نضت صبااح شت مع الساعة لقيتها 8:15 ويااا على زهري وياااا راني روطار بزاف علTDتاعي ليوم يحاوزني الأستاذ اووبس نسيت ماعرفتكمش بروحي انا سلسبيل عمري 20 سنة شعري قصير وشاتا وانا جاي طولي. 1.65 سمرة وعينيا كباار وشوافري طالعين بلا غيسيل شواربي منفخين وجايين غووووز 🤤♥ ولاطاي لا بأس بها 38 . سميحة: سلسبيييييل مازلتي مانضتيش ابقرة اشكااارة راح عليك الحال نووضيييي 🤯🤯 نسيت نقلكم هادي ماما اسمها سميحة وبابا بلال وعندي خويا صغير عمرو عامين اسمو عصام نضت بزربة نجري كي العادة تاعي طول.يديني نوم (الله غالب مكانش كيما رقاد 🌞💔)غسلت ولبست ولميت حوايجي ورحت حكمت طاكسي🚕🚖ودييراكت للجامعة حبس هبطت بقا شوي هكا.نمشيه ونوصل وانا ماشية مع طرييق وش.شفت سقسوني هيا 💔🤯 شفت بقلاوة وياااغبگ جاي طويل وسمر هو تان عينيه عسلي وعندو كوور يهبل ويااا ربي عالصباح بقيت تايهة فيه واحد ☝دقايق نشوف حتى جا حكا معايا قالي مادموزال لباس عليك شبيك حابسة 😐💙انا فقت مع روحي مالقيت مانقلو رحت نجري 😁📍ويا طحححححت تكربست درت كابريوني لي.ماعرفتش نديرو من الصغر 🐸🥴إنشقي يا أرض وإبلعييني 💥😲 جا يجري باه يعاوني شتو وليت هربت انا نجري وهو يجري حتى وصلت لباب الجامعة...
2: انا نجري وهو يجري حتى وصلت لباب الجامعة 🥴🐸حسيت بشيء جبدني من كتفي 📍😎 دورت راسي لقيتو هو زدت زربت قابلتو بالظهر 🍯🥀🦋 قتلو ماتحكيش معايا وعلاه اصلا لاحقني وش تحوس 😳💦😡انا اني نتصنع برك هو او عاجبني لدرجة كون يقلي تولي. مدامتي نطلع نقيس لمريخ بيدي. ونرجع للرض 🤣❤ المهم جا يهدر قاطعتو بيدي. ✋وانا مقابلتو بالظهر حسيت روحي كي تاع حريم السلطان 🤣🦋 كنت داخلة قالي ماش هادر معاك معليش وانتي تان ماتحكيش معايا مافهمتوش عالول حتى قيتو قلي 🐸🥴 والبورطموني تاعك يبقى عندي بيه بلي فيه انا تسمرت 😐😟درت ليه وقتلو اسمع 👂🗣 ماحبيتش نقلو خويا يخوي جنابي 😳💦دار قتلو وش اسمك اسح قالي عمار ويهااااه ربي اسمو يهبل 💥🤤قتلو معليش سامحني ماش قصدي هكاك بسك مانحبش نهدر مع ذراري 🥺🥀هيا رجعلي الواحد تاعي 🙂قالي حاوليني 🙂حسيت عقلي طاار 🤯🤯 قتلو بركا بلا دصاارة 🙂💦😳ماحبش وانا فيديجا فاتت نص ساعة مابقاش وتفض الحصة ماقيت مانقلو قتلو ربي يخليگ ❤👌في قلبي قلت نضربگ نفرابيگ 😶👉🦨وجه المقلة 😶🍳المهم عطالي الواحد تاعي وجيت داخلة للTD دقدقت الباب سمعت الإذن دخلت 🙂💦قالي الأستاذ.......
