(الجزء 1) : كنت قاعدة نا### الفيد ايا قلت نطيب شوية حليب نتقهوى و كنت مخبية زوج حبات صابلي فالقجر تاع السوتيانات تاعي قلت نجبدهم جا وقتهم ☕🍪 انا هكذاك نستنى فالحليب يفيض و لحقني ميساج فالتلفون قلت و الله ما نقراه باينة بلي موبيليس برك راح تقولي عيد شجرة سعيد 🌲 زاد شوية و لحقني ميساج وحدوخر انا هزيت التلفون و الحليب فاض ن#### اليوم تقتلني يما غير الصباح غسلت الكويزينيار طفيت عليه و مسحتو ليه ليه و رحت نقرى فالميساج نلقاه سامي حبقلبي قالي ريبوندي من الصباح و انا نعيطلك نسيت بلي كنت دايرة الكود في تيليفوني 📱 و اصلا ماعلابليش علاش درتو حبيت نبين روحي خشينة في بالي المهم نحيت الكود و بلعطتو بزوج كلمات ايا قالي نسحقك في موضوع سيريو و مانيش نرقد الليل علاجالو ايا قتلو و الله ما انا لي نبات نبيبيلك بالماسكي 😐فضحت بروحي يا ### ايا قالي لالا خاطي علابالي بيك بلي نتي من النهار الاول قالي موضوع حساس قتلو يا وحد ال### تمعني على مسعودة 😯 قالي ن### خليني نهدر قتلو اتفضل قالي فرفوشة نتي طفلة روعة و عاقلة و مثقفة و بنت فاميليا بصح ما نقدرش نكون معاك 😢 ايا قتلو خير برك في بالي غاضك الحال هذاك النهار كي شريت الفلاش و مامديتلكش قالي لالا يما حبت تزوجني بوحدة عجبتها و انا ما نحبش نقولها لالا مالا كل واحد في طريقو ايا انا بديت نشوف فالجنون متحزمين و يشطحو قدامي👻 قتلو روح ياسامي ان شاء الله يحكموك لبواسر نهار عرسك و القاطو يخرج مالح و التريسيتي تروح عليكم و عروستك تلقى #### قالي شكون مسعودة هذي قتلو قول امين و بلع فمك و كوبيت عليه و رحت نجري بلوكيتو من الفايسبوك و فاصيت تصاويرو و سيبريميت نومروه و دخلت للفايسبوك حطيت ستاتي في قروب البايرات باش يدعو عليه بالشر و وليت غير نلقى اكتب اسم الله في عشر تعليقات نكتبو و رحت نمشي فالكولوار و الخناين دايرة واد ايا شافني بابا قالي وشبيك يا طفلة ماهدرتش معاه و ضربت الباب برجلي و قتلو ق### عليا نتا تان 😠 ايا بابا هز بليغة و عطاني بيها جاتني فالتر## خاطرش قلت العيب قدامو ن### تنفخت البلاصة ولات زرقة ايا غلقت على روحي فالشمبرة ماحبيتش نخرج و تيليشارجيت اغاني حزينة و بتت نبكي و نشخنن و نتفكر فالعو### كيفاش خلاني و ماولتيش نمشط شعري و سل## نبدلو مرة في يومين و وليت نمشي بالحفا
(الجزء2) : و وليت نمشي بالحفا زكارة في روحي المهم دخلت في حالة اكتئاب 7 ايام و 7 ليالي و فجاة تفكرت بلي انا فرفوشة بنت مخطار و فضيلة يجي واحد ع#### يمرمدني هكا نضت الصباح بكري ضربتها بتدويشة خرجت الخير و مشطت كشرودتي و غسلت سل## و نشرتهم و جبدت شعري و درت اينايناغ و شوية غوجالاف و لبست جلابتي و خماري الاسود حبقلبي و خرجت برا شريت زوج فلاش جامد نبرد بيهم قلبي و وحدة شيواوا و شوية كاوكاو مالح و درت على حومتنا شوية كيما يديرو فالمسلسلات التركية و دخلت عند مول الكارانتيكا غلقتها بزوج سوندويشات حارين العرق البارد خرج مني ايا و رحت عند مول الكوسميتيك شريت وحدة غالية و عجبني فارني شريتو و روحت للدار مع جيت داخلة رميت بليغتي