1- كي يعيطلك و تسقسي عليه و هو تاني متبقايش ساكتة بينيلو إهتمام ديالك بيه و افهمي قصدي كيفاش تبينيلو مثلا سقسيه إذا تعشيت و واش كليت باسكو الراجل مهما يكبر يحب يكون بب ديالك كي تصب الشتا سقسيه قوليلو ديت بارابلي ؟ زعمة فكريه بينيلو بلي راكي تخمي فيه امبعد ادخلو فالموضوع💋
2- مع الأول لازم تعرفي واش يحب و واش ميحبش باش مديريش لعفايس لي ميحبهمش و حتى نتي لازم تقوليلو واش يعجبك واش لالا هذا وحدو سوجي طويل راح يحكيلك و نتي تحكيلو و هكا تلقاي واش تحكي معاه💋
3- سقسيه على الباصي احبسي ماشي تسقسيه معامن كان و شكون كان يعرف و شكون حب لالا سقسيه على الطفولة تاعو و قوليلو يحكيلك على عفايس لحلوين لي دارهم و اسمعيلو و ادخلي معاه فالديتاي حاجة ضحك اضحكي حاجة مضحكش مثلا عاش طفولة صعيبة و تميزر قوليلو معليش المهم راك كبرت و خرجت راجل و المحنة تخرج الرجال هكا يرتاح معاك و يولي يحكيلك كلش طلعيلو المورال💋
4- سقسيه بواش متعلق شكون يحب فدارهم فخواتاتو يقولك فلانة قوليلو علاه هي بالدات واش فيها سبيسيال واش دارت سقسيه واش يسيبورتي و قوليلو كي نتزوجو نولي نشوف معاك الماتش بصح بشرط نتا تان تشوف معايا الفيلم لي نحبو اضحكي معاه خليه يحكي و ياخد راحتو معاك💋
5- احكي على المستقبل قوليلو واش حاب دير بالمستقبل واش هو المخطط ديالك قوليلو واش كنت حاب تخدم و كيفاش حتى حبيت دير هكا و هكا احكيلو عليك قوليلو واش راكي حابة ديري نتي بالاك تلقاي عفايس مشتركة بيناتكم تزيد تحلى القصرة و تحسو بلي راكم قراب من بعضاكم 💋
6- سقسيه وين راح لبلايص لي حوس فيهم الولايات لي زارهم اتعمقي معاه فالهدرة و بينيلو بلي راكي تسمعيلو و راكي متشوقة تزوري هديك لبلاصة كي حكالك عليها سقسيه واش عجبو فيها و إذا كنتي زرتي كاش ولاية احكيلو نتي تان💋
7- إذا كنتي مداصراتو بزاف ولا خطيبتو سقسيه على العادات ديالهم ولا طبايع تاعهم فالدار كيفاش يتعاملو مي إذا كان موسوس ولا متهدريش هكا💋
8- مرة على مرة غنيلو سقسيه على الغنية لي يحبها و غنيها سوغتو إذا كان صوتك شباب 🎶
9-شوفو فيلم كيفكيف ونتوما تهدروا في تليفون واضحكوا كي جي لقطة ضحك قصروا راح تحلا ويولي يحب يضحك معاك ويعيش 🙂♥️
إرسال تعليق