كرونيك - أحببت لقيطة - جميع الحلقات

الحلقة :1
أنا جرح أسفل بطن أمي ...
أنا وصمة عار على جبين أبي ...
أنا الحب ...العار .. الألم ..
أنا ضحية حب تمخض وسط الظلام و مات فيه...
أنا اللقيطة ..
فرح 17سنة آية في الجمال بصح الدنيا عاكستني و عمرها ما فرحتني الي سماني هذا الإسم غلط...
يڨربلي واحد فيكم نحلو وجهو (هازة الموس و ترجف )
_شوف شوف القطة خرجولها نيبان هههههههه
_ماتخافيش مانوجعوكش سيبي روحك برك و الباقي علينا هههههه
_الليلة ليلتنا أشريكي خصتنا بابيشا هانا لقيناها ....
(قبل عشر دقايق )
فرح : يا ربي جسمي مكسر بكلو نشالله مايشوفني حتى حد و نقدر نرقد غير نص ساعة ...
_نهبط نبول أحبس هنا قتلك
_آه يا ****في كل دورة تحبس تبول ؟؟
_أك تشوف زودتها الليلة و خاصتني ق*** و نبات هاني ههههه
_أهبط برك على *** الوجه هذا مايجيبش حتى ن***
فرح : أوووووف مالقى وين يبول غير عند راسي الناتن ....
_سامحني شريكي ماشفتكش راقد ...
فرح : كنت نغطي في وجهي و نخشن في صوتي باه مايفيقليش طفلة ....السماح ...
_في قلبو (طفلة ؟؟ )
_لقيتلك **** باطل أهبط أهبط تشوف ...
_راك سير طفلة ؟؟
_حتى نص نص قابل الليلة هههههههه
فرح : نسمع في صوت رجلين قربو عندي و كان الناