وحده جاها عريس 💍عيطت لحبيبها : هي : الو 😢 هو : واش بغيتي ثاني 100 مرة قلتلك ما تعيطيش 😡😡 راني رايح مع صحابي مكلاه ديرونجيني 😠😠 هي بكات وقالت ليه : اسمح لي ديرونجيتك 😔 هو : اوكي اوكي المهم قطعي راني وصلت عند اصحابي😒 هي (تبكي): كون هاني هاذي آخر مره نعيطلك فيها 😭 امها شافتها تبكي و قالت لها واش بيك😨 هي : انا نبغي واحد و عيطت 😭نقوله جا واحد يخطبني وهو باعني باصحابو. 💔😔 امها : تستاهلي بنت الكلب. تخلي لي باغي يدير معاك الدار و تجري مورا لي ما يسقسيش عليك 😱 هي : خلاص حتى انا كرهتو ضرك 😔 امها : خلاص نوضي غسلي وجهك و مشي شوفي العريس راه فالصالون😒 هي : راحت💔 غسلت وجها و لبست و مشات عند العريس .. وعينيها حمورا من البكا و وجها في الأرض .. ما قدرتش ترفع عينيها باغية تشوف غير حبيبها 😔 هو : ممممممممم .. ما ناوياش تخليني نشوفك 😉 الصوت ماشي غريب عليها بصح هي ما قادراش ترفع راسها 😔 هو : هزي راسك شوفي فيا ؟ 😏 شافت فيه 😍😍 وطلع ماشي حبيبها 💔طلع قدور مول الحانوت لي حدا دارهم حتى انا حسبتو حبيبها 😂😂😂🥴 أقسم بالله 🤦🏻♂️🐸❤️
قالك وحدة كانت قاعدة مع راجلها وباباها و2خاوتها ايا جات بنتها قعدت في حجر خالها وقاتلهم اسكتو كامل خلوني نهدر حتى نطق باباها وقلهم ايا اسكتو كامل خلو بنتي تهدر قاتلهم لبارح بابا كان يرضع في بزولة ماما
راجلي كان عريس جديد ايا طلع لشومبرته فالليل وانا قعدت شايخة فالحوش كنا حنا بزاف سلافاتي وعجوزتي وهو مالبالكون تاع شمبرته يرمي فالحجر باه نفهم روحي 😌 ناضت عجوزتي قاتلي يابنتي نوضي قودي روحي عنده قبل مايعمي وحدة فينا 😂😊 شكون تحكيلنا حكايات صراااو هكا لعروسة جديدة
كان عندي عرس دوشت ومشيت عند كوافيرة وواش نقولكم خرجت نهبل 😍كي روحت من عندها مع العرق واستنيت عندها بزاف قلت نعاود نشلل روحي بلا مانتوشي شعري ايا درت الماء ف باسينة وقعدت نكب غير بشوية باش مانقيسش شعري ومكياج وفالاخير كي كملت وانا في كامل قوايا العقلية رفدت باسينة وفرغتها على روحي من راسي حتى رجليا
عدنا خويا صغير ديما مهبلنا 🤪 نحب نبول نحب نبول ... ماما وصاتو قاتلو عيب عليك ديما تقول هاك 😂 قاتلو منا و جاي ولي قولي نحب نغني ايا مشات ليام و راح لعند جداتي ناض نص الليل قالها يومأ نحب نغني 😂 قاتلو ارقد تغني ضرك ؟ عيب قالها والو لازمني نغني قاتلو اوكي غني مالا في وذني 😆😆 المهم اخر صوت سمعاتو جداتي الله يرحمها صوت شرررررررر 😂
جداتي قالت لبابا عيط الخوتك اليوم ونديرو غدا مع بعضانة نتلمو قاللها بابا اوك نضنا صباح انا وماما فرزنا دنيا طيبناغدا دوشتها ..وهيا تدعي فيا 😍😍 مهم تغدينا قالتهم حبيت نهدر معاكم و فامر مهم ... مهم بدات تهدر معاهم لباس عليها . ياوليداتي ..ياكبيداتي ..يالي تمحنت عليكم لهاد نهار ليشفتكم رجال ونساا .. هوما مساكن يبداو يتاترو واحد يبوس في راسها واحد يحضن يبداو يقولولها ربي يطول عمرك ويخليك لينا ونردولك شوي من خيرك😞 ... حتى تبدا تدخل فصحيح قلتلو لعمي اولد القح..... شتك تبوس وتعاود غير الخير خدي نحيتو وبلاك تبعدني لا نندبلك وجهك هههههه هاو ولاد الهجالة ..اولاد الكبولة ..