورة و يدمعو ههه راح ليها لقاها قاعدة فوق البونك و تضحكمعاد : يا حبيبي ريحي عاقلة علاه ديري لراجلك حبيبك هكاايمان: ليوم الشومبوا غدوة الحار عس روحك حبيمعاد راح و قعد قدامها شدلها يدها و و قالها نحبك يا الموصيبةايمان : حتة انا نعشك في ماليك يا بوقلوزةعنقها معاد و ولاو للدار و بعد سمانة راحو لاسبانيا عندو دار لتما عاشو فيها هبلاتو و هي ولات تصلي و دارت حيجاب و معيشتهم مع بعض هبال هو رفد من هبالها و هي رفدت من عقالتو ههه رفدت بالكرش و هبلاتو بوحمها ما تحبوش يكون قدامها و هو عقلو طاير منها و هي جيبلي هادي و ديرلي هادي ولدت وجابتلو لينة الصغيرة فرح بيها بزاف و ولات تغير منها ههه المهم الملتزم ديالنا و لا مريول مع مرتو و عاشو كيما كامل الناس نهار حلوة و نهار مرة و دوك عندهم 5 سنين زواج و راهم يسناو فمولود جديد...
إرسال تعليق