3: قالي الأستاذ اهلا بيك كون ماجيتيش امودموزال 😶😟انا سكتت قالي وين كنتي قتلو مافطنتش فالوقت 🐸💥في قلبي (كنت نرندف وهاملة لاه تحوس 🤯📍) المهم دخلت وحكمت بلاصتي وشتو بقا يشوف معايا نظراتو خبيثة ولا غاضب ماقدرتش نميزو 😐💦انا ماقيت ماندير بسك مانيش نسمع كي يهدر وليت قعدت فالتليفون ونخمم في عموورتي ❤😏🥀فضت لحصة جيت خاارجةة 😄🤭وياااا صدمتاه 😩😩حكمني الاستاذ وحصرني للحيط ماقيت كيفاه نتحرك 😟❌حتى قالي انتي علاه جذابة هك 🔞+🤯 انا تشوكيت فيه قتلو بعدنيي ماحبش قعد غير يقربلي 😭😭 بسيف لا تفكيت منو خرجت نجري مانيش نشوف قدامي ❌💦حتى اني ماكملتش لقراية رحت باه نروح 😭🤯قيت عمار مقابلني منهيهاتك شت معاه شاف معايا وانا مالتيتش وكملت حتى وصلت للدار 😩😣دخلت طول. لشومبرتي بقيت نبكي حتى رقدت عمار يحكي 🤭: لقيت طفلة ديك واقفة تشوف. فجيهتي طولت قلت كاش ماصرالها 🙂🥀قلت نسقسيها قربتها وسقسيتها حتى فطنت وولات تجري طاحلها لبورطموني لحقتها ولات تجري. كي لمهابل حتى طاحت تفلقت بالضحك عليها مي. مابينتلهاش ❤😐 فاتت ورديتهولها بعد ماحاولتني هههه 😂 هي دخلت وانا رجعت لخدمتي (عمرو 24 ماكملش قرايتو بسبب ظروف. معيشية يخدم ميكانيكي مع صحبو) بديت نخدم حتى فاتت صورتها في راسي مانكذبش زينها طاغي 🌺🍀سبحاان الله الخالق. ❤بقيت نخمم فيها ونستنى فيها غير وكتا تخرج فات الوقت ماش بزاف. 😄📍 حتى. لقيتها خرجت شت معاها وشافت معايا مي. مابانتش دايتها فيا لأنو راحت تجري وكانت تبان خايفةة 😣🥀 كنت حنلحقها وقلت هي. ماتعرفنيش ومانعرفهاش نخليها على راحتها سلسبيل تحكي: بعد مافطنت لقيت روحي مازلت تعبانة نضت عاونت ماما عادي ومبعد رجعت لبلاصتي رقدت من ورا. لحكاية ادي مارحتش نقرا سمانة بسك كنت خايفة 🕳😖 عمار: تفاهمت في نفسي انو غدوة كي تجي نقلها اك عجبتيني مي ماجاتش بقيت نستنى حتى فاتت سمانة وماجاتش 🤯😩 سلسبيل تحكي: اليوم نضت ونويت نرجع لقرايتي لبست ووجدت روحي ورحت قلت كي. نوصل. نغض بصري ومانشوفش مع عمار بسك قادر ينويلي حاجة ماش مليح وانا وين نعرفو 💔👌 حتى سمعت صوتو وهو يعيط عليا 🗣 انا حبست..... تتفاعلو نكمل 💙🥀
4: انا حبست درت ليه وبقيت نشوف. معاه ❤🙂 قالي اهلا قتلو صفا قالي. الحمدلله 😄💙قالي باغي نحكي معاك معلييش 🙂قتلو تفضل قالي ماش ضرك اما كي تخرجي تنجمي تجي ونحكيو قتلو اوك نجي 😏🌺ومبعد فالي نسقسيك قتلو تفضل قالي لاه ماجيتيش سمانة ادي 😅🙁قتلو مريضة 🕳👌🥀قالي اوك راكي لباس ضرك قتلو وي. 😶😳ومبعد قالي ايا مبعد. ونتلاقاو ونحكيلك 😽💙انا مشيت ورحت دخلت للجامعة قريت عادي وكملت لحصص تاعي وجيت خارجة 🥴😅 حتى لقيت الاستاذ اداك لاحقني ماقيت ماندير وليت نزرب فالمشية حتى لقيت روحي دخلت في بلاصة مافيها حتى واحد جيت نرجع منين عامرة ناس. حتى. جبدتني يد 😟😖 عمار يحكي: شتها خارجة من الجامعة وكانت تزرب فالمشية تاعها نورمالمو تجي عندي بسك تفاهمنا وقالت نجي 🌺💙حتى نتابهت لواحد جاي من وراها وكأنو كان يتبع فيها 🙁🥺 ايا انا قلت نلحقها ونشوف وين رايحة لحقتها... سلسبيل تحكي: كي جبدتني يد لقيتو الاستاذ اداك حكمني قالي وين رايحة قتلو حتى بلاصة مروحة منا عمار: لحقت وشتها مع واحد حاكمها ويهدرو انا طاح مني النص 😖💔🥀قلت نروح ونخليهم على راحتهم. سلسبيل: كنت ماشية حتى قيتو زاد. جبدني ولسقني فالحيط وبدا يتحرش بيا كنت قاعدة نقاوم فيه ماقدرتلوش 💦❌😭بسك قاوي عليا بديت نعيط وواحد ماسمعني لانو بلاصة ماش عامرة 😭❌ياربي وشدرت في روحي علاه جيت نقرا علاه جيت عالطريق. ادي 😭🥀مبعد فاتت حياتي قدام عينيا والوحش ادا قضا حاجتو مني وخلاني. مرمية عالارض. 🤯😩🥀😭💔ضاعت حياااتي ضااااعت 😩🤯 عمار: ماقدرتش نستوعب وش. شفت قلت بالاك فهمت غالط وواحد. تعرفو برك ايا قلت نرجع ونشوف ونفهم لحكاية وانا راجع شفت راجل نفسو جاي. من تم يجري ومخلوع تان 😕😮 وليت انا قلت وش صرا رحت نجري منين شتها قيتها مرمية علارض ماش قادرة تنوض ودم داير من توالها. 😓😔قربت ليها وقلتها وش صرالك وش. دارلك اداك 😓😕 بقات ساكتة ماهدرتش قتلها نوضي ماقدرتش تنوض خليتها ورحت نجري نجيب. طاكسي تاع صحبي ولمفاتح تاع دارو وقتلو ماتجيش اليوم لدارك وروح لدارنا 🥺🙁قالي اوك ديت الطاكسيورحت بيها قربتها منين طفلة لقيتها مزالت تم رحت وقتلها تسمحيلي نهزك 😣📍هزت براسها معنى ايه هزيتها وحطيتها فالطومبيل وديتها لدار تاع صحبي وهبطتها وقتلها اهدري مع تاع داركم يدوك ماحبتش. خافت وقاتلي. براسها لا. 😣😭وهي غير. تبكي قتلها اهدري معاهم وقوليلهم حنبات فالاقامة اليوم 😖🤯ولات عيطت وهدرت وكوبات تسما دات الاذن انا قتلها صايي ماتبكيش اسكتي برك وادخلي ديري دوش. ضرك نجيبلك كاش. حاجة تلبسيها 🥺🥀ولات هدرت وقاتلي. عاوني انا لازم نعاونها عاونتها وصلتها لدوش ودخلت هي 🥀🤯 انا رحت حكمت بلاصة ةبقيت نخمم فيها ووش ندير وكيفاه ندير للراجل اداك الرخيس ومبعد فات خيالها في راسي وهي. تبكي زين طاغيي وهي. تهبلل. 🌺❤😽 بقيت نخمم غير فيها وبلي. لازم نعاونها مالقري. مانعرفهاش حتى قيتها خرجت......
