الحلقة
الأولى :
أسمعي وين رايحة ؟؟
و أنت واش دخلك ؟
قتلك وين رايحة لا نكسرلك وجهك ؟
راجلي ؟ خاطبني ؟ عاقد عليا ؟
(هز يدو ضربها بكف ) أمشي تروحي ظرك و نتفاهمو عليها هذي تاع عاقد عليا ...
رجعت للدار دمعة و خنونة تبكي و تهدر وحدها الرخيس هذا موش راح يخطاني برك ؟
حسام : هيه نضربها أني بديت نشوف فيها تشوف مع رويحتها ياسر النهارين هذم ..
مالك : بصح عيب عليك هك أرخف شوي الطفلة راح تكرهك ..
حسام : موش في يدي ...والله نخليها تخرج و نلقى واحد يتبع فيها موش نقتلو و ترسيلي مباصي في جرتها ..ديجا واش تخرج دير لا قراية ولا خدمة و زيد الحاجة الي تحبها نجبهالها ..
مالك: دبر راسك ...كي تروح و تخليك ما تروحش تقتل روحك ..
حسام : تخليني ؟؟ هههه والله يا لكن نعرف نقتلها و نشرب من دمها و مانخليش غيري يديها ..
مالك : هاااا سيدي بين مالا راسك من رجليك و فكو علينا من السينما كل يوم في الكرتي والله عيب ..
حسام : ثم لقيتيني نخمم يا خويا منا تحرق منا تكوي ...
مالك : مازالت برك ..
حسام : هاك تشوف والله غير هبلتني عييت نفهمهالها عييت نقلها راهي عاقلة راهي ناس ملاح والو... من الي تحكمني تقلي مانديش بنت الهجالة مرت الزبال تعيش في خيري و خير راجلي ...و كي تلقاني خشنت راسي تولي تبكي و تقلي أنت ولدي الوحيد و بغيتي نغضب عليك ..
مالك : والله غير مشكل ...
حسام : و هاك تشوف في سناء كيفاه هازة خشمها و من كلمة تقلي موش عاقد عليا ...
مالك : واش نقلك أخويا ربي يعين و خلاص
يتبع
أسمعي وين رايحة ؟؟
و أنت واش دخلك ؟
قتلك وين رايحة لا نكسرلك وجهك ؟
راجلي ؟ خاطبني ؟ عاقد عليا ؟
(هز يدو ضربها بكف ) أمشي تروحي ظرك و نتفاهمو عليها هذي تاع عاقد عليا ...
رجعت للدار دمعة و خنونة تبكي و تهدر وحدها الرخيس هذا موش راح يخطاني برك ؟
حسام : هيه نضربها أني بديت نشوف فيها تشوف مع رويحتها ياسر النهارين هذم ..
مالك : بصح عيب عليك هك أرخف شوي الطفلة راح تكرهك ..
حسام : موش في يدي ...والله نخليها تخرج و نلقى واحد يتبع فيها موش نقتلو و ترسيلي مباصي في جرتها ..ديجا واش تخرج دير لا قراية ولا خدمة و زيد الحاجة الي تحبها نجبهالها ..
مالك: دبر راسك ...كي تروح و تخليك ما تروحش تقتل روحك ..
حسام : تخليني ؟؟ هههه والله يا لكن نعرف نقتلها و نشرب من دمها و مانخليش غيري يديها ..
مالك : هاااا سيدي بين مالا راسك من رجليك و فكو علينا من السينما كل يوم في الكرتي والله عيب ..
حسام : ثم لقيتيني نخمم يا خويا منا تحرق منا تكوي ...
مالك : مازالت برك ..
حسام : هاك تشوف والله غير هبلتني عييت نفهمهالها عييت نقلها راهي عاقلة راهي ناس ملاح والو... من الي تحكمني تقلي مانديش بنت الهجالة مرت الزبال تعيش في خيري و خير راجلي ...و كي تلقاني خشنت راسي تولي تبكي و تقلي أنت ولدي الوحيد و بغيتي نغضب عليك ..
مالك : والله غير مشكل ...