ايا شفت بلايغ تاع نساء محطوطة عند الباب عرفت بلي عندنا ضياف ايا رحت للكوزينة نلقى خواتاتي يوجدو فالقهوة و بعثوني نجيبلهم باطة قاطو ايا كنت تعبانة طليت على يوسف ولد جارنا قتلو هاك شريلي و نعطيك الف فرنك ياخي قبل وراح شرالي و سرقلي الصرف الحلوف ممبعد نتفاهم معاه ايا قلت لختي واش كاين قاتلي جاوك خطابة ازربي روحي بدلي البسي حاجة مليحة و استناي نعيطولك 😐 ا س## في بالي عشر تعليقات هذوك خدمو خدمتهم ايا رحت حليت خزانتي مالقيت حتى حاجة تعجب ايا عاودت غلقتها قبل ما يطيح عليا القش و رحت لجيهة ختي ايا سرقتلها بلوزة بالحزام خفيفة تاع صيف تهبل و لبست بليغة ختي لوخرا و درت شوية ريحة و قعدت نستنى و نخمم شكون هذا لي جا يخطبني زعما حتان طلت عليا ماما قاتلي ارواحي و ماكالاه تهدري بزاف و هبطي راسك و غير ايه و لالا ما تحكيش قصة حياتك قتلها صحا ايا دخلت نلقى عجوزة هي و بنتها رحت سلمت عليهم و من الحشمة زدت سلمت على ماما و خواتاتي ن### غير اتبهدلت ايا قعدت بحذا يما وهوما يديرولي فالسكانير ايا قاتلي العجوزة الله يبارك عليك قتلها لعقوبة ليك ايا ماما سقمتلي الهدرة و قاتلها اي حشمانة مسكينة ايا ضربتها بضحكة و قاتلي من نهار شفناك عند الفارماصي تشري فلي بوند قلنا هذي هي عروستنا و ياليتني كنت تقشيرة قتلها ايه شفتي الحلوف انا نقولو ELLE ET ELLE و هو يقولي بقاتلنا غير XL شبيه هذا ايا قرصتني ماما و ضحك الجميع في سعادة و قاتلنا بنتها حنا الطفلة عجبتنا و سقسينا عليها ماذابينا تكون من مكتوب خويا ايا ماما قاتلها يجي مول الدار عشية و نخبرو ونرجعلكم لخبر
(الجزء3) : ايا العجوزة ناضت من بلاصتها و بقات تشكر في وليدها و انا ولدي قراي و انا ولدي خدام و عندو اللوطو و عندو الدار و شباب و الطول و العرض ماما من الدهشة زغرتت خلعتهم بقاو غير يتخازرو قاتلهم لالا هذي زغروتة تاع الفال برك ايا خرجو و رمينا موراهم السكر و خواتاتي بداو عند راسي وحدة تقولي اسمعي كون نلقى عندو خوه دبري راسك ديريلي لافار و لوخرا كلات القدر قدام ماما قاتلي و اخيرا راه تشوفي م### مزية ماما ماتعرفش م### هذا كون راهي اتعرات علينا ايا طلعت لشمبرتي نخمم فالزهر كيفاش داير لي حبيتو سمح فيا و اليوم جاني خطاب و بقيت نتخيل فيه كيفاش داير حتان رقدت للعصر نضت نلقى بابا جا و يما غير شافتني قاتلي يا طفلة اتخباي ايا انا صححت وجهي قتلها واش كشما درت قاتلي راح نهدر مع باباك قتلها واش يما جديدة هذي واش دخلني انا ايا دعات عليا و عايرتني و راحت للشمبرة تهدر مع بابا و بعد ربع ساعة خرجت تنقز قاتلي باباك قبل و خواتاتي ولاو يعنقو في بعضاهم و ينقزو ا### تقول هوما لي راح يتزوجو مشي انا ايا رحت للسطح بقيت نطل على الغاشي ونرمي فيهم بالحجر من قوة الفيد و كي هبطت نسمع في يما تهدر مع العجوزة قاتلها باباها قبل ارواحو مرحبا بيكم ايا اتفاهمو على نهار الجمعة بعد الصلاة
الجزء4): مالا اتفاهمو على كلش و غدوا يما رسلت لخالتي قاتلها الطفلة جايين يشوفوها ارواحي اوقفي معايا و جيبي يما و ما تجيبيش بناتك نخاف يفسدولي على بنتي و خالتي علابالها بلي بناتها ق### ايا ماقالت والو ايا زادو شوية و جاو و جابو في يدهم صحن صابلي و صحن مشوك و بابا خرج جاب قراعي ليموناد خبتهم يما تحت الفريجيدار و بداو يجبدو فالكيسان و الصحونة لي كانو مخبيين في خزانة الصالة تقول كانو في متحف وجداتي مقابلتني غير تخزر فيا تسكت تسكت و تقولي يا طفلة تعرفي تعجني و انا نقولها وي جدة تسكت تسكت و تقولي ياطفلة تعرفي تقمطي قتلها جدة علاش انا ولدت من قبل قاتلي حنا كنا في عمرنا 14 نعرفو نقمطو البيبي و نتوما حايرات زادت قعدت شوية و قاتلي ياطفلة ماراح نسقسيك لا على طعام لا على بركوكس قوليلي برك تعرفي تتهلاي في مسعودة 😐 يا## جدة نا## القدر ايا قتلها وشبيك جدة هذي هدرة ضرك واش العيب هذا قاتلي راني نهدر على عجوزتك ياخي اسمها مسعودة وشبيك طيري وحدك ايا حكمني الضحك حتان فشلت و هي مافهمت والو مسكينة فاتو ليام و جا نهار الجمعة و انا كي الزوفري ماعلاباليش بالدنيا ايا نضت على انغام الفروطوار 😐خواتاتي يسيقو فالدار و جدة تحط فالقاطو فالصحونة و ماما تبدل فالفراش تاع الصالون و تريقل في شمبرة الرجال و خالتي تجبد فالترامز و توجد فالفناجن و الكيسان و بابا خرج جات باطة تاع باتيسري وانا قاتلي يما روحي خملي شمبرتك ياخي الطفل راح يجي يشوفك على الاقل يلقاها نظيفة ايا قتلها واش يما راح نتزوجو ديراكت قاتلي ااااه يا مسخوطة 😂 ماتعرفش تقصر ماما ايا رحت لشمبرتي طبقت خزانتي و خرجت سوتيان و زوج سليبات من تحت السرير و مسحت الغبرة و رحت خرجت قرعة ريحة عمرتها بعشرين الف بقيت غير نرش ماخليت ريدو ماخليت كرسي ماخليت فراش باش كي يدخل يلقى الريحة الله الله ايا خرجت تغديت و دخلت مع ختي مشطتلي و لبست حاحة خفيفة مانحبش نكثر و نزوق ايا و وقفت قدام المراية بقيت نمثل كيفاش راح نهدر مع المخلوق و كيفاش نضحك قدام مع يفوت بابا شافني قالي اقسم بالله و ديري هكذا قدام السيد غير ننفيك من الدار قالي قاعدة تتبهلي باش ما تتزوجيش فقتلك و انا كي لمسخوطة و بكل ثقة و عزم و اصرار خزرت في عينيه و قتلو لالا بابا شكون قالك مانيش حاب نتزوج 😐 مزيا فهذيك الدقيقة فاتت جدة ايا ما قالي والو
(الجزء 5 ) : مع جا من الجامع لقى اللواطا وصلو ايا دخلهم للدار استقبلت ماما النساء و هو دخل الرجال و انا بقيت فالكوزينة قاتلي ختي كي نعطوك اشارة جيبي سنيوة القهوة و ادخلي و بالاكي طيحي ايا قعدت نستنى و نستنى جاتني النعسة رقدت ايا جات ختي تكفر عليا قاتلي ساعة و حنا نعيطو ايا نضت هزيت السنيوة و دخلت نمشي و مهبطة راسي سلمت على جدة هي الاولى ايا قاتلي يعطيك الخير ابنتي سلمي على عجوزتك ايا حشمت سلمت عليها و لقيتها زادت جابت بنتها و كنتها ايا حطيتلهم القهوة و سقسيتهم على السكر ايا كبيت نصو فوق السنيوة من الخلعة ايا شربو و اتفاهمو النساء و بقاو يستناو فالرجال واش يقولو و جات ديك السماطة تاع نبقاو ساكتين و نتفرجو في بعضانا و جدة ساعة ساعة تهدر على الارهاب و انا وليت نقطر بالعرق ايا عيط بابا ليما راحتلو قالها عيطي للطفلة حاب يهدر معاها السيد و قلها تحط