5: حتى لقيتها خرجت بقيت تايه فيها سبحان الله ♥الماء مبلل شعرها ولبسة جاتها كبيرة 😂😄🌺مي عينيها زادو فيها النص كي بقاو مغرغرين بالدموووع 🥺❤ بقات تشوف معايا وانا نشوف حتى قيتها طاحت تبكي 😓🥀انا نضت نجري ليها باه نسكتها ماطاوعنيش ڨلبي عليها ومبعد قاتلي وش. حديرلي. علاه هزيتني من هيه كون خليتني متت 😖😣انا بقيت ساكت هزيتها وحطيتها فالسرير. سلسبيل تحكي: كنت نبكي ونخمم فالشئ لي صرالي حتى شفت عمااار من هيه شافني وراح تشوكيت انا مبعد قلت نوض ماقدرتش انوض حتى فاتو دقايق مبعد لقيتو جاب طومبيل وهزني وداني وصلنا لواحد الدار دخلني وقالي عيطي لداركم يدوك ماحبيتش بسك خفت ومازلت في صدمة 😖🥀قالي عيطي قوليلهم انا فالاقامة حنبات انا لقيت احسن من نقوللهم عيطت وقلت وكملت ومبعد قالي ادخلي تدوشي. دخلت كملت وخرجت لقيتو تايه فيااا 😍👌💦مي انا ماقدرتش وطحت نبكي جاا ليااا وهزني حطني فالسرير وبقا يسكت فيا 😖😣سبحان لله ♥مالقري مانعرفوش ومايعرفنيش مي شه كيفاه واقف معايا حسيت بالامان وماعرف كيفاه تأكدت بلي. مارح يديرلي والو وليت رقدت 🙂🤭ومبعد صباح نضت وداني روحت وقالي ماتخافيش اني ضرك ندير اللازم فالرخيس اداك 😥😭انا هبطت ومانيش قادرة نمشي دخلت رقدت طول فات لوقت ماحسيتلوش وصل الليل 🥺🌺زدت رقدت لصباح راقدة حتى تجبدت من شعري 😭🖤🥀 فتحت عينيا لقيتو بابا قالي ياقليلة الاصل يالي تربيتي ماخرجتش عليه تخلي الرجال يقدمولك ومبعد تقولي اغتاصبوني 😡😡قولي 😡🖤نوضي نوضي قدامي 😔😔اتا نضت حتى لقيتو زاد ضربني بونية وماما قاعدة تبكي هي وخويا صغير 😭😭مبعد هزني ودخلني لشومبرة وقالي. ماليوم مابقيتيش تخرجي منها لافراية لا والو انا تم بعد. متتتت 🖤😭 فاتت سمانة على هادي الحالة وانا راحت صحتي ووجهي عاد باليكولار. عمار يحكي: انا بعد ماوصلتها للدار رحت اشتكيت عليه وراحولو وحكموه انا قلت فضت لحكاية حتى فاتت سمانة وانا مانيش نشوف في سلسبيل 😟😩 رحت لحومتها وسقسيت عليها كذا منا ملهيه حتى قالولي ماعدناش نشوفوها ملي سمعنا عياطها قبل انا تشوكيت مالققت ماندير. سلسبيل تحكي: انا قاعدة حتى تفتح الباب ودخلت ماما صاتلي نحكي معاك قتلها وي قاتلي جاوك خطابة ابنتي وحنا لازم نمدوك انا سكتت وماقيت مانقول غير الموافقة بسك حابة نخرج من لغبينة والحبس لي فيه🥀😔 عمار يحكي: انا قعدت وخممت مع روحي ومبعد قررت نخطبها مالقري ماش الغلطة تاعي مي الطفلة اصلا. كانت تعجبني ومانحبهاش. تتغبن في. حياتها قلت نجيبها ونديرها مرتي ونخليها تكمل قرايتها وهي تتصرف كيما تحب المهم تتستر 🥀🖤 . سلسبيل تحكي: فاتو ليامات وجا وقت الخطبة لعريس لي رح يديني ماجاش تسما مزال ماشتوش وهزو الفاتحة وبقاو 5ايام عالعرس. عمار: وصل العرس وعدا نورمال وهي داوها للوتال. وخلاوها باه نلحقها انا. سلسبيل: وصل لعرس وفات وانا كنت ميتة بالخوف بسك ماعلاباليش وش يستنا فيا في. حياتي لجديدة وكيفاه حنصارح راجلي بالحقيقة 😔😭🦋 داوني للوتال وقعدت نستنا باه يجي ونلقى حتفي ومبعد دقدق. الباب ولقيتو دخل تشوكيت فيه 😮😮عمااار 😮🤯🤯 مبعد قرب ليا وقعد عالسرير وقالي
6: حتى دخل وقالي شوفي ابنت الناس انا اني شفت وش. صرا وماش برضايتك والغلطة تاعي تان كي رحت شكيت حتى وصلت الهدرة لداركم مي مليحة تان بسك وصلها ربي للحلال وقيتي لي يسترك😓💦🖤ضرك انا ماني طالب منك والو غير ديري الواجبات تاعك كزوجة ليا وانا كيف مارح نقس عليك والو كزوج ليگ 🦋🥀شوفي الحادثة لي صراتلك واحد ماعلابالو بيها وماش حتوصل للناس تاني عليها نقلك صوني عرضي حتى يفوت الوقت عالحكاية ونشوفو زيواه نديرو 💔❌ سلسبيل: انا صايي. تبكمت مالقيت مانقول مي حبيت نشكرو عالشيء لي يدير فيه مالقري ماش فايت الوقت ملي عرفني انا تكيت وهو جا تكا بحدايا انا تسمرت 😣😖عدت مالشيء لي صرالي مانحبش واحد يقربلي بسك عدت نخاف المهم هو مادار والو رقدنا عادي الليلة اديك 😣💔🥀🦋🖤. عمار: نضت صباح لقيتها حاكمة ذراعي وحاطة راسها عليه 😍🌺مي. كانت تبكي. 😓💦🙁انا وليت نوض فيها ناضت مخلوعة ونكزت جات في. حضني لضت عليا ودورت يديها عليا وبقات تبكي حتى. حسيت بدموعها سخونين 😣💔كي سكتت بعدت عليا وانا نضت رحت باه نجيبلها لفطور 😍♥ سلسبيل: فطنت مفجوعة قيتو توالي ماعرف كيفاه ترميت في حضنو وبقيت نبكي مي حسيت بالحنانة ودفا فيه واااااو 😋🤭😮 سكتت وبعدت عليه وهو ناض ماعرف وين رايح … بصح حسيت سهم تغرز في قلبي 💘🖤لانو حسيت اداك الاحساس لمليح لي جامي حسيتو مي مانقدر نبدي حتى. ردت فعل لأنو بطبيعة الحال. مانيش. عذرا 😔💔❌علاه اربي علاه وش درت في حياتي انا تقول. حرقت الجوامع 😟😩 عمار: جبتلها لفطوور ماحبتش تفطر وهي كانت تبان تعبانة بزاااااف وليت وكلتلها انا كلات نورمال حتى انو قاتلي زيد جيبلي 😚❤(اني نحبها الله غالب عليا ماش غلطتي مي نهار شفتها قلت تولي مسؤوليتي وانا لي نفرحها) فاتو ليام وهي بدات تتحسن وتهز صحتها وعادي رجعتلها ضحكتها 😄🌺 وانا كي نشوفها تضحك نقلها هاهي ضرست لعقل. تبان شابة 🙄😎نقولوليش حلاب اي. مرتي حلالي 🐸😅 سلسبيل: انا عدت لباس. عليا بفضلو بعثهولي ربي باه يحسنلي معيشتي لي كنت عايشتها ❤😚عدت نضحك وهو يضحك معايا نورمااال 🖤🐸بصح مافهمتش انا كيفاه ووعلاه يدير هكا مالقري علابالو بلي صرالي وكيفاه قدر يتقبلني 😓💔 مي ماننكرش ولا. هو كلشي بالنسبة ليا حبيتو وعشقتو ❤🌺🤭ماتقولوش كيفاه حتى يخي قتلكم قبل بلي او عجبني كونيقلي مدامتي وكذا 😂مي وليت حلالو ضربة وحدة ❤🐸تسما انا ضرك نروح ندير رحلة فالفضاء شحال. من شهر ونجي 😂 قاعدة نحكي مع روحي حتى دخل عمار وقالي وجدي روحك الليلة 😚🖤رح نخرجو نحوسو ونديك لبلاصة شابة تنحي على بالك 😏🥳انا فرحت وماحسيت على روحي حتى كيفاه عنقتو ودورت رجليا على مسلانو 😳🤤❤ومبعد لقيتو هو حكمني 😳❤🤤وحضني و......
7: حكمني وحضني وانا حكمتني اديك السكتة تاع وحدة عاااقلةة 🙂😁💙المهم لبست وحطيت ميك آب خفيف ظريف 🐸❤جييت نهبل (حوحو يشكر في روحو) هبطت فالدروج لقيتو يستنى. فياا 💙🥳انا شتو حبست جاا زل ياربك 🤤😅ركبنا فالطوموبيل او مشينا رحنا طولنا فالطريق حتى لقيتو حبس في بلاصة تبان خالية 😖😔هبطت بلا. مانخمم حتى لقيتو جبدني. من يدي ومشاني. واما بقيت نمشي ومرعوبة بسك بلاصة مظلمة 🙂💔مبعد. دخلنا لواحد. الدار وشعل. الضو 🌞🤍😋 شفت بقيت حالة فمي الدنيا تم تهبل ضواو ملونين وطابلة تاع العشا مستيكية تهبل. 🤤🥳🦋😁 قالي قدمي خلي. ناكلو انا قدمت ماتلومونيش. نهبل على. كرشي. 😮🤭🍯كلينا وكملنا ومبعد جبدني وهزني داني لشومبرة كانت مزينة فتنة 😚🌺 وبدا يقدم لياا انا حبست ويبست قالي شوفي اسلسبيل انا ماش. حنقدم ليك بلا رضايتك وصعيبة ليا تان بسك كاين لي. قدملك من قبلي مي. حبيتك تعرفي. برك بلي. اتا اني. نحبك ونعشق فيك ❤💘انا وجهي بدا يتبدل. باليكولار سكتت وقعدت نشوف معاه مانقدرش. ننكر انو انا تان نحبو مي قتلو عمار اتاتان نحبك مي اصبر عليا شوي. وقت بسك مزالني ماخرجتش. من صدمتي 😖💔هو قالي معليش ديري لي تبغي انا مارح نشبحك على والو انا صراحة غاضني وليت قدمتلو وطبعتلو بوسة على. خدو 🌺𒉅بعد. قالي خلي غدوة ونتحركو منا ارواحي. نرقدو وغدوة برحمها ربي. 🌞🤭انا تحمست وحمكت بلاصتي توالو 😽🏵حضنتو ودخلت في صدرو اربك شحااال حنيييين 🥳🤤وهو بدورو شدني ورقدنا فطنا صبااح لقيتو شادني حاكملي راسي بذراعو ولاف رجليه عليا اتا نوضتو ببوسة وفطن 💥👌ومبعد قتلو صباح الخير حبيبي 😍.......
الحلقة 8 والاخيرة: قالي صباح النور اعينيا 🤤❤💘🌷انا ماعرف كيفاه حتى قتلو احبيبي مي كي قالي اعينيا ذبت وحضنتو 🥀🥺زاد قالي هيا نفطرو ونزيدو نخرجو انا فرحت بسك نموت عالهملة براا 🤠🤭🏵 فطرنا كملنا رحت لبست سروال كحل وايكات غوج بريك وميكاب خفيف غوج بريك وصندالة كحلة وعالية دومي طالو وخيمار كحل وهبطت بقا تايه فياا وقالي وش هاذا الزيين سبحان الخالق العظيم ♥ ايا اتا عجبتني روحي 🔥♥ومبعد خرجنا ودرنا داني لبلايص بزاف شابين وزيد هو معايا تمتعت ونحيت بزااف على بالي 😗🌷ومبعد قالي هيا نروحو حطيح الظلمة 🙂😒مشينا وروحنا مبعد قالي بدلي حوايجك وارواحي نطيبو كيف كيف لعشا 🙂🤣 انا طلعت نجري باه نزرب نطيبو كيف كيف 🤤❤هبطت وتفاهمنا بلي نطيبو شخشوخة ونديرو ديسار معاها (التحلية) انا بديت فالشخشوخة وهو بدا يلعبز فالديسار باه يدير ليتاغتولات رحت انا نعاونو زعما ايا بدا يمسخ فيا بالفرينة ويضحك عليا وانا لعبي خامج ايا لحتلو راسو كل فالعجينة 😂😂 مبعد طيشها وعاودناها بالعقالة 🤣💘 مبعد. كملنا كلشي وغسلت لماعن ودخلنا لزوج درنا دوش (كل واحد وحدو ماتخموش في. حاجة خلااف 🤣❤🤤) او مبعد تكيت شعلت تيليفزيو وقعدت نتفرج وجا هو وقعد حدايا شت معاه وتهت 🤤😊ومام هو تاه فياا حتى نلقاه قدم وطبع بوسة 💋في. شواربي مبعد انا تان طبعتلو وحدة وهو ماحبسش كمل وصرا لي صرا (احشمو مانكملش عيييب) ومبعد فاتو 14 يوم وحملت بالكرش (قريتها فالعلوم من ورا لبلابلا فاليوم 14 قادر تحمل) وانا هبلتو بالوحم وفات الوقت لي جبت فيه توأم نور عيوني حياتي 🥺💦❤براء وبراءة ربي يخليهملي 🥺🤭❤ومبعد مانقص عليا والو انا وولادي وتسترت الحمدلله 🥀❤ ملاحظة: ماش أي بنت تتعرض للإغتصاب تسما ضاع مستقبلها كاين لي. مزال. يستر بنات الناس بسك علابالو بلي ماش غلطتها وإنما هي غلطت حيوان بشري مفترس عديم الأنسانية.
إرسال تعليق