الحلقة الأولى
انا طفلة عمري 15 سنة نقرا اولى. ثانوي المهم انا وحد المرة فتحت كونت فيس جديد لأول مرة فتحتو وكانت دايما ختي توصي فيا متخلطيش بزاف متحكيش مع ذراري دايما توصي فيا بصح وحد المرة ابعثلي واحد المرة لولة ترددت مبغيتش نقبلو مي دخلت البروفايل ديالو لقيتو ناشر حوايج ملاح ستاتيات شابين يبان مميز ابخي انا قبلتو اوك تعرفنا على بعض قالي انا اكرم عمري 20 سنة أو تفاجئت كبير بزاف عليا معليش بيقانا نهدرو مع بعضانا كان دائما يجي يحكيلي واش صرا معاه في نهار بالتفصيل يكون عندو مشاكل يجي يحكيلي وانا تاني كي نكون حزينة ولا معمرة نروح نفرغلو بصح نهدرو فيس برك كنا غير ديزامي ايا وحد لمرة جا قلي سلام مع العلم هو دايما يقلي مرحبا ماي فرند ولا هاي جامي قلي سلام اللمهم قتلو كيراك قلي منيش صفا قتلو علاه قالي واولو مبغاش يهدر قتلوو مالك احكيلي قالي والو معليش بداو فترة الامتحانات ديالي انا كنت دائما لولة في لقسم ، بداو الامتحانات ن غلقت الفيس يامات باش نجوز الامتحانات ، ايا نلقا روحي غير نخمم في اكرم . مالو اكرم هذاك نهار واش صراولو واش كاين نلقا روحي توحشتو انا عرفت عرفت روحي صاي حبيتو صح . جازو الامتحانات مجبتش معدل شباب نقصت يعني بزاف لأنو كنت في وسط الامتحان نفكر في اكرم كل تخمامي عندو مركزتش ڨاع ايا ختي شكت فيا قاتلي ملاك مالكي تراجعتي في قرايتك قتلها مكان والو
الحلقة 2
ايا قررت نفتح الفيس بعد ماجازو الامتحانات لقيت اكرم مدايرلي بلوك انا صاي ثم حبست تشوكيت بصح معليش هو شكون حتى نخمم فيه المهم كملت يومي عادي ايا في ليل بديت نفكر في اكرم علاه دارلي بلوك واش بيه واش درتلو تا لقيت الدمعة طاحتلي بعد قلت نوونونو منبكيش لازم علاه نبكي عليه هو شكون المهم فاتو يامات وانا مش ناكل و مش نرقد في ليل نخمم في اكرم ايا وحد نهار دخلت للمحادثات ديالي مع اكرم.بديت نتفكر كي كنا نسهرو و كان يقلي روحي ترقدي راح لحال وانا نقلو لا مزال يقلي دك نخرجلك من تلفون نقتلك روحي ترقدي.. ثم طاحتلي الدمعة بقيت نبكي و نقول واش درتلك اكرم علاه برك ..... اعترفت لروحي بلي نحبو بيسك كنت دائما نقول لالا منحبوش مزالني صغيرة واشمن حب هذا .... بقيت نبكي تا جات ختي قاتلي مالكي ما صبت واش نقول قتلها نبكي على المعدل لي ديتو مش شباب
ختي شكت ايا خلاتني رقدت و ردفدت تلفوني ايا دخلت للفيس ديالي بدأت تحوس فيه تا لقات محادثاتي مع اكرم فهمت كلش ايا غدوة صباح قاتلي ملاك ختي عيشي خيرو في غيرو ونت دك ركزي على قرايتك هو رخيس فوت بيك لوقت و راح ايا قتلها اسكتي متقوليش هك عليه دابزت انا و هي وهاديك كانت أول مرة نعيط عليها ختي سكتت قاتلي اوك وجدي روحك و روحي تقري راح لحال رحت نقرا عادي جاز سمانة واناووختي مدابزين صبت روحي انا لغالطة روحت اختي قتلها اسمحلي خسرت معاك قاتلي معليش ختي ني فاهماتك بلي تحبيه وهو أول حب ليك بصح صاي راح علاه راكي تعبي في روحك و تخمي فيه راكي تهلكي في روحك في لباطل قنعتني ختي صاي بديت نركز في قرايتي وليت منفتحش الفيس ڨاع ..فات 15يوم فتحت فيس تاعي لقيت واحد بعثلي انفي اسم الفيس ديالو اكرم اكرم قلت بلاك كشما واحد برك المهم دخلت لطلبات المراسلة لقيتو باعثلي ميساج (هاي ماي فرند ملاك أنا اكرم ) تشوكيت علاه جا دوك واش يحوس معليش قبلت نهدر معاه
الحلقة 3والاخيرة
قتلو سلام قالي كيراكي قتلو صفا حمد الله وانت قاالي مش صفاا قتلو ربي يفرج .. قلي ملاك توحشتك .. انا تما تقلقت قتلو ااااا جيت تفوت بيا الوقت روح كاين بزاف بنات .... قاعدة غير نسب فيه وهو يقلي ملاك ملاك بغيت نفهمك اصبري ملاك رحت لختي قلتها قاتلي اهدري معاه شوفيه واش يحوس اوك معليش رحت قتلو واش تفهمني هيا منعنديش وقت ليك هيا اهدر بقيت نستنى فيه يرد ايا بعثلي ميساج طويل بزاف قالي فيه ( ملاك انت افضل طفلة تعرفت عليها في حياتي ملڨري متشفتكش و مام صوتك مسمعتوش بصح تعلقت بيك بزاف لأنو نت مختلفة على لبنات لخرين بزاف تحترمي الاخلاق و طفلة مربية تشافاي ساعات ندابزو كي نقلك منصليش و ڨاعو تشفاي ...... المهم بغيت نقلك ملاك أنا تعلقت فيك بزاف و حبيتك صح محبيت حتى وحدة قبلك وانا هذاك نهار خطبتلي ما بلا منعرف وانا كنت نحبك نت بصح حتمت عليا ماما قلت بلاك ننساك بصح مقدرتش قلت لماما راني نحب وحدة منقدرش نعيش بلا بيها و فسخت خطبيتي علا جالك والله غير نحبك اسمحلي بزاف ) انا تشوكيت و فرحت في نفس الوقت قلت لاختي قاتلي قلو يصبر عليك اذا يحبك صح مزالك صغيرة قتلو قالي نصبر حياتي كامل على جالك المهم ذك عمري 20سنة جا خطبني صح كبير عليا بصح لحب مش بالعمر ولا بالمظهر لبنات كي تحبي تعماي ..
إرسال تعليق