الحلقة 1
انا حكايتي بدات كي كان في عمري 22سنة انا كنت الطفلة الوحيدة عند والديا بخلاف خويا رياض اللي كتر مني ب 5سنين .كانت الحالة المادية تاع اهلي الحمدالله مرفهين خويا كان حاب يكمل قرايتو برا البلاد والحمد لله حقق حلموا وخرج قرا في لندن اما انا كنت حابة نخدم في مجال القضاء وكتبلي ربي وليت نقرا في كلية الحقوق مي كانت الكلية في ولاية خلاف الولاية اللي نسكن فيها وانا كنت نخاف نبقى في الاقامة من الاقوال تع السحر والحكايات حذوك. كريت دار صغيرة في عمارة وكانت قربة من وين نقرا ومعا ليام فتحت مكتب باه نبدا نخدم. كانوا والديا يجو يزوروني كل شهر ويقعدو عندي مدة ويروحو علاجال الخدمة تاع بابا . جازو اليمات وانا معا القراية والخدمة مكنتش نصاحب لبنات بزاف . قلت نتعرف علا الجيراني باه منقعدش وحدي وكيما كان الحال تعرفت على جارتي الاونفاص لييا كانت مام هي صغيرة ومزوجة عن جديد كانت ناس ملاح كي طيب شي حاجة تبعتلي وانا كفكيف ولات هي صحبتي. وحد النهار جيت داخلة للعمارة تلاقيت واحد العجوزة رفدة القضيان قلت خلي نساعدها ندي فيها اجر. روحت ليها قتلها طاطا خليني نرفد عليك قضيان قتلي كتر خيرك بنتي واكوا تعرفوا دعواة العجايز ربي يخليهم .قلتلها وين تيكني قاتل دوزيام ايطاج على لدروات ايه يعني فوق داري اكزاڨت. المهم وصلنا حلفت ندخل ونشرب معاها قهوة دخلت قعد كانت دارها شباب ومسقمة تدي لعقل. حكينا شوية قتلها بلي انا سكنا وحدي ومنا وحكتلي هي شوي علا روحا والله عجوزة تهبل المهم هبط للداري وليت انا ولعجوزة رفقه 😁 تجي تقعد عندي نروح عندها جازوا اليمات حتى وحد النهار قاعدة نجهز فالعشا حتى....
الحلقة 2
حتى نشوف فار 🐭 وليت نعيط خفت خرجت نجري بالخف ندقدق علا سميحة (جارتي الانفاص) تفكرت بلي خرجت تتعشى معا رجلها وليت نندب في سعدي تفكرت طاطا مليكة جريت ندقدق فتح علييا واحد الجون يهبل اسمر وطويل وعنيه عسلي ومن وراه طاطا دفشتو ودخلت عند طاطا نبكي (الله غالب صح زوتها شوي مي كانت عندي فوبيا من الفار مرة عضني قعدت شهر وانا ندير في اللبرة) وطاطا تهدن فييا مام هي خلعت حسبت واش صرالي حتى جا حداك جون وجاب و فاليز صغيرة ودربلي اللبرا تاع مهداأ اه هو طبيب كي هدنت حكيتلهم ماتوا عليا دهك. قلي اعطيني لمفاتح درك انا نفكلك لبروبلام وكيما كان الحال راه قتلو وبات تما علا خاطر انا قعدت عند طاطا ونمت عندها .الصباح كي فقت كان لازم نروح للداري نبدل قشي ونروح نخدم كان عندي دوبل تاع لمفاتيح دخلت لقيتو راقد فالصالة مسكين. جزت للشومبرا بدلت قشي وحضرت قهوة محبيتش نودو من النوم قلت نخليه كتبتلو ورقة وشكرتو وحتيتلوا القهوة وخرجت لعشيا كي روحت من الخدمة زدت تلاقت بيه كيما باب العمارة شكرتوا وطلعت للدار بدلت قشي وكنت جايبة شوي قاطو قلت نروح عند طاطا ونعرف شكون هذا ؟؟ ,,,,,,,,,طلعت حكينا وسقسيتها قتلي بلي هدا اسموا عصام يخدم طبيب وهو وليد ولدها والديه ماتوا كي كان صغير وهي رباتو .