خمار على راسها 😑 ا## شبيه هذا ايا نضت نمشي و نترعد قريب طحت على خالتي رحت للشمبرة و خواتاتي بقاو عند الباب يعسو و انا دخلت لقيت روحي نرجف انا هكذاك و دخل السيد قالي السلام عليكم مع جيت ندور نلقاه سامي ال#### انا تشوكيت قتلو واش جابك لهنا ا #### جاي تفسدلي الخطبة و هو قالي امخلوقة نتي اخت العروسة و لا شكون ايا قتلو انا هي لعروسة قالي مالا انا يما نتي لي عجبتيها و قعدنا نتخازرو في بعضانا ماعرفت واش نهدر واش نبكي واش نندب ايا قالي هذا مكتوب و انا قابل بيه قتلو تسما سمحت فيا علاجال يماك قالي الله غالب كاين امور فوق جهدي ماتعرفيهمش المهم انا راني راح نقولهم راني قابل و بقات عندك ايا خرج و خلاني راح قالهم انا قابل و عجبتني جات يما قاتلي واش نقولهم قعدت ساكتة ماعرفتش نخمم قتلها يما قلبي راه يوجع فيا ايا سكتت و قاتلي خلعة برك خرجت قاتلهم مبروك عليهم و لاو يزغرتو و انا بقيت نرجف و مشوكية من جهة فرحت و من جهة غاضني الحال ايا عيطولي للصالة لبسلي الخاتم و هو ميت بالفرحة و قصرنا حتى للعشية و عمرنالهم صحن قاطو داوه معاهم و راحو و بقيت غير ساكتة
(الجزء6) الاخير و بقيت غير ساكتة ايا هزيت التلفون لقيتو رسلي بنمرو وحدوخر قالي يما مسكينة راهي مريضة بمرض قادر ماتعيشش بزاف و حبت تشوفني بولادي و انا قبلت واش قاتلي و ضحيت على شحال من حاجة على جالها و صليت بزااااف و دعيييت بزاااف باش نكون معاك و ربي اخيرا استجاب و هاكي وليتي ليا بالرغم بلي سمحت فيك و راح نعوضلك كلش انا مالقيت مانقول ايا قتلو ماعليش خليني نخمم مانيش مليحة 😐 و دارنا ميتين بالسعادة في بالي تقلقو باش يتهناو مني الع### ن ايا خممت و لقيت بلي المخلوق هذا ماعنديش وين نهرب منو و ممكن مادام ضحى علاجال امو هكذا قادر نهار وحدوخر يضحي علاجالي و اتقبلت الواقع و رضيت بمكتوبي و عيطتلو قتلو قابلة بيك ا ع### قلبي قالي وليتي ق### ا طفلة قتلو ماتعرفنيش برك 😂😂كلمة س## كي حلوة في فمي ايا قالي معليش ا زوفري و رحت نجري بلوكيت صحاباتي الحسودات و صبغت شعري بالكركم و الزيط زيطون خرج يهبل و وليت غير طيحلي الف فرنك نخبيها باش نجهز روحي و بديت بالسليات هوما الصح و وليت كل يوم نخرج انا و يما نشرو القش تاع الصولد و الفراش كيف كيف و وليت كي نشوف جدة تجيني الدمعة قتلها جدة راح نتزوج و نتوحشك ايا قاتلي معليش ابنتي راني نجيك ضيفة تاع شهر و لا شهرين يرحم من زار و خفف قتلها لالا زيدي شهر وحدوخر ا## هذي ضيفة و لا كراية عندنا ايا وليت نزوخ على كريم ولد عيشة و خاتمي حق ربي ما نلبسو نخاف يسرقوهولي يوخذوني في صبعي حومتنا معمرة بالمافيا ما نلعبش معاهم والو و سامي قالو بابا نشوفك دور من جهة الدار نحشلك رجليك قريب بطل الطفل من الخوف 😂😂😂و انا وليت نحشم من بابا ما نعرف علاش و خواتاتي ولاو يطاقوني في قروبات التصديرة و الماكياج و بنت خالتي ### بلوكاتني من الفايسبوك و لوخرا ولات تهدرلي على ليلة الدخلة حبت تسوفجني ايل اتعريت عليها ياخي حشمت على روحها و ...سامي حبقلبي راهو يعيط باااي . #النهاااية
إرسال تعليق