كرونيك - عمر و حليمة - جميع الحلقات كاملة

وقفت الليموزين قدام القصر هبط الشوفور حل الباب و هبط عمر 30 سنة طويل اسمر شعرو أكحل و عينيه عسلي يقتل بالسر و معاه حليمة امو
عمر : ما فهمتش يا أمي علاش لازم نجيو نعزيوهم في القصر موش كنا في الدفينة في الجبانه ضهرلي عدانا العيب
حليمة :يزي عيش ولدي عمك صالح الله يرحمو كان ناس طيبة
عمر : ناس طيبة شخلاك 4 من ناس في الدفينة متاعو ... و ينهم صحابهم متع السهريات و الجو?!
حليمة : هذوكم ناس انتهازين كي عرفوه فلس و ما عاد عندو ما يعطيهم حسبو رواحهم ما يعرفوهوشي اللطف و برا و ليدي وزيد احنا موش كيفهم احنا ناس ترا بالعشرة
عمر: باهي يا حلومة هاني باش ناخو بخاطرك اما راهو شهرزاد ترخي فينا العين ما تعرفنيش شنعمل
حليمة : يزي عيش و لدي الناس فيهم الي يكفيهم بوهم فلس و جاتو نوبة قلبية و مات و صحابهم تخلاو عليهم تي حتي خوات مدام شهرزاد ما جاوش في الدفينة علي خاطر قضية الورث الي بيناتهم و لتو لا تحلت من هاك العام و مازالو باش يركزو معاك انتي
دخلو القصر حلتلهم الخديمة الباب تفضلو بشكون حاشتكم
حليمة: عيطنا مدام شهرزاد عيش بنتي وقلها حليمة لحظه
عمر : هذا الكل صايرلهم و مازالو بالخديمه شيموتو عالمظاهر بف
حليمة: عمر عيش ولدي اسكت لا يسمعك حد
الخديمة: مدام شهرزاد قالتلكم تفضلو لصالةهاني جايتكم ،كيفاش تشربو قهاويكم
حليمة: الي تعمل مبروك بنتي غزر عمر من الشباك متع الصالة و شاف الملحق (دار الخديمة ر الشوفور) الي كان يسكن فيها في صغرو اي نعم حليمة امو كانت خديمة في دار صالح عبد الصمد و مرطو شهرزاد بوه حمد كان الشوفور كان ديما يلعب مع بناتهم في الجرده هيفا الكبيرا صديقة طفولتو صاحبت جو و متواضعة و هالة الصغيرة متكبره كيف امها وزيد ربي عطاها الزين البيوضية و الشعر الأكحل و العينين زرق في lycée كانو يعيطولها ايشوريا راي (الممثلة الهندية) كانت ما تحبش تلعب معاه اما تبع في اختها و زيد امهم نبهت عليهم ما يلعبوش معاه تخاف يراوهمش العباد يلعبو مع و لد الخديمة هه
قعد يقلب في القصر ورا قاعة الاحتفالات الي كانت مدام شهرزاد تعمل فيها حفلاتها متع المجتمع الراقي و منبها عليه ما يعفسهاش تفكر عيد ميلاد هالة متع 10 سنين و قتها هوا عمرو 15سنة خدم صيف كامل باش يشريلها كادو خاطر هالة و قتها كانت حب حياتو يعمل المستحيل علي خاطرها هيفا عاونتو و اختارت معاه serie فضه باش يهديهالها و نهارت عيد ميلادها هبطتها هيفا لجرده باش يقلها كل عام و انتي بخير و يعطيها الكادو
كانت محلاها لابسه روبا كيما الاميرات تشعل شعلان قربلها و قالها عيد ميلاد سعيد و مدلها الكادو باستو و قاتلو merci و تلفتت لاختها هيا نمشيو هو حبها تحلو قدامو اما هي هزتو و هزت اختها و مشات تبعهم
هيفا : شبيك ما حليتش الكادو
هالة: معاتش بكري صحابي باش يجيو هيفا أمان حلو خنشوفوه
هالة: اف منك هيفا هاو باش نحلها حلتها و بعد مدتهالها خوذهم انتي
هيفا:ياخي هبلت هو جابهم ليك انتي
هالة: خاطر ما نيش باش نلبسهم ما نلبس كان الذهب
هيفا: هالة راهو و زيد عمر يحبك c est le geste qui compte
هالة :لا ظاهرلي انتي و إياه الزوز هبلتو
و مشات و خلاتها عمر ما صدقش الي سمعو نهارتها بكا اكثر مرا في حياتو حتي اكثر من الي و قتلي مات بوه و عمرو 12 سنة خاطر زغير اما قرر باش معادش يبكي بالكل و ينسي هالة و يقرا علي روحو و يضمن مستقبلو باش حد معاد يذلو من غدوه هيفا نهار كامل تلوج عليه و هو متخبي عليها لين جاتو للملحق
هيفا: تي و ينك عمر نهار كامل نلوج عليك
عمر : هاني تعدا باهي العيد ميلاد هيفا دخلت بعضها و قاتلو حقا هالة عجبها الكادو
عمر: ما تكذبش هيفا سمعت كل شيء البارح
هيفا قعدت شويا مصدومة و بعد قتلو امان عمر ما تا خوش عليها مزالت صغيرة
عمر: انتي كبيره قداش تزيد عليها عامين شبيك ما تتصرفش كيفها في كل الاحوال انا حكاية هالة نحيتها من مخي و كان تحب نقعدو اصحاب معاتش تجبدلي عليها و كي نخرجو نحوسو والا نعملو اي programme ماتجيبهاش معاك
هيفا : باهي عندك الحق و انا ما نسلمش في عمروش الغالي حتي علي خاطر هالة نقعدو صحاب كيما أمس كيما ليوما
عمر:وأمك شباش تعمل معاها
هيفا: كيما هالة دلولة ماما انا دلولة بابا تهنا وتعداو الأيام و معاتش يرا هالة جملة اما قعد صحاب هو و هيفا والحمد الله ربي عوضلو تعبو و شقاه في الباك و جاء من الأوائل في البلاد و باش يمشي يقرا في كندا avec bourse وامو باعت الارض الي عندهم في البلاد و ذهبها باش نجم يمشي امو قد ما يعمل معاها ما يوفيهاش حقها هوا سارح و يتفكر و هي دخلت شهرزاد عبد الصمد اكثر مرا يكرها لتوا مزال يتفكر كيفاش بعد موت بوه بثلاثة ايام و هو مريض عيطت لامو باش تتلاهي بضيوفها في الليل قلتلها و لدي مريض كل شويا ايجا طل عليه ميسالس
شهرزاد:عسلامة حليمة و الله فيك الخير تفكرتنا
حليمة : رانا عشرا يا مدام و العشرا ما تهون كان علي ولاد الحرام
شهرزاد: و شكون الي معاكر
حليمة: ما عرفتوش هذاك ولدي عمر

الحلقة 2 : شهرزاد:مشاء الله كبر ولا راجل حتي البنات كبرو و صالح مشا و خلاني وحدي يا حليمة و زغلت عينيها بالدموع حليمة: آذاك عمرو ادعيلو بالرحمة و ينهم البنات توحشتهم شهرزاد:عدك بيهم يجيو حتي هوما فرحو كي سمعو الي انتي جيت ما قتليش شتعمل تو عمر: انا expert comptable و عندي societe في كندا شهرزاد:والله تعبت و لقيت يا حليمة هوما هكاكا و يسمع عمر ما نيش مصدقة روحي هيفا: شنحوالك و ترمات عليه تبكي بابا مات يا عمر ربي يرحمو و يصبركم يزي من البكا عيش اختي هذيكا حال الدنيا هوا هز راسو و رآها كيما هي قول خير مالي كانت رغم الحزن و وجها مغسول بالماء و الصابون اما تهبل مدلها يدو سلمت عليه بطراطش صوابعها (حتي و انتي في هاالمصايب باقي مغرورة و متكبره تو نشوفو لوين باش توصل) اما قعد باهت كي سلمت علي أمي بالبوس و التحميل زادو قعدو شويا معاهم و بعد هز امو و روح في الليل - شهرزاد باش تهبل لايزي رجلها مات لايزي خلاهم مبلعين بالديون و البانكا باش تبيع القصر و صحابها الكل جبدو بيها خواتها متعاركة معاهم الشركة فالسة آش باش تعمل ما بقالها كان أمير خطيب بنتها هالة خاطر نبيل خطيب بنتها هيفا تر فر ما فهمتش كيفاش صالح وافق عليه و زيد شد صحيح فيه ولات كلمتو -الو أمير وينك اهلا تاتا حتي انا كنت باش نكلمك اما ستنيت يتعداو ايامات علي الموت تجي بحذانا غدوا اكيد مع 5 متع لعشية نكون حذاك حليمة :وين ماشين يا وليدي عمر : لداري يا أمي حليمة: ياخي شريت دار في تونس عمر : ماني قتلك باش نقعد في تونس علي طول تحبني نقعد في hotel علي طول حليمة:شباها الدار الي شريتهالي ما تقعدش فيها معايا عمر: بعيده هذيكا و الدار هذي قصر تو تشوفها حليمة:لواه وليدي دار كبيرا باش نقعدو فيها انا وإياك و ك الكلب عمر: أمي boby وصية ماريا لازمني نتلاها بيه و زيد احنا تو موش كيما قبل شيبنا ما نسكنوس في قصر كي دار عبد الصمد حليمة:باقي حطتهم في مخك دار عبد الصمد و كانك عالقصر هاو مساكن باش تفكهولهم البانكا حسب ما سمعت دخل لدار الجديدا يلقا boby الكلب يستنا فيه يحب يلعب معاه مسح عليه و تذكر كيفاش كان يقرا و يخدم في كندا وتعرف علي ماريا مرا كبيرا في العمر و مولات boby مرا ما تعرفش طرف خلاها وين خدمتو في الشركة متاعها و هوا ما قصرش معاها كا ن كل مرا يفيق بشكون يسرق فيها و يقلها ثيقتها و لات كبيره فيه خلاتو هو يتحكم في شريكاتها الكل عمرو ما طمع فيها حتي كي قتلو عرس بيا باش تورثني قالها لا انا جيت لهنا باش نصنع روحي بروحي ونقرا و نرجع بحذا أمي نعوضها علي الي تعبتو عليا لكنو في لخر تفاجئ وقتلي ماتت و لقا روحو هوا وboby الورثه و هوا وصي عليه donc هوا الوريث الوحيد . شهرزاد تستنا في أمير معملا عليه باش يعاونها تي هي اختارتو من بين كل الي تقدمو لهالة و غصبتو عليها،لازمو ياقف معاها ما عندها حتي حل اهلا أمير لباس احمد الله و نتوما لباسا يا هالة ايجا هاو أمير والله تاتا ما نيش عارف منين نبدا حاسس الي انا و هالة موش متفاهمين و هي ما تحبش تخرج معايا و كل مرا تتحجج بحاجة وولين ديما نتعاركو donc خلي كل واحد يمشي علي روحو من غير مشاكل شهرزاد حست الدنيا دارت بيها و النفس باش يتقطع عليها قامت هالة حتي انا نرا هكاكا شهرزاد : شبيكم ياخي هبلتو الأمور ما تتخدش بالعرك في العائلات الكبار نتحاوروموش هكا تعطيو لرواحكم فرصة اخرا أمير :تاتا انا حكيت مع أمي وقرارنا هالة توشوش لامها ريت يا أمي راهو ولد امو و علة ما عاتش نجم نزيد معاه عيشك افهمني امها وشوشتلها افهمني انتي باش نصبحو في الشارع هو أملنا الوحيد هالة توشوش نعمل الي تحب و أمير لا شهرزاد بدات تتغششش دبر راسك هالة: حتي احنا قررنا نفسخو الخطوبة و هاو خاتميك أمير:ماما قتلي لازم ترجعلك الصياغا شهرزاد جات باش تتكلم و هالة سبقتها يا فاتن جيب الصندوق الي عطيتهولك تفضل هاو صياغتك هوا خرج منا و شهرزاد شدتها باش تهبلوني انتي و أختك مكمش فاهمين لاحنا باش نوليو في الشارع ما تخافش انا عندي شويا فلوس مخبيتهم و زيد كي باش تتباع societe انا عندي poste متاعي و زيد هيفا باعت تبلواتها و عندها تفتوفة تو نكريو و بعد يحلها رب -نعم، انا نسكن في دار كرا مؤقتا -يا أمي و زيد ما نيش قاعده لسي أمير 1000 من يتماناني -تو نشوفكم انتي و أختك وين باش توصلونا يزي راسي باش يطرشق م التخمام هاني باش نقعد نتفرج . عمر ترما علي فرشو وتصويرتها جات بين عينيه دور وجهو عاليمين عاليسار باقي وجها بين عينيه بف شعمتلك يا أمي لازم نمشيولهم باش تحيرلي مواجعي .... اما لا عمر توا موش كيف كيف توا آنا القوي و هي الضعيفة انا توا راجل ما يتحقرش -ريتش شهرزاد كيفاش تشكر فيك هوا هكاكا و جاتو فكرا مشا كلم comptable متاعو و قعد يتبسم شهرزاد : اليوما كل شيء باش يتباع و انتوما شعملتو حتي شيء هيفا: شتحبنا نعملو هنا خلصنا الخدامه كرينا دار و باش نبداو من جديد المشروع الي رهن عليه بابا القصر و الشركة خسرو ما عنا ما نصلحو و زيد خسرنا بابا باش نخممو في القصر و الشركة هالة :صحيح يا أمي بعد ما خسرنا بابا ما عاد يهمنا في شيء شهرزاد:زعما شكون باش ياخذو القصر عاز بيا هالة:موش مهم المهم الي ياخو الشركة نجم نتفاهم معاه خاطر باش نخدم معاه كل يوم المحامي : مدام شهرزاد الشركة و القصر تباعو لنفس الشخص شهرزاد : شكونو المحامي : عمر المولهي شهرزاد طاحت دايخة

الحلقة 3: عمر دخل لشركة وعمل اجتماع بالموظفين باش يتعرف عليهم -عسلامة انا عمر مولهي المالك الجديد لشركة نحب نطمن العباد الكل الي الناس الكل باش تقعد في خدمتها و الاشهرا الي ما خلصتوش فيها قبل باش نخلصكم فيها و كان فما اي تغير في طريقة الخدمة تو نعمل اجتماع و نفسرلكم كل شيء تو كل واحد يشد خدمتو دخل للبيرو و قعد عالكرسي يدور هذا bureau صالح عبد الصمد شكون قال انا باش يجي نهار و نقعد عليه و هي شباها ما جاتش لاجتماع زعما خاطر عرفت الي انا المالك الجديد هيفا قتلي الي هي تخدم هن ا(هيفا و عمر قعدو صحاب يحكيو بالسكايب و fb) هوا سارح و يدق الباب -تفضل -مرحبا سي عمر انا نبيل مدير الحسابات -مرحبا انتي خطيب هيفا ملا، حكاتلي عليك حتي انا حكاتلي عليك على هذاك انتي الراجل الوحيد الي خليتها تحكي معاه خلافي -عندك الحق الازم لازم -بربي كيفاش علاقتك بشهرزاد و سامحني في السؤال ههههه -قصدك كيفاش وافقت شهرزاد علي مجرد مدير حسابات -لا ما نقصدش موش مشكل شهرزاد قويا، -اما حتي هيفوفتي ما عندك فيها ما تقول و زيد عم صالح الله يرحمو و قف معايا -باهي نحب نقلك سي نبيل الي انتي من ليوما معاتش مدير حسابات انتي نائب الرءيس -اما سي عمر راهو هالة عبد الصمد هي نائب الرءيس - انا تو patron هوني و انا نقرر شد poste الجديد متاعك و اخدم علي روحك - مرسي عمر و جاء خارج قلو :هذا الكل كره لشهرزاد - لا هذا الكل تقدير لصداقة هيفا ضحك و سكر الباب وخرج هوا قاعد في الbureau و كلمتو secretaire سي عمر هيفا عبد الصمد تحب تقابلك خليها تتفضل (هاو جاو الأخبار ) - عسلامة عشيري اهلا هيفا لااباس -لاباس نحب نشكررك علي الي عملتو مع نبيل -ما فما حتي مزية الطفل باهي كبش فيه ما تخليش امك تتحكم فيك -تهنا اما هالة وين باش تحطها -حتي تجي هي غائبة علي اول اجتماع -شنوا توحشتها ! ما نجمتش تجي نفسيتها تاعبة قصتها مع خطيبها (حس قلبو طار بالفرحة) -و انا شيهمني الخدمة خدمة تجي تحضر في الاجتماع كي تحب تقعد معانا - يزيني عاد عمروش هوكا اليوما خالصين انتي فرحتني و انا فرحتك -هيفا قتلك ماك العام هالة معاتش تعنيلي شيء - وانا باش نقلك الي فما application في fb اسمها انظر من زار بروفيلك الي انتي تحطم فيها الرقم القياسي و ين نحط تصويرة هالة في fb قعد ساكت ما نجم يقول شيء كشفتو الافعة و بعد حب يبدل الموضوع - تنجمو تقعدو في القصر راهو حتي تريقلو أموركم ما نيش مزروب بيه عندي دار اخرا اما أمي باش تجي تسكن معاكم ما تحبش تقعد و حدها و انا نخدم - وش خص تونسنا و تنورنا خالتي حليمة ،حقا هي مولا ت القصر معناها، احنا انشاء الله نكونو ضياف خفاف عليها و انتي علاش تعمل في هذا الكل عمر - ما نحبكش تتمرمد عشيرتي حتي تعرس و تمشي لدار راجلك -انا اكهو ما تحبنيش نتمرمد -هيفا يزي عاد ! - باهي اما هاني باش نبعثهالك تقرق باش تخدم معاك -شكون المزيانة و غمزتلو و عملتلو باي بيدها و خرجت ____________________________________________ حليمة:ما فهمتكش وليدي من شيرا ما تحبهمش دار عبد الصمد من شيرا تشري القصر و تخليهم قاعدين فيه و تلزم عليا نقعد معاهم عمر:أمي بالك انتي ماشية باش تخدمهم راك مولات الدار حليمة: صار !... تو فهمت جايبني باش تذلهم بيا بارك الله فيك سي الشباب يا خسارت تعبي عليك عمر وقف الكرهبة - هكا يا أمي تقول انا نعمل هكا يا أمي صحيح علاقتي بشهرزاد و هالة خايبة اما هيفا راهي عزيزه عليا هذيكا أختي ما نحبهاش تتمرمد زيد انا موش باش نعطيهولهم علي طول باش نعاونهم حتي تعرس هيفا و يشوفو امورهم موش انتي تحكي عالعشرة الي ما تهونش وزيد القصر هذاك عشت فيه طفولتي باهية و الا خائبة عزيز عليا ما نحبش ياخذو حد اخر انتي نعرفك قداش تحب البنات تي عيت عام كامل و انا نقرق بيك باش تبطل الخدمة عندهم بعد ما تفرهدت اموري في كندا تتفكر و لقيتك قالقة في الدار و حدك أمي تحب ما تقعدش معاهم و ترجع معايا ميسالس اما انا و عدت هيفا باش نخليهم في القصر حتي يلقاو حل و تعرس هيفا حليمة: باهي هكا تولي ولدي تربيتي امشي خنشوف بناتي خدم الكرهبة و مشا لقصر لقاو شهرزاد و بناتها قدام الباب ماشين حليمة: شبيكم في الشارع شهرزاد: ماشين لدارنا الجديدا ،مبروك عليك القصر يا حليمة

الحلقة 4: حليمة: شوفو بناياتي و شهرزاد احنا كي شرينا القصر موش كيما متصورين نتوما باش نذلوكم و الا شامتنين فيكم احنا حبينا نعاونو و ما تعرف صحابك الا في وقت غصرتك و احنا عشرت سنين احنا حبينا نزيدو نعطيوكم وقت باش تنظمو اموركم خاطر كل شيء اللطف جاكم علي غفلة و زيد ما ننساش وقفت سي صالح الله يرحمو معايا وقتها توفي راجلي انا كي قلت لعمر نحب نعيش لهنا خاطر نحب نتونس بيكم هو يخدم نهار كامل وانا وجهي وجه كالكلب الي عندو شيء ما هو باش يتبدل باش تعيشو في القصر كيما البارح كيما ليوما حتي تعرس هيفا وكان ما تحبونيش معاكم نمشي مع عمر و القصر متاعكم عمر قالي ما نتراجعش علي وعدي لهيفا نقزت عليها هيفا و الله قلتلهم حلومتي الي نتوما عز الناس شهرزاد: و الله ما لقيت ما نقلك يا حليمة لقيتك و ما لقيتش خواتي انتي تنورني تقعد حذايا و حتي كي نقل من القصر نحبك ديما تجي حذايا حليمة: انشاء الله تلفتت شهرزاد لعمر -يعيشك ولدي ربي يخليلك امك هالة قعدت محملة حليمة غزرتلو و قتلو مرسي بالشويا و هو تبسملها خلا امو حذاهم و روح لدارو في الليل هيفا:ريت هالة كي قتلك عمر راهو باهي وموش متشمت فينا كيما قلت انتي هالة:ما فهمتوش هاك الانسان من شيرا مخلينا في القصر و من شيرا طردني من الخدمة هيفا:ما قتلكش بطلك انا قتلك حط نبيل في بلاسطك معزه فيا و انتي اكيد راهو عندو ليك poste اخر زيد انتي غايبة علي الاجتماع هالة:شنوا باش يعيني في بلاصتو كنت نائب رءىيس راني هيفا:هكاكا عمر تتوقع منو كل شيء برا غدوة قابلو شنوا خاسرة انتي من غدوة -سي عمر هالة عبد الصمد تحب تقابلك (وأخيرا يا مزيانة) لحظة occupe شويا قلها تستناني زعمة باش نجم نعمل الي في مخي و هي توافق فرش les dossier قدامو مشا غزر في المرايا و بعد رجع شد كرسيه تنجم تدخل تو -عسلامة عمر - عسلامة هالة تفضل -قالولي الي انتي نحيتني من poste متاعي ما نيش عارفة باش تحطني في poste اخرا والا طردتني هي تحكي وهو يقلب فيها الساق عالساق mini jupe و chemise décolleté الحطة و المكياج الأسلحة الفتاك الكل استعملتهم ، -جايتني هاكا شنوا تحب يا مزيانة نحطك في بلاصتي تبسم وحدو - اقنعني باش نخليك - نعم - احكيلي شعندك شهايد ،expérience -آه cv هوكا عندك في dossier

ما عنديش وقت باش نقرا احكيلي انتي بدات تحكيلو وين قرات و هو ما سمع شيء من غير ما يشعر يلقا روحو يغني في قلبو" كي يضيق بيك الدهر يا مزيانة و تدور وما تلقاش غيري انا " ومن غير مايشعر بدا ينقر في اللحن علي طاولة bureau هوا هكاكا وهي قتلو -آش قلت توا -ما عاتش عندي des postes فارغين اما خلي تليفونك تو نكلموك كان فما حاجة حسها تنرفزت هزت روحها و مشات لباب و قبل ما تخرج قلها - Finalement بعد ما غزرت من قريب فما poste وحدة فارغة تحسها باقي متغشة و وجها مقلوب و حست الغشة في الجملة لخرا -نعم و شنيا هالposte انشاء الله -اقعد تو نقلك باش نعمل انا وإياك contrat فيه 3 شروط كان تنفيذهم نرجعلك القصر و الشركة الزوز يوليو باسمك عينيها تحلو - حق القصر و الشركة باش نقسمو علي 3 cheques موش قدقد علي خاطر عمال نقدمو في اللعبة عمال الشرط يصعب - لعبة !! - اي نحب نلعب مع حبيبة طفولتي لعبة هي سمعت هكاكا و هي جات باش تقوم و هو تنطر من الكرسي و شدها من يدها - اقعد و اسمع للخر الشرط الاول مدتو شهر معناها يلزمك تقعد تنفذ فيه شهر باش نعطيك الشاك الاول الي هو قيمتو 1/10 من قيمة الشركة والقصر و الشرط الثاني تقعد تنفذ فيه 3شهور و كي يكملو نعطيك cheque الثاني قيمتو 3/10 من قيمة ممتلكاتكم والشرط الثالث مدتو 6 شهور يكملو تاخو الباقي و هكا في 10 أشهرا يرجع القصر ليكم و توليو ما تخرجوش منو و الشركة هاني باش نوقفها علي ساقيها و نعطيهالك بعد 10 أشهر و باش نعملك وعد بالبيع و الcheques يقعدو عندك ضمان نفرضو نفذت كان الشرط الاول cheque الاول مبروك عليك اما ما تاخو القصر و الشركة الا ما تنفذهم الثلاثة - نجمشي نعرف شنوا الشروط -لا كل شيء في وقتو كي تقبل نقلك الشرط الاول كهو هههه - ما نعرفش شنية الفكرا الي في مخك عليا اما انا موش هكاكا ظاهرين شنوما الشروط و نقلك من توا لا -حتي انتي الفكرة الي عندك عليا غالطة الشروط 3ما فيهم شيء من الي في مخك انا ناكدلك وزيد يا هالة ما تتغرش ياسر بزينك قبل 10 سنين لتالي كنت تعجبني تو ا الدنيا تبدلت رآهم اكثر من 10 سنين و انتي معاتش كي قبل وقف و عطاها بظهرو و يرا فيها في البلار مقابلو تحسس علي وجهاورقبتها شد ضحكتو بالسيف و قال في قلبو (هكا ما عندكش ثيقة في روحك يا مزيانة) -فكر يا هالة في عقلك و هاني نستنا في جوابك روحت هالة لدار وهي هايمة شنيا هالعبة شنوما ها الشروط وقالت من غدوة نلوج علي خدمة اخرا هذا ظاهر يخدم عليا في مخو سألتها اختها شعملت، حكاتلها كل شيء هزت التليفون بالوقت -شنوا عمر الي قلتو لهالة الصباح -برا عاد، نحب نلعب معاها لعبة صغيره و نرجعلها ممتلكاتكم الكل،شفاها هذي - شفاها عشيري راهو هالة أختي ما نحبش التبلبيز -ما اخمج مخكم دار عبد الصمد يا هيفا وراس معزتك عندي الشروط 3 ما فيهم حتي حاجة حرام وزيد مدام هي عندها الكتفات هو باش نقلك الشرط الاول هوا تخدم شهر secretaire وبعد نرجعها لposte الاول متاعها وزيد نعطيها cheque و نبيل باش يكون نائب متاعي في شركة اخرا باش نشريها قريب -Secrétaire! -نحب نصبح علي وجها المزيان كل صباح cv هكا - يضرب الحب شو بيذل يضرب الحب هههههه -باهي فركتهم عليا تو خنمشي نخدم -ضحكني معاك يا هيفا -قالك ما فما حتي شرط كيما الي في مخك و زيد الشرط الاول تخدم عندو secretaire شهر و بعد يرجعك لposte متاعك القديمة هذا الكل خاطر يحب يصبح عليك كل صباح يا مزيانة --بربي تو هذا كلام وموش معاتش نعجبو -هوا قالك هكا - اي الصباح برك -وشيبك متغششا موش حتي هو ما يعجبكش -اي ما يعجبنيش وما نحبش نشوفو و من غدوة نلوج علي خدمة اخرا محسوب وفعلا من غدوه بدات هالة تلوج علي خدمة دارت دارت لين حفات الي يقلها تو نكلمك و الي يخدم في مخو عليها و الي قالها ايجا تو نخدموك secretaire روحت لدار مهدودا حكات لاختها الي تعدا عليها ننصحك اقبل عرض عمر راهو يحبك هالة انا متاكده ما يضركش و انتي دليلك ملك عدات هالة ليلة كاملة و هي تخمم و قالت محسوب شنوا باش يصير كي نخدم secretaire الموظفين باش يتشمتو فيا بعد ما كنت نائب رءىيس تي تونس الكل تشمتت فيا وقتها فلسنا وزيد كان نضمن عالشاك اللول هاني عرفت الشرط و كان ما عجبنيش الشرط الثاني نبطل قامت الصباح و مشات لsociété طلبت تقابل عمر دخلتها secretaire -مرحبا اهلا بالمزيانة -صباح الخير سي عمر ،حبيت نقلك الي انا قبلت عرضك اما ما فهمتش déjà عندك secretaire وين باش تحطني هههه - ما تخافش يا مزيانة كان لزم نعطيك بيرويا ، تفضل بحذايا و تو الاولاد يحضرولك بيروك بحذا روعة secretaire - بربي سي عمر معاتش تقلي يا مزيانة ، هالة اسمي هالة

الحلقة 5: قالت في قلبها هاو باش يبدا المرج حطلها الbureau متاعها بحذا روعة و بعد شويا عيطلهم الزوز جبد برشا des dossiers و مدهم لروعة هادم تخدمهم اليوما و مدلها هي dossier واحد و قلها اخدمو هذا كهو ما نحبش نتعبك يا مزيانة قعدت باهتة تصورتو بالعكس باش يعطيها برشا خدمة، شدو بيرواتهم و روعة تنفخ و تقول سعود غزرتلها هالة : تحب نعاونك أعطيني des dossiers من عندك نخدمهم انا روعة: لواه El patron ما يحبش يتعبك عزيزتي غزلت هالة و قررت باش معاتش تكلمها و تقعد تخدم علي روحها حتي يتعدا ها الشهر جاء وقت الفطور عمر خرج وغزر لهالة وقلها: -هيا نفطرو عزيزتي هي قعدت مصدومة تلفتت ورآها ما لقات حد تلفتت قدمها لقاتو في وجها و مطبس علي بيروها -عزيزتي راني جيعان و وشوشلها بشوية قوم تو قتلك هزت sac متاعها وخرجت معاه وترا في روعة تدوح في رأسها و تتمسخر عليها وبما أني تعرف روعة عرفت الي الحكاية باش تولي في societe الكل خلطت عليه لassenceur و وقفت قدامو مكتفا ايديها و قتلو - فهمتك لفين تحب توصل تحب الناس الكل يوليو يتكلمو عليا الي انا صحبتك قدام روعة يا مزيانة و عزيزتي وما نحبش نتعبك معاملة خاصة متع صاحبة موش secretaire هذا piege - مشاءالله عليك هالة مزيانة و ذكية ،اما نحب نقلك لكلام الناس لا بيقدم ولا يوخر كيما قال جورج وسوف كلام الناس ما ينجمش يخلصلك ديونك يرجعلك القصر يعيشك العيشة الي تحبها انا موش باش نتبدل تحب تكمل معايا كيما تفاهمنا و الا تخاف علي سمعتك من كلام الناس تنجم تبطل من تو ترجع لشركة تلم دبشك و تروح والا تجي نفطرو مع بعضنا عندك درجين تخمم فيهم تلقاني في resto مقابل الشركة تو نعملك commande علي cordon bleu نعرفك تحبو ok حبيبي غمزها و جاء ماشي هالة :bien sur restoم قابل الشركة الي يقعدو فيه الناس الكل الي يخدمو في الشركة عمر:ضحك شفت حبي ما تفهمني كان انتي و مشا و خلاها اهي قعدت تخمم في كلام عمر في سمعتها وبعد غاضتها كيفاش النهار الاول باش تخسر قدامو الحكاية ما عاتش بالنسبة ليها قصر و شركة لازمها توري سي عمر الي هي موش ساهلة كيما في بالو شجعت روحه أو خلطت عليه لresto لقاتو déjà عمل commande قعدت مقابلتو و حاسة العباد الكل مركزين معاهم قاتلو - بطيت عليك قالها نستناك العمر كلو وحط ايدو علي ايدها ضحكتلو و جبدت ايدها زعمة باش تشد الفرشيطة وبدات تأكل رجعو مع بعضهم لشركة قعدت في bureau متاحها ما عطاهاش خدمة قاعدة وبرا و روعة كل شويا تهزها و تحطها و ترجع تخدم هوما هكاكا و هوا عيطلها دخلت تلقاه واقف يغزر مالشباك قالها تفضل جات باش تقعد في كرسي الضياف قالها لا اقعد في كرسيا مشات قعدت قالها علاش بطلت من أمير هههه هاك تعرف كل شيء عليا تطلعشي تحبني كيما قالت هيفا ضحك و قالها -انتي تعرف شمعنتها حب - صحيح ما نعرفش شمعناها حب اما وليت نعرف شمعنتها ابتزاز هوما هكاكا و دق الباب - تفضل جات باش تقوم قالها اقعد دخل نبيل بهت و بعد سلم عليها برسو و تلفتلو -patron تو ترجع مباعد - ايجا نبيل قول شعندك قدام هالة انا ما نخبي عليها شيء بدا نبيل يحكي و كل شويا يتلفت لهالة و بعد خرج و هي قالت في قلبها برا تو هيفا باش تعملي تحقيق عمر :قلها الحقيقة - نعم - كان سهلتك هيفا قلها الحقيقة ماكانش موش باش تسيبك - كيفاش عرفت فاش نفكر - بقلبي عزيزتي و ضحك و هي تبسمتلو تبسيمة صفرة - ماحكيتليش علي أمير -ما عندي ما نحكي عليه ولد امو وفددني قصيتها وبعد تلفتتلو -آه تحب تحكي اي حكاية باش نقعد في bureau متاعك برشا و روعة تخدم مخها زيد كي تحل الباب و دخل نبيل شافتني قاعدة في كرسيك bravo كان تخمم هكا في الخدمة في شهرين الشركة توقف علي ساقيها - كيفاش عرفت -بقلبي عزيزي قالتها وهي تتمسخر عليه اما هو طرشق بالضحك قامت و جات خارجة -وين ماشية -مروحة -من تو مازال وقت خدمة راهو قربتلو و هو دارلها -ما في بالكش مو انا صاحبت el patron نروح وقتلي نحب تبسم و قلها - بصحتك يا مزيانة بسلامة وهزت روحها و روحت

الحلقة 6: وصلت لدار و قعدت تخمم كيفاش باش يتعدا هالشهر ملا الشروط الاول يظهر ساهل اما هو piège سمعتها في الشركة باش تولي زفت و الكل باش يوليو يكرهوها هي هكاكا و دخلت عليها هيفا شنية حكايتك مع عمر حكاتلها كل شيء هزت التليفون وكلمتو شنوا الي قاعد تعمل فيه عمروش هالة بحذاك اي ابعد من بحذاها هاني خرجت قول ورحمت بابا صالح ما نعودش الي باش يقلهولي عمر تو عاودت الي قالو هيفا ما تخافش تعرفني نحبها اما أختك ياسر متكبره نحب نعطيها قرصة صغيرة كهو باش معادش تحقر الناس خطة ملا اي باهي هاني قاعدة نتفرج و نشوف لفين باش توصلو انتي و إياها رجعت لبيت شقلك هيفا الي قالهولك قبل الفطور و تعداو الايامات و عمر عمال زايد علي قدام هاو يستناها في باب الشركة و يطلع هو و إياها بركة في assenceur و يوقفو في شطر الثنية ساعات بالدرجين و يقعد مقابلها ساكت حتي كي تحب ترجع تخدمو ما يخليهاش و يتحل باب assenceur قدام الخدامة الكل و هو يخرج و يعمل روحو يريقل في chemise متاعو لين الناس الكل تحكي عليها هذيكا ترقد مع patron علي هذاك ما تخدم في شيء و مازالت في الشركة الناس الكل معاتش تحكي معاها حتي نبيل قال لهيفا الي هوا تقلق وهي كلمت عمر و هو قالها ما نجمش نوقف اللعبة تو اصبر شويا هاو باش يكمل الشهر واخيرا تعدا الشهر عيطلهاو قلها تفضل هاو chèque الاول كيما تفاهمنا ومن ليوما انتي نائب المدير برا شد bureau متاعك الشرط الثاني شنوا باش تخرج ديما معايا في الليل نعم باش نمشيو نتعشاو مع client نمشيو نسهرو مع صحابي يعني خرجات خدمة و مجاملات و انتي نائب رئيس donc لازمك ديما معايا هذا كهو متأكد و الا فما piège كي العادة انا ننصحك جرب و كان ما عجبكش بطل من الحكاية الكل باهي تو نشوفو أخرتها معاك قبل ما تخرج عندي حاجة ليك عمر: روعة جيب paquet الي وصيتك عليه الصباح دخلت روعة و في ايدها paquet ظاهر متع bijoux وغزر لروعة -ماو ثبت فيها ماو كيما في التصويرا -اي سي عمر باهي تنجم تخرج تلفت لهالة : -يا مزيانة هز شعرك لفوق -نعم -تي هيا هالة ، هزت شعرها لفوق و هوا لبسها شركة فينو اما تشعل بكلها ظاهرا diamant هالة:لواه هذي عمر:تشجيع علي تعدا عليك ،ما تحبش الكادوات عزيزتي ما تخافش راهي diamant حر و بالقارانتي و ما نحبكش تنحيها من رقبتك فهمتني والا لا هالة و اليوما راحة غدوه نبداو الpartie 2 من contract - حاضر عرفي ، خرجت و سكرت الباب دوما راتها روعة عينيها ترشقت في السلسلة و قالتلها: -صارا هي ليك ،مبروك ظاهر فيه عرفي عاجبتو خدمتك علخر -نعم شتقصد - خدمتك في الشريكة عجبت el patron شخلاه رجعك لposte القديمة متاعك و ضحكت ضحكا صفرا هالة هزتها و حطتها و مشات شدت bureau متاعها وحست روحها معاتش تحب تخرج منو و قعدت تغزل علي عمر حتي كادواتك بpiege سي عمر روحت لدار باش تترشق بالغش حكات لاختها حكاية الشركه ضحكت هيفا و قالتلها : - يرجع في فازتو هالة: اما فازة هيفا حكاتلها فازت كادو عيد ميلادها و هي ولات تندب في وجها ملا حشمة سمعني كنت صغيره وقتها يا هيفا - يزينا هالة نعرفك تموت عالمظاهر و الفلوس حتي تحب نفكرك علاش وافقت علي أميرولد امو و عديت معاه اكثر من عام - اما الي صارلنا بعد موت بابا و كيفاش الناس الكل جبدو بينا فيقني علي وضعي انا تبدلت هيفا انا لاحظت اما عمر ما يعرفش من غدوة ، عمر في bureau متاعو و روعة قاتلو: -هالة عبد الصمد تحب تقابلك، بهت مستانسة ما تحبش تجي بحذاه الا ما يعيطلها -قلها تتفضل عمر متكي علي bureau متاعو و هي وقفت قدامو رأسها في القاعة و بيدها ليمين قاعده تقرص في يدها ليسار كما واحد كي يبدا يحب يتأكد الي هوا فايق كي يتصدم من حاجة منظرها ضحكو جبدها من ايداها الزوز و قربها ليه و قالها -يزي معاتش تعمل هكاكا فاش قام تقرص في روحك -عمر - يا روح عمر - تي بلحق نحب نقلك حاجة -هاني نسمع فيك -سامحني -علي شنوا -هيفا قاتلي الي انتي ...سمعتني في ...عيد ميلادي ... الكادو... طرشق بالضحك -صاره هذي الحكاية هي كانت وجها في القاعة هزلها و جها لين ولاو العين في العين وقالها -انتي ما غلطش هالة الانسان يلزمو حتي كي يحلم يحلم علي قدو معناها كي تعجبو حاجة عندو حلين يااما يسعي باش يوصلها و وقتها تولي علي قدو و الا ينساها -عمر انا موش حاجة انا انسانة - هالة شكون قالك انا نقصدك , انا نحكي en general هي زادت حشمت و تربثت حب يبدل الموضوع . اليوما حظر روحك باش نخرجو نتعشاو مع client نحبك تهبل اكثر من العاده تبسمت حست complement في كلامو ، نحب client كي يراك ما يركزش في الأوراق الي باش يصححهم لهنا وجها تقلب و جبدت يديها من يديه و قاتلو: -هكا عمر تقلي و جات خارجة و هو جبدها و عاود شدلها يديها -يا هالة ما نخلي حد يحط عليك يدو ما تخافش كل المطلوب منك في الليل تكون مزيانة و تهبل كيما العاده و تجي تتعشا معايا لا اكثر و لا اقل تبسمتلو وقعدت واقفه هوا غزرلها و قالها - يا مزيانة المطلوب تشغشب client موش انا، ضحك ودورها لشيرت الباب - برا شد bureau متاعك

الحلقة 7: في الليل حضرت روحها كيما قاللها وتعدالها و مشاو مع بعضهم لresto دخلو الناس الكل تغزرلها رجال و حتي نساء هالة كانت تدوخ قعدو مع client الي كانت عينيه باش تخرج عليها بسيف كان يسمع في عمر شقاعد يقول و بعد مدلو الأوراق باش يصحح عمر : كيما تفاهمنا سي عبد المجيد qualite الي نخدمو فيها و بprix هذاك ما تلقالها في حتي société اخرا و حتي لبرا و كان تحب تزيد تسهل علي راحتك غزر سي عبد المجيد لهالة و هي تبسمتلو عبد المجيد: من غير ما نسهل و جاء باش يصحح و بعد بطل عبد المجيد:موش برشا 6 شهور باش يصير التسليم عمر : تهنا سي عبد المجيد مداموزال هالة ناءب الرءيس باش تتلها en personne بالحكاية هذي خلينا نخدمو خدمتنا و تو تشوف كيفاش السلعة تتخطف خطفان من السوق وتنسا حكاية 6 شهور عبد المجيد تلفت لهالة و هي عاودت ضحكتلو ،باهي سي عمر هاو صححنا قعدو شويا و بعد قالو : -سي عبد المجيد ان شاء الله ما يكونش هذا اخر مشروع بيناتنا تشرفنا بالخدمة معاك اما تو لازم نمشيو عبد المجيد: مزال بكري من تو مروحين عمر : لازم نوصل هالة عبد المجيد : كان تحب تو نوصلها انا هالة موش مشكل عمر :DSL سي عبد الحميد اما نسيت ما قتلكش هالة راهي موش كان ناءب رءيس اكهو هالة خطيبتي زاده و غزرلها هيا عزيزتي و هي لبست كبوتها و هو مدلها يدو وهي شدت فيها و تلفتلو وقالو ليلتك سعيدة سي عبد المجيد و مشاو ثنية كاملة حتي وصلو لكرهبة و هالة تضحك هالة : وين نتفكر و جه سي عبد المجيد و قتلي قتلو هالة خطيبتي و جهو قعد bloqué هههههه نزيد نضحك ،اما انتي تخوف يا ولد حليمة ستنيتو حتي صحح و بعد جبدت بيه

عمر :حتي انتي تدوخ يا بنت شهرزاد اما نحب نخدمو المشروع هدا بقلب و رب و هذي مهمتك هالة نحبو يعاود يصحح معانا المرا الجاية علي خاطر خدمتنا طيارة موش علي خاطر حاجة اخرا و زيد الفرصة هذي ما يلزمش تضيع من يدينا باش نوقف الشركة كيما و عدتك - تهنا من غدوه الخدمة و ما قالت الناس من غدوة مشات لبيرو directe و بدات الخدمة هي هكاكا و جاتها روعة و جابية معاها برشا بكوات و مدتهملها و قلتلها سي عمر بعثهملك حلتهم لقاتهم des robes channel ,Lewis Vuitton ,yves saint Laurent خلاتهم هكاكا و مشاتلو ل bureau دخلت عليه directe -ما وفيناش من حكاية الكادوات عمر ما ني طلبت السماح علاش قلبك أكحل هكا عمر : اول مرا نسمع مرا راجل يهديلها كادو غالي و تقلو قلبك أكحل هالة: ما حاشتيش بكادواتك عمر: موش ليك انتي كهو زيد ثبت تو تلقي 2 tailles انتي و هيفا و زيد بيناتنا عقد يا مزيانة ما تنساش باش تقبلهم كادواتي و باش تقلي مرسي و قدام روعة زاده -لا عمر انسي -زيد خمم منيح راك تخسر كل شيء عينيها تملاو بدموع و خرجت و خلاتو و هو كي رآها هكاكا ما حبش يزيد يلح عليها قلبو وجعو مشات لبيروها فرغت همها في البكا و بعد قعدت تتفرج في les robes لقات 2 tailles كيما قالها تايها و تاي هيفا حطتهم علي جنب و قعدت تخدم علي روحها جاء وقت الفطور جاتها روعة - سي عمر قلك باش نمشيو نفطرو مع بعضنا هو مازال في bureau - اي تو نكلمو برا علي روحك كلمتو علcode متع الشركة عمر امان ما نجمش نفطر تو عندي برشا خدمة و زيد ما عينيش خليني علي راحتي المرة هذي و تحس في الصوت ولا يجاوب عرفت روعة تسمع فيهم كيما عادتها عمر : باهي تو نمشي نفطر و حدي و نبعثلك فطور هالة: حقامرسي عالكادو عزيزي يهبلو (هو زاده فهم الي روعة تسمع) عمر: ما فما حتي مزية و انتي تهبل اكثر اما معاتش تخليني نفطر وحدي لازمك تنظم وقتك الخدمة مهمة اما انا زاده لازمك تتلاهي بيا هالة : انتي اهم حاجة اليوما برك قتلك عمر: ok قعدت هي تخدم علي روحها و هو بعثلها الماكلة كيما و عدها جاء و قت المرواح دق الباب هالة : تفضل عمر : مزلت تخدم هالة : اي باش نروح مخر لازم نكمل الي في ايدي عمر: انا باش نروح ،حبيت نقلك حضر روحك اليوما خارجين نسهرو هالة: اليوما زادا عمر: اي باش نخرجو نسهرو مع صحابي البس لبسة متع boîte de nuit هالة : علاش تحبهم يصححو صحابك عمر :هههههههههه علي حتي شيء نحب نعرفك عليهم هالة: باهي تفاهمنا و تو خليني نخدم باش نجم نخرج نسهر عمر: سامحني يا للة ، شو ولات تطرد في من الشركة متاعي و خرج وخلاها كملت خدمتها و روحت لدار و ورات الروب لهيفا الي هبلت بيهم هيفا : يهبلو يا هالة و تقيس و تعاود و انا نقول شبيه كلمني يسهل علي. Les tailles متاعنا خنكلمو هيفا : عمروش مرسي عالكادو يهبلو عمر : 2r1 يا للا كي عجبوك هذيكا الفايدة هيفا: وشبيني انا موش وجه خروج كان هالة تخرجها عمر : انتي خطيبك يخرجك هيفا: امممم عندك الحق خاطر انتي خطيبها هالة تخرج فيها عمر : سامحني ياللا تو نخرجو مرا الناس الكل انا و إياك ونبيل و هالة باهي هكاكا و تو نكلمو انا و نتفاهم معاه و نقولولكم و قتاش الخرجة هيفا: تفاهمنا patron في الليل حضرت هالة روحها كيما تفاهمت مع عمر و هو تعدالها و مشاو يسهرو مع صحابو رامي ،الياس ، سحر،يسرا و نور نور و رامي مخطوبين و البقية celebataire لاحظة الي سحر و يسرا من بكري يهزو فيها و يحطو قام الياس قالو -تو ما قتليش عمر القنبلة هذي صاحبتك -لا تخدم معيا كهو -ملا ما تتقلقش كان نشطح معاها ، عمر شد يلعب بportable و قالو -هيكا قدامك شوف معاها مشا الياس بحذاها و قعد يحكي معاها و بعد قلها هيا نشطحو هي غزرت لعمر لقاتو لاهي في portable و هي جات باش تقوم و tel متاعها نوقز msg حلت تلقاه من عند عمر " جرب اشطح مع الياس و الا غيرو و شوفني شباش نعمل" وجها صفار شدت راسها و قاتلو سامحني الياس نحس في روحي دايخة ما نجمش نشطح دارو بيها الكل و جابولها شربة ماء عمر : تحب نروحو هالة هالة : لا cv خلي نرتاح شويا مشاو الكل يشطحو و قعدت كان هي و عمر قربلها و قالها : -اما انتي ممثلة قوية - انتي تعرف كان تهدد ما تنجمش تقلي بالسياسة هالة ما تشطحش مع الياس جاب ربي صاحبك و قتلي خرجنا قتلي خرجت مجاملة حبيت نجامل عمر: هاك عرفت لا صاحبي لا غيرو حتي راجل لايقربلك غيري انشاءالله فهمتو الكلام هذا خاطر معاتش نحب نعاودو هالة: لواه سى عمر بالكشي راجلي و ما في باليش عمر : احسبها كيما تحسبها يا مزيانة تعرفشي كيفاش احسبني عمتلك عقد احتيكار هوما هكاكا و رجعو صحابو و جابو شراب الياس جاء باش يصبلهم و عمر حط يديه علي كاسو و كاس هالة ما تصبلناش الياس: تو انتي ما يلزمكش تفوت كاس خاطرك بلباز اما هالة علاش لا هالة : كيفاش بلباز يضرب معنتها الياس : باريت كان نحكيلك في كندا شرب 3 مرات و كل مرة يعمل كارثة هالة : كيفاش بربي احكيلي عمر :يزي الياس تو هذي حكاية تحكيها الياس: مالا عالفازة هو باش نحكيلها

لحلقة 8: الياس : يا للة سي عمر كي يشرب اكثر من كاس يبلبزها و من غدوة ما يتفكر شيء اول مرة شربنا برشا في كندا بعد ما نجحنا في les examens حربناها نهارتها هههه وبعد روحت انا و صاحبتي و خليتو هو باش يروح وحدو من غدوة عدينا صباح كامل انا ورامي نلوجو عليه وزاد قالي راهو ما روحو من أمس طلع وين لقيناه وين راقد في حومة قريبة لحومتنا بحذا sdf و منحي مريولو وحاطو تحت راسو وزيد قالك ما يعرفشي كيفاش وصل غادي هههههههه طرشقو العباد الكل بضحك و عمر راسو في القاعة يتبسم هاو باش نحكيلك الفازة الثانية بعد عام عاودنا سهرنا و شربنا مرة اخرا اما المرة هذي قرينا حسابنا مشينا روحنا بيه لدار و حطيناه في فرشو قمنا الصباح لقينا الخزانة متاعو خارج منها ماء كان نقلك شعمل هالة كملي بربي الخزانة يسخايلها توالات طير الماء في وسطها هههه و لتوا يقول موش صحيح ما يتفكر شيء عمر :موش صحيح هالة باش يتقطع عليها النفس بالضحك و صحابو الكل شايخين عليه يسمع في غناية slow -هيا نشطحو هالة -عمر هههه امان ههههه خنزيد نسمع هههه الحكاية الثالثة -ما عندك ما تسمع قوم و جبدها بالقوي و هي باقي تضحك الياس :يا ولدي الطفلة دايخة سايس عليها عمر : تلهي في روحك سي الياس وقفو وسط piste قربها ليه و شدلها يدها باش يشطحو وهي باقي تضحك عمر:هالة هالة:يا روح هالة ههههههه عمر: مزلت تضحك ما عندكش فكرا شنوا يستنا فيك غدوة هالة :باهي هاني ... هههه و طرشقت بالضحك و خبات راسها الكل في صدرو باش ما يسمعش التقهقيه عمر:هالة راك هكاكا شالق بيك اكثر لي انتي تضحك هزت راسها عينيها بالدموع من كثرت الضحك ما نجمش نسكت -ههههه عمر ههههه سامحني هههه عمر:اضحك يا للا خوذ راحتك ولا هو يضحك زادا و هز راسو الفوق و نفخ الله لاتربحك يا الياس الكلب هالة نكملو الشطحة هذي و نروحو ما نجمتش تهز راسها المغروس في صدرو من كثرت الضحك و قاتلو اي برأسها هوما مروحين في الكرهبة و هي قاتلو - تعرف عمر شنوا شاهية -شنوا شاهية للا هالة - نراك شارب برشا و شدت ضحكتها بالسيف -وفيناشي هالة -تو لازم نعملها الفازة هذي نخليك تشرب برشا -وانا مسحور باش نسمع كلامك هههه -tient جبتلي فكره تو نعملك البوخوخو كيما قالت منال عمارة ههههه -كيفاش هذي تحب الكسكسي بالدوارة - اي نوكلك كسكسي بالدوارة بالبوخوخو و بعد انتي تولي تسمع كلامي و تشرب برشا و نتفرج في العرض هههههه .-الي موش مستانس بالبخور يحترق حوايجو كي وحدة باش تعمل البوخوخو لواحد ما تقولوش عزيزتي -و تنجم تكون هذيكا خطة هو ماشي في بالو مادام قاتلو ما تعملهاش و هي تعملها -وكان تسمعك شهرزاد تحكي هكا هالة بوخوخو و درا شنوا ما تمشي فيها _________________________________ من غدوه تعدات لbureau -عمر صباح الخير -صباح النور ، -حاشتك بحاجة -لا juste حبيت نصبح عليك اما عمر شبي وجهك هكا شبيه اصفر ياخي مريض -لا cv نزلت عالتليفون -روعة سي عمر تاعب شويا كان تجيبلو حاجة يشربها -شنوا يحب يشرب و هو فهم شتقصد عمر: روعة ما تجيب شيء لاباس و شد هالة دزها عالحيط و قربلها لسقها -تو شتحب انتي يا مزيانة عالصباح و حستو يغزر لشفايفها و عمال يقربلها باش يبوسها غمضت عينيها و التليفون نوقز عمر : oui روعة روعة : سي شاكر يحب يقابلك عمر :برا هالة لbureau تو نحكيو مباعد ، قولو يتفضل روعة مشات تخدم علي روحها وبعد جاتها روعة -سي عمر حاشتو بيك قالك توا تجي مشات لبيروه هالة: oui عمر عمر: حضر روحك الاثنين باش نمشيو لباريس انا وإياك باش نقابلو client قلت لروعة تعملنا reservation لطيارة و suite في hotel Suite -انا واياك -اي -لا عمر عاد كثرتلها علاش وين نقول باش نوليو صحاب تفسدها نحب نقلك الي انا بطلت العقد الي بيناتنا ولاعاد حاشتي بقصر ولا شركة و عينيها زغلو بالدموع وجات خارجة وهو جبدها -شفت كي نبهت عليك أمس نقص مالضحك هاني رجعت فازتي -معناها تفدلك موش ماشين لباريس - لا ماشين و باش نقعدو جمعة باش نخدمو و كل واحد في بيت تحبش كل واحد في hotel -هههه pas à ce point -وباش نحوس بيك في فرانسا ولو انك يا مزيانة ظهرت شمايتية و حلوه و سحارة هههه ترمات عليه -مرسي عمر فرنسا قد ما نمشيلها ما نشبعش منها و بعد هزت راسها جات العين في العين و هو تبسملها -باهي برا كمل خدمتك باش تسافر مرتاحة

الحلقة 9: هالة كل ليلة تخرج تسهر مع عمر يااما مع client و خدمة يا اما مع صوحابو و ولات صحاب برشا مع نور في الشلة متاعو هي، تحب تخرج معاه تستنا و قتاش يجي يقلها حضر روحك باش نخرجو اما ولات عندها برشا مشاكل مع امها الي قالتلها -معاتش يساعدني للة هالة كل نهار سهريات لصباح شنوا باش يقولو عليك العباد مات بوها و تسيبت علي طلق ذراعها -يا ماما الي يسمعك يقول انا وليت نسهر كان من الي توفا بابا - أي كنتو تسهرو قبل في حفلاتي في الدار قدامي صحابكم الكل نعرفهم ،وكي تسهرو البرا en groupe مع ولاد وبنات صحباتي موش هكا رأسك راس عمر كل ليلة يوصلك مخر الجيران كلاولي وجه -يا ماما راهي خدمة -يزيني بلا خدمة و قتلي كنت مع بوك كنتو تخرجو هكا كل ليلة و زيد الجمعة الجاية ماشية معاه لفرانسا و انا موش موافقة هو نقلك من توا ما كش في امريكيا للة راهو انتي في تونس فيق عيش بنتي -يا أمي صدقني تو موش كيما مع بابا نعملو في المستحيل انا و عمر باش نوقف الشركة علي ساقيها شركتنا فالسة -ما عادش شركتنا خليه يدبر راسو انتي اخدم خدمتك و روح لدار -امان ماما موش انتي تشكر فيه و تقولي ما وقفوش معايا صحابي و خواتي وهو وقف معايا حتي كي طردنا الخدامة رجعهم و قالك انا تو نخلصهم خلاف الي احنا قاعدين في القصر علي راحتنا و هو متاعو -ما نسيتش اما كي يولي المقابل انتي معاتش حاشتي بحتي قصر تو من غدوة نشوف دار كراء -ماماتي حبيبتي ما نحبكش متغشه عليا -كثرتلها راك هالة -ماما نوعدك هذي اخر خرجة خاطر راهو في الثنية معاتش خروج اما خليني نمشي لفرانسا والله عنا client مهم و انا نحبها الشركة تاقف علي ساقيها حتي لو كان موش متاعنا هذيكا يقعد ديما بناها بابا بربي يا ماماتي و بدات تحمل فيها و تبوس - باهي اخر خرجة اخر خرجة خرجت هالة هي و عمر و نوات الي في اخر السهرية باش تقلو راني معاتش نجم نخرج معاك اما قالت خلي نعمل جو اخر خرجة الياس قاعد هو ورامي و عمر وهالة قامة مشات لتوالات هي و نور الياس : تو من لخر سي عمر شنية حكايتك مع هالة ، راهو ما تقليش الحقيقة كيما المرا الي فاتت نحكيلها علي مغامراتك النسائية الكل يا bG عمر: الياس يزي بلا بلادة ، تهمني هالة علخر باهي صاحبي الياس: شفت محلاك كي تقر موش علي حاجة باش حد فينا ما يقرب للي تابع صاحبو و نقعدو صحاب خاطر ما فماش ما يفزد العلاقات بين الرجال قد المزز ،شوف رامي محلاه من اول نهار قال نور راهي تابعتني موش انتي تقولي موش صاحبتي و بعد كي نقربلها دارا شبعثتلها في tel الطفلة شعرا لاداخت عمر : هههههه صارا انتي شالق الياس: بالك نسيت سي عمر الي انا الpatron الي علمك اسرار الجنس اللطيف الكل عمر : اما بلحق الياس مهيش صاحبتي ما كذبتش عليك الياس: اما تحبها تولي صاحبتك عمر: نحبها تولي اكثر من صاحبتي الياس : شوفت سي رامي كنت نعاني فيك برك باش نولي نعاني فيكم الزوز ، اما بيناتنا سي عمر حتي هي طايحة راهو مدام كل نهار وهي تسهر معاك ظهرلي انده يا معلم صارحها مناش خايف عمر : تسهر معايا موش بكيفها الياس: بلاهي ، مهددها باش تبطلها من الخدمة كان ماتسهرش معاك و الا شادد عليها كمبيالات هههههههه عمر: ههههههه تنجم تقول الياس: باهي و شادد عليها شيكات باش وين نبداو قاعدين تبدا تاكل فيك بعينيها،و تشطح معاك تبدا لاسقة فيك كالقرنيطة انا رأي طايحة déjà شقال رامي رامي: كيما قال الياس صارحها شخاصر انتي هوما مروحين و كلام الياس يتعاود في مخ عمر و جاء باش يصارحها بحبو و هي قاتلو -عمر هذي اخر مرة نسهرو مع بعضنا معاتش باش نجم نخرج معاك عمر حس قلبو عصر عليه - والاتفاق الي بيناتنا هالة هالة: الله غالب احسبني خسرت القصر والشركة اما مزلت في poste متاعي ماهو عمر: اكيد باش تقعد في poste متاعك اما نجمش نعرف علاش سلمت هكا هالة : ما نحبش نغشش شهرزاد و حكاتلو علي صار بينها و بين امها عمر: هالة انتي تحب تقعد تخرج معايا اما امك ما تحبش هكا والل لا هالة :اي و الله ديما نعمل جو محلاهم صحابك و القعدة معاك تحفونة عمر تبسم حس رجعت فيه الروح -باهي هالة علي خاطر امك معاتش باش نخرجو حتي نمشيو لفرانسا اما فما خرجة وحيده مبرمجها مع نبيل و وعدت بها هيفا اذيكا لازم تقنع بيها امك هالة :هذيكا موش مشكل عمر : و مازلت ما خسرتش القصر و الشركة راهو يا مزيانة هالة : بلحق و الشرط عمر : انا نقرر قتلك مازات تلعب معناها مازلت تلعب هالة ضحكتلو و هوما وصلو قدام دارهم حلت الباب و قتلوa demain و دخلت لقصر

لحلقة 10: كيما تفاهمو عمر وهالة رجعو يخدمو علي روحهم و معاتش خروج في الليل باش نهار السبت يخرجو مع نبيل و هيفا و الاثنين يسافروا لباريس . في الليل تلمو في الدار هالة و هيفا شهرزاد و حليمة حليمة:كي سبتك هلولة تسهر معانا شهرزاد: سي عمر عطاها كونجي يا حليمة حليمة:صار عمر هو الي شادك في الخدمة تو نتفاهم معاه شنوا ها لخدمة لنصاص الليلي شهرزاد:وزيد السبت باش يخرجو هوما و هيفا و نبيل و الاثنين مسافرين لفرنسا حليمة:صار و انا امو ما فكرش يخرجني حتي مرا و زيد شبيني هذا الكل ما في باليش بيه شهرزاد: صار موش كان انا مطفيني انتي زادا تعداك train هالة :والله كبرتو الحكاية ماك تعرف حلومة مشاكل الشركة حليمة:هات التليفون هيفا حليمة: الو سي الشباب ،اي امك الي ما تخرجهاش عمر: شبيك يا أمي شعملت فيا حليمة:هاني باش نطلع خير منك نهار الأحد باش نطيب انا الفطور و نستدعاك تفطر و بعد تخرجنا انا و شهرزاد و هيفا كان حبت هالة لا شهرزاد : كهو يزيها من الخروج عمر: حاضر يا أمي كيما تحب هالة : امان حلومة انا لا حليمة:تحب تخرج معانا هالة، ok نمشي معاكم لفرانسا هالة قعدت مبهمة و شهرزاد و هيفا ترشقو بالضحك البنات ماشين باش يرقدو و هيفا باقي تضحك -اما حماتك غارت منك هلولة حتي انتي فكيتلها الطفل هههههه رمات عليها المخده ، -طفي الضو هيفا و اخرج من بيتي نحب نرقد نهار _______________________________________ السبت : خرجو البنات مع نبيل و عمر الجو كان عالمي البلاصة ياسر رومانسية غنا calme ضحكو و حكاو وهوما هكاكا و جات غناية slow نقزت هالة -عمر هيا نشطحو عليها نموت عليها عمر هيا -انتي تاءمر يا مزيانة و قامو يشطحو و نبيل و هيفا قاعدو يغزرو لبعضهم باهتين و بعد رجعو لطاولة وجاء serveur طلبو ماكلة وتلفت نبيل لعمر - تشرب حاجة عمر قالو لا بيدو و هالة قامت تضحك وحدها عمر قرصها في فخضها نقزت فرد تنقيزة شعرة لاقلبت الطاولة عمر: شفتو فاش نعاني ماهو و قربلها وشوشلها باش تزيد تكشخ مليح تعدات سهرية حلوة البنات روحو لدار متفرهدين هيفا: شنيا حكايتك انتي و عمر راني معاد فاهمة شيء شطيح و توشويش قرصان من تحت الطاولة الي يراكم يقول عرايس موش تخدمو مع بعضكم تي انا ونبيل مخطوبين وموش كيفكم هالة: تنهدت والله انا بيدي معاتش فاهمة روحي كي نفهم تو نفسرلك هيفا هيفا:من غير ما تفسرلي ،انتي وقعتي ياختي ولاحدش سمي عليكي هالة:ممكن موش عارفة ال مهم قاعدة نعيش في احلي ايام حياتي هيفا :صحا لاختي انشاء الله ديما فرحانة و هيا نرقدو غدوة حلومة تحبنا نعاونو باش تطيب الفطور لحبيب القلب من غدوة عالفطور جاء عمر وتلمو علي طاولة الفطور حليمة ما خلات ما صنفت باش تفرح بولدها سلايط طواجن بريك و كسكسي بالدوارة هو بدا باش ياكل الكسكسي و هالة طرشقة بالضحك تفكر كلامها متع المرا الي فاتت ولا بطل و قعد يقلب في الصحن هالة: حلومة عمر ما عجبوش الكسكسي ماهوش قاعد ياكل عمر:لا أمي بنين يعطيك الصحة حليمة :تي هاك ما كليت شيء و بدات تأكد عليه كول كول لين كلا مغرفتين ، -صباح كامل و انا نطيب فيه حتي البنات عاونوني هي قالت هكاكا و هو شرق و بدا يشرب في الماء قربتلو هالة و قاتلو كول ما تخافش ما فيه شيء و طرشقو الزوز بالضحك حليمة و شهرزاد و هيفا غزرو لبعضهم باهتين شهرزاد :احكيولنا فاش توشوشو خنضحكو معاكم هالة : من غير ما تشعر انتي بالذات ما نجمش نحكيلك ماما شهرزاد: ملا تضحكو عليا هالة : الحكاية علي حد تعرفو انتي و عدناه انا و عمر باش ما تخرجش الحكاية و بدات شهرزاد تسهل علي فلان ملا لازم علي علان -تي بربي هالة قولي شنية الحكاية ما سيبتها كان باش تمشي تحضر روحها باش تخرج هي و حليمة و عمر و هيفا ___________________________________ خرج عمر امو و شهرزاد و هيفا كيما و عدهم و قعدو في قهوة شهرزاد :عمر خممنا انا وحليمة مدام نتوما تحبو السهريات كي تروحو من فرانسا و تصححو contract انشاء الله نعملو حفلا في القصر هوكا جيبو صحابكم و اسهروا حذانا شقلت - فكرة باهية علاش لا كملو الجماعة حوسو و تتفرهدو و روحو عقابات الليل و هالة قعدت تغزل و تنسي في روحها بتحضير فاليجاتها باش يسافرو لباريس من غدوة. سافر عمر و هالة لباريس تقابلو مع client متاعهم صححو معاه و هوما باش يطيرو بالفرحة عمر: تو كملنا الخدمة الايامات الي بقاو باش نحوسو فيهم حضر روحك ساعة اخرا نخرجو بعد ساعة دق عمر باب بيتها حلتلو عمر :حاضرة هالة هالة : اي غزرلها من فوق للوطة هالة، هكا خارجة jupe ياسر قصيرة و زيد veste اكهو هالة :شنوا باش تولي تحزر عليا عمر : هالة نخاف عليك لا تمرض الدنيا ياسر بارده لبرا عالقليلة البس كبوت هالة :لا نحب نخرج هكا عمر:دبر رأسك نعرف النقاش ما يجيب معاك حتي نتيجة

لحلقة 11: خرجو و بداو يدورو و هي بدات تحس في البرد ساقيها جمدو اما ماتحبش تظهر عمر : هيا ندخلو لقهوا هذي نشربو حاجة سخونة بصراحة جاني بردك هالة : هيا اما انتي مكبر الحكاية عمر برشا بنات لابسين كيفي عمر:هوما مستانسين ، مولودين في الطقس هذا هالة:ما تخافش عليا عمر : متاكده هالة ما تحبش نرجعو تبدل دبشك خاطر نحس في شفايفك ولاو زرق هالة :لا cv (كان سمعت كلامو وبدلت دبشي خير باش نجمد) كملو عمر و هالة دورتهم في باريس و هي باش تموت بالبرد اما تكابر عمر : هالة تحب نعطيك الكبوت هالة: يجيني كبير و طويل en plus المشكلة من لوطة ساقايا جمدو عمر : هيا نروحو ريت صحت رأسك وين وصلتك وصلو لhotel وهالة direct بدلت حوايجها طلبت tisane و قاتلو باش نرقد ، مشي لبيتو و خلاها في الليل تحير عليها يطلبها ما تهزش مشالها لبيت يدق ما تحلش طلب reception حلولو الباب لقاها فوقها قداش من فرشية و هي ترعش طلب reception باش يجيبولو طبيب مشا شرالها دواء و طلب في hotel باش يعملولها soupe وكلهالها بالسيف هي حلت عينيها غزرتلو : -عمر ما تخلينيش عمر : شدلها يدها ما تخافش عزيزتي هاني بحذاك وبعد عمللها كمدات باش يطيحلها السخانة وقعد ليلة كاملة و هو يبردلها في راسها بدات تفيق شويا عمر :هالة توا خير هالة: اي عمر : هالة لازمك تبدل دبشك تنجم وحدك هالة: اي وقتلو علي دبش باش يمدهولها من الخزانة و هوا دار لشيرا لخرا وهي تقاوات علي روحها باش نجمت تبدل دبشها و ترمات عالفرش عمر دزها شويا وتمد بحذاها و عمر باش ما ينساش الدواء ،كان كل شويا يمسلها جبينها وهي سخانتها مرا تطيح و مرا تطلع في الليل يسمع فيها تهتري : -ماما نحب ماما عمر : منين نجيبلها امها انا تو لايزي راسها صحيح و زيد دلولة هالة: ماما بردانة حملني و قعدت تهتري هكاكا ولا عمر نحالها الغطا و حطها في حضنو وهي سكتت ورقدت و هو قعد فايق كل شويا يحط خدو علي جبينها لين مع الفجر طاحتلها السخانة حلت عينيها الصباح لقات روحها في حضنو تنطرت وهو تفجع هالة: شبيك بايت لنا عمر عمر : خاطر وحدة راسها صحيح ودلولة مرضت تفكرت هالة الي صار لبارح -سامحني عمر اما مو لباس محملني هكاكا عمر : انتي قتلي حبيبي عمر ما تخلينيش هالة قعدت مصدومة و هو طرشق بالضحك في الليل -وليت تقول ماما حملني ماما بردانة و انا منين باش نجيبلك ماما قتلك ميسالش بابا انتي سكت ياخي حملتك هالة:impossible ما نتفكر شيء عمر :ههههههه باش وين تتمقعر عليا علا حكاية الشراب نفكرك بحكاية ماما نحب ماما ههههه حملني ماما _____________________________ رجعو عمر و هالة لتونس و لقاو الجماعة يحضروا لحفلة في القصر كلم شلتو باش يجيو نهارت الحفلة هالة طلعت كي العادة تهبل و زيد كي راها لابسة روبا من الي جابهملها فرح برشا هي كانت قاعدة في طاولة مع اختها ونبيل و امها تدور من طاولة لطاولة ترحب بالعباد ملا شهرزاد عبد الصمد لازم توري الناس الكل الي هي مازالت قوية و مازالت في قصرها و حتي امو جبدتها معاها في الحكاية تعرف فيها بصحابها عمر كان قاعد مع صحابو في طاولة لتالي اما عينيه مرشوقا فيها ، خاصة كل شويا واحد يجي يحب يشطح معاها اما الي يبردلو علي قلبو هي ما كنتش توافق هيفا : تو هذا 5 واحد يحب يشطح معاك و انتي ما تحبش مستانسة تصبر عالشطيح انتي هالة : فك عليا عمر ما يحبش تو يعملي مشكلة هي قالت هكاكا و اختها ترشقت بالضحك و قالت مرحبا هالة :تكبست ما تقليش من بكري ورايا هيفا قلتلها براسها اي و باقي تضحك تلفتت وراها لقاتو يتبسملها عمر :هيا نشطحو يا مزيانة

و جبدها من ايدها وقفو في وسط piste و بداو يشطحو و هي تخبي في وجها منو بالحشمة عمر : تعرف هالة انتي مزيانة و زدت زينة كي وليت تسمع الكلام و يضحك هالة باش تموت بالحشمة - عمر اشطح و انتي ساكت نحب نسمع الغنايا عمر:هههههه هالة:عمر يزي من الضحك مكانش خنرجع نشد بلاصتي عمر:ههه باهي هاني سكت حليمة و شهرزاد يغزرولهم باهتين شهرزاد:شنية حكايتهم هالزويز حليمة: والله علمي علمك اما تو نعرف تعداو الأيام و هالة و عمر ديما مع بعضهم في الخدمة و السهريات في القصر البرا لا شهرزاد شدت صحيح لين جاء عرس رامي و نور عمر بعث لهالة باش تجيه لbureau عمر : هالة السبت هذا عرس رامي و نور و الزوز ياكدو عليا باش نجيبك معايا هالة: حتي انا صاحبتي نور و نحب نمشي اما ماك تعرف أمي ما تحبنيش نخرج عمر :هانا عنا برشا ما سهرناش حاول تقنعها عرس هذا موش سهرية هالة: تو نعمل مجهودي عمر والله نحب نحضر من نهارتها لنهار السبت و هالة تقرق و امها تقلها لا لا ما خلات ما عملت كلمت هيفا باش تحكي مع امها و قالتلها نهز هيفا معايا شهرزاد : لا لا هالة قتلك ما فماش مشي كي تولي تتسكك قدامي باهي هالة كانت حابة تمشي و قررت باش تحط امها قدام الامر الواقع حضرت روحها و كي كلمها عمر قتلو تعدالي باش نمشي معاك امها دخلت عليها لبيت لقاتها تركح في مكياجها هبلت عليها شهرزاد: موش قتلك ما فماش خروج هالة:ماما انا معاتش صغيرة راهو باش تعملي هكا شهرزاد طرشقت بالبكا و بدات تعيط -بارك الله فيك للا هالة هذي أخرت تربيتي و دللالي ليك نستاهل تهني تو من غدوة نهز دبشي و ما عاتش ترا وجهي و اعمل الي يضهرلك هالة عمرها ما رات امها هكاكا وينوقز تليفونها عمر وصل غزرت لامها -باهي ماما سامحني هاني باش نسمع كلامك و معاتش خارجة اما خليني نخرج لراجل قدام الدار نقولو ما نيش خارجة ما يجيش بالتليفون جبتو هكاكا شهرزاد:في ايدك درجين و ترجع -باهي خرجت قدام القصر ما لقاتوش في الكرهبة راتو واقف بعيد هو و امو و هي تحكي و ظاهرة منرفزة و هو يديه في جيابو و مطبس راسو و يسمع و ساكت راتها حليمة من بعيد حليمة:هالة، روح لدار ما فماش خروج و جاتها دزتها دخلتها لدار و تلفتتلو - انشاء الله تكون فهمت الي قلتهولك سي شباب و من الباب لبيتها و حليمة تسطكلها - هاكا هالة تعمل كان هو مهبول انتي تبعو ما عاتش عاطية قيمة لامك والله تقول موش هذي هالة بنتي الي نحبها شنية صحت الرأس هذي معاتش عاطية قيمة لحد هبلتو انتي و إياه تو تشد بيتك و تطلب السماح من امك و تريض ما كانش تو نحكم عليه حتي في الشركة يردك تخدم في الشركة الجديدة و معاتش تتكلمو انتي وإياه جملة فماش ما تعملو مخ الزوز هالة عينيها دمعو و حست كلام امها و حليمة و قررت من غدوة باش توقف اللعبة و معاتش خروج au moin تراه في الشركة خير من بلاش تعرف حليمة ما تفدلكش.

الحلقة 12: من غدوة هالة مشات بكري للخدمة باش تحكي مع عمر هو داخل لبيروه و كاس القهوة في ايدو و هو جاء باش يشرب و هي تنطرت قدامو و هو كب علي chemiseمتاعو القهوة عمر: بسم الله شبيك عالصباح هالة هكا الchemise عندي اجتماع نصف ساعة اخرا ما نخلطش نرجع نبدل - سامحني عمر اما حاشتي بيك في حكاية مهمة تذكر عندو chemise اخرا في الكرهبة مد المفتاح لروعة و قالها جريا لكرهبة تلقا chemise معلقاً جيبها عمر : تفضل للا هالة خنشوف شنية ها الحكاية و دخلو لبيرو هالة قعدت تحكيلو شنوا صار لبارح شنوا قالتلها امها و شنوا قالتلها حليمة و روعة جابتلو chemise و خرجت قام حل chemise باش يبدل و هالة وقفت عطاتو بالظهر و باقي تحكي كيفاش هي باش تبطل العقد الي بيناتهم معاتش تنجم تكمل و هو كمل بدل و بعد حاستو حملها من تالي - تو شنوا يحبو شهرزاد و حليمة نجي نخطبك .. هاني تو نخطبك يا مزيانة هي دارت بكلها ولات مقابلتو - انا ربي يعلم بيا و انتي تفدلك عمر - ما نيش نفدلك حتي انا كليت ما كلا الطبل من عند حليمة قاتلي :عندك شهر تخطب هالة و تعرس بيها معاتش نحب شكون يحكي عليكم هي جبدت روحها منو و قاتلو: -ما نيش موافقة ما تحبش نعرس بالطريقة هذيكا نحب نعرس بحد يحبني و نحبو و خرجت تجري و خلاتو هو وجعو كلامها حسها رفضتو خمم شويا و هز الشاك الثاني في يدو و دخل عليها direct لبيرو - اسمع للا هالة بالك تسخايلني شاهيك انا و نحب نعرس بيك اما أمي قتلي ما نرضاش عليك كان ما تخوش هالة و زيد هذا علي خاطرك علي خاطر سمعتك ما تنساش انا راجل في المجتمع التونسي ما نتحاسبش اما انتي طفلة هاو باش نعطيك الشاك الثاني déjà 3 شهور عدك بيهم وفاو و الشرط الثالث هو انك تعرس بيا 6شهور و بعد نطلقو و نعطيك القصر و الشركة و الي يحكم بيه الحاكم و ما تخافش العرس باش يكون عالورق و برا فهمتني و بعد ما نطلقو تو يجيك الي تحبو و يحبك خمم في عقلك !!! و خرج و سكر الباب بالقوي روحت لدار و دخلت لبيتها و امها جاتها جاتني حليمة اليوما و قاتلي الي عمر باش يخطبك وانا موافقة شقلت هالة هالة: ما نحبش ماما شهرزاد : تتضومر هالة انا قلت تو طير بالفرحة هالة :بلحق ما نحبش ناخذو شهرزاد العصب طلعلها لمخها : -اسمع هالة ما تهبلنيش ،الخروج و التوشويش و الشطيح معاه ميسالس و كلام العباد ما يهمكش اما العرس لا ،ظاهر فيك هبلت تي انا فرحت قلت بنتي باش تاخو راجل تحبو و زيد باش يعيشها بلقدا هاو باش نقلك حاجة انا هالة الدلال متاعك معاتش منجمتو انا كلام الناس يهمني يا تعرس بعمر يا لاني امك و لاك بنتي ومشات وخلاتها هالة طرشقت بالبكا الي ما فهمتوش امها و ما فهموش عمر الي هي تحب عمر و تحب تعرس بيه اما حست امها و حليمة جبروه باش يعرس بيها و كرامتها تمست هي حبت هو يعمللها déclaration d'amour و يقلها راني نحب نعرس بيك. في الليل جاتها هيفا لقاتها تبكي - شبيك هالولة انا قلت تو نجي نلقاها هابلة بالفرحة هاو باش تشبع بيه حبيب القلب موش خروج و سهريات اكهو - فكني هيفا راني روحي طالعة - شبيك زادا هالة -ما نحبش ناخذو هكاكا نحسو مجبور باش يخذني - يا بنتي قتلك 1000 مرة راهو يحبك من قبل موش من توا - كان يحبني !! تعرف شقلي ليوم و حكاتلها شقلها و 6شهور عرس - الصبر منكم الزوز قداش عندكم مرج هزت التليفون و كلمتو - الو عمر -اهلا هيفا روحي طالعة اما ما حبيتش ما نهزش عليك خاطر باش تقعد تطلب - انتي زادا روحك طالعة و الله خذاوكم بالعين -قول شتحب فيسع مع العباد راني - شنوا حكاية 6 شهور عرس ياخي تفاهمتو عالطلاق قبل العرس -هذاك هو الحل باش تنقص علينا المشاكل نقعدو معرسين شويا باش العباد معاتش تحكي علي سمعت هالة و بعد نطلقو الطلاق معاتش فال في تونس و هوكا انا عملت الي عليا اما للا قتلك ما نحبش نعرس بيك جملة و هي حرة - لا ما تقصدش هكاكا عمر هي حست روحها تفرضت عليك *هيفا بالاهي ما تقعدش تصلح ورآها الي يتقال في الموضوع هذا قلتو و كهو و سامحني déjà لعباد يستناو فيا bye هيفا :حسيتو متغشش برشا و مجروح ، ظاهر فيك ما عرفتش تفهمو هالة فهم الي انتي رافضتو هالة:وهو ما جرحنيش كي يتفاهم معايا عالطلاق قبل العرس هيفا : وخيتي دبرو ريوسكم ،انا ما نجم نعمل شيء خمم منيح هالة راهو فما جزء كبيرة من كلام عمر صحيح عرسك منو باش يسكت العباد رآهم ما خلاو ما قالو فيك حتي نبيل تقلق اما كي خرجنا كنهار و فهم الي نتوما تحبو بعضكم و باش تعرسو كلي نقص من المرج شوي.

لحلقة 13: الخدامة الكل هكا هكا بهالة تو هالة المدام مرط العرف ،هو في الbureau و كلمتو امو: -وينك يا عمر توحشتك ، هالة هاني تجي قبل ما تروح لدار تطل علينا اما انتي ما فماش ريحتك و زيد خسارة رجعتو فيسع لخدمة و حتي في وقت الفطور ما تنجموش تروحو باش نفطرو مع بعضنا عمر :تعرف كيفاش يا أمي حتي انا توحشتك برشا ايجا ليوما تعشا حذانا حليمة:زعمة ما فيهاش قلق لهالة عمر: بلعكس تو تفرح تو نقلها تو حليمة : باهي كلم عمر هالة و قالها أمي باش تجي تتعشا حذانا و تو نكلم traiteur و نجيب الماكلة. في الليل تلمو عمر و امو و هالة عالعشاء حليمة : يعطيك الصحة هالة في العشاء عمر: ههههههههه يا أمي مرطي ما تعرفش طيب ولدك عايش علي مكلت الشارع والماكلة هذي من عند طباخ حشمة حليمة و خاصة كي رات وجه هالة تكبس و حبت تصلح -هي مزالت عروسة حتي انا نسيت العروسة ما طيبش من لول مزالت في شهر العسل عمر:ههههه ، لا تو لامباعد ما تعرفش تطيب النساء في دارهم ما يطيبوش عندهم طباخ هالة هبطت راسها و ما قالت حتي كلمة و حليمة حاسة بيها اما عمر في بالو يفدلك حليمة : كول و اسكت عيش ولدي موش باهي الكلام عالماكلة في السهرية هالة شدت بيتها و عمر و حليمة يستناو فيها باش تسهر معاهم ياخي عمر كي ستبطاها مشالها عمر : هالة وينك شديت البيت و خليتنا وحدنا هالة : راسي يوجع فيا نحب نرقد عمر : أمي راهي حذانا و قلت احترام انك تخليها وتدخل ترقد هالة : تعرفني نحبها حليمة اما تاعبة ما نجمش عمر طلعلو العصب - بربي يزي من الدلول هالة موش كل شيء باش نقعد نقرق بيك عليه هوما اكاكا و امو دخلت لبيت و قتلو - اخرج نحب نحكي مع هالة و تو باعد نحكي معاك قعدت حليمة عالفرش بحذا هالة و غزرتلها في عينيها -وجعك كلامو بكري هالة طرشقت بالبكا و ترمات في حضنها و حليمة قعدت تسكت فيها -يا هالة راهو يفدلك و راس بنتي عمر ما يهموهوش الحكايات هذم ما تحط شيء في بالك والله حكاية فارغة و تو مباعد نجبدلو وضنيه باش ينقص من الضمار الماسط . و بعد هزتلها راسها و غزرتلها تي واحد كيفو ماخو مرا عسل كيفك حقو يراك يشبع موش يلوج عالتطيب هالة ولات تضحك و غزرت لحليمة : -حلومة، تعلمني نطيب حليمة :ملا لا نعلم بنتي ،ما فيها شيء تعلمت القرايا باش يصعب عليك التطيب تعدالي كل يوم لقصر بعد الخدمة تو نركبو العشا مع بعضنا و يزي من البكا برا أغسل وجهك واخلط عليا لصالة نسهرو مع بعضنا تفهمنا ! - تفهمنا ___________________________ هالة و حليمة كل نهار يطيبو مع بعضهم منو هالة بدات تتعلم التطيب و منو العلاقة بيناتهم ولات ام و بنتها نهار روح عمر من الخدمة يلقي هالة في الكوجينة و زيد لابسة طبلية القضيا ترشق بالضحك - صحة اللوك الجديد يا مزيانة ما في باليش طبلية القضية ولات a la mode -عمر خليني رايضة قاعدة نطيب في العشا موش نعمل في défilé de mode عمر : لا تفدلك هالة ، و بعد مشا حذاها ، -هالة راني نفدلك هاك النهار شيبكم خذيتو الموضوع ياسر بجدية انتي و أمي هي مرمدتني و انتي قايمة تطيب بلحق راهو ما تهمنيش حكاية الماكلة جملة نحي عليك تو نخرجو نتعشاو لبرا -سيبني عمر قريب نكمل ، تحب تعاوني برا حظر الطاولة هاني جيت ,El bonne روحت déjà عمر: ok كيما تحب حظر الطاولة و قعدو باش يتعشاو ما صدقش روحو هالة طيبت و ماكلة بنينا زادة تشبه لماكلت امو ، هالة :عجبتك الماكلة

عمر:بنينة يعطيك الصحة هالة:شفت انا نعرف نطيب راهو اما بكيفي و قتلي يخطرلي فهمت عمرفهم الي هي تعلمت تطيب علي خاطر الكلام الي قالو المرا الي فاتت و الي امو علمتها وقف مشا بحذاها و جبدلها يدها و باسها - سمحنا يا مدام غلطنا في حقك، نكملو نتعشاو ونخرجو نسهرو مع الشلة باش نعملو جو آش قلة هالة -ok حتي انا عندي برشا عالسهرية مع الشلة في الليل حضرو رواحهم و كلم عمر الياس و مشاو باش يسهرو معاهم الياس: اهلا mr et mdm مولهي شنوا فديتو من السهريات tete à tête والا توحشتونا عمر:توحشنا ظمارك سي الياس بداو يسلمو عالشلة اما هالة باقي حاسة الي يسرا و سحر يكرهوها رامي:مدامنا الكل ملمومين هكا نحب نقلكم الي نور مرطي و حبيبتي حبلة الناس الكل تباركلهم و فرحولهم هالة:مبروك نور ربي يوصل بالسالم نور:يعيشك عزيزتي العقبة ليك هالة: تبسمت مرسي (منين يا حسرة) في السهرية مشاو نور و هالة لتولات استغلت هالة الفرصة باش تسهلها هالة:بربي نور ما فهمتش شبي يسرا و سحر تحسهم يكرهوني وما عندي ما عملتلهم نور: هههههه هاو باش نقلك علاش عزيزتي، علي خاطر للا يسرا عدات سنين و هي تحاول تطيح عمر و ما خلات ما عملت لين حتي هو شلق و الشلة الكل في بالهم جيت انتي في 6شهور موش طيحتو برك و عرست بيه و سحر صاحبتها الروح بروح donc مساندتها و برا ،لتو الزوز مهمش مستوعبين كيفاش عمر تخطف خطفان من قدامهم ههههه شيهمك فيهم هالة المهم عمر يحبك انتي و هو تو راجلك انتي خرجت هالة من التولات و جات راجعة لبلاسطها تلقا يسرا قاعدة بحذا عمر يحكيو و يضحكو و هو قالها impossible و هي مدتلو يدها وقاتلو و هذا عهد و هو مدلها يدو وقعدت تحكي وشادتلو يدو و هالة كي راتهم هكاكا غيرتها عماتها و معاتش تنجم تتحكم في تصروفاتها مشات تجري و جات بيناتهم و قالتلها هالة: تنجم تقرب شويا لغادي يسرا نحب نقعد بحذا عمر يسرا: اقعد بحذاه من غادي هالة :نحب نذكرك الي هذيا بلاسطي قبل ما نمشي لتولات و نحب نقعد بحذا راجلي يسرا: هاني ماشية و اقعد فيها عمر : شبيك عملت هكاكا هالة علي بلاصة هالة: انتي معاتش تعمل هكاكا عمر عمر : شعملت انا زادا هالة: معاتش تعطيها امل نعرف الي هي مضروبة فيك عمر : صار حتي انتي في بالك(عمر فرح خاطر المعروف الي الغيرة هي دليل حب) ،ما فهمتش علاش تغششت هالة احنا بيناتنا contract ب 6شهور و انتي مبعد باش تستني الي يحبك و تحبو و انا يسرا تحبني بالك انا زاد نولي نحبها هالة كي سمعت الكلام الي قالو تصدمت وقلبها عصر عليها ، -نعم نحب نفكرك سي عمر الي حتي لوكان احنا عرسنا ل6شهور برك انتي فيهم راجلي معناها ملكي انا كهو و جبدتو من Cole المريول بغش تفهم في والا لا و زيد انا بالك ما نحبكش اما تعجبني (هي حست الكلمة لخرة فلتت منها ما لقات ما تعمل قعدت bloquee) وما تحس بيه كان جبدها لسقها ليه عصرها و باسها و هي ما كنتش من العاكسين مشات معاه في الخط و يحس فيها عمال يدها تكبس علي مريولو عمر و هالة نساو الي هوما في بلاصة عامة نساو الناس ، بلاسطهم كانت متركنة وظلمة و العباد كل واحد لاهي في روحو هذا شنوا مشا في بالهم لين سمعو -احم احم هالة و قتها فاقت علي روحها ماتت بالحشمة طبست راسها و حشاتو في صدرو ما حبتش تشوف حتي شكون و هو فهمها حملها قولش عليه باش يخبيها و لفت راسو لتالي -تفضل سي الياس

لحلقة 14: الياس: واللهي يا جماعة نحب نفكركم الي نتوما معرسين و عندكم داركم هالة ولات تضحك اما مخبيا راسها عندو و هو شد ضحكتو بالسيف و قالو - ما تدبرش علينا سي الياس -والله نستاهل عندي تو درجين وافف باش نقلكم حاجة مهمة و الجماعة الكل يقولولي نمشيو وحدنا خليهم هالة معاتش تنجم تشد روحها بالضحك ولات تتهز و تنتفض فوق صدرو و هو عاصرها، معناها الناس الكل راتهم، لين هو بيدو معاتش ينجم يشد ضحكتو - وشنية الحاجة المهمة الي تحب تقلهالنا - للا نور اشتهات تعمل تبحيرة بعد نصف الليل في بلاصتنا متع العادة و سي رامي باش يهزها علي خاطر خايف لا تجيبلو bebe يتحول بعد نصف الليل لجرانة و انا بما أني صاحبهم اللسقة ماشي معاهم سحر ويسرا مازالو يفكرو و نتوما شقلتو -باهي تو نفكرو و نقلولكم ، الياس باقي واقف عمر: تحب تقول حاجة اخرا سي الياس الياس: نحب نقول حسبي الله و نعم الوكيل سي علاء ! ، تي يا طفلة يا سحر ايجا عرس بيا راهم قهروني ها لجماعة المعرسين و خلاهم ومشا لسحر و هوما طرشقو بالضحك هالة عيناها بالدموع من كثرت الضحك -ملا الياس يفلق بالضحك، نحب نمشي معاهم عمر عمرمذابيه يروح لدار بالك ينجم يكمل لبداه بكري ههههه قالها:فك علينا هالة تو تمرض و ترصيلي نجيب في امك تبات بحذاك هالة:لا ما تخافش الدنيا سخونة و طقس تونس ما يمرضنيش ،وجو مع الشلة و الياس خاصة عمر:بلاهي بكري كنت باش تموت بالحشمة و مخبيا رأسك كي النعامة وتو باش تمشي تعوم معاهم هالة:نرمال راهم نساو عمر :ههههه علاش حوت هوما هالة: ههههه تي خنمشيو بربي عمر احنا معرسين كيما قال الياس معناش تبرير لحتي حد عمر:باهي ياللة نمشيو نلبسو المايوات و نمشيو لشهوة لللا نور روحو لدار فيسع بدلو المايوات و تلقاو مع الشلة بداو داخلين لبحر و الماء بارد وهي ولات خايفة عمر: ما تخافش هالة من لول يبدا بارد و بعد تستانس بيه شدت فيه بالقوي، هالة:عمر ما نرا في شيء خايفة و نحس في حاجات تمس فيا عمر:شد ضحكتو بسيف مدام حاجات تمس فيك ما يساعدنيش هيا نروحو، ههههههه ما تخافش هالة ذريع هذاك تو كي نقدمو البحر لداخل نظيف و زيد قمرة تو تشوف محلاها·

روحت في العشية مخر ،جات باش تحل الباب تسمع فيه يحكي مع شكون ، قعدت تسمع عمر : يا أمي راني ما رقدتش من البارح وراسي يوجع فيا، قول شنية الحكاية فيسع خنمشي نرقد شهرزاد شبيها تحب تعمل سهرية في القصر - قاتلي نشاورك بلاهي - تو موش كي نخرج انا مع هالة نسهرو ما يساعدهاش و كلام الناس اما هي ظربة ظربتين عاملة حفلة بسبب و من غير سبب ميسالش و الا هذاك فيلم باش تلزني ناخو بنتها -يزي عيش ولدي راهي المرا عطاتك بنتها كبدتها اما فيلم تحكي عليه -اي عطاتني بنتها باش تذلني ، بلكشي تسخايلني يا أمي كيما قبل توا اي طفلة نحب عليها يعطيوهالي ما تخافش ،قلها ما فماش حفلات ما نحبش العباد تحكي علي ام مرطي رجلها مازال ما عملش العام و هي كل نهار حفلة -عمر، يزيتش تو من الكلام الماسط ،علي خاطر هالة باهي -أمي قلها اعمل شنوا تحب شهرزاد القصر احسبو متاعك ، ميسالش تو نمشي نرقد - ميسالش برا ارقد و انا خنمشي نروح هالة مشات تجري تخبات و شبعت بالبكا و بعد دخلت لدار direct لبيتها و بدات تلم في دبشها عمر راقد و يسمع في تقربيع ولا قام باش يعرف شفما عمر :صارا انتي هالة تعمل في الحس هذا الكل و بعد غزر لفليجات ، وين علي خير هالة:راجعة لقصر تو حتي لين نكري دار مع أمي وأختي و نحب نطلقو في أسرع وقت عمر قعد مصدوم و بعد قالها : -ياخي هالة مشاعر الناس لعبة عندك في الليل تبدا معايا نوع و تعطيني امل و في الصباح تقلي نطلقو من غير حتي سبب -فما سبب -نجمشي نعرف شنوا - الحمدالله ما صار بيناتنا شيء باش ما يوليش فيلم باش نلزك تعرس بيا علي طول و زيد كي نطلقو ما تخافش تنجم تاخو اي طفلة تحب عليها توا موش كيما قبل عمر فهم الي هي سمعت كل شيء, ملا زهر عندو ، عمر :هالة، أسمعني انا راني ما رقدتش ليل كامل و زيد تعب الخدمة ،وأمي جات تحكيلي في حكاية السهرية الي موش وقتها حتي طرف ، حكيت بغش ما تخذش علي كلامي هالة :لا عندك حق الكلام الي قلتو هذاك الصحيح ،انا نحب نطلق عمر :هالة تعرف كي نطلقو بعد شهر من العرس العباد شباش تقول عليك هالة: ما يهمكش فيا ، وبربي معاتش تحكيلي علي الأخلاق و كي انتي حاسب أمي باعتني ليك علي خاطر الفلوس، في بالك انتي خير منها !! - شتقصد -اولا نفكرك بالابتزاز الي معيشني فيه ، ثانيا تونس الكل تعرف كيفاش عملت فلوسك، مشيت لكندا خذيت وحده ساق في البر و ساق في القبر ستنيتها حتي ماتت و ورثها معنها في لخر انتي زادا بعت روحك بالفلوس سي عمر عمر باهت موش مصدق الكلام الي يسمع فيه حس العصب طلعلو لمخو و جرحو كبير كي الانسانة الي حبها تقول عليه هكاكا ،من غير ما يشعر -نعم للا !!!!!!!

يعطيها كف علي قوتو تكون واقفا يجيبها طايحة عالفرش و يهز روحو و يخرج ويسكر الباب وراه قريب يخلعو قعدت هالة تبكي في بيتها خدها وجعها حمار اما جرح قلبها كان اكبر ، وقعدت تخمم زعما تمشي هكا لدارهم و امها كي ترا وجها شنوا باش تقلها و تزيد تكبر الحكاية و جات باش تخرج فاليجاتها وتمشي لhôtel حتي يبرد وجها،و تسمع في سوط المفتاح في الباب ،ما حبتش تشوفو بدات تكركر في فليجتها لبيت و قالت هو يدخل لبيتو و انا نخرج اما الباب تحل قبل ما تدخل لبيت و تسمع -هالة (سوط حماتها ،تفكرت هي زادا عندها المفتاح) نسيت ساكي هنا بكري فيها دوايا ، اما هو فرصة باش نراك عزيزتي، هالة قعدت عاطيتها بالقفا و بعد هبطت شعرها علي وجها و مشات باش تسلم عليها حليمة فهمت الي فما حاجة حملت هالة بالقوي و بعد غزرت رات الفليجات ، غزرت لعينيها منفخين ،ظاهر متع بكا و شعرها هابط علي وجها هي جات باش تبعدهولها و هالة هربت و دخلت لبيتها ،خلطت عليها و قعدت بجنبها و هالة ترشقت بالبكا حملتها في حضنها و بعدتلها شعرها علي وجها و تنطرت حليمة:وعليا و علي أيامي ، شنوا هذا هالة ما تقليش ظربك هالة:لا حليمة وحدي ....قصت عليها -هالة ما تكذبش عليا ظاهرا بلاسط صوابع وبدات حليمة تتغبن يا ناري عليك يا حليمة آش جبت واش ربيت و جات باش تمشي لبيت لخرا قالتلها موش هنا ما خلات ما دعات بيه لين هالة ولات تحب تبردها موش العكس هالة :يا حليمة ما تكبرش الحكاية راهو كف كهو تعاركنا انا زاد قتلو حاجة وجعتو حليمة :بالي قتلو ما نوصلوش لضرب معاتش نجم نستنا لازم نكلمو يجيني تو و ينو تاليفوني و مشات كلمتو حليمة: الو هاني في دارك ايجاني تو فهمتني(فهم الي امو عرفت كل شيء وزادت الحكاية كبرت) حليمة سمعت المفتاح يدور في الباب و تنطرت سكرت الباب علي هالة و خرجتلو وتسمع فيها ما خلات ما قتلو -تبارك الله عليك وصلنا لضرب سي عمر هاذي الرجولية ياخسارت تعبي عليك هذي موش ربايتي هذا شعلموك في القراية و اللا في كندا متاعك أيامي -افهمني راهي قالتلي كلام خرجني من سينتي -بالي قالتلك ، ما يبررش انك تضربها ، يا اما تجاوبها بالكلام و الا تخرج و تخليها ،وتبدل الساعة والله صدقني يا عمر عمري لاتصورتك تحطني في موقف كيما هكا نتمني الارض تتشق و تبلعني و ما نسمعش و نرا الي شفتو ليوما -يا أمي،و الله صدقني حتي انا الي فيا مكفيني و هاني باش نطلب منها السماح باهيشي ، هي هنا -في بيتها دق الباب و بعد دخل و سكر الباب وراه قربلها : -سا محني، هالة سامحني الي وصلت هزيت عليك يدي و طبس باسها من جبينها و هي دموعها هابطة و ساكته ، كان تحب تمشي بحذا امك انتي حرة انا ما نمنعكش اما الطلاق زيد اصبر شويا هوكا معاتش باش ترا وجهي حتي الشركة من غدوه باش نولي في الشركة لخرا مع نبيل اما كان تحب تطلق انا تو نوصي المحامي يعمل الي تحب عليه انتي و القصر و الشركة راهم متاعك انا déjà كتبتهم من قبل و مشا و خلاها يلقا امو مزالت تستني فيه -هاني طلبت منها السماح ، بردتش شويا أمي -اقل حاجة تعملها - أمي تحبش نرجعلها ترجعلي الكف ،المهم تخطاني تو راني معاتش فيا ، و معاتش عارف انتي أمي انا و الا امها هي ما تحبش حتي تسمعني و مشي لبيتو و سكر علي روحو الباب حليمة مشات بحذا هالة لبيتها

الحلقة 15: حليمة: شنوا قتلو هالة باش ضربك هالة:حكات لحليمة الي هي سمعتهم و شنوا قاتلو في ما يخص ماريا حليمة : حتي انتي غالطة هالة كلامك ياسر وجعو ،و نحب نقلك الي ماريا عمرو ما خذاها و تنجم تتأكد هي خلاتلو كل شيء علي خاطر ما عندها حد و باش يتلاهالها بكلبها ، هو عمرو ما طلب منها حتي شيء هالة : حلومة انتي راك أمي موش حماتي قولي شنعمل تو ، حليمة :كيما هو طلب السماح انتي زاد لازمك تطلب السماح و زيد ياتكملو مع بعضكم علي قاعدة صحيحة يا تتفارقو بالمعروف هالة: ما فهمتكش حليمة معناها يا تكونو كأي راجل و مرا و تعيشو حياة طبيعية ، و الا باش تقعدو بعاد علي بعضكم و ديما تتعاركو ،انا راهو موش عجبني عيشتكم كل واحد في بيت ،اول ما ريتكم هكاكا تصدمت يا ناري عليك يا حليمة و انتي تستنا في bebe .. هالة ترشقت بالضحك -تضحك هالة ، والله شيء يبكي موش يضحك ،الي يرا قبل العرس كيفاش كنتو لاسقين لبعضكم وكي تعرسو توليو كل واحد في بيت، انا راني ما حبيتش نتكلم و نتدخل في حياتكم اما انتي تو سألتني هالة خليني تو نمشي نروح و انتي خمم في الي قلتهولك وربي يسهل في الي فيه الخير. هالة حست روحها مخنوقة و باش تفكر منيح قررت تمشي تخرج تدور تبدل الهوا و تقرر شباش تعمل في حياتها خرجت و سكرت الباب عمر سمع الباب تسكر و خرج را باب بيتها محلول و هي ما فماش قال هذي مشات لامها ولا بدل دبشو وخرج حتي هو عمر حس روحو فادد و متيقر لأقصي درجة و قرر باش يشرب باش ينسا و يعرف الي الشراب عندو تاثير خاص عليه شرا دبوزه وسكي و روح لدار وقعد في بيتو حل التلفزة مقابلتو و بدا يشرب ،كي رجعت هالة لدار ما سمعش الباب ، شرب لين تعب و بعد تكا في فرشو اما ما نجمش يرقد كيما خمم هو قعد اكاكا عينيه في التلفاز و مخو في عالم اخر هالة خممت منيح في كلام حليمة و قررت الي جاء الوقت باش تكسر الحيط الي بينها وبين رجلها و باش تمشي تطلب السماح منو وتبدا صفحة جديدة معاه هو غلط و هي غلطت و تو لازم ينساو الماضي هي تحبو وما تنجمش تعيش من غيرو وكل شيء يدل الي هو مازال يحبها ،تسمع في حس التلفزة معناها مازال فايق مشات دقت الباب هو ما سمعهاش كان سارح في عالم اخر تلفت يلقاها قدامو بهت ما صدقش يسخايبها مشات هالة :عمر نحب نحكي معاك ع مر :موش تو هالة امان خلي لحديث لغدوة هالة حطت يديها في حزامها و قتلو - لا لا تو وباش تسمعني عمر عمر : باهي قول شعندك هالة هاني نسمع فيك فيسع و اخرج نحب نرقد قربت هالة و قعدت بحذاه فوق الفرش و لمحت الدبوزة بجنبو خلاف الريحة و فهمت علاش مدور وجهو لشيرة لخرا و قلها اخرج اما قررت باش تعمل الي في مخها حتي لو كان شارب هالة: عمر، سامحني علي قلتهولك بكري و زيد حليمة قاتلي الي موش صحيح ، نعرف الي انا جرحتك اما الكلام الي قلتو انتي زاد لحليمة عليا وعلي ماما وجعني ، افهمني عمر عمر :باهي السماح ما صار شيء برا لبيتك و خليني نرقدً هالة : عمر ما نيش ماشية نحبك تغزرلي كي نحكي معاك، و تقلي سامحتك في وجهي موش مدور وجهك لشيرا لخرا ظاهر سامحتني من قلبك عمر :هالة شبيك ها الليلة الكلبة قتلك c Bon كهو شبيك كبشت و برا اخرج وخليني هالة :لا ما نيش خارجة هالة ما حست كان بعمر جبدها و ما عرفتش كيفاش لقات روحها تحتو و زيد غزرلها في عينيها و قالها - ما تحبش تخرج ملا هاو معاتش فما خروج رغم الي الجملة هذي normalement تخوفها هالة ما خافتش منو حست الي ريحت الشراب في النفس متاعو سكرت بيها هي زادا ما حاولتش تقاومو سلمت روحها ليه .

الحلقة 16: هو رغم الي كان شارب ما كانش يتقوا عليها بل عكس سايسها شخلاها كملت معاه للخر الصباح حل عمر عينيه يحس في راسو يوجع باش يطرشق ، تلفت بحذاه وما صدقش كي را هالة تنطر من الفرش وتذكر الي هو شرب أمس برشا و ينجم يكون عمل برشا حاجات و ما يتذكر منهم شيء تو و صارتلو قبل وبعد بداو يجيوه des flaches كيفاش حطت يديها في حزامها و قاتلو لا ما نيش خارجة و تفكر كي قلها :معاتش فما خروج تو و شد راسو زعمة هددها ، بالسيف عليها، غزرلها منيح كانت راقده كي الملاك و ما فما حتي trace متع زروقية و الا حمورية في يديها ، لا موش بسيف زعمة خافت مني خاطر قلتلها معاتش فما خروج و تعرف روحها ما تنجمنيش physiquement وزيد مزلت كي عطيتها كف اكيد خافت علي هاك سلمت ، تكونشي يا عمر ابتزيتها ماك وليت pro متع ابتزاز ها الايامات مخي باش يطرشق يا ربي شنوا صار أمس ما نجمتش نتذكر و بعد قال اكيد الحالة متاعي أمس موش متع واحد باش يعمل حاجة كبيرة و هز الملحفة الي متخطية بها هالة بالشويا و كي را traceعلي الفرش تسعق ما لقا ما يعمل، خمم باش يفيقها و بعد قال حتي نفيق انا باش نفهم شباش نعمل. مشا دوش و جاء خارج باش يعمل قهوة بالك يتفكر حاجة كي طير السكرة و قال في قلبو ان شاء الله يكونلك هذا درس باش تنسا حاجة اسمها شراب ، هو خارج و تعرضو امو في الباب عمر(بف بف ختمت ، تو شنوا باش نعمل ،ناقصة كان أمي هي الحكاية تو) حليمة : صباح الخير، هيا باهي كي خلط عليك حاشتي بيك في حاجة أكيدا لازم نقلهالك عمر:خلي كي نجي أمي والله تو مخي متكونسي في مشكلة كبيرة حليمة:موش اهم من الي باش نقولهولك تو ليلة كاملة ما رقدش و انا نخمم ،حقا هالة ويني وجات ماشية لبيتها، - أمي ما هيش في بيتها - وين مشات ما جاتش لقصر - راقده في البيت لخرا

وين مشات ما جاتش لقصر - راقده في البيت لخرا تبسمت حليمة -أيا حمدالله عليكم كي تصالحتو (عمر قال في قلبو والله لآني عارفو خير و الا شر) وبعد خاف لاتقوم هالة و امو غادي و هو مازال ما حكاش معاها و معرفش شنوا الي صار عمر:أمي موش قتلي تحب تحكي معايا حاجة مهمة و انا نحب نشرب قهوة ونحب نخلي هالة راقده ،هيا نخرجو نفطرو انا وياك البرا و انتي احكيلي شنوا تحب و ما نعملوش حس علي هالة حليمة:هههههه هذا الكل خايف لا تقيمها من نومها باهي سيدي ربي يهنيكم ، نخرجو نفطرو لبرا اما هزني لبلاصة رايضة الي باش نحكهولك مهم -باهي هيا نمشيو قعدو في قهوة. حليمة:انتي أمس قتلي الي انتي حاسسني واقفا مع هالة اكثر منك و قتلي معاتش عارف انا امك والا امها و انا وجعني كلامك هذا عمر :هذي الحكاية ، normal أمي انا قلت هكاكا علي خاطرك سمعتها هي و ما سمعتنيش لحظت غش وبرا حليمة:موش هذي الحكاية انا ليوما باش نحكيلك علاش انا هالة بذات ندافع عليها و واقفا معاها ،كان جيت ماخذ مرا اخرا راني ما تدخلتش - نعرف هالة تحبها و عشرة و ... -لا علي خاطر الي عملو بوها معاك -ههه وشنوا عمل بوها معايا - أسمعني للخر ،وقتلي انتي جيت ماشي لكندا موش انتي حتجت فلوس و انا مشيت بعت الارض و الذهب -اي -لا ما بعتهمش، انا مشيت لسي صالح باش ناخو كونجي و نمشي نبيع الارض و هو قالي صالح :شوف يا حليمة ،انا فخور برشا بعمر ونجاحو يفكرني بروحي، انا زاد ا من عائلة علي قدها وكنا نسكنو في الريف ،كنت كل صباح نمشي7كم علي سقيا باش نخلط لمدرسة اما ما ايستش قريت علي روحي وتعبت وقلت لازم نبدل حياتي ،ونجحت وخرجت نقرا البرا علي حساب الدولة كيما ولدك توا برشا ناس يقولو عليا الي انا نسيت اصلي ونتبع في مرطي بنت الأكابر انا ما يقلقنيش الحديث هذا شهرزاد انا كي خذاتني بسيف علي بوها و خواتها ,وعدتها نعيشها اميرا، ما تبهتش يا حليمة، شهرزاد تحدات دارهم باش تخذني انا ،لا يعرفو لا اصلي لا فصلي حتي لو كنت غني كيما قالي بوها وقتلي مشيت نخطب فيها ،مشكلت شهرزاد مع دارهم هي "انا" موش الورث و زيد شعملت شهرزاد ، حفلات تحب توري لمجتمع الي عايشة فيه الي هي موش نادمة الي خيرتني علي دارهم دار العز انا فاهمها علي هذاك مخليها علي راحتها ، نرجعو لموضوعنا يا حليمة، انا حكيتلك هذا الكل باش نقلك ،ما تبيعش ذهبك ولا أرضك ،ولدك انا باش نتكفل بقرايتو خاطر يستاهل كل خير و زيد انا ما عنديش ولاد ، نحب نحسبو ولدي بربي ما ترفضش يا حليمة ، و زيد ذهبك خليه الله لايقدر تصيرلكش حاجة و هو بعيد صحيح انا موجود اما ما تعرفش عالدنيا ونعرفكم نفسكم عزيزة علي هذاكا ما نحبش عمر يسمع الكلام هذا بلكل أوعدني يا حليمة حد ما يعرف الحديث الي قلتهولك تو حليمة: فهمتني عيش ولدي عمرعلاش انا وقفت مع هالة موش هذا برك سي صالح خلاف الفلوس الي عطاهملي وعلي اول ما مشيت كنت ديما نبعثلك فلوس، زاد كلم عليك العباد غادي الي يعرفهم، و ماريا في بالك صدفة خدمتك ، هو سهلني شنية اسم الشركة الي قدمت فيها دوسيك و انا قتلو الي شديتو من اسمها طلع يعرف مريا كلمها عليك باش قبلتك، صحيح انتي خدمت علي روحك و هي كانت فرحانة بيك اما هو عندو فضل كبير عليك. علي هذاك مرطك لازمك تحطها في عينيك و شهرزاد بالي تعمل عديلها ، انا كي مات صالح كنت نلوج كيفاش باش نقلك عونهم لقيتك شريتلهم القصر بلعمل شكيت الي انتي تعرف الي هو عاونك اما فهمت مباعد الي هو علي خاطر تحب هالة . كانت هذي ثاني صدمة لعمر في نفس النهار ،ما عاتش عارف شيعمل ،سقيه هزتو لجبانة و ما فاق بروحو كان واقف علي قبر صالح عبد الصمد وقالو :سامحني بابا صالح انتي و قفت معايا و عاونتني و انا عملت في بنتك من لول فزدتلها سمعتها و ابتزيتها، استغليت الظروف الي هي فيها باش نقربها مني ،صدقني هذا الكل خاطر نحبها و زيد الي صار امس الله اعلم كيفاش صار ،انا غلطت برشا في حق هالة اما اتوا نوعدك باش نحاول نصلح الي عملتو

قامت هالة الصباح فرحانة ، في بالها هي و عمر باش يبداو بداية جديدة، ما تعرفش الي يستنا فيها ، و قررت موش باش تمشي تخدم مازالت تحس في روحها تاعبة ، كي ما لقاتش عمر ،قالت اكيد مشا لخدمة ، اما تكلم فيه تليفوناتو مسكرة كلمت في الشركة قالولها ما جاش و كلمت نبيل حتي لشركة لخرا ما مشاش زعمة وين مشا عالصباح عمر وقف بالكرهبة قدام القصر و طلب امو في التليفون باش تخرجوا عمر:أمي ،علاش ما قتليش الكلام الي قلتهولي ليوما قبل علاش حليمة:صالح الله يرحمو حلفني عمر : شوف أمي، ما نحبكش تقص عليا و افهمني ،انا راني غلط في حق هالة هو باش نحكيلك علاش خذاتني هالة و حكالها اللعبة و الشروط الثلاثة حليمة قعدت مصدومة ما لقات ما تقول ،هي جات باش تتكلم و هو قص عليها عمر: بلاهي يا أمي من غير ما تبدا تسب فيا الي فيا مكفيني نحبك ،تهز الورقة هذي لهالة و قلها الي القصر هذا و الشركة و الدار الي ساكنة فيها متاعها و الشيكات الي عندها تحب تصبهم خلي تصبهم وحاول تقنعها تخلي الطلاق كيما تفاهمنا بعد 6شهور باش الناس ما تحكيش عليها و هوكا اسم المحامي تمشيلو و تو هو يعملها الي تحب عليه انا وصيتو حليمة:باهي،الفلوس و تحب تعطيها موش مشكل، اما الطلاق لواه وليدي انا نحسها تحبك هالة عمر:بعد ما حكيتلك علاش خذاتني مزلت تقلي تحبك ، يا أمي راني ابتزيتها في كل شيء خليني ساكت خير و انا باش نسافر يا أمي معاتش تكلمني علي نوامري خاطر بدلتهم هاو نومرو comptable متاعي حاشتك باي حاجة كلمو تو هو يتصرف حليمة:بلاهي سي عمر و انا باش تطلقني زادا !! -لا ياامي تو هذا كلام خليلي شويا وقت و انا تو نكلمك،بربي أمي اعمل الي قتلك عليه و ما تناقشنيش مشات حليمة لهالة مدتلها الورقة الي عطاها لها و قلتلها الي هو حكالها عال لعبة و نادم وكتبلك كل شيء ليك انتي و قلك سامحني ، حتي كي حلت هالة الورقة مكتوب فيها سامحني علي كل شيء، وان شاء الله ربي يبعثلك الانسان الي يستاهلك ،تحبو ويحبك .. هالة طرشقت بالبكا وترمات عند حليمة مسكينة في بالها بعد ليلة البارح تصلحت الأمور ياخي بلعكس و بعد شدت روحها غزرت لحليمة .

الحلقة 17: هالة:حليمة نحب نطلب منك حاجة ، ما نحبش حد يسمع حكايتي مع عمر و الي احنا باش نطلقو، باش نمشي حذا أمي ونقول مشا لكندا عندو صاحبو مريض و عندو خدمة،ما نحبش الناس يتشمتو فيا ويقولو رجلها خلاها حتي لين نلقا كيفاش نقول لامي الي انا باش نطلق ،خليلي شوية وقت حليمة عنقتها بالقوي - تهنا عزيزتي حد ما يسمع انا ما نقول كان الي تقولي عليه وفعلا ، عملو هكاكا ، مشات هالة بحذا امها وتعدات الأيام وعمر ما فماش ريحتو ،هي حطت همها في الخدمة شدت بيروه و قالت الي هو في كندا و الادارة عندها ،كانت مذاباها تقعد في bureau علي طول تشم ريحتو في الكرسي تشد stylo الي يكتب بيه وما خلات ما عملت باش تلوج عليه حتي detective prive عملتو لازمها تلقاه و تفهم حكايتو علاش عمل هكا كي في بالها تصلحت امورهم مع بعضهم ما تبرد الا ما تعرف و تعداو الايام تجري و باقي لاحس لاخبر تو اكثر من شهرين وحتي حليمة شدت صحيح باش ترجع لدارهاتحجت بألف حجة باش تهرب من أسالت شهرزاد : -وينو ولدك يا حليمة، علاش خلا بنتي و مشا فما حاجة و انتي وهالة ما تحبوش تحكيوليو ... نهار الصباح هالة تخدم و تحس في خلايقها دارو مشات تجري لتولات و ردت ،قالت در شكليت قلقني ، لعشية تعاودت لحكاية ، وقتها هالة خافت لا يطلع الي في مخها صحيح قصت علي كل شيء و مشات لطبيب و تأكدت حبلي من لول فرحت الي هي باش تولي ام و عندها حاجة من عمر و بعد تفكرت الي هو خلاها بعد الليلة الي تسبت في حبالتها خذات rdv قي اقرب وقت باش تنحي bébé.. و نهار العملية هالة كانت ميته بالرعب تستنا في الطبيب باش يدخلها مخها ما حبش ينساه وجهو بين عينيها تذكرت كي مرضت في فرانسا ،تفكرت نهارت الي عامو في الليل و اكيد ليلتهم لخرا تنهدت حطت يدها علي كرشها ،secretaire تعيط في اسمها وتعاود وهي ما سمعتهاش لين جات قدامها : -مدام تفضل dr يستني فيك تنطرت هالة من الكرسي..، -سامحني ما نجمش سامحني عطلتكم و خرجت تجري و خلات secretaire باهتا روحت direct لدار و خذات قرارها bebe باش تخليه هذاك روحها ما تسلمش فيه ،هي في بيتها و تجيها امها كي العادة شهرزاد:هالة وينو راجلك، طلقتو و ما تحبش تقول قولي عيش بنتي راني امك حتي حليمة هربت ،قولي باش نعرف في عرس أختك شنوا نقول لناس كي تسهلني شبي نسيبك ما جاش ،باش يجي هوا - لا يا ماما ماهوش جاي ،وباش نطلقو عن قريب ،عمر خرج من حياتي كهو -و علاش شنوا صار بيناتكم هالة، ساكته ما تحبش تتكلم -هالة وليت تخبي عليا ، باقي ساكته، - باهي يا هالة تو نعرف وحدي شنية لحكاية زادت شوية وجاتها هيفا : هالة يا روحي احكيلي شنوا صار علاش هكا مستانسا تخبي عليا انتي هالة ترشقت بالبكا وحملت اختها وحكاتلها علي عركتهم لخرا كيفاش سمعتو هو وامو كي يحكيو الي امها عملت فيلم باش يخذها و كيفاش هي عايرتو بفلوس ماريا و الكف اما ما جبدش شنوا صار في ليلة لخرا جاتها رزينة و الي هوما تفاهمو عالطلاق من نهارتها و هوا ما تعرفش عليه فين ، كتبلها كل شيء باسمها و فصع و زيد قالتلها راني حبلة واليوما كنت باش نحيه و بعد ما نجمتش ،نحبو bebe هذا هو قطعة من روحي نحب بوه رغم الي صار الكل ما نحيتوش خاطر ما نحبش ننسا عمر حب حياتي و بو ولدي و الا بنتي هيفا ولات تبكي معاها ما تخافش يا هالة حتي هو يحب انا متأكدا déjà قالي - معاتش تقولي يحبك ،الي يحب يعمل هكا -تو نلوجو عليه اكيد كان يسمع ب bebe تو يرجع -لا هيفا ما نحبوش يرجع ،ما نحبوش يرجع علي خاطر bebe خذاني بلز و زيد يعيش معايا علي خاطر bebe انا باش نعيش لbebe باش نكونلو البو و الام معاتش حاشتي بيه حتي كنت عملت detective prive باش نلقاه تو بطلت معاتش نحب نراه هيفا :يشيح ريقك يا عمر هالة:يزي ما تدعيش بيه ،نحبو راني هيفا:يشيح ريقكم الزوز قهرتوني تعداو الايام و جاء عرس هيفا ،نهارتها هالة كانت واقفا بعيد تغزر لاختها و رجلها و فرحانة وتفكرت نهارت عرسها الماسط و بعد غزرت لكرشها الي بدات تخرج ،حمد الله امها ما شلقتش خلي يكمل عرس هيفا وبعد باش تقلها ،قعدت تمسح علي كرشها و بعد حست يدين تحطو علي يديها وكرشها وحد حملها من تالي، ريحت البرفان تعرفها من غير ما تلفتت عرفتو وجات باش تنحيلو يديه و تمشي ،كبس عليها ما خلاهاش -جيت علي خاطر هيفا قتلك علي bebe موش هكا هو دورها ليه و قعد محملها عارف كان باش يسيبها باش تمشي لا غالط يا مزيانتي، رجعت علي خاطركم الاثنين و اهم حاجة ما نجمش نعيش من غيرك ،نحبك هالة ،نحبك فوق ما تتصور -تحبني علي هذاك خليتني بعد ليلتنا لولا مع بعضنا ومن غير حتي سبب فما سبب ، - انا بهيم ،هالة ظاهرلي في بالك نهارتها الي انا شارب برشا و انتي تعرف تأثير الشراب عليا ،قمت الصباح نسيت كيفاش و صلنا لغادي تفكرت كان كي قتلك تو معاتش فما خروج نسخايب الي انتي قعدت معايا خاطر خفت -عمر لا انا ... نعرف هالة و بعد شهقت فرد شهقة -عمر تنسا ليلتنا لولا و هوا حط يدو علي فمها ، بشويا لعباد تسمع تحب تفضحنا هالة من غير ما تشعر ولات تضحك وعمر قالها - ما تخافش هو عنا الوقت و تو نعوضوها ليالي والشراب معاتش باش نشرب باش نقعد ديما صاحيلك و هيا معايا لدارنا وجبدها من يدها

الحلقة 18 الاخيرة : -عمر لا - شبيك هالة يزي ما ضيعنا وقت نعرف الي انتي تحبني،امك جاتني و قتلي كل شيء -امي! وبعد تلفتت تلقا امها و حليمة يرميرلهم في البوس و يبيبيولهم - هاك تصلحت مع ماما ، - مدامني نحب الطفلة لازمني تعشق الام و عمر ولا يرميلهم في البوس -هاو باش نحكيلك كيفاه ، كلمني comptable متاعي قالي راهو امك مريضة و باش تعمل عملية في الكلينيك الفلاني اليوما ، مشيت نجري نلقا شهرزاد و أمي يستناو فيا و قتلي امك قداش انتي تحبني و تحب bebe متاعي و ما حبيتش تنحي و ما تحملش حتي الدعاء عليا رغم الي انا خليتك (فهمت هالة الي امها سمعت كل شيءبينها و بين هيفا ) و بعد تلفتلها - تو باش تروح معيا لدارنا و اللا باش تزيد تشيحلي ريقي ما نيش ماشي منا من غيرك راهو -هههه نروح معاك حبيبي اما بعد ما يوفا عرس أختي ما نجمش نخلي عرس أختي الوحيدة -باهي نصبر لين يوفا العرس صبرت البرشا مزال الشويا، خنمشيو نسلمو عالعرايس و جبدها من ايدها و مشاو لهيفا و نبيل ،هيفا ما صدقتش روحها كي راتو هو وأختها عينيها زغلو بالدموع و عيطت لمصور و امها و حليمة هيفا : صورنا عيش خويا و نحبك تكبرهالي التصويرة هذي .. و بعد عرس هيفا روحت هالة لدارها هي و رجلها و حست الي هذيكا ليلة عرسها 😍💖👌 #بعد_عام وقفت حليمة و في يدها طفل زغير قدام التصويرة حليمة:شفت صالح هذيكا ماما و هذا بابا و خالتو هيفا و عمو نبيل و ميما حليمة و ميمة شهرزاد و صالح في كرش ماما شهرزاد:يا حليمة ، كلمني عمر قال باش يبات حذانا صالح ليوما ،خاطر هوما ماشين لعرس الياس صاحبهم و باش يروحو مخر -اي هو ولا يكلمك انتي نسيبك اكثر ما يكلمني انا، -اولا هذاك موش نسيبي هذاك ولدي ، ثانيا كي انتي وهالة النهار الكل مع بعضكم هو في التلفون هاو تطيبو ، هاو خرجتو قلتش حاجة انا -باهي بحذا شكون باش يبات صالح ليوما - حذايا اكيد -علاش حذاك تي كبر قلبك هاو هالة باش تجيبلك طفلة و قتلك باش تسميها شهرزاد زادا ههه -وهوا فما أحلا من اسم شهرزاد، اما لتو نتفكر وجه هالة وقتلي عمر شد صحيح باش يسمي الطفل صالح و هي باش تموت تحب تسميه جاد ههه - هاي قتلك تخمم باش تعاود تجيب bébé اخر - شفت كي قتلك هالة ولات اقرب ليك انتي مني انا امها ما في باليش -باهي تو شعملنا في صالح بحذا شكون باش يبات تعرف كيفاش تو نحطوه بيناتنا ، الفرش يرفعنا التلاثة أحسن حاجة 😊 💞✌ #النهاااااااااااااااااااااااااااااااااااااااااااااااية#