انا دمعة حبتطلي كي حكاتلي. وحد النهار جاو دارنا يقعدو عندي وكانو حبين يتعرفو على جيرانا prs كنت ديما كي نحكي عليهم للماما في تليفون .لعشية عرضتهم وعرضت سميحة تعشينا وروحت سميحة ورجالها كانت شوي مريضة (كانت تتوحم) زدنا شوي وقت طاطا وعصام روحوا بابا عجبوا عصام لدرجة كبيرة .والديا جوزوا يمات وروحوا. وحد نهار قاعدة مع اوراق تاع الخدمة حتى نسمع صوت الخبط والتكسار في دار عصام...........انا طلعت نقرعج ونشوف واش كاين انااا طلعت ونلقى الباب مفتوح والعياط وطاطا قاعدة في لرض وتبكي انا تخلعت ودخلت نجري عندها عنقتاه ونهدن فيها وعصام كان قلقان لحاجة اللي تجي فطريقوا يكسرها والطاطا تبكي وتقولو بركا متقلق روحك انا كي شفت طاطا في هديك الحالة غاضتني وبكيت معاها عصام خرج وغلق الباب بقوة انا قعت نواسي في طاطا ونهدن فيها حتى هدنت ورقدت. قمت قلت نروح نلم الزجاج المكسر حتى نسمع في الباب تفتح انا كنت نجمع في الزجاج حتى لقيت عصام قدامى تخلعت وقفت دنا لييا وريحتوا كانت متعجبش (ريحت الخمر) قتلو عصام تعيش بعدني خليني نروح لداري زاد دنا ليا كتر وانا قلبي راح يخرج من مكانوا من الخوف مسكلي يدي ويزير ويقولي شكون نتي واش دخلك في حياتنا ويزير انا دفشتو بقوتي كامل وحربت نجري حبط لداري نبكي وليت نقول في نفسي ايه واش دخلني انا وعلاه نروح ونبكي حتى لقيت نفسي رقدت. نضت صباح دخلت للدوش ندوش حتى نسمع الباب يدقدق مصلحتليش نروح نشوف شكون ولا نفتح. كملت دوش لبست حوايجي وجيت خارجة روحت للباركينڨ (كانت عندي طاكسي صغيرة برك) لقيت عصام في سيارة تاعو خرج راح يحكي معايا زربت ركبت في السيارة تاعي وديماريت لحقني وغلقي طريق قالي حاب نحكي معاك قتلو مزوربا معنديش الوقت قتلو بعدلي svp. هو دنا لهيك انا ديماريت مزوبا روحت للخدما لعشية كي وليت تلاقيتو مهود من دارهم جا راح يحكي معايا قطعتلو لكلام وقتلو dzl مكانش لازم ندخل في امور ميخصونيش dzl pour la 2eme fois. ودخلت للدار بالخف ماخليتوش منبا يهدر وجوزت أسبوع كامل نتهرب منوا محبيتش نحكي معاه. مرة كنت قاعدة عند سميحة حتى نسمعو في صوت سيارة إسعاف خرجت سميحة تشوف شكون وبالخف ولات عندي وقاتلي طاطا طاااا طاا مليكة انا تخلعت وقمت نجري ....
الحلقة 3
روحت بالخف لحقتهم l'hôpital قعدت نسنا خرج عصام من عندها من الغرفة روحت نجري ليه قوتلو طاطا واش صرالها قلي بلي جاتها ازمة قلبية مي دورك راهي الحمدالله قوتلو بغيا نشوفها قالي لازم ترتاح بعد شوي تقدري تجوزي تشوفيها. قالي معليش نقعدو في الجنان تاع l'hôpital نحكو مي svp اسمعي مني مرة وحدة برك قوتلو OK . قعدنا في الجنان قلي اسماء كانت اول مرة نسمع اسمي بالحلاوة هادي هههههعع قالي هاديك النهار كنت زعفان وخرجت زعافي عليك dzl dzl والله ماكنت في حوالي اسمحيلي علابالي كنت قاسي معاك وقستك بزاف مي svp انساي وخلينا نكونو des amis وكان باين عليه بلي ندمان. انا محكيتش حتى كلمة. قالى اسماء وصلني جوابك. وقف راح يروح قتلو نسمحلك بشرط قلي اطلبي لي تحبي قوتلو قولي واش خلاك تولي في هديك الحالة. في لحظة شفت ملامح وجهو تبدلو .