حسام : و هاك تشوف في سناء كيفاه هازة خشمها و من كلمة تقلي موش عاقد عليا ...
مالك : واش نقلك أخويا ربي يعين و خلاص
يتبع
الحلقة
الثانية :
سناء تحكي مع صاحبتها ...
*نحبو و مالقيت واش نعمل معاه و مع الخرية تاع أمو ...
*أنا نقلك روحي شوفي حياتك في عمرك 24سنة أبنتي واش تستني حتى تبوري و هو يروح و يخليك ..؟
* مستحيل يا بنتي ياو هو الي لاصق بيديه و سنيه .. و زيد 8سنين يا بنتي مايقولهم غير الفم ..أني نزير برك عليه بصح علابالي مانتزوجش و نخليه لكن نعرف يروح هو و يخليني ...
*ربي يسهل عليك هيا صحا ....
حسام : ألو حبي ...
سناء : ما حبك ما حبي أمشي قيلني ...
حسام : ماتقلقش مني عمري تعرفيني نبغيك ..
سناء : هيه تبغيني و من الي تشوفني خارجة تضربني ...أسمع موش كي راني يتيمة و ماعنديش خاوة تحڨرني ..أني ولية و تخرج فيك دعاويا ...علابالي ماعنديش الكتاف بصح ...( بدات تبكي )
حسام : ما تبكيش يا دين *** أكي علابالك نعشق فيك ..كاش نهار نقصها يدي هذي الي تتمد ليك ....سامحيني يا قلبي والله من غيرتي عليك راني مجنون راكي تعرفيني و ديما نقلك ماترجعيليش الهدرة ..
سناء : بصح وليتي ديما ديرها ... و موش حل ديرلي الحبس في الدار ...أسيدي أديني لدارك و نموت تحت رجليك ...
حسام : أكي علابالك بكل شيء وعلاه أنا موش باغي .؟ راني نتمنى النهار الي نجيبك عندي و تولي مرتي ...أصبري عليا ...
سناء : ماصبرتش معاك حسام ؟ 8سنين حسام ..8سنين ..خلاااص فض الصبر موش راح نستنى معجزة تصرى و تخلي أمك تقبل بيا...شوف في يدك شهر دبر راسك ...
حسام : وعلاه ديري كيما هك ..سناء ..
سناء: مادرت والو حقي بينلي راسي من رجليا ..هيا صحا ماما تعيط ..
سناء كوبات و أنا باقي نطلع و نهبط كيفاه راح ندير نخلي العجوز تقبل بيها ....؟
أبطال القصة :
سناء 24سنة خمرية طويلة و عينيها نوازات كل شيء فيها متحوف ...بطلت عام الباك و قاعدة في الدار يتيمة و عايشة هي و أمها بلاروترار تاع بباها الي كان يخدم عامل نظافة ...
حسام :29سنة يخدم أستاذ في التكوين المهني من عايلة لاباس بيها عندو زوج خواتاتو بنات مزوجين و هو طفل واحد قاعد مع أمو بعد ما مات باباه ... أسمر و طويل زينو عادي ماكانش فيه حاجة خايبة ...
ناض حسام بعد ليلة كحلة بايت يطلع فيها و يهبط ...على الصباح باغي يفاتح أمو في الموضوع ...
حسام : صباح الخير يما ..
ام حسام : صباح الخير يا وليدي ..
حسام : باغي نهدر معاه في موضوع ...
صونا الباب ...
حل الباب و من بعد نهدرو ...
حليت الباب نلقى أختي سمرة جاية مع راجلها ...
سمرة :
الحلقة الثالثة :
رحت خدمت و علابلي ماكانش غداء كي راحت يما للطبيب ماروحتش خلاااه للدار حتى لل 5تاع العشية ..نجي ندخل نلقى الصالة معبية بالناس خواتاي فيزوج و خوالاتي في 4 و نساء خوالي و نساء عمامي و عماتي المهم غير دخلت تخلعت مافهمت فيها والو ....