يالكبابل ليجبتكم حرام فلحرام قلت تخرجولي رجال فلخر خرجتولي هجال .. قلت العمي وانت ياوجه الڨنفود ليتمشيك مرتك كيلبغل من ودنك ههههههه زادت لعمي خلاف قلتلو وانت يارجلين العرف تع زرودية شوف معايا ودبل في عينيك كطفلة ليتهرب بلكرش ههههههه ... بعد سخط هدا كامل قلتلهم ميهديكمش ربي ياوليداتي وتدوني للحج كيما حفصة ..ولا هيا عندها ولاد وانا عني . كلاب ...زادت سكتت سكتت شافت مع مرت عمي قلتلها وانتي يا وجه نافسة شكون قالك ارواحي اهدري نوضي نممي اخرجي زريعة هههههههههه هيا زيد بزايد نممو عليا واحد ميقعد هنا قودو قودو جبتو معاكم ريحت لبقر ولمعيز ...تقول الما مقطوع عليكم ربي يسترنا...مهم انا راني كنت فلكولوار نتمرغ بضحك وهياةقالتلها الماما انتي شتي هاد الكبولة كون تدبحيلها راقي بكمالو متبراش راه ضاربينها هدوك ناس
حكايتي مع جوطابل ايا كان في عمري 4 سنين ولا 5وكان عرس جارتنا نصيرة ...ماما دوشت كي كملت خرجت دخلت انا وراها ونلقى داك جوطابل لصفر ويا فرحتي هزيتو ونعطي حاجبي حففتو كامل ملحد للحد مبعد حطيتو وكأن شيء لم يحدث ورحت ليها اجدايا وتهز ديك العيطة حكمتني زرڨتلي جنابي قالتلي والله مراكي متبعتني للعرس ايا انا غير سمعتها حلفت ورحت للحوش نندب ونتمرغ فتراب وجا قرندايزر تاع خويا كترمني ب 6 سنين لقاني نبكي ونندب شاف ديڨا لي درتها في عمري ناض يسكت فيا ومحبتش نسكت قعدت نضبح على راسو نروح للعرس نروح للعرس نشفالها كي ليوم وجهي يتلاصق بدموع وتراب ولخناين ولا يشبه لكلش غير للوجه لالا مبعد خويا شمخ تريكوه ومسحلي ندب لي في وجهي مبعد حبيبنا راح جاب جوطابل كمل نحالي لحاجب ثاني وعاود رسمهوملي بستيلو كحل وداري مكياج من قجر تاع ماما ماخلى لا لحماير لا لخضر فوق لعين تقول مضروبا للوجه مبعد حكم شعري كان مكشرد منديب طلسهولي بلكوكوني حتى ولا يابس مقرقد جيت كي لمحرقة نشفا كنت لابسة واحد.روبة تاع لكتان نحاهالي ونفظلها لغبار ورجع لبسهالي لحاجة لوحيدة لي دارها تصلح غسلي رجليا ولبسلي صندالة تاع لبحر وطلڨني نجري عند ماما فلعرس تالمو كنت مبدلة بزاف معرفتنيش مولات لعرس داتني لصالة وتقوللهوم بنتمن هاذي كامل قعدو يشوفو فيا حتى ماما معرفتنيش من صدمة عقدتلها لسانها وانا شفتها قولتلها هاهي ماما رحت نجري ليها نسا قعدو حالين فامهوم فيا. جيت نشبه للغجاريات ماما قريب ناضت تبكي حكمتني من روبة خرجتني برا قالتلي شكون دارلك هكذا قولتلها خويا بكل فخر قالتلي روحي عيطيلو يجي رحت نجري ليه فرحانة رحنا ليها وتحكمنا فيزوج نجوم شفناهوم فعز ضهور ويا دلالي شبعنا مخبط تالمو لعرس قاعدلي في قلبي عاودت وليت وقعدت فلكوزينة كل دورة يمدولي ناكل حسابلهوم متشردة مرجعتش لدار حتى غسلو اخر برمة تاع شربة كي لحقت لدار لقيت ماما تندب عليا وتقول بنتي هربت مدار كي ضربتها كون غير ديتها معايا كي لقاتني زادت حكمتني زرڨتلي جنابي نصيرة تزوجت وانا شبعت تبهدايل ومخبط
وفجأة تفكرت ليلة دخلة تاعي كي جاء وقت لكورتاج ناضت لحرب بنت خالتي فاق بيها خوها رايحة تركب مع خطيبها في لكورتاج أعطاها طريحة تاع كلاب راحت تنذب وبنت عمتي قالها حبيبها مكيش متحركة للكورتاج لوكان تموتي وراحت تندب في جيهة وحدوخرا وناضت لحرب بين خالاتي وعماتي كل واحد يقول أنا نركب مع فلان وزيد ولد عمي ضرب خوه بحجرة فتحلو راسو ادوه لسبيطار ونا من الخلعة جاتني : ليغاڨل ورحت دايرة ليكوش
إرسال تعليق