انا قتلو ادا شيء هذا يزعجك مشي مجبور تحكيلي. قالي لا راح نحكيلك قالي بابا مات وانا صغير وخلالي ورث كبير و بحكم كنت صغير كان عمي هو الوكيل على هذا الورث مي عمي كان يبحث يدي الورث كامل لنفسو وحدو ونجح في تزوير الاوراق و اصبح كل شيء باسمو مام الشريكة ديال بابا كانت على اسمو بدللها الاسم ونسبها ليه كان يحكي وهو مدمر. قوتلو عصام تسمحلي نساعدك ونمسك القضيا تاعك وراح نساعدك انشاء الله. قالي اسماء محبيتش نعضبك معايا قتلو راح يفرحني شي هدا قالي ادا نتي راح تكوني سعيدة مام انا .انا حشمت قالي نروحو نشوفو جدا دخلنا عندها لقيناها فاقت ولقانتا نضحكو وفرحانين مام هي فرحت جوزت 3جوف في l'hôpital وخرجانها كثرو خرجاتي انا وعصام كنا نروحو ونجو مع بعضانا وحد اليوم جاو واحد لبنات يقربولو يزورو جداه انا كنت في الكوزينة نحضر في القهوة وكانت وحد الطفلة تقربلو معايا جا عصام قالي اسماء نحتاجك دقيقة. روحت ليه قالي لقيت واحد الوثيقة تثبت بلي عمي زور كلشي انا شديتها وقريتها لقيتها بلي تفيدنا وفي جلسة واح يكون لحكم لينا. من شدت الفرحة عنقتو بلاما نفيق وهو دحك يايما على حديك ضحكة تهبل رجعت للكوزينة لقيت هديك بنت تشوف فيا شوفا متعجبش قاتلي اسمعي بلاكي عينك علا عصام. عصام ديالي انا ولوكان نشوفك معاه عينيك نقلعهملك وديجا هو عندو غير خدمة معاك وكي تخلصوها راح ينساك. انا وجعني كلامها مي مخليتش حقي يضيع درت ليها وقلتلها بطريقة ستهزاء هههههه عصام يشوف معا وحدة كيما نتي محال لازين لا طاي لا مستوى انتي هي اخر واحدا راح يشوف فيها عصام. قتلها انا رايحة عندي خدمتي تستنا فيا ونتي اقعدي معا الكوزينة وجيت خارجة لقيت عصام كيما الباب يضحك مشيت روحت عند طاطا قتلها اني رايحة عندي شغل اومبعد نتصل بيك قاتلي روحي بنتي وتهلاي في روحك ربي يخليك لينا وهديك المصفارة راح تموت. خرجت لحقني عصام قالي اسماء درت قوتلو واش حبيت قالي لكلام هادا لييا قوتلو لواحد يشبهلك (الله غالب الهدرة تاع هديك المصفرة خلاتني نحكي معاه هكا) قالي اوكي مي عجبتيني كي رديتي عليها.ونتمنا متكونش هدرتها اثرت فيك prs هي متهمنيش تهميني نتي. انا قلبت وجهي عليه ومشيت مي في قلبي فرحة كبيرة. جاز اسبوع وصل يوم الجلسة حضرت كلشي قبل ما تبدا الجلسة جا لييا عصام وقالي اسماء مهما تكون نتيجة راح نكون فرحان انك وقفتي معايا انا قلبي بدا يخبط 100في الدقيقة دخلنا للجلسة وانا خايفة كانها اول قضية ليا بدينا نقدموا الادلة و الطرف الاخر يعارض كل طرف كمل وقدم كل شيء عندو جا وقت النطق بالقرار شفت عند عصام لقيتو يشوف عندي وعينيه يلمعو لمعة غريبة زادت من توتري. القاضي حكمت المحكمة بعد....
الحلقة 4
