الحلقة
الأولى
يا جبل ما يهزك ريح و ميات ريح ما تحرك لمنال حتى شعرة، هي الطفلة القوية ألا ما ترشفها لحد و بلسانها الطويل تخليك تتفادى معاها أي نقاش، حتى من بوها مسكين ماهوش سالم منها و من منطقها آش خلاها هي وياه كي القطوس و الفار 🐱🐭و كان موش بقية العيلة تحز راهم كلاو بعضهم من هاك العام😅.
إسمها منال و عمرها 25 سنا قارية حقوق و عندهاmaster عاملة روحها تفهم في الدنيا الكل منين تدورها تدور، سياسة إقتصاد حقوق إنسان حقوق حيوان أكثرشي من تكاثر النباتات تقلك أنا ، كل شي تفتي فيه و العياذ بالله تي بوها مصطفى ندم حتى عالنهار إلي قراها فيه من كثر ماهي الكلمة بالكلمة هي وياه .
حياتها حياة طفلة عادية niveau متع عيلتها عادي بوها موظف في شركة مقاولات كبيرة، عندها زوز أخوات أولاد رائد و ريان تواما يقراو باك و أمها جميلة معلمة عربية في مدرسة إبتدائية
صعيبة و ماعندهاش الصبر d’ailleurs ديما تقولها أنا برج القوس و الصبر ما نعرفوش، و كي تبدا تمشي تقول ما كيفها حد وإلا هالبلاد ماجابتش لا قبلها و لا بعدها و الناس الكل يلزم تتجند باش تقضيلها أشوارها، هي السخطة مزيانة و corp و décors كيما يقولو فيها عندها كاريزما ، تعرف تلبس و تتحدث و تفهملها تحسب حساب كل حركة تعملها حتى الناس يتعجبو بيها من أول نظرة و بالطبيعة الطايح أكثر مالواقف و هذا إلي خلاها تزيد تتضرب في روحها أكثر.
و برغم هذا الكل و بلي تعمل روحها ماضية و ما يعديها علاها حد أما حنينة و قلبها سخيف و تحب تعاون الناس و هذا إلي يخلي العباد إلي قراب منها يعديولها تجلطيمها و العنطزة متاعها
يا جبل ما يهزك ريح و ميات ريح ما تحرك لمنال حتى شعرة، هي الطفلة القوية ألا ما ترشفها لحد و بلسانها الطويل تخليك تتفادى معاها أي نقاش، حتى من بوها مسكين ماهوش سالم منها و من منطقها آش خلاها هي وياه كي القطوس و الفار 🐱🐭و كان موش بقية العيلة تحز راهم كلاو بعضهم من هاك العام😅.
إسمها منال و عمرها 25 سنا قارية حقوق و عندهاmaster عاملة روحها تفهم في الدنيا الكل منين تدورها تدور، سياسة إقتصاد حقوق إنسان حقوق حيوان أكثرشي من تكاثر النباتات تقلك أنا ، كل شي تفتي فيه و العياذ بالله تي بوها مصطفى ندم حتى عالنهار إلي قراها فيه من كثر ماهي الكلمة بالكلمة هي وياه .
حياتها حياة طفلة عادية niveau متع عيلتها عادي بوها موظف في شركة مقاولات كبيرة، عندها زوز أخوات أولاد رائد و ريان تواما يقراو باك و أمها جميلة معلمة عربية في مدرسة إبتدائية
صعيبة و ماعندهاش الصبر d’ailleurs ديما تقولها أنا برج القوس و الصبر ما نعرفوش، و كي تبدا تمشي تقول ما كيفها حد وإلا هالبلاد ماجابتش لا قبلها و لا بعدها و الناس الكل يلزم تتجند باش تقضيلها أشوارها، هي السخطة مزيانة و corp و décors كيما يقولو فيها عندها كاريزما ، تعرف تلبس و تتحدث و تفهملها تحسب حساب كل حركة تعملها حتى الناس يتعجبو بيها من أول نظرة و بالطبيعة الطايح أكثر مالواقف و هذا إلي خلاها تزيد تتضرب في روحها أكثر.
و برغم هذا الكل و بلي تعمل روحها ماضية و ما يعديها علاها حد أما حنينة و قلبها سخيف و تحب تعاون الناس و هذا إلي يخلي العباد إلي قراب منها يعديولها تجلطيمها و العنطزة متاعها
الحلقة الثانية
كانو قاعدين عالعشا كي العادة ملمومين و يحكيو
-منال: حقا بابا شنوة عمتلي فلي قتلك عليه
-مصطفى: في شنوة بالضبط فكرني راني نسيت
-منال: أوه على أمي، تي فازة الخدمة موش قتلي باش نكلملك شكون و دخلني نخدم غادي
-مصطفى: آه أيه تفكرت، كلمت سي نبيل المسؤول على تدخيل الخدامة و قالي قلها تصب دوسي و في أول فرصة تو نكلموها
-منال: عاد كي هي المسألة هكا ماني مشيت و صبيت كي العباد الكل، و أنا إلي مسخنة بيك راسي😒
ڤحرلها على جنب: بالكني actionnaire غادي و ما في باليش ، ولا كي يسمعو بمنال خانم باش يطردو الناس إلي تخدم و يدخلو سيادتك
-منال: توا أنا قتلك هكا؟ ماو كي إنتي ماعندكش سلطة و ما تنجم تعملي شي قلي ما نجمش أيه تقضي و لا تقضي عادي
مصطفى الجنون بدات تطلعلو، رائد و ريان كي حسوها بدات تقراص غمزو أمهم باش تتدخل
-جميلة: أيا قصو علينا هالحديث و خليونا نأكلوا رايضين ولا ماتهنيوناش على هاللقمة، كانت تڤحر لبنتها فماش ما تسكت أما منين يا حصرة تقول عليها قالتلها زيد فيه
-منال: ياخي قلت حاجة عيب أنا، تعرفشي كيفاش، موش مشكل تو نتصرف وحدي ما تدخلش
-مصطفى: شمعناها للا رجل كرسي أنا في هالدار باش تقلي ماتدخلش، زايد هالقراية علمتك مان القباحة و الفصاصة
-منال: شنوة لا هكا عاجب و لا هكا عاجب ما فهمتش شنوة تحب بالضبط
جميلة عرفتها باش تلحم ça y est : حقا الأولاد شنوة عملتو في révisions وين وصلتو، هوما عرفوها تلف في الجرة و مشاو معاها في الخط و صطوفة فهمهم وين يحبو يوصلو ولا سكت و كمل عشاه أما بعد ما رما لمنال ڤحرة متع موت أما وين يا حصرة هي عاملة فيها مولا الدار موش هوني😂
كملو العشا و هي دخلت لبيتها تخمم يمكن راهي كثرتلها مع بوها أما هي ما قالت حتى حاجة غالطة باش هو يتغشش ، قامت عملت masque في وجها و رقدت طول
الحلقة الثالثة
قامت الصباح، وقفت قدام الgarde robe تلوج على حاجة posé, classe و sexy باش تمشي تقدم بيها demande متع الخدمة، كانت تغزر للمرايا و تعشق في روحها كيفاش طلعت تفتق، عملت روج، ثبتت في شعرها كيفاش مرتب، عملت selfie و خرجت direction للشركة إلي يخدم فيها بوها
طلت براسها و دقت عليه الباب ، هو كي راها تصدم ما تخيلش إلي هي باش تصحح راسها و تجي
-مصطفى: ياخي فاش تعمل لنا إنتي
-منال: ياخي موش إنتي قلت إلي الراجل قالك قلها تجي تصب دوسي، et voila هاني جيت
-مصطفى: بالله
جاوبتو بكل برود: والله😇، منين بيروه
زايد تعمل كان إلي في راسها، تنهد و غزرلها غزرت " صحة ليك غلبتني" تبسم على جنب يعرفها كي تصحح راسها و ما يڤدها حد يتجن ومنها أما تعجبو و يعرف إلي هو يتهنى عليها حتى كي يبدا موش موجود معاها
طلب الascenseur و طلعو باش يهبطو وين بيروإلي يقبل في الدويسات، كانت تغزر لروحها في المراية وقتلي وقف الascenseur ، حست إلي بوها تربث
-مصطفى: صباح الخير سي نضال
سكرت المراية و هزت راسها تشوف في الراجل إلي دخّل بوها بعضو تلقاه صفت واحد bogosse يعمل ستة و ستين كيف 😘 في الtrentaine طويل لابس chemise blanche مخيطة على بدنو حالل قفاليها الفوقانين، سروال أكحل، أقل ما يقال عنو فتقة متع زين قعدت تغزرلو أما موش غزرة متع إعجاب أما متع "آش شكون تسخايل روحك" و بالطبيعة هي لسانها ما يهنيهاش: يضهريلي من باب التربية كي واحد يسلم عليك ترد عليه موش هكا؟
تلفتلها يهز فيها و يحط
بوها مسكين وجهو مشا ألوان و جا ألوان أصلا هي ما تعرفش مع شكون تحكي قرصها من يدها باش تسكت و تبسملو تبسيمة متع ربثة
-منال: شنوة تعملي هكاكة نرمال هذا واحد قد بوه يقلو صباح الخير و ما يردش عليه وين عايش في عهد البايات ملا
كان يسمع فيها و يغزرلها و هي زادة تتشوحر عليه، دوب ما حل الascenseur بوها خطفها من يدها و خرجها يعرفها باش تقعد تجغجغ كيما عادتها، هزتو و حطتو و خرجت تقول هيا مولات الشركة موش هو
رجع تسكر الascenseur و هو واقف في بلاصطو كي statut ما عمل حتى réaction أما قعد يتفكر في الكلام إلي قالتهولو مليح خاطر موش باش ينساه و باش يخليها هيا ما تنساشي زادة
الحلقة الرابعة
-مصطفى: توا إنتي نرمال ما تسكتش
-منال: و شنوة عملت أنا كرايا ماحبيتوش يذلك و شكونو هو أصلا
-مصطفى: تي هذاكة سي نضال ولد العرف الكبير
-منال: سيد على روحو و برا ولد رئيس الجمهورية ملا قلة تربية
-مصطفى:إمشي كان باش نتباصى راهو جرتك إنتي
-منال: متخافش ما عندهم ما يعملولك مرسم و أمورك هانية و كان تحب تنقبلهم عينيهم و en tout cas أنا إلي حكيت و في les pires de cas ما همش باش يخدموني طز فيهم و في خدمتهم
تنهد: يعطيني شوية من برودة دمك
-ضحكت و ضربتو ضربة خفيفة على كتفو: مالا يا صطوفة يلزم تعرف شنوة عندك راني منال ههه
تبسم: باهي للا إمشي
حطت وراقها و سقسات عالشركة، و الخدمة، تضرب فيها نبيل إلي لاهي بتدخيل الخدامة ووعدها باش يحاول الmax باش يدخلها
خرجت من غاديكا و ضحكتها واصلة لوذنيها بدات تقص في الكياس و تتعدا قدامها كرهبا شوية لا ضربتها فجعتها، نحات lunette soleil متاعها باش تعرعر عليه أما هو ما خرجش من كرهبتو، ديمارا و جا خارج أما مع شكون جا لعبو، وقفتو قدام الكرهبة،فد كان لقا راهو عجنها و تعدا، جات من بحذا الباب و حلتو: ياخي موش ترا في passage piétant أعمى متع وذني،شكونو هالبهيم إلي عطاك الpermis، أصلا إنتي و أمثالك إلي خليتو البلاد
طرف الصبر إلي عندو وفات، خرج من الكرهبة ووقف قدامها
ما صدقتش عينيها، ضحكت ضحكة متع تمنييك: صار هو إنتي
مشات و بدات تمتم وحدها: زايد والله أصلا الواحد آش باش يستنى منك ولا منغير تقول يمشي في شارع بوه
شدها من يدها و قربها ليه: شفتو الوجه هذا أحفظه مليح خاطر مازلت باش تشوفو و تعرف مولاه شنوة ينجم يعمل
حست بقلبها خض في صدرها، أول مرة تحس بالخوف،
قال الكلمتين و رجع ركب كرهبتو خلا وراه كان العجاج
حست بالبرد سرالها في بدنها الكل، غزرتو رعبتها، غزرت ليدها إلي حمارت من قوة شدتو، زادت غزلت منو، وقفت taxi و روحت للدار بعد ما فسد نهارها في جرتو
الحلقة الخامسة
تعدات جمعة عالفازة و منال من بلاصة لبلاصة تصب في cv متاعها،لين عيات و فدت،
كانت قاعدة في قهوة هي و صحابها متع الفاك عندها قداه على هاللمة، وقتلي ضرب تاليفونها ، نومرو ما تعرفوش هزت ، طلعت وحدة من الsociété إلي يخدم فيها بوها تعلم فيها إلي يلزمها تجي عندها entretien متع خدمة ، ما صدقتش روحها و أخيرا باش تزهرلها و تخدم و تحقق حلمها و تكون مستقلة ، أما حست بخوف كي تفكرت الفازة إلي صارتلها مع نضال زعمة كان يسمع ما يقبلهاش، ضحكت وحدها : محسوب هو فايق بلي داخل و لي خارج باش يفيق بيها ولات تخدم غادي😏 و حتى لو كان محسوب
روحت للدار بعد ما شنعتها مع أصحابها و عالعشا الناس الكل كانت لاهية تاكل سألت بوها
-منال: حقا بابا كلموني من الخدمة قالولي عندك entretien غدوة
-مصطفى: يزي هو نبيل ما علمنيش و ما سمعت بحد بطل غريبة
-جميلة: هيا ربي يسهلك بنيتي
كملت عشاها و دخلت لبيتها تخمم في كلام بوها إلي حيرها و دخللها الشك في قلبها ، ما تحبش تخمم ياسر يلزمها تخطف و تتقبل غاديكا aprés tout شركة محترمة و سمعتها معروفة.
قامت الصباح بكري تحضر في روحها تغزر للمراية و تعاود لبست jupe noir و معاها mousseline blanche chemise و talon fi noir طلعت ياسر كلاس، هي تعرف كيفاه تستغل les details متع بدنها و إلي يواتيهاغزرت لروحها في المراية و تبسمت شايخة، عندها ثقة بلي باش يقبلوها خاطر a part زينها و ستيلها تعرف إلي هي capable حتى لو كان ما عندهاش خبرة، حطت les lunettes soleil متاعها و خرجت مالدار.
وصلت للaccueil ، حولوها directement على بيرو نبيل إلي عطاها ورقة باش تعمرها و هزها معاه لبيرو آخر: تو نقلك bon chance
حست بشوية stresse أما ما حبتش تضهر على روحها و قعدت تستنى...
الحلقة السادسة
عندها ساعة و نص و هي تستنى فدت لين ما عادش فيها: قامت و مشات للطفلة إلي في البيرو: mademoiselle ياخي باش نبقى نستنى ياسر هكا ، يضهرلي وقت rendez-vous من بكري ولا أنا غالطة
-والله مدام directeur عندو شوية خدمة و هو باش ندخلك
منال ما عجبتهاش التبسيمة الصفرة متع الطفلة، تنفست بالقوي، طلت عالمنڤالة و تلفتتلها:شو عيش أختي كان مازال باش يبطى خليني نروح normalement حتى هذي خدمة ولا شنوة رايك إنتي، قالتلها بڤحرة
قامت الطفلة من يبررها و دخلت للبيرو و بعد بشوية طلعت: تفضل مدام
دخلت منال تغزل خشمها في السما تقول مولات المول، كان البيرو كبير، عدات عينيها تلوج عليه بعينيها، شكونو هذا إلي خلاها تستنى😤
-تفضل أقعد
تلفتت شيرت الصوت و آخر واحد كانت تتوقع إلي باش يعمللها interview هو نضال، نفخت و حطت يدها على جبينها و هو بدا يقدملها بالسياسة إيديه في مكتوبو، هو يقرب و هي ما تحركتش من بلاصتها عينيها مرشوقين فيه ما هبطتهمش كايني تتحدا فيه كان يقدم لين ولاو face à face هو وياها
-نضال: فما مشكل mademoiselle
تبسمت على جنب و عرفت إلي هو موش ناوي عالخير و تفكرت الكلام إلي قالهولها أما يبطى شوية كان باش تخليه يوصل للي يحب، تعدات بجنبو قعدت و حطت ساق عالساق
ضيق عينيه مستغرب مالréaction متاعها
-منال: يضهرلي ما عندكش برشا وقت، نجمو نبداو كان تحب
كلامها ما عجبوش و موش هذا إلي حب يوصلو، قعد على بيروه و شبك صوابعو يثبت في cv متاعها و يخمم شنوة باش يقلها
رجع هز راسو يلقاها تتشوحر عليه
-نضال: أحم، تنجمش تقلي شنوة يخليني نخدمك عندي؟؟
سؤال عادي أي entrepreneur ينجم يسألو أما في situation كيما هكا منال حست إلي هو يقصد في حاجة أخرى، خذات نفس طويل ورجعت غزرتلو بثيقة: bon tout d’abord أنا باش نخدم في الشركة و موش عندك و ثانيا نحب نقلك إلي أنا عندي des compétences تخليني je m’intègre و عندي الesprit de l’équipe donc يضهرلي c’est la bonne décision إنك تخدمني هوني
-نضال: ah bon ضيق عينيه و غزرلها كيفاش تحكي و تعبر، كان معمل باش يمرمدها و من بعد ما يقبلهاش أما كل شي طاح في الما يلقا روحو يعمللها بلحق في entretien ما أقواها و هي تحكي عجبتو، هو عندو جمعة يسأل عليها و كي عرف إلي هي قدمت demande و تحب تخدم لقا البلاصة إلي باش يشدها منها و يرجعلها الفازا إلي عملتهالو
قام من الكرسي هز تلفونو و مفاتحو و خرج و بعد شوية دخلت الSecretaire قلتلها إلي هو خرج و كان فما حاجة تو نكلموك
هبلت في مخها آخر حاجة كانت تتصورو يعملها يمشي و يحقرها، عينيها شعلت نار: تعرفشي كيفاش أنا هاني مروحة و حتى كان قبلتوني منغير ما تعيطولي خاطر مانيش باش نجي و ما نخدمش في بلاصة ما تحترمش العباد إلي باش تخدم عندها
خرجت من الباب كان لقات راهي حرقت أم الشركة بلي فيها رجعت للدار تمتم وحدها .
دخلت لبيتها و سكرت الباب بالقويheureusement ما كان فما حتى حد في الدار
نحات دبشها دوشت و رقدت direct
الحلقة السابعة
مصطفى مشا سأل نبيل على حكاية الinterview ما فهمش شنوة صار مع بنتو أما ما وصل حتى لحاجة خاطر حتى هو ما عندو حتى فكرة علي صار.
قعد Cv منال عند نضال كل مايراه يتفكرها، وحلت مع مخو ، فما حاجة شدتو ليها
كلم السكرتيرة و قاللها باش تطلبلو ressources humaine باش يطلبوها أما هي عندت و قالتلهم معادش عيني في الخدمة، كي سمع تبسم على قوتها أما تغشش على خاطر ما هياش باش تجي بالساهل
عيط لبوها في البيرو: تفضل سي مصطفى أقعد
مصطفى كان مربوث و داخل بعضو أول مرة يطلبو المدير:عيشك، حاجتك بيا سي نضال
كان يغزرلو يسأل في روحو منين بنت واحد كيما هذا جابت هالعنطزة الكل
-نضال: بنتك منال، قدمت demande و cv متاعها و حبت تخدم لهنا، عملنالها entretien و قبلناها على هالأساس، و كي طلبناها باش تكمل وراقها و تبدا تخدم قالت بطلت و ما عينيش، بالكشي هوني شركة السيد الوالد و أنا ما فيباليش تراه قلي؟
🥺مصطفى ما لقا ما يجاوب حس بروحو تهنتل في جرت بنتو لأول مرة في حياتو و المشكل إلي هي ما قاتلوش على هذا الكل
-نضال: bref أحنا توا قبلناها و على خاطر carrière النظيفة متاعك باش نعاودو نعطيوها فرصة أخرى ، donc فيدها من هنا لنهار السبت باش تكمل وراقها و تبدا تخدم، يضهرلي كلامي واضح موش هكا
مصطفي مغصور: مفهوم الله يبارك سي نضال خليها علي تو نكملهم أنا الأوراق و نجيبها بيدي و سامحنا عالإزعاج
غزرلو نضال مرة أخرى حس بالذنب ما حقوش حكا معاه كيما هكا و دخلو في الحكاية أما يعرف إلي هي ما باش تجي للخط كان هكا
خرج مصطفى من غادي ضايق و فادد، رجع لبيروه كان يستنى في الوقت باش يتعدا، كي ضربت الخمسة، هز مفاتحو وروح متحزملها.
دخل للدار و كشاكشو طالعا، خرجتلو جميلة مالكوجينة مفجوعة: ويني بنتك
-جميلة: في بيتها وين تحبها تكون
مشا direct و هي خلطت عليه حل الباب على طول، تفجعت: ياخي شبيك بابا هكا يدخلو لبيوت العباد فجعتني
-مصطفى: و كي يناديني أناالمدير في جرتك و يقلي بنتك طلبناها و ما حبتش تخدم شنوة كان شعوري أنا وقتها
جميلة حطت يدها عل فمها، منال إستغربت صار هوما ستيل صبان الصبة : et alors شنوة المشكل ما عادش نحب نخدم غادي نسا هو شنوة عمل فيا مخليني مطيشة ساعة و نص و من بعد يمشي و يخليني
-مصطفى: ها للة شنوة تسخايل روحك ، بالك تو يفرشولك الtapis rouge خاطر سيادتك باش تعمل entretien راك جرد وحدة من آلاف تو تحبس الخدمة كي إنتي ما تجيش محسوب
-منال: vas-y مالا شنوة المشكل يلقاو الخير
-مصطفى: تسمع يا جميلة في الفصاصة متع بنتك الكلو من هالتربية الهايلة متاعك ولا شكون حللها عينيها هيا، أسمعني كلمتين خوات معادش طايقهم يزيني إلي سمعتو في بيرو المدير اليوم من جرتك، غدوة باش تمشي معايا لغادي و كلب جيفة فوق رقبتك ماك تحب تخدم، إخدم مالا
قداش تنرفزت كي سمعت إلي هو هنتل بوها، نارها شعلت شنوة يسخايل روحو، قعدت تاكل في روحها ليلة كاملة و تستنى باش تشوفو غدوة و تعرفو حدودو
الحلقة الثامنة
قامت الصباح مستلبسة حضرت روحها و خرجت باش تفطر مع دارهم ، بوها طرف طرفين يرميلها ڤحرة ولا نفخة أما هي لاعبتها مولا الدار موش هوني😂😅
-مصطفى: جميلة قول لبنتك تلف روحها و تخلط عليا هاني نستنى فيها في الكرهبة، زايد حفظتو كي يبدا متغشش يعمل روحو حاقرها و ما علا بالوش بيها و يوصللها في الحديث مع أمها أما هو في الحقيقة يبدا يخمم فيها حنين زايد❤️
غزلت كي شافتو عمل معاها هكا، قامت عاودت غزرت لروحها في المراية و خرجت
كملت عمرت الأوراق الكل ، صححت وريڤلت bn هي ماجاتش على خاطر هكا ، جات باش تقابل سي الشباب إلي هنتللها بوها، تعداتلو direct لبيروه كانت محضرتلو برشا كلام، أماطلع على فشوش خاطر السيد طلع سافر و يرجع بعد جمعة
روحت منرفزة و تقول عليها ما عملت شي موش هذا إلي حبت توصلو هو توا يتسمى مشّى كلامو عليها و كسرلها شوكتها كي ولات تخدم غادي، أما نهار إلي يروح يعمل ربي دليل
بدات الخدمة و بالطبيعة الpériode الأولى تبدا صعيبة باش تعرف العباد إلي باش تخدم معاهم و تفهم نوع الخدمة أما بالطبيعة ما يتخافش عليها منولة فيسع ما تتعلم✌🏼
تعدات الجمعة بضحكة و لعبة و ليوم نهار الإثنين اليوم راجع سي قيس، كانت محضرة discours طويل عريض باش تقولهولو أما كي العادة ما نجمتش تتحصل عليه خاطر السيد لاهي من réunion لآخر
فهمتو ما يحبش يقابلها أما إلى متى باش يهرب تو يدور يدور و لازم باش يتقابلو
نضال كان يتبع فيها من بعيد، مركز مع كل geste تعملها، فيسع ما دخلت في الجو و عملت أصحاب أما ما زالت ما تعرفش الحقيقة المرة، هز التلفون و طلب من الSecretaire باش تعيطلو الresponsable متاعها
دخل منير إلي هو المسؤول المباشر على منال، قعد مع نضال و فسرلو إلي حاجتو بيه بالضبط يلزمها تخدم و تتمرمد في الخدمة و "هزها و ردها للبلايص الكل على قد ما تقدر" هذا ما قالو، منير قعد باهت أما ما ينجمش يعكسلو كلامو تبكي أمها ولا تبكي أمو كيما يقولو.
هبط للبيرو متاعو و ناداها، قعد يثبت فيها مليح و يتفكر في كلام نضال
-منال: تفضل سي منير فما مشكل علاش عيطلي
فيقتو من سرحتو: أيه تفضل أقعد، باش نكلفك بمهمة و يلزمك من هوني للعشية قبل ما تروح تعطيهالي خاطر باش نستحقها للréunion متع غدوة الصباح، تفضل هاو الأوراق إلي يلزم يتحضرو
تصدمت كي شافت الأوراق: ياخي هاذم الكل يلزمني نحضرهم وحدي ، ياخي شنو تسخايلني؟
-منير: هذاكة هو يلزم يحضرو
-منال: شنوة معناها ما فماش شكون باش يعاوني فيهم تي هاذم تحبلهم ثلاث أيام تحضير و شوف شوف
-منير: يضهرلي جاية هوني باش تخدم موش هكا déjà عباد أقل منك و حضورهم
هزت الأوراق بنطرة و طرشقت الباب شوية و لا قلعتو معاها
رجعت على بيروها ترحي دخلاني و يدخل كمال responsable marketing ملي دخلت تضرب فيها و في ستيلها و حب يركحها: آه ڤطوس موش باش تفطر
-منال: سيبني يا كمال أمان باش نموت بالحمصة
-كمال: سملا عالزين شفما
-منال: تي منير أكالسخطة عطاني خدمة urgente تو باش تفكرها و يلزمها تحصر لغدوة أوف، برا أفطر ما تقلقش روحك
-كمال: أوه على أمي ، باهي تو نجيبلك حاجة في يدي و دوب ما نكمل تو نجي نعاونك
ضحكتلو ضحكة عسل دوختو بيها: ما تقلقش روحك merci en tout cas 🥰
خرج من بحذاها و عينيه قلوب قلوب ، باش يهبل عليها
هزت شعرها الفوق و بدات تقرا في les documents باش تحضر الrapport إلي طلبو و الأوراق اللازمين
الحلقة التاسعة
توا الخمسة متع العشية ، الخدامة بدات تروح و هي مازالت ما كملتش شطر الأوراق إلي حاجتها بيهم، ضرب تليفونها: oui بابا ، مانيش مروحة برا على روحك مازالت عندي شوية خدمة و تو نروح
-مصطفى: ياخي ما تصبرش لغدوة الخدمة، و شبيك ما كملتش من قبل
-منال: أوه بابا ما تلهينيش و أصلا تو برك جابهالي منير الخدمة، هاني قتلك برا روح على روحك تو نكمل و نروح
مصطفى ما عجبتوش الحكاية أما الله غالب هذيكة الخدمة تنهد: تحب نقعد بحذاك لين تكمل
-منال: بلاهي صغيرة نرضع في صبعي قدامك برا يا بابا حكاية ساعة أخرى و نروح
-مصطفى:باهي رد بالك عيش بنتي و أطلبني كان حاجتك
بحاجة
علقت التلفون و نفخت بعصب حتى من منير العلّة روح و خلا أهل البلا في البلا
غزرت للمنڤالة تلقاها السبعة، الدنيا ضلامت أما هي ما زالواها شوية أوراق يلزمها تمدهم من الarchive هزت المفتاح و هبطت للsous sol كان ضلمة أما كبست روحها حلت الباب و الضو ، كان معبي بالغبرة و ريحة الندا، مشات للrayon إلي حاجتها بيه تثبت في les boites d’archives ، وخرت بالتوالي باش تنجم تشوف مليح حست بحاجة ضربت فيها على تلفيتتها تلقى نضال وراها، عيطت بالقوي، حطت يدها على قلبها و ضربتو على كتفو: فجعتني و رجعت تمتم وحدها"ياخي فاش يعمل هالهم هذا هوني"
وجهو تقلب: يضهرلي الهم هذاكة في محلو كان نسيت و أنا إلي نسألك على شنوة تلوج في archive في وقت كيما هكا نشالله موكش باش تعملنا sabotage ولا حاجة
-منال: نعم ماو لاباس فاضية شغل أنا ملا تفاهة
بدا يقربلها و les grimaces متع وجهو تبدلو و تقلبو غش: شكون التافه مالا
-منال: انتي شنوة تحب عليه تو، bien sûr منيش قاعدة هوني محبة ، عرفي عطاني خدمة و يلزمني نكملها للréunion متع غدوة
زاد قربلها لين لسقها للrayon عينيه تحوس في وجها الكل، زاد قربلها أما هي حطت يدها على صدرو تبعد فيه: ياخي فاش تعمل إبعد علي، ملا نرمال ياخي إنتي
شدلها يدها و بعدهالها، فارعت بيده الأخرى زاد شدهالها، قرب وجهو ليها عالآخر، أما هيا بعدتو و زادت عطاتو ضربة بالtalon متاعها خلاتو يتوحوح : هذاكة باش تعرف مع شكون تلعب يا ساقط
خرجت مالarchive و سكرت عليه الباب و روحت طول تجري.
كي وصلت للدار تلقا أمها و بوها بحذا الباب كبست روحها : ياخي فاش تعملو البرة
-جميلة: إنتي إلي وينك عنا ساعة نطلبو فيك ما تهزش
-منال: آه ما فقتش بيه، مدت يدها لل sac تلوج عليه ما لقاتوش، يا تلفوني مالقيتوش
-مصطفى: هذاكة من عقلك الكامل، أدخل برك طيحتلنا قلوبنا
قعدت تخمم وين خلاتو،تعصر في مخها، باز في الخدمة، نفخت كي تفكرت الفازة إلي صارتلها، آش باش تعمل تو
دخلت دوشت و ترمات عالفرش tellement تعبت في الخدمة حبت ترقد أما ما نجمتش، تتفكر في نصال كيف حب...، أما يستاهل، ضحكت وحدها كي تفكرت ألا هي سكرت عليه الarchive و روحت و ماعندو ما يعمللها بعد هكة، شنو يسخايل روحو
الحلقة العاشرة
نضال كان شادد رجلو يتوجع وقتلي سمع تدويرة المفتاح، جرا للباب يلقاه مسكر، ضحك بتغزيلة و حمصة ياخي تسخايلو باش يبات هوني هذي خاطر سكرت عليه الباب، مد التلفون و طلب sogegard:إيجا حل باب الarchive تو
-الله يبارك سي نضال
هز تاليفون إلي خلاتو و خرج، سألو كان راهاش قدامو قلو راهي روحت عندها ربع ساعة
خرج يكوع 😅 و العصب يهز فيه و يحط ، كركرتو مسكين، ركب كرهبتو و طار ما خلا وراه كان العجاج
دخل للداريتمتم: معنتها أنا فقصة ما توصلش لحزامي تعمل في أنا هكا، باهي يا منال تو نوريك مع شكون جا لعبك
-شبيك لتو سي الشباب هكا تخليني متحيرة
تلفت يلقا أمو نفخ بفدة: ما تحيرش كنت في الخدمة
-وه خدمة لتو
نفخ بعصب: شو أمي للtop راني، خليني نطلع sinon خنرجع نخرج
-و شنوة مغششك نشالله خير
-نضال: حتى شي خدمة
-باهي باش ترجع تطلع تو
-نضال: أيه
ديما جوابو كاسح مع الناس الكل و خاصة أمو إلي عمرو ما سامحها على خاطرها طلقت هي و بوه، كان محملها هي المسؤولية الكل، هي السبب إلي خلاتو يتحرم من لمة العيلة.
نضال أمو و بوه طلقو وقتلي كان كان عمرو عامين، و كل واحد فيهم عاود حياة أخرى مع عبد آخر، وقتلي غلق 6 سنين راجل أمو بعثو يقرا بعيد ما حبش يربي ولد راجل آخر .
هو ما يعرفش شمعناها عيلة و دار يروحلها، كان يرا في أصحابو ملمومين مع عايلاتهم إلا هو، حس باليتم ووالديه حيين
وقتلي وصل 12 سنا توفا راجل أمو في accident و هي وقتها وين تفكرت إلي عندها طفل و قررت باش ترجعو بحذاها
طلع للبيت رما الveste و رما بدنو عالفرش مهدود موش بالتعب أما من برشا حاجات أخرين، غمض عينيه لدقيقة و بعد قام دخل للدوش و خرج لابس منشفة في حزامو، ثبت في تلفونو لقا 2appels رماه و تعدا للdressing باش يمد دبشو، هو متعدي و يشوف في بلاصة زرقة في ساقو، تفكرها كي ضربتو بالtalon : جاب ربي جات في ساقي هالهم هذي يحكي و يتخيل في حاجة أخرى كانت تنجم تعملهالو😜
لبس و خرج مشا لبلاصة العادة وين ديما يسهر
بدا يشرب كالعادة أما الليلة بالذات كثرلها شوية موش منحم يعدي الشي إلي عملتو معاه منال ، علاش متخافش منو كيما برشا ناس، شبيها ديما موقفة شوكتها من ناحيتو موش normalement تتضرب فيه كيما برشا بنات، نفخ ماذابيه يشدها قدامو و يعيط عليها و يخنقها و يسمعها برشا كلام و من بعد يطردها أما هي كل مرة تجي ترميلو كلمتين و ما تخليشي يعمل حتى réaction و تمشي😆.
الدنيا معبية و الموزيكا ما تخليك تفهم حتى شي، يشوف في خيال طفلة من بعيد تشطح و تتمايل ، و بحكم السكرة يسخايلها منال ضحك وحدو: أسمع أسيدي هاي مدام الأخلاق الحميدة هوني
قام من بلاصتو و مشالها و دورها ليه و قربهاأكثر يحكي معاها و هو دايخ بالشراب و هي كيفو بالضبط.
ماكانتش مالعاكسين مشات معاه في الخط و بعد شوية خرجو مع بعضهم و مشاو لappartement عاملو بذمة حاجات كيما هكا
حل الباب و سبقها
-نضال: أدخل للا زارتنا البركة
-merci
تكا عالbanque و هي جات خلطت عليه
كان يثبت فيها و يستخايل في منال في بلاصتها، ضحك وحدو و كمل: ملا كعبة إنتي و الله، مالا تضربني و تسكر علي باب الarchive
-ما فهمتكش فاش تحكي
-نضال: هه هاو باش نفسرلك، جبدها ليه و بدا يعدي في يدو على بدنها الكل كان يستخايل فيها قدام كل حركة يعملها كانت تشعل فيها لين معادش فيها، ترمات علية و حطت شفايفها على شفايفو دوختو ، نحاتلو الchemise و رماتها عالقاعة و هو قلبها تحتو و كمل إلي هي بداتو ....
الحلقة 11
قام عقاب الليل يشوف في بدن عريان مطيش بحذاه بعدلها شعرها حب يثبت فيها، تبسم وحدو السكرة خلاتو يسخايل برشا حاجات، خلاها و مشا كمل نومتو في بلاصة أخرى
قام الصباح يحل في عينيه بالسيف يغزر للسقف ، راسو باش يطرشق بالوجيعة، هز روحو ، دوش و تعدا للدار بدل دبشو و تعدا للخدمة
خلاقو في صباتو موش حامل حتى روحو، دخل لبيروه و سكر على روحو الباب و قال للسكرتيرة باش ما تعديلو ولا تدخلو حد.
منال قامت كي العادة الصباح و معملة باش اليوم تقدم الdémission متاعها
دخلت تلوج على تالفونها إلي فقدتو مالقاتوش بلي لوجت عليه عليه و تعدات لعرفها حكات معاه وزادت حكات مع chef personnelعلى التبطيل
نضال سمع الحكاية زاد هبل في مخو ، طلبهم عيطولها، دوب ما جات دخلتها السكرتيرة طول
منال قبل ما تدخل جبدت نفس طويل كي تفكرت الفازة إلي عملها معاها البارح، دخلت لقاتو شادد راسو و يتوجع، كي راها رجع إستوا روحو وقعد يثبت فيها كيفاش داخلا و كلها ثقة في روحها
-نضال: تفضل أقعد
-منال: لا ميسالش خليني واقفة حاشتك بحاجة عيطلي
نرفزتو وخر بالكرسي و قعد يثبت فيها و نسا روحو، واقفة و ما حبتش تطيح من روحها طلعت منو كلمة برك: علاش
غزرتلو بإستغراب: شنوة إلي علاش
-نضال: علاش تحب تبطل
ضحكت بتمنييكة زادت نرفزتو: ياخي إنتي تحكي بجدك و إلا تفدلك، يا خي عندك ال Alzheimer و إلا شنوة، نسيت روحك لبارح آش حبيت تعملي
-نضال: علاه إنتي نسيت زادة إلي عملتو
كي تفكرت الفازة شاخت بالضحك أما رجعت كبست روحها، كتفت إيديها و تلفتت: شنوة تعملي harcèlement sexuel و تحبني نسكتلك
صدمتو كيفاش تحكي
-منال: بالكشني باش نخاف منك محسوب كي باش تجيبني لنا
-نضال: و علاش ما مشيتش شكيت مالا و شبيك تحب تبطل، خايفة لا نعملك حاجة أخرى مثلا
تنرفزت من كلامو ، ركزت يديها عالطاولة : ما عندك ما تعملي إنتي و عشرة من أمثالك، بالك تسخايلني ما فقتش بفازة الخدمة الurgente إلي باعث واحد من كلابك يعطيهالي أما عاود أقرى حساباتك منيش غزيلة شرود باش تراك باش تسلم، أنا وقت الجد تلقا قدامك لبوة 🦁😤باهي
ضحك عليها، ملا كعبة، هي تحكي و هو يغزرلها عجبتو كي تحكي
-نضال: باهي قداش تحب و تبات معايا
ضحكت ضحكة متع مانيش مصدقة إلي يحكي فيه: شو نقلك حاجة... ولا تعرفشي كيفاه إنتي مخك في سروالك زايد الحديث معاك دورت وجها و جات خارجة
طرشق بالضحك عليها و قام من بلاصتو وحصرها مع الباب، هي ما تلفتتلوش، و ما غزرتلوش حاصرة دمعتها بالسيف، أول مرة واحد يقللها فازة كيما هكا زعمة لهدرجة ماعادش تتعرف الطفلة المتربية مالخامجة: بعد يديك خير ما نصيح و نلم عليك الناس الكل
نضال حبس غادي موش مستانس يخلط خدمة و جو أما حب يسكرلها شوكتها بأي طريقة: عيط للصباح ما يهمنيش
دارتلو بعصب عينيها حمر من كثر ماهي حاصرة دمعتها، و هو شايخ هزت راسها الفوق، حتى حد ما ينجم يوطيلها راسها ، حطت يدها على سدرو و زادت قربتلو لين معادش فما فضا بيناتهم، قربت ووشوشتلو: كان المرة الفايتة جاتك في رجلك المرة هذي نخليك معادش تجيب صغار
ضحك و بعد عليها اللعب ولا بعشانا😂
ورجع قعد عالكرسي
-نضال: إيجا أقعد إيجا منيش باش نعملك حتى شي
-منال: محسوب شنوة تنجم تعملي
-نضال: شو خلينا تو من هالparatain الكل، أقعد ما عنديش برشا وقت عندي réunion زيد شوية
ما حبتش و هو ما حبش ينزل عليها أكثر:en tout cas أنا démission مانيش قابلها أصلا آش خدمت إنتي باش تفد و تبطل و en ce qui concerne إلي صار البارح و اليوم هذاكة درس باش تعرف حدودك كي تجي تحل فمك معايا sinon ما يمشيش مخك لبعيد و تسخايلني تضربت فيك وإلا حاجة
-منال: موكش عادي والله، حلت الباب و نطرتو و هي خارجة، إلي غادي الكل سمعوه
الحلقة 12
رجعت تغلي لبلاصتها، تفرك ملا بلاصة طاحت فيها وين يحب يوصل بالضبط و شنوة يقصد بيه كلامو هذا، درج و دخل عرفها منير في إيديه حملة دوسيات، ركزهم على بيروها غزرتلو بإستغراب: شنومة هذم
—منير: هذومة des contrats بعثهملك سي نضال و قالك تثبت فيهم العشية عنا معاه réunion
-منال:كيما réunion متع الصباح إلي بيتني هنا باش حضرتلك أوراقو😠😒
شرق مسكين ما لقا ما يقلها وهي كلمتها ديما حاضرة: لا هذاكة annulé شعليك فيه
نفخت بفدة ماهياش فاهمتو وين يحب يوصل.
جات pause متع الفطور خرجت كي العادة هي و كمال باش يفطرو مع groupe ملي يخدمو غادي
-كمال: تو بلحق باش تبطل، تو إنتي نرمال أمان يزي مالدلال و أقعد الزح والله ولا جو أكثر كي جيت، نهون عليك أنا تمشي و تخليني🥺😔
-منال بتبسيمة: أسكت علي هاني مازلت نخمم
-كمال: باهي إنتي علاش تحب تبطل شنوة المشكل
تفكرت نضال و فازاتو حبت تحكي لكمالpuisque هوما ولاو صحاب، أما قص عليها تلفون بوها، نفخت بعصب، باز راهو سمع بتبطيلتها، دارت لكمال: ياخي هالبلاصة ديما هكا الحكاية إلي تصير تلقاها عند الناس الكل
-كمال: آه هذاكة هو
قامت من عالطاولة و هزت عليه: نعم بابا
بدا مصطفى يعرعر عليها لين نقبلها طبلة وذنها😅: توا إنتي نرمال تبطل و ما تعلمنيش و نسمع مالبراني، هكا تخليني فالحشومة مع الناس توا هكا يا رسول الله
-منال: يابابا في عقلك مازلت راهو
-مصطفى: كيفاش مازلت و سيادتك اليوم عند المدير ياخي باش تجلطني
فدت: باهي يابابا تو نحكيو في الدار
-مصطفى: و علاش موش تو، تو تجيني لنا
-منال: مانجمش تو عندي réunion أي باي تو
علقت التلفون و رجعت قعدت:أوووووف
-كمال: سملة عليك، شبيك زادة
-منال: بابا سمع بالتطبيل حلي مستوج آش باش يحلها معاه
ضحك يعرفها طبيعة مصطفى صعيبة: معاك ربي حتى أنا نقول كيفاش باش نسلكها معاه نهار آخر
دارتلو باهتة: فاش زادة
دخل بعضو : تي حتى شي تو كي يجي وقتو نقلك
كملو فطرو ورجعو للخدمة
توا الثلاثة متع العشية، تلمو في salle de réunion بعد شوية دخل نضال، رات عبد آخر قدامها موش ألا في البيرو، كان يحكي كيما les leaders حست روحها تصدمت فيه و سرحت معاه مع كل كلمة يقولها هي بالطبيعة ماخلاتش من روحها يلزمها توري روحها
مع الخمسة ونص كمل الréunion هو هز مفاتحو و طار عجاجة و هي هزت ساكها و خلطت على بوها إلي قعد يستنى فيها باش يعمللها طاروح
الحلقة 13
كثرت les réunion و كثرت الخدمة و منال منين كانت تحب تبطل نساتها جملة الحكاية، اليوم تعمل عام غادي، حبت تخرج دارهم و تعشاهم على حسابها، عملت réservation في restaurant مضخم، ڤدت روحها بالطبيعة كي العادة و مشاو عملو جو و ضحكة، على تلفيتتها تشوف في نضال داخل هو و بنية ضاهرة بنت فاميليالاباس عليهم، على تلفيتو تجي العين في العين هو وياها عمل روحو ما راهاش، غزلتها الفازة كيفاش يطفيها و لو موش في الخدمة موش باش ينقص منو شعرة كي باش يسلم
منال كانت عين مع دارهم و عين مع طاولتو باش تموت تعرف شنية الحكاية
هوما من بعد الفازة هذيكة ما صار حتى شي آخر هو على روحو و هي كيف كيف و ما يراو في بعضهم كان في les réunions
كملو تعشاو و روحو و هي مخها قعد معلق مع الطفلة إلي تعشا معاها شكوني
بعد بشهر الناس الكل ولات تحكي عالfiançaille متع نضال من بنت واحد من les actionnaires متع الشركة
ما قلقتهاش الحكاية جملة، أما حست بحاجة موش مفهومة كل ما تراه تحس بحاجة توجع فيها أما ما عرفتش علاش
الشركة الكل تقلبت بسي نضال و خطيبتو وين تمشي تسمع كان الهدرة هذي لين فدت
كمال من شيرة أخرى كان يلوج كيفاش باش يتقرب لمنال و يقلها إلي هو يحبها و جاتو فكرت weekend في الحمامات مع شلة من أصحابهم
منال ياسر شاخت عالفازة عام كامل ما خذات حتى congé وافقت ديراكت، حكات مع دارهم و bien sûr ما قنعت صطوفة كان بالسيف😓
تلمو الناس الكل قسمو رواحهم على زوز كراهب منال مع كمال و معاهم طفلة أخرى صاحبتهم و كرهبة أخرى فيها البقية
منال كانت قالبتها بالجو شايخة تعيط و تغني و كمال يغزر و يصلي عالنبي😘
وصلو ، خذاو les chambres متاعهم، إرتاحو شوية و خرجو يعملو في دورة في الأوتيل
ياسر عجبتهم بلاصتو vu عالبحر ياسر شاخو عليها
و قررو باش يعملو عومات قبل وقت الفطور
هبطو الكل منال كانت لابسة maillot فوقو mini short دجين، كمال كي راها دخل بعضو و عينيه ولات قلوب😍
مشاو و هي قعدت عال chaise longue مدت كتاب و قعدت تقرا
-كمال: شنوة منال جاية لنا باش تقرا تي شنوة هالكبي قوم خنعملو غطسة مع بعضنا
-منال: أسبقو هاني خالطة عليكم
-كمال: أف، باهي ما تبطاش، حب يكركرها معاه أما يعرف راسها كاسح
بعد ما كملو خرجو يلقاو منال تحكي في التلفون طلعو لبيوتهم و قالولها أخلط باش يفطرو مع بعضهم
كملو فطرو و تعداو يرتاحو في بيوتهم
في الليل سهرو في desco متع الأوتيل، و بعد طلعو رقدو.
منال ماجاهاش النوم قعدت في الbalcon تشوف في البحر محلاه، تبسمت وحدها ، كانت تحب تجرب ديما الغطسة في الليل أما ما واتاتهاش الفرصة، ضربت الفكرة في مخها، دخلت لبست maillot و الشورت و هبطت للبحر
قربت للما كان بارد يلسع أما هذا موش باش يوقفها و يلزمها إلي في راسها تعملو، نحات الشورت و دخلت تعوم، رقدت على ضهرها تغزر للسما كانت صافية و مزيانة، بعد بساعة طلعت من الماء كي حست روحها بدات تبرد كانت تسمع في صوت قوي متع ضرب قلبها تخلع من بلاصتو تخبات تحت chaise longue تشوف في ثلاثة أولاد داحمين في واحد و يضربو فيه، خافت لا يفيقو بيها أما سخفها إلي ياكل في طريحة، حبت تعاونو ما لقاتش كيفاش ، مدت التلفون و حطت صوت تقول عليها كرهبة منع بوليسية، هوما كي سمعو الصوت، خافو و هربو😜😝
كي شافتهم بعدو قربتلو: هاي يا خويا لاباس، تسمع فيا دورتو وجهو مضروب أما ماصدقتس عينيها : ياخي شتعمل هوني هكا، و شكونهم هاذم
الحلقة 14
غزرلها ، آخر وحدة كان يستنى يشوفها هوني غمض عينيه، ما حبش يغزرلها، دزها و بدا يقوم متوجع
تبسمت بتمنيكة "زايد هالنفخة الكذابة"
-منال: أصبر خليني نعاونك
-نضال: منحبش، سيبني و برا على روحك تو نتصرف
-منال: تي بربي تي إنتي حتى القومان ما تنجمش، قربتلو و بدات تقوم فيه و هو يتوجع: يلزمنا نكلمو البوليسية باش يشدوهم، ياخي تعرفهم إلي ضربوك
-نضال: ما تطلب حد و ما تدخلش في حاجة ما تعنيكش
بعد ما كانت ساندتو ، دزتو بغش: هكا! كرايا جايا نعاون فيك و الله
-نضال: إتلها في رو...
تشوف فيه كان كي طاح قدامها، دخلت بعضها و مشاتلو: نضال، أمان فيق، أوف ياربي آش باش نعمل تو، حبت تكركرو أما رزين عليها، مشات و خلاتو و بعد رجعت جابت معاها واحد مالخدامة إلي غادي عطاتو فلوس باش طلعو معاها للبيت منغير ما يشلق بيها حد، رماووه عالفرش و دخلت للsalle de bain جابت منها منشفة مبلولة باش تمسحلو الدم إلي في وجهو، بدا يحل في عينيه بالشوية ، نسا وجيعة بدنو و قعد مركز مع شعرها إلي يقطر هابط على أكتافها و أنفاسها إلي قريبة من وجهو قطعتلو أنفاسو، عينيه مرشوقين في صدرها إلي بان كي مالت شوية تنضفلو في الجرح إلي فوق عينو كي شلقت بيه كبستلو بالمنشفة وجعتو: آه تي بالشوية ياخي هكا علموك تداوي عبد مريض
ڤحرتلو على جنب: c’est bon شللت عينيك بالڤدا، نفخت بفدة و بعد مشات تفركس في الsac متاعها مدت لصقات غطاتلو بيهم الضربات إلي في وجهو: أيا تفضل تو بالسلامة
غزرلها و هو مازال دايخ فيها باهي لحضة نرتاح و هو باش نقوم
ضرب تلفونها، غزرت للوقت و ضحكت تلفون العادة: ألو أ بابا ياخي شبيك بطيت، قلت هذا موش باش يطلبني كي العادة
-مصطفى: نقص مالتروميز متاعك، لاباس عليك، كليتش، شربت
ضحكة بالقوي: شنوة صطوفة ماعادش طفلة صغيرة باش تقلي كليتش و شربتش، تلفتت تلقا نضال مركز معاها عاللخر، خرجت تحكي في الbalcon و هو وخر راسو عالمخدة و غطا عينيه بيدو، حس بوجيعة قوية في قلبو، واش خص كان ماجاش عندو حتى فرنك و عندو بو يسأل عليه كيفها هي، حسدها عليه، كان ساعات يعمل المشاكل بالعاني و يوصل حتى يدخل للحبس باش يرا غزرة خوف في عينين أمو و بوه
الحلقة 15
كملت تلفونها و دخلت، ضربتو بيه على رجليه، طفاها و ما كلمهاش، تنرفزت و بعدتلو يدو تلقاه في سابع نومة، سخفها مسكين و حست إلي هو تمرمد ياسر في هالليلة en tout cas ما تنجمش تقيمو وحدها،
حست بالتزيليفة، تفكرت إلي هي مازالت بدبش البحر المبلول، دخلت للدوش، عبات البانو و بدات تدندن ضربتها ساعة في الدوش، خرجت لافة المنشفة و بعد إتفكرت إلي هو في البيت، دارت مفجوعة تلقاه في نفس الposition إلي خلاتو فيها تنفست: أوه حمدلله مازال راقد
دق الباب إستغربت جات ورا الباب و قعدت واقفة: شكون؟
-أنا كمال
-منال: آه cv
-كمال: حل ياخي باش تخليني البرة
إستغربت من كلامو: ما نجمش كنت ندوش حاجتك بحاجة
ما تعرفش آش عملت في الطفل مسكين و هو يستخايل فيها في بشكير و مخو يألف وحدو😚😚 ، فاق على روحو: باهي إلبس و أهبط هاني نستنى فيك اللوطة نعملو دورة عالبحر أيا باي، ما عطاهاش الفرصة باش تجاوبو خاطر يعرف باش تقلو لا، نفخت بعصب: ناقصة أنا تو يا ربي
حلت الخزانة و مدت منها سروال دجين و بودي في الأكحل، كانت تبدل و نسات إلي نضال كان غادي و زيد فاق كي دق الباب و آش غزل عليها كي قالتلو راهي خارجة مالدوش، و كيفاش خارجة في هالوقت تطلفح مع واحد عقابات الليالي.
داخل بعضو و محموص، دايخ ببدنها إلي شلو و خلاه مبهم في زينو و مغزل منها كيفاش خارجة تتهومل مع واحد عقابات الليلي
طلت على روحها بالڤدا: باهي منولة مناش باش نقعدو ربع ساعة و نطلعو للchambre متاعنا نقومو هذا (على نضال) و نشدو فرشنا، رمات لروحها بوسة و تمت خارجة
هي خرجت منا و هو قام مرهوج و حاسس بدنو الكل شاعل ضحك على فروخيتها و هي تحكي وحدها ، حل الباب و خرج تبعها، ما حبش يخليها وحدها معاه...
الحلقة 16
منال و كمال، كان يمشيو بجنب بعضهم ساكتين، ما فما كان صوت الموج إلي يضرب في الرمل،
كمال حب يكسر هالسكوت: محلاه الطقس
تبسمتلو و تحدثت بصوت ضعيف: أيه، أماباردة شوية
-كمال: تحب نمشي نجيبلك حاجة تتغطى بيها
-منال: لا c’est bon ما تقلقش روحك، عيشك😊
رجعو يتماشاو ساكتين، وهو كان يخمم منين باش يبدا
و منال معادش فيها بالبرد ڤرست و تحب تروح: يزيني أنا اليوم مالبحر خليني نطلع نرقد هيا à demain
-كمال: هاي ياخي وين ماشية يا هرابة إنتي دخلت عمت من أصلو
تفكرت فازة قبيلة دخلت بعضها : آه أيه صحيح، أما أنا تعبت و نحب نمشي نرقد
شدها من يدها، و هي بعدتلو يدو: ياخي شبيك لاباس
-كمال: منال لحظة نحب نقلك حاجة
قعدت مركزة معاه، تستنى فيه باش ينطق
خذا نفس قوي : عندك شكون في حياتك؟
طرشقت بالضحك: ياخي هذا الكل باش تقلي عندك شكون في حياتي، ما عنديش يا سيدي
عض على شفتو شايخ: مالا شنوة رايك كان يولي عندك
-منال: أوف كمال أوصل و نقص علي من تزعبينك بردت راني
-كمال: أنا ماللخر إنتي عاجبتني و نحب عليك
هذا الكل كانت تعرفو بالمسبق، déjà شالقة بيه في الخدمة كيفاش يغزرلها و يتصرف معاها
-كمال: منال شبيك سكتت
-منال: أعطيني وقت نخمم و بعد نجاوبك، و تو خليني نمشي لا نموت بالبرد على خير
دخلت للبيت متحزمة و معملة باش تطردو، حلت الضو تلقا الفرش فارغ، تبسمت أما تمنات راهي كي جات لقاتو ، قعدت تخمم فيه وين مشا وزعمة cv و إلا لا لين هزها النوم و رقدت.
في الصباح قامت مخر، تكح و تعطس طلت على تلفونها تلقاه فيه جي 10 appels manqués نفخت و رجعت تغطات و رقدت، تلفونها رجع ضرب، هزت تلقاه كمال: تي وينك منولة من قبيلة و أحنا نطلبو فيك أهبط أفطر محضرين programme عالمي و الليلة فما سهرية
قصت عليه: لا ما نجمش، مريضة ، و مسكرة و نحب نرتاح
تفجع مسكين: شبيك لاباس، هو باش نطلعلك، ما نجمتش تحكي و هو علق التلفون، دقيقة و لقاتو يدق على بابهاقامت مالفرش، ستوات شعرها بلي تنجم حتى مريضة تحب تضهر مزيانة🤣 و حلتلو الباب ، قربلها و من غير ما يشاورها و بدا يتحسس في سخانتها، و هي حشمت و حبت تبعدو أما هو ما فهم شي، رجع دخّلها للفرش و طلبلها طبيب جا عدا عليها و عطاها دوا متع grippe
بعد ما مشا الطبيب قعد بجنبها بعد ما عطاها الدوا، حس إلي هي فرصة باش تقربو ليها، أما منال ماكانتش مرتاحة بالفازة و حبت تبقى على راحتها أما هو كبش فيها يحب يقعد بحذاها
ضرب تلفونو، صحابو يستناو فيه باش يخرجو برا الhôtel ، لقاتها من الجنة و الناس: كمال برا على روحك و ما تفسدش programme متاعك déjà باش نرقد و موش باش نقوم
حب يزيد يقعد بحذاها أما صحابو كبشو فيه، تنهد و طبع بوسة على جبينها: باهي رد بالك على روحك تو ما نبطاوش، توصيش على حاجة
عملتلو لا براسها و هو خرج مسكين حزين🥺
تبسمت، قداشو gentil ، هي أصلا كانت تحلم تحب واحد كيما هكاكة، المواصفات إلي تحب عليهم الكل عندو، أما فما حاجة فيه ناقصة و موش عارفتها شنية، كانت تلوج عالcoup de foudre ما حستهاش معاه.
غمضت عينيها و أول شكون جا على بالها نضال، نفخت ورمات مخدة فوق راسها و رقدت
الحلقة
17
ما تعرفش على روحها قداه رقدت، قامت تتكسل تلقاها الأربع متع العشية ، حست روحها خير، قامت و قعدت في balcon متع البيت إلي كان منو للجردة، خرجت تشم في الهوا تسمع في صوت التصفير تلقا زوز أولاد جيرانها في البيت الأخرى يرميولها في البوس و يتغامزو، دخلت و سكرت الباب خاصة و هي لابسة شورت قصير، طلبت أصحابها قالولها إلي هوما في café maure ، دخلت عملت دوش ، ركحت روحها و هبطت بحذاهم، قعدو غادي لوقت العشا، تعشاو و تفاهمو باش يخرجو يسهرو البرة ، منال ما حبتش تمشي خاطر مازالت مريضة، و déjà مازالت متقلقة قد ماحاول فيها كمال أما هي شدت صحيح، خذات قهوة و طلعت قعدت في بيتها، الدنيا كانت calme، منظر الجردة في الليل محلاه، كملت قهوتها و دخلت بدلت حوايجها و لبست حوايج النوم ، خذات دواها، نقصت مالضو و حطت التلفزة تخدم
حست بالفدة، ندمت إلي هي كسحت راسها و ماخرجتش عملت معاهم جو، طلت عالمنڤالة مازالت الحداش كي ضربت، بدات تبربش في تلفونها وقتلي سمعت صوت جاي من برا الbalcon ، طفات الهدرة، أما الحس زاد قوا حلت الباب و ما تلقا كان زوز أولاد داهمين عليها، جات باش تعيط أما واحد منهم سكراها فمها، حست بالخوف، بدات تفرفط تحب تعيط و تهرب أما الزوز كانو شادينها بالقوي
بدا واحد منهم يعدي في إيديه عليها بطريقة خلاتها تعاف روحها و في لحظت لهوة منو دزتو جا في القاعة، و عضت الآخر من يدو و خرجت من البيت تسطع في واحد منغير ما تخمم ياسر تخبات وراه و هي ترعش وتتكلم بزربة: أمان عاوني فما زوز...زوز...و طرشقت بالبكا، على خرجتهم يلقاو واحد واقف عملو روحهم متعديين، دزها بعدها عليه و شد واحد منهم يضرب فيه بغل قريب إلي قتلو، جا الآخر باش يحز على صاحبو زاد كملو عليه، كان باش يزيدهم أما صوتها وقفو: يزي أمان بلاهي يكفي
دارلها يلقاها مغطية وجها و تبكي كي الصغار، بعدلها يديها و بدا يكركر فيها للبيت
منال كانت تمشي و دايخة، و باهتة: ياخي شتعمل إنتي لنا
هو كان يمشي فيها كي الصغار حرف مانطقوش، دخلها للبيت و سكر الباب و هي نطرت يدها منو:ما جاوبتنيش فاش تعمل لهنا
كان حاطط إيديه في حزامو و ظاهر متغشش عالآخر
قربت للباب و حلتو: سامحني البرة
نطر الباب من يدها و سكرو بالقوي طيحلها قلبها معاه
-شكونهم هذوكم و فاش كانو يعملو في بيتك
....
-أنطق حل جلغتك شكونهم
عينيها دمعت بالخوف، طبست راسها و شبكت يديها كي الصغار: ما نعرفش
-شمعناها ما تعرفش أنا نعرف، تتبهنس للا منال حل فمك وما تنطقنيش
-منال: والله لا نعرفهم كنت قاعدة في البيت نسمع في حس في الbalcon ، كي حليت هجمو علي الزوز و حبو....
ما تعرفش على روحها قداه رقدت، قامت تتكسل تلقاها الأربع متع العشية ، حست روحها خير، قامت و قعدت في balcon متع البيت إلي كان منو للجردة، خرجت تشم في الهوا تسمع في صوت التصفير تلقا زوز أولاد جيرانها في البيت الأخرى يرميولها في البوس و يتغامزو، دخلت و سكرت الباب خاصة و هي لابسة شورت قصير، طلبت أصحابها قالولها إلي هوما في café maure ، دخلت عملت دوش ، ركحت روحها و هبطت بحذاهم، قعدو غادي لوقت العشا، تعشاو و تفاهمو باش يخرجو يسهرو البرة ، منال ما حبتش تمشي خاطر مازالت مريضة، و déjà مازالت متقلقة قد ماحاول فيها كمال أما هي شدت صحيح، خذات قهوة و طلعت قعدت في بيتها، الدنيا كانت calme، منظر الجردة في الليل محلاه، كملت قهوتها و دخلت بدلت حوايجها و لبست حوايج النوم ، خذات دواها، نقصت مالضو و حطت التلفزة تخدم
حست بالفدة، ندمت إلي هي كسحت راسها و ماخرجتش عملت معاهم جو، طلت عالمنڤالة مازالت الحداش كي ضربت، بدات تبربش في تلفونها وقتلي سمعت صوت جاي من برا الbalcon ، طفات الهدرة، أما الحس زاد قوا حلت الباب و ما تلقا كان زوز أولاد داهمين عليها، جات باش تعيط أما واحد منهم سكراها فمها، حست بالخوف، بدات تفرفط تحب تعيط و تهرب أما الزوز كانو شادينها بالقوي
بدا واحد منهم يعدي في إيديه عليها بطريقة خلاتها تعاف روحها و في لحظت لهوة منو دزتو جا في القاعة، و عضت الآخر من يدو و خرجت من البيت تسطع في واحد منغير ما تخمم ياسر تخبات وراه و هي ترعش وتتكلم بزربة: أمان عاوني فما زوز...زوز...و طرشقت بالبكا، على خرجتهم يلقاو واحد واقف عملو روحهم متعديين، دزها بعدها عليه و شد واحد منهم يضرب فيه بغل قريب إلي قتلو، جا الآخر باش يحز على صاحبو زاد كملو عليه، كان باش يزيدهم أما صوتها وقفو: يزي أمان بلاهي يكفي
دارلها يلقاها مغطية وجها و تبكي كي الصغار، بعدلها يديها و بدا يكركر فيها للبيت
منال كانت تمشي و دايخة، و باهتة: ياخي شتعمل إنتي لنا
هو كان يمشي فيها كي الصغار حرف مانطقوش، دخلها للبيت و سكر الباب و هي نطرت يدها منو:ما جاوبتنيش فاش تعمل لهنا
كان حاطط إيديه في حزامو و ظاهر متغشش عالآخر
قربت للباب و حلتو: سامحني البرة
نطر الباب من يدها و سكرو بالقوي طيحلها قلبها معاه
-شكونهم هذوكم و فاش كانو يعملو في بيتك
....
-أنطق حل جلغتك شكونهم
عينيها دمعت بالخوف، طبست راسها و شبكت يديها كي الصغار: ما نعرفش
-شمعناها ما تعرفش أنا نعرف، تتبهنس للا منال حل فمك وما تنطقنيش
-منال: والله لا نعرفهم كنت قاعدة في البيت نسمع في حس في الbalcon ، كي حليت هجمو علي الزوز و حبو....
الحلقة 18
شد وجهو بعصب كي تخيل إلي كان ينجم يصيرلها كان ما هربتش منهم، قربلها و حط يدو على شعرها، حسها خافت: ما تخافش ، كل شي وفا
هزت راسها تثبت فيه بعينيها المدمعين، سخفتو قربها بالشوية لين دخلها في حضنو
منال ما فهمتش آش تعمل دزو ولا...
قعدت خانسة غادي مخها موش عارف آش يعمل : نضال فاش تعمل لهنا
بعدها و مشا شيرة الbalcon : مازلت grippé
قعدت مستغربة: و إنتي منين عرفت
سكر الباب و دار يلقاها وراه بالضبط قاعدة تغزرلو مضيقة عينيها و مكتفة إيديها
حب يبدل الموضوع: ياخي إنتي هاك قصيرة لهدرجة ما فقتش
بدات تضرب فيه على كتفو: شكوني القصيرة آه... قلي شكون😡
شاخ عليها: يابنتي نفدلك يزي برك😂
شدها من يدها و هي قعدت تثبت فيه، قربت و حطت يدهاعلى وجهو: مازلت موجوع؟
أثرت فيه السخطة: cv لاباس علي، كح و هي بعدت يدها فيسع ما فهمتش علاش عملت هكا: ما قتليش فاش تعمل لنا،
حب يبرولها قاللها إلي هو كان ساهر و سمع صوت طلعت هي،
ما هضمتش حديثو إلي ما قنعهاش
-منال: زعمة🤔🤔؟؟
-نضال: موش هذا موضوعنا، تو إنتي نرمال تمشي تحل الباب و بهالهيئة، تي تحمد ربي ألا ما هبلوش كي شافوك هكا، راهو مشا في بالهم إلي إنتي من هاك النوع
كان يڤحرلها و عينيه باش تطلع عليها: برا تحرك بدل دبشك، أصلا إنتي الغالطة، نهار تطلع واحد مضروب ترقدو على فرشك(على روحو)، و مرة تخرج تتهومل لعقبات الليالي مع عزري و تو... أوووف نرمال إنتي
راسها وجعها من حديثو و حست بغصة في قلبها خانقتها، هي ما عملت حتى شي غالط ، سمعت صوت جاي من البرة ، خافت جرات للباب باش تثبت إلي هو مسكر تسخايلهم رجعولها ، غطات وجها بإيديها و قعدت في القاعة كانت ترعش و تسخايلهم باش يدهمو عليها،نضال كي شافها هكاكة مشالها طول،بدات تبعد فيه و تصيح: أمان سيبني، بربي
كي قوات في صوتها، خاف لا لعباد البرة يسمعوهاحط يدو على فمها زادت خافت: منال متخافش، مانيش باش نخلي حد يمسك
كي سمعت هكاكة، ترمات حملتو و طرشقت بالبكا:ما تخلينيش وحدي أمان، تو يرجعولي بربي لا تمشي
سخفتو وزيد عطاها كلمتين ماسطين، حس بروحو كثرلها، زاد لزها ليه بالقوي و هي قوات في البكية، لين رقدت و هي مكبشة في مريولو
بعدلها شعرها يلقاها مغمضة عينيها ووجها كلو دموع، هزها حملها و حطها فوق الفرش و غطاها، كانت ضعيفة و مسلمة موش كيما عادتها قوية، إلي حتى هو ما نجمهاش هاللفعة😅
قعد يغزرلها و يتفكر في الزوز أولاد إلي دحمو عليها و لو كان ماجاش باش يدق عليها يشوفها برات و إلا لا راهي مشات زيزي
جاب ربي ما كبشتش فيه وإلا راهي عرفت كل شي...
شد وجهو بعصب كي تخيل إلي كان ينجم يصيرلها كان ما هربتش منهم، قربلها و حط يدو على شعرها، حسها خافت: ما تخافش ، كل شي وفا
هزت راسها تثبت فيه بعينيها المدمعين، سخفتو قربها بالشوية لين دخلها في حضنو
منال ما فهمتش آش تعمل دزو ولا...
قعدت خانسة غادي مخها موش عارف آش يعمل : نضال فاش تعمل لهنا
بعدها و مشا شيرة الbalcon : مازلت grippé
قعدت مستغربة: و إنتي منين عرفت
سكر الباب و دار يلقاها وراه بالضبط قاعدة تغزرلو مضيقة عينيها و مكتفة إيديها
حب يبدل الموضوع: ياخي إنتي هاك قصيرة لهدرجة ما فقتش
بدات تضرب فيه على كتفو: شكوني القصيرة آه... قلي شكون😡
شاخ عليها: يابنتي نفدلك يزي برك😂
شدها من يدها و هي قعدت تثبت فيه، قربت و حطت يدهاعلى وجهو: مازلت موجوع؟
أثرت فيه السخطة: cv لاباس علي، كح و هي بعدت يدها فيسع ما فهمتش علاش عملت هكا: ما قتليش فاش تعمل لنا،
حب يبرولها قاللها إلي هو كان ساهر و سمع صوت طلعت هي،
ما هضمتش حديثو إلي ما قنعهاش
-منال: زعمة🤔🤔؟؟
-نضال: موش هذا موضوعنا، تو إنتي نرمال تمشي تحل الباب و بهالهيئة، تي تحمد ربي ألا ما هبلوش كي شافوك هكا، راهو مشا في بالهم إلي إنتي من هاك النوع
كان يڤحرلها و عينيه باش تطلع عليها: برا تحرك بدل دبشك، أصلا إنتي الغالطة، نهار تطلع واحد مضروب ترقدو على فرشك(على روحو)، و مرة تخرج تتهومل لعقبات الليالي مع عزري و تو... أوووف نرمال إنتي
راسها وجعها من حديثو و حست بغصة في قلبها خانقتها، هي ما عملت حتى شي غالط ، سمعت صوت جاي من البرة ، خافت جرات للباب باش تثبت إلي هو مسكر تسخايلهم رجعولها ، غطات وجها بإيديها و قعدت في القاعة كانت ترعش و تسخايلهم باش يدهمو عليها،نضال كي شافها هكاكة مشالها طول،بدات تبعد فيه و تصيح: أمان سيبني، بربي
كي قوات في صوتها، خاف لا لعباد البرة يسمعوهاحط يدو على فمها زادت خافت: منال متخافش، مانيش باش نخلي حد يمسك
كي سمعت هكاكة، ترمات حملتو و طرشقت بالبكا:ما تخلينيش وحدي أمان، تو يرجعولي بربي لا تمشي
سخفتو وزيد عطاها كلمتين ماسطين، حس بروحو كثرلها، زاد لزها ليه بالقوي و هي قوات في البكية، لين رقدت و هي مكبشة في مريولو
بعدلها شعرها يلقاها مغمضة عينيها ووجها كلو دموع، هزها حملها و حطها فوق الفرش و غطاها، كانت ضعيفة و مسلمة موش كيما عادتها قوية، إلي حتى هو ما نجمهاش هاللفعة😅
قعد يغزرلها و يتفكر في الزوز أولاد إلي دحمو عليها و لو كان ماجاش باش يدق عليها يشوفها برات و إلا لا راهي مشات زيزي
جاب ربي ما كبشتش فيه وإلا راهي عرفت كل شي...
الحلقة 19
نضال ما فهمش علاش تبعها هاك الليلة مع كمال، حس روحو يغزل عليها، و آش حب يقصها هاك اليد متع كمال كي تمدت و شدتها،و ما برد كان كي رجعت لبيتها
هو ما حبش يروح للدار هكا، وجهو مضروب، و أمو تقعد حالتلو مستوج، خذا chambre قريبتلها و en même temps تبدى تحت عينيه
كي خرج الصباح، شاف راجل خارج من بيتها كي سألو طلع الطبيب و عرف إلي هي مرضت، كي حب يشوفها يلقا كمال بحذاها، و قايم بالواجب و قتها كان لقا راهو طيرو من بلاصتو، هبط اللوطة يغزل أما موش فاهم علاش أصلا هي حرة في حياتها و ما برد كان كي شافو متعدي وحدو وقتها إتهنى إلي هي ما بحذاها حد
و توة كان جاي يدق عليها يحب يطمان إلي هي لاباس، يلقا هالزوز أولاد متمكنين بيها.
فاق من سرحتو عليها و هي تمتم وحدها، زاد قربلها و شدلها يدها و هي كبشت فيها و ضمتها لصدرها، دخلتو في حيط مسكين من قربو ليها، كان يتنفس بالقوي ، مخو حبس ماعادش يخدم، بدنو ولا يتصرف وحدو، طلع عالفرش ورقد بجنبها، وجهو في وجها، بدنو مكهرب، موش حاسس بالدنيا و بحتى حاجة آخرى، مد يدو و عداها على خدها الأحمر السخون ذوبلو عروش قلبو وزاد دخل بعضو كي هبط شوية وعرضوه شفايفها إلي كان هابل عليهم، شد روحو و من بعد سلم لبدنو إلي إشتها بوسة منهم، غمض عينية و طبع بوسة خفيفة خلات courant يضرب في بدنو، في عوض ماتتطفى هالرغبة إلي تملكتو زادت قوات و سيطرت على بدنو و لو كان موش تالفونها إلي ضرب راهو عمل حاجة ينجم يندم عليها، طل عالتلفون، يلقاه كمال هبل في مخو، عض على سنانو بالغش، طل عالوقت يلقاها ماضي ساعة متع الليل، علق عليه و سكر التلفون و هو يتمتم: ملا ط... يطلب في الطفلة عقاب الليل و...
مازال يغلي وحدو و تزيد تقربلو منال و تحط راسها فوق صدرو😳🤯، كان يعقل مسكين و هي زادت كملت عليه
ماتحركش من بلاصتو ولا كيف الحجرة باش ما يقلقهاش و إلا يفيقها و هي أصلا كانت في دنيا أخرى غزرلها و تنهد: الله يهديك يا منال على هالعملة الكلبة و هي تقول عملت عليه بالعاني زادت كبشت فيه...❤️
الحلقة 20
قامت الصباح تتملل و تتكسل على تلفيتتها تشوف في نضال يڤحرلها شعرو مفرعس و دبشو داخل بعضو تفجعت: نشالله رقدت مرتاحة للا
حملت غطاها تغزرلو متيقرة: و إنتي فاش تعمل في بيتي ماو لاباس
-نضال بفدة: تي ماهو كلو في جرتك إنتي ما خليتنيش نروح البارح
-منال بعياط: موش صحيح تكذب
قام من بلاصتو، حل الريدو و خرج للbalcon ، حاسس روحو مرقدش عندو شهر، خلطت عليه تنادي فيه طفاها، جبد دخان و حب يشاعل، دورتو ليها و جبدتهولو من فمو: موش باهي هذا عالخوا
نفخ:شنوة تحب إنتي تو
-منال: إنتي إلي شنوة تحب عليه
عض على شفتو من الغزول، و هي تبسمت منغير ما تشعر عليه
تلفت يحكي وحدو: آه يا فرخة لو كان تعاود طيح مرة أخرى بين إيديا لا نفلتك المرة هذي
-منال: شنوة قلت، ياخي فاش تمتم وحدك
-نضال: حتى شي قتلك برا إلبس و أخلط عليا هاني ماشي نفطر، خرج و خلاها مبهمة في أمرها.
دخلت عملت دوش ركحت روحها و هبطت تلقاه يستنى فيها بحذا الrestaurant ، دخلو و فطرو و بعد خرجو يتمشاو عالبحر
-نضال:شبيك ساكتة
-منال: شنوة تحبني نقول
-نضال: أي حاجة نعرف عليك
خممت شوية و بعد قاتلو: علاش جيت البارح للبيت و شنوة تعمل هنا
حصرتو بالسؤال ندم إلي قاللها إتكلم ما جاوبهاش، نڤزت جات قدامو ووقفتو: جاوبني أمان شتعمل هوني
-نضال:منال شنوة تحب إنتي، و علاش ديما تسأل بدا يقدم و هي توخر أول مرة تحس روحها داخلا بعضها قدام حد، عثرت كانت باش تطيح أما هو فيسع ما خطفها من حزامها و قربها ليه:سيبني
-نضال: و كي ما نسيبكش شنوة تعمل
بدات تفارع فيه تحب تبعد أما هو قعد كابس عليها
-منال: شنوة تسخايل روحك ياخي ما تمسنيش
-نضال: بالله ، هاك تخلي عباد أخرين تمسك و ما تقولش لا
تسخايلو على الزوز أولاد: و الله لا تحشم أصلا أنا الغالطة إلي نسخايلك عبد باهي، و موش على خاطر دافعت عليا باش تشدهالي ذلة
-نضال: ياخي فاش تخرف آش مدخل البارح
-منال: سيبني نحب نرجع لبيتي
نفس الغزرة القوية المتكبرة إلي كانت ديما تغزرلو بيها، هزتو و حطتو خلاتو يغلي و يفور ، طيرتلو البرج إلي قعد من مخو و من الحمصة شدها من خدودها و عصرها ببوسة كان يسالهالها من البارح في الليل
بهمت مسكينة أول مرة يصيرلها موقف كيما هكا، بعدتو و عطاتو كف ورجعت لبيتها تجري، قلبها كان يدق بالقوي أما موش عارفة علاش، ترمات عالفرش و غمضت عينيها تتفكر في الفازة، حطت يدها على شفايفها تتفكر في مطعم البوسة ، حلت عينيها بفجعة: موش هذي منال ، قامت تغسل في وجها و تبرد في خدودها إلي حستهم باش يطرشقو بالسخانة و رجعت تلوج على تلفونها تلقاه مسكر، بهتت أما ما ركزتش ياسر، طلبت صحابها و مشات بحذاهم بما أنو آخر نهار و باش يروحو
توووووب
ردحذف