حسام : سمرة سمرااااة ...ارواحي .عيطتلها للكوزينة و سقسيتها واش كاين واش جاو يعملو ...
و تتفلق بالبكاء و تحضني ..يما ظهر عندها الكونسار ...
ماكنتش مصدق الي سمعتو ... أحبسي من البكاء و فهميني واشي الهدرة هذي؟
سمرة : عندها مدة تشكي و تقلي عندي حاجة في صدري ... ديتها للجينيكولوڨ ...عطاها عملت الموموغرافي ... و اليوم رحنا للطبيب زاد شافهم و قاللنا موش ملاح و لازملها العملية في أقرب وقت المرض تاعها في مرحلة متأخرة ..
قعدت في الكرسي و حكمت راسي بين يديا بعد ما فشلت و مابقيتش نقدر نوقف على رجليا ...و أنا وين كنت ؟ وعلاه ماقلتوليش ؟؟
بغينا نتأكدو و يما مابغاتش تحيرك عليها ...
حسام : عيطيلها تخرج من الصالة .. راحت سمرة عيطت ليما و غير دخلت لبيتي طيشت روحي في حضنها و بكيت كيما الأولاد الصغار ...
أم حسام :ههههه ياااااه شومي على الراجل تاعي كيفاه يبكي ؟؟ أسكت حسام أني مازلت مامتش ..واش راح نديرو يا ولدي حكم ربي لازم نرضى بيه ماتزيدش تبكي أنت ...
كانت يما تخبي في دموعها عليا خاتر طول عمرها كانت مرأة قوية و قادرة على أحوالها بصح أنا قلبي وجعني موش متخيلها مريضة ولا تعبانة لأنها عمرها ما مرضت و رقدت في الفراش ....
نسيت حكايتي مع سناء حتى أني مازدتش عيطتلها من هذاك النهار و هي كيف كيف قاتلي ماتهدرش معايا حتى ديرلي حل ...كنت نجري مع يما الي طلبو عليها العملية في أقرب وقت و تحدد موعد العملية بعد سمانة ...كنت حاسس الدنيا فضت تقول أنا الي مريض حكمني إكتئاب و نخمم كيفاه راح يصرى بعد العملية ...
الحلقة الرابعة :
سناء :ماعيطليش أبنتي من الي قتلو ...
أميرة: أني قتلك أبنتي الرجال كل كيف كيف .
سناء : نعيطلو ؟؟ نفهم منو برك والله قلبي شاعل عليه نار . عمرو ما طول للدرجة هذي ..
أميرة : تعيطيلو نقتلك يا بنتي خلي عندك شوي كرامة ...لكن كشما كاين أو عيطلك قالك . ..
سمعت لهدرة سناء و ماهدرتش معاه سمانة كاملة و فض الصبر نعيطلو حتى يا لكن يقلي قيليني .
هزيت البورطابل و بديت نعيط ...المرة الأولى كوبا عليا ...قلت درك يعاود ...ماعودش ....زدت الثانية ...كيف كيف ...خليت على 12قلت وقت غداء و يكون أكيد قاعد ...عيطت لقيت بورطابلو مقفول و عقلي طار من راسي .....
حسام : آآآه يا سناء واش راح نقلك يما في العملية و موش قاعد باه نفهمك لا كيفاه لا وعلاه ....رايح جاي في الكولوار قدام البلوك قلبي يضرب ندعي في ربي تسلك على خير ....
و في الدار سناء قريب تقطع شعرها ...
نجحت عملية أم حسام و قعدت 3 أيام في السبيطار و داوها روحت كانو العباد كل يوم يجو يطلو عليها و أنا نجري بين الخدمة تاعي و قضية الدار و الضياف و العشاوات و الغداوات ... و آخر حاجة تجي في بالي أني نهدر مع سناء ...و هي لكن ما عيطتش 200مرة كل قليل ...
الحلقة الخامسة :
فاتت 15يوم على عملية يما و خواتاتي تقلقو رجالتهم حبو يدوهم يروحو هذي 21يوم و أولادهم و ديارهم هاملين ...عيطتلي يما في الليل هي و سمرة و دلال أختي و عرفت كاينة حاجة خطيرة ...
يما : أسمع يا حسام ولدي كيما راك تشوف أنا مريضة و الطبيب منع عليا السخانة و الثقل يعني خدمة الدار مابقيتش نقدر عليها ... و خواتاتك بزايد هملو ديارهم و أولادهم على خاتري ...
حسام : خسارة عليك يما و أنا وين رحت ؟
يما : بصح موش حل يا وليدي أنت حتى عضمات ماتعرفش تقليهم الدار لازملها مرأة ...
حسام : فرحت في قلبي و قلت الحمد لله يا ربي حنن قلبها عليا ...
يما : بغيتك تخطب ...شهرة بنت خالتك ...
حسيت روحي مرايا تاع زجاج و ضرتيها بعصى كسرتيها حسيت قلبي تفتت ..
حسام : بصح يما ...سناء ...
يما : يا ولدي وعلاه أناني هك تخمم غير في روحك .. سناء تاعك راح تخدمني ...؟؟
حسام : هيه تخدمك و تحطك فوق راسها ..
الحلقة السادسة :
يما : يا ولدي راهم يهدرو برك حتى يجو و ينبتو القرون ..أنا الطفلة هذيك مانحبهاش و مانحبش تمد يدها في داري ما خص كي نحكم الشوكة و تمد يدها عليا ...أنا باغية بنت أختي دمي و لحمي النهار الي طيح بيا تقيمني راني في مقام أمها ...و زيد راهم قابلين و كل شيء قول انت برك هيه و الله نديرلك العرس في شهر ...
حسام : سكتت و قلبي دم دموعي على راس شافري ...موحال نحب غيرك يا سناء موحال تولي مرتي وحدة غيرك ....
هزيت الفاست تاعي و خرجت ماشي على رجليا كي المجنون في نص الطريق بلاك تضربني طاكسي و تهنيني من حياتي. قاعد على طرف التروتوار و نخمم وعلااااه يا يما وعلاه ذبحتيني وعلاه حطيتيلي الموس في الرقبة و قلتيلي أقتل روحك ...سناء هي الهواء الروح الي ساكنة في جسمي ...وعلاه يا ربي يصرى فيا هك ..دخلت للدار على 3تاع الصباح طيشت روحي في سريري تكمشت و نتخيل في حبي راقدة قدامي .. كيفاه راح نمد يدي لمرأة غيرك و أنا حتى و انتي صاحبتي ماخنتكش ...رقدت و دمعتي سايحة من عيني ...
الصباح نسمع في يما تعيط حسام حسام ندخل نلقاها قاعدة في الأرض قدام سريرها و تقيات على قشها غير شافتني بدات تبكي ...يا خاوتي يا خاوتي و أنا الموت زارتني أول مرة نلقى يما الحبيبة في الحالة هذيك ..هزيتها حطيتها في بلاصتها و جبدتها قش نظيف جيت نلبسلها حشمت ...خليتها تتعافر وحدها و خرجت قدام الباب حتى لبست و دخلت ..غير دخلت قاتلي شفتي يا وليدي على واش نهدر ترضى لأمك الشيء هذا يا وليدي أيامي راهي معدودة أرحمني يا ولدي يرحمك ربي ...
حسام : ديري الي يساعدك يا يما ..
يما : قابل نخطبلك شهرة؟ نهدر مع أعمامك و أخوالك ؟؟
حسام : هيه إهدري معاهم ....
خرجت من بيت يما و بديت نبكي وعلاه ياربي يصرى فيا هك وعلاه جات من عندي وراح نسمح في حبيبة عمري سامحيني سناء سامحني يا قلبي ...اول مرة نحس بالشعور هذا كأنو حاكم قلبي في يدي و نعصر فيه النفس فيا قاعد يضيق ...
هذا كل و مازال ماحكيتش مع سناء ...و ماقلتلهاش ..
هدرت يما مع العائلة و تفاهمو على كل شيء ...الفاتحة السمانة هذي و العرس بعد شهر أنا خلاااااص تقرر مصير قلبي ...
جاء النهار المشؤوم النهار الي راح نقعد قدام وحدة مانحبهاش و نلبسلها خاتمي في صبعها راح نضحك و نلعب روحي فرحان راح نبكي في قلبي من غير ما يسمعني حد راح ندفن قلبي بيديا راح نبدأ حياة جديدة مع غير حبيبتي الي خنتها و خدعتها و
الحلقة السابعة :
درنا الخطبة و الزرنة و البندير و البارود و الغناء أصحابي و أحبابي و بني عمي كل شيء كاين غير قلبي غير حبيبتي الي تمنيتها تكون مرتي كل شيء مضروب في زيرو ....
فاتت الفاتحة و يما فرحانة و زاهية فرحانة بولدها الوحيد الي خيرتلو العروسة بيدها ماتعرفش أنها شنقتني موش خطبتلي ...نحل عيني من النوم على صوت نعرفو ...يا خداااااع يا رخيييببس ...يا عرة الرجااااال ..كانت سناء قدام الدار تبكي و تعيط أكيد سمعت أني خطبت خرجت و متمني نلقى موس في يدها تضرني بيه للقلب و نقلها نستاهل زيديني يا عمري ...حكمتها من يدها و هي تبزق عليا و الجيران كل تتفرج علينا ركبتها معايا في الطوموبيل و هي تقلي سيبني يا رخيس يا طحان يا كلب ..و أنا فرحت أنها فرغت فيا قلبها ....
وصلنا لبلاصتنا الي موالفين نرندفو فيها ...بلاصة عالية مقابلة البحر ...هي ضربتني ضربتني حتى شبعت و أنا غير ساكت و هي تقلي أهدر يا عرة الرجال ... حبست و حضنتها و حطيت راسي في صدرها ...و هي تخلعت و نعرف القلب هذاك مليبيح مايقدرش يكرهني بكيت كي المرأة بكيت كي الأنثى بكيت بالصوت و طلبت منها السماح... بديت نحكيلها من الأول على كل شيء ماكذبتش عليها كانت تسمع فيا و دموعها تهبط ...
سناء : تسمى ضحيتي بيا ؟؟ تسمى راح تخليني .!
حسام : شوفي يا سناء نحلفلك بربي انها المرأة هذي ماترقدش في حضني و مانتكشفش عليها لكن نبقى معاها حتى 10سنين و هذا وعد مني ليك ...
سناء : هههه انت مهبول و باغي نزيد نصدقك ؟؟ بغيتيني نزيد نستناك ؟؟ خلاااص كل شيء فض
الحلقة الثامنة :
علابالي طلبت المستحيل و أي حاجة ديريها عندك الحق فيها .. بصح أنا وعدتك و انتي ديري الي تساعدك ...
سناء : كنت نشوف معاه و عينيه يبرقو و دموعو على خدو حبيبي الي عمري شفت دموعو قاعد قدامي يبكي ...
مسحت دموعي كنت راح نرجعها للدار بصح قلت هو فض بيناتنا كل شيء فض نبوسها أول و آخر بوسة البوسة الي حلمت بيها و خبيتها في قلبي لنهار عرسنا ... و الظاهر هي ثاني متمنيتها أكثر مني حسبتها راح طفيلي ناري بصح كانت ليسونس الي تصب عليا و زاد شعل فيا النار ..
حضنتها عندي ووبديت نبوس فيها نطعم في شفايفها الي شحال و أنا نتخيل في طعمتهم بستها بوسة المحروم المشتاق الي راح يفارق حبيبو و هي ثاني تفاعلت معايا حتى نلقى دموعها تهبط على خدها نبوس فيها و نمسح في الدموع ...
الموقف هذاك مزال بين عينيا مابغيتش نسيبها مابغيتش نطلڨها تروح حبيت نهرب معاها و نروحو بعيد على الدنيا و الناس كل ... وصلتها للدار و كان الوداع الأخير و تلاقاتها أمها في الباب و بدات تضرب فيها يا خامجة يا بنت الكلب فضحتينا بين الجيران ...
وجعني قلبي عليها و غاضتني و مشيت و خليتها ...
فاتت ليام و الشهر هذاك فات غمضت عين وعلاه ماطولش وعلاه مامتتش فيه ...خواتاتي يوجدو في كل شيء للعرس و يما كانت مذبالة و مريضة من الفراش ماتنوضش و اليوم الي يعدي عليها خير من الي يجي كانت تخزر ليا و هي حزينة و على لسانها هدرة ... نسقسيها كشما بغات بصح تقلي والو ...
الحلقة التاسعة :
درت العرس بالساكتة عشاء للعائلة و برك و جات العروسة الي هي شهرة بنت خالتي ...الليلة هذيك حطيت النقط على الحروف
حسام : أسمعي يا بنت الناس تعرفيني و نعرفك مليح .
شهرة : بيان سير نعرفك ولد خالتي و راجلي .
حسام : و تعرفي كل حاجة عليا من الي كنا صغار ....صح ولا لا ؟
أنا يا بنت الناس قلبي معلق في جهة أخرى و راكي تعرفي الحكاية من الأول للأخير.
شهرة : و انا واش ذنبي ؟
حسام : ذنبك انك قبلتي
شهرة : هيه نقبل خالتي الي خطبتني .
حسام : هاكي قلتيها يما خطباتك و انتي تعيشي معانا على الراس و العين و يما أمانة في رقبتك ...انتي تاكلي تشربي مايخصك والو بصح أكثر من هك ما تساليني ما نسالك و بزايد باه مانجرحكش ..
شهرة : صار هك حسام ؟؟؟
حسام : مانكذب عليك ما تكذبي عليا .
خليتها بدات تبكي و خرجت .... قابلت دار حبيبتي و قعدت في الطوموبيل ...
سناء : ماتسكتينيش أأميرة راهو راح تزوج وحدة أخرى ...راهي راقدة بين يديه و تحضن فيه ...خليني نقتل روحي و نتهنى ...خليني نشعل روحي ...وعلااااه يا ربي راني نعشق فيه وعلاااه يا ربي راهو كان يقلي مانبوسكش حتى تولي حلالي ما نخمجكش بالخرجات باه مايقولوش راهو يستفعل فيها بيناتنا زوج ميترات و يضحك معايا و يفوت ...أنا نحب نجري نطيش روحي في حضنو و هو يقلي أزربي روحي تروحي ...
أميرة : أرواحي تشوفي سناء هو؟؟؟ حسام أجري راهو منا ...
سناء : ماتكذبيش عليا خليني ...
أميرة : أوقفي تشوفي أدبة ..
جيت نشوف لقيتو صح حبيبي العريس في ليلة عرسو مڨاري تحت دارنا ...مسحت دموعي و من الي كنت نبكي وليت نضحك ...شيطاني يقلي ألبسي حجابك و أهبطي عندو ... و حاجة أخرى تقلي توضاي صلي و أدعي ربي يرجعلك و يكتبهولك في الحلال ..
الحلقة العاشرة :
كنت تحت دارهم حتى نشوفها ... راح نهز البرطابل نعيطلها بصح قلت أنا درك مزوج و عند ربي حرام نخدع الي خليتها في الدار داير ماهر المعيقلي و نسمع حتى رقدت و فقت على أذان الصبح رحت صليت و دخلت للدار ...شافتني يما داخل بستلها يديها و فتت للصالون رقدت ...
..ماحبيتش نروحو شهر عسل منين يجي العسل و أنا من الي نتفكر حبيبتي نحس بالمرارة ...
فاتو 6شهور على هذاك الحال ..
غير مشاكل و عراكات أنا و شهرة ماتفاهمناش الله غالب القلب و مايريد ...دعيت ربي ننسى و نبدأ من جديد بصح ماقدرتش ....
يما مسكينة كل يوم يزيد عليها الحال خاصة كي تعمل لاشيميو و تروح تروح في الموت نهار جبتها من الجلسة تاع لاشيميو و رجعت للطوموبيل نطلع حوايح ..نرجع نسمع في شهرة تتعارك معاها ...تحساب فيا رحت ...
شهرة : تسمى جبتيني نغسلك الخرا تاعك و البول هك؟؟؟ وولدك الطحان هذاك الي ما *** موش راجل ...
و يما تبكي و تقلها يا بنتي راني مريضة راني في حالة خليني برك و الفرس هذيك مازالت تشرك في فمها و ندخل عليها يا خاوتي غير الكبدة تاعها برك ماجبدتهاش و كليتها ...عطيتلها طريحة تاع كلاب ...و بعثتها لدارهم
الحلقة الحادية عشر :
...لغدوة جاء باباها و بدأ يدير في المشاكل حكيتلو أنا الحكاية كل ...
حتى يقلي انها قالتلهم عليا موش راجل يعني ( مانعرفش و انتم أفهموها كيما بغيتو) و هجت عليه سمعتو الكلام المليح و القبيح كل و قتلو روح بنتك راهي طالق ..
هدرت مع يما الي كانت تقدرو تقولو على فراش الموت و تفاجأت وهي تقلي سامحني يا ولدي ظلمتك و سيفت عليك و انت سكتتي و ماكسرتيليش كلمتي و زادت حكاتلي على شهرة واش كانت تعمل فيها المناكر السبعة و الغش تاعي رجعاتو في يما الي هي خالتها و واش غاضتني قاتلي خرج فيا ربي على الشيء الي درتو فيك .
رفعت قضية طلاق على شهرة و طلقتها بعد ما حرقتني في لافامي و عند الناس كل و هي تقوللهم راهو pdراهو ما ****ماخلات ماقالت فيا و أنا نقول خلي تهدر واش تحب ...
رجعت نهدر مع سناء عمري الي مازالت كيما خليتها نحبها و نموت عليها حتى فضت قضية الطلاق و خطبتها من غير ما نخمم و لا نشاور حتى واحد راحو خواتاتي و تفاهمنا مانطولوش بالعرس على خاتر يما ... و هذا وين حسيت روحي عريس ...
جاء نهار العرس ...
الحلقة الأخيرة :
عملت عرس ما صراش كيما كانت متمنياتهولي يما وواش فرحت كي شافتني زاهي و فرحان و كأنها رجعت للحياة من جديد كنت في كل دورة نشطح شطحت على الغناء الي سمعتو كل الناس كامل لاحظت الفرحة الي كنت فيها الليلة تولي مرتي حلااالي حبية قلبي عشرة عمري فات العرس و جات الليلة الزينة ...
جاتني بلاروب بلونش كي النجمة في نص الظلام نشوف معاها و موش مصدق عينيا حب حياتي و عمري بين يديا منين نبدأ ووين راح نفض
سناء : حبيبييييي
حسام : يا حياة قلب حسام ..
سناء: نحبك ....
حسام : الليلة تفض الهدرة و مانزيدش نتعب و أنا نقلك قداه راني نحبك أرواحي عندي يا حبيبي ...بديت نحيلها في قشها و نتفرج على واش خلق فيها ربي من زين ...عدات ليلة حنانة و حب و أحلى ما يكون ...
كنت فرحان حبيبتي ولات مرتي نحبك سناء ...
تحقق حلمي و ولات حبيبتي مرتي و يما مازالها مريضة و سناء دايرتلها أكثر من خواتاتي الليلة الي تشوفها تعبانة بزاف تخليني و ترقد معاها يما ولات ماتحب حتى واحد يدور بيها من غير سناء و حبيبتي مرأة و نص قايمة بيها كيما أمها و أكثر بكل إحسان و رحمة و نسات الماضي كل ....
درك فات عام على وفات يما الحبيبة ماتت راضية عليا أنا و حبيبتي و مامتتش حتى شافت حفيدها الي طول عمرها تتمنى تشوفو ربي يرحمك يا يما الحبيبة ...
العبرة من الحكاية الي يرضي والديه يديرلو ربي مخرج من عندو من غير يديه و الي كاتباتك تلحقك ...
#النهاية 🌹
كرونيك الله ايبارك قوة
ردحذف