بعد تقديم ادلة وبراهين لصاحة الطرفين بان الاملاك المختلسة من طرف *****تعود الى السيد عصام ****وله كامل الحرية في تصرف فيها. عصام من الفرحة جا ليا وضمني عندو وقالي كنت عارف راح تنجحي انا ملقيت واش نقول. طلقني وجبدلي حزمة من النقود وقالي هاذا حق المجهود اللي بذلتيه من اجلي شفت في عنيه وقتلو عصام شايفني مادية الدرجة هادي سواردك خليهم عندك رفدت حوايجي وجيت ماشية (حاسيت انو قلل من قيمتي بالتصرف هذا كنت نستنى منوا تصرف أخر مكنتش عرفا وشي هو) روحت في الليل عيططلي ماما حكيت معاها حتى 3 تاع صباح قاتلي بلي خويا رياض روح من لندن انا فرحت للدرجة كبيرة لغدوة انداك روحت للدارنا ومخبرتش طاطا من الفرحة نسيت كي وصلت لدارنا غلقت top باه ميديرونجيونيش قعت لتما 15جوغ وروحت انا و خويا رياض في طريق فتحت tlp لقيت 50appelé من عند عصام تخلعت كي وصلنا خويا دخل للدار يرتاح وانا روحت للمارشي نقضي للدار مكان حتى حاجة تتكل كي وليت للدار لقيت عصام قتلو عصام كيراك صافا قالي صافا ؟؟؟؟ قالي روحتي و خلتيني وحدي انا مكنتش حاسب بلي الجاست اللي درتوا في المحكمة راح يزعجك واني روحت وبعدتي و قفلتي tlp انا راح نهدر جا ليا رياض وعنقني وقالي حبيبا مقلتيليش شكون هذا (خويا كان يدللني بزاف ) دنا ليا عصام وقالي في وذني جبتي حبيبك معاك ربي يهنيك معاه. انا تشوكيت كي روحت قالي رياض شكون هذا واش بيه عامل هكا محبنيش. انا قتلو نو نتا مفهمتيهش برك... قالي يخي قلتيلي راح تعرفيني علا جيرانك قتلو ايه فليل نعرضوهم يتعشو عندنا قالي ايه... روحت نعرض سميحة لقيتها مكانش. طلعت عند طاطا لقيت عصام تما قاتلي جوزي قوتلها لا عندي شغل جيت نقولكم تجو تتعشو عندنا نعرفكم بوحد شخص عزيز عليا بزاف. قاتلي طاطا شكون هذا. قتلها كي تجو تعرفو نخليهاكم مفاجأة وجيبي عصام تاني....قاتلي معليش إنشاء الله نجو. وكيما كان الحال جاو وقعدنا نتعشاو ونتمسخروا ورياض يقلش فييا وعصام قلبو راح يخرج.. قاتلي طاطا معرفتيناش شكون هذا قوتلها هذا حبيبي وحب حياتي ودنيتي كل عصام قريب ينود يكرفصني نطق رياض قالها متشوفيلهاش خالتي هذي ختي المهبولة ديالي هنا عصام قلبو تهنا. روحو غدوة منذاك انا رايحة نخدم جا عندي عصام قالي صباح الخير اسماء قتلو صباح النور قالي حبيت نشكرك كي وقفتي معايا قاطعتو وقتلو هذي خدمتي ماشي مزية مني دنا ليا وضمني قالي علابالي قستك بكلامي مي واش ندير نتي فورتيلي دمي.. قوتلو عصام انا واش بالنسبة ليك حتى تكون ردة فعلك حكا انا كنت حابة نسمع كلمت نحبك من عندو مي هو سكت ومجاوبنيش انا كملت طريقي جوزت 15 جوغ وانا وعصام بيناتا غير صباح الخير خويا روح ورجعت نقعد وحدي فدار ...واحد اليوم اللي عمري ماننساه كان اسوء يوم في حياتي جاني اتصال رفدت قلت الو شكون معايا وانا نسمع صوت بكا وعياط خفت قطعت الاتصال زاد عاود رفدت عليه قالي اسماء اسماء عرفتو صوت رياض مي بيه حاجة وصوتو معجبنيش قالي ختي راحو وخلاونا راحو يا ختي وانا نقولو عصام شكون ونبكي قالي ماما وبابا ختي بقينا وحدنا طرطقت بالبكا والعياط وملقيت مندير خرجت كي البهلولة نجي ونعيط حتى تخبط في عصام رفدت راسي لقيتوا عصام عنقتو ونبكي ونشهق ونقولو ماتوا خلاوني وحدي خلاوني واحدي عصام تخلع طلعني للدار دارلي مهدء بديت نحكيلهم عصام عينيه دمعو طاطا ولات تبكي معايا قالي عصام هيا نروحو با نلحقو للدفينا..
الحلقة 6
علاه راك دير لليماك حكا هذي يماك وهو قالي يما ماتت قوتلو واش لكلام هذا قوتلو انا لوكان نلقا كيفاه نرجع والديا للحيات نرجعهم ودموعي يسيلو شدني ليه وقالي هادوك كانوا صح والدين مي هذي هربت معا حببها وخلتني انا وبابا نقاسيو قوتلو مهما يكون تبقى امك ولو انك تحبني صح خليها توقعد معانا قالي علا خاطرك نخليها انا فرحت قلت راح تكون كي ماما وفي مقامها جازو اليمات وام عصام مليحة معانا وعصام بدا يتقرب منها عوضاتوا الحنان اللي تحرم منوا بصغروا ومعا اليمات عصام تعلق بامو وانا هاذا الشيء فرحني مي مع الايام حياتي بدات تتغير جاء خويا ومراتوا ولدت مراتوا وجابت طفلة تهبل سمتها شهد ام عصام كانت تشنف على رياض ومرتوا ومتحبهمش مكانت ماتتفهمش هيا ويما مليكة كانو ديما يتناشعوا .روح خويا رياض ومرتوا. و ام رياض بدات تبد معاملتها عليا عات تشكي من خدمتي ونتي متحكميش دار ونتي واش داك تخدمي معا الرجال وتعلق على قشي ولبستي و تحب تتحكم في الدار انا قلت العجايز قاع حكا معليش وحد اليوم كنت مروحة من الخدمة وعصام كانت حاكماتوا شوي لڨريب وانا معلاباليش ماقاليش انا دخلت للدار ..... قاتلي واش الالا نتي مصباح وني برا غير الخير وراجلك مريض في حالة قوتلها واشبية وينوا عصام قاتلي متلعبيهاش تحبيه ومعلابليش واش سمعتي نتي دايمن معا الرجال مدريناش واش ديري بلاك هوما اللي مخلوكشي تجيبي ولاد لوليدي وادا عجبوك هدوك رجال روحي عندهم و درك نجيب للوليدي لالات النساء وبدات تخلطلي في شرفي والكلمة الاخيرة اللي قالتها يا العاقر انا غادتني روحي ومسكتلهاش قلتلها انا اشرف منك وهذا بيتي وعصام راجلي نتي اللي تخرجي منا نتي فزدتي حياة عصام في صغرو وتزيدي في كبرو بركاكي والله حرام عليك هي ترطقت بالبكا انا مفهمتش علاش حتا ولات تبكي وتقول سمعتيها عصام شفتي مرتك واش تقول انا دورت لقية عصام وراية سمع واش قلتلها كامل مي مسمعش واش قاتلي روحت نجري في حضن عصام. عصام دفشني و قالي اسماء ماضنيتش يوم راح تعملي هك ومعا يما انا قتلو عصام هي اللي.. هز عصام يدو اول مرة في حياتي ودربني بكف انا من الشوك تحط في لرض. انا مصدقتش معتادة نتناشع مع عصام يجي يرضيني يجبي شكولة يدير كلشي ويربح رضايتي .غاضتني هديك الحادثة بابا وخويا عمرهم ضربوني مي حب حياتي رشريك عمري دارها انا من الصدمة رفدت روحي وركبا تاكسي وروحت نسوق حتى لقيت روحي في دار بابا دخلت .... دخلت دارنا كانت فارغة دخلت نبكي ونعيط ماما بابا. نبكي ونقولهم روحتوا وخليتوني لمن نشكي همي شكون راح يوقف جنبي مفقتش معا روحي لقيت روحي في بيت الجيران راقدة وجابولي دكتور عيطو للعصام مي قبل مايلحق عصام انا هربت من عندهم اللمقبرة عند والديا وصلت قعت فوق قبر بابا ونبكي ونقولو سيدهم يابابا درب بنتك يا بابا ايه هداك اللي قالك نخبيها في عنيا ماما وين روحتي لمن خليتيني معنديش علا من نتكا ونبكي يا ماما ارواحي ليا وعصام كان فوق راسي يسمع في كلشي مي انا محسيتش بيه عصام ركع علا رجليه ويبكي وقالي اسماء سامحيني اسماء ماكنش عند حسن ضن ولديك بيا سامحيني اسماء مكنتش عند كلمتي انا بابا ماما راني رايحة مي قريب نجي عندكم وندت راح روح شدني عصام قالي تروحي وتخليني تروحلي وتحرميني منك قالي تروحي وتخليني نوعدك نلحق من وراك انا شفت في عينيه ورحت نمشي ونبكي ركبت في الطاكسي جبدني وقالي معندك وين تروحي قوتلو svp بعدني خليني نروح قلي قوليلي نوصلك ونوعدك نروح ونخليك قوتلي اديني لدرنا قالي راكي قابلا تولي معايا قوتلو لا اديني لدرنا عند بابا وماما هديك مولاتش داري هديك دار يماك وصلني هبط ورحت قالي اسماء قتلو عصام انساني اسماء ماتت قرب لعندي وركع قدامي وقالي اسماء ولي معايا نوعدك نرجعلك حقك راكي امانة عندي حبيتي يجي رياض هو قال رياض وانا طرطقت بالبكا هبط ليه وعناقتو قالي ولي معايا ربي يعيشك وفقت نرجع معاه رجعنا عصام شرا دار صغيرة لماماه ودارلها خدامة تعيش معاها بعد محكاتلو يما مليكة كلشي صح رجعت للداري مي علاقتي بعماد مولاتش كيما بكري بعدنا علا بعضانا وليت انا نرقد في شمبرا وهو في شمبرا يما مليكة دارت المستحيل باه ترجعنا لبعض ومقدرتش. جا خويا وتفهمت انا وعصام باه منبينولوش prs مكنتش حباتوا يحمل همي
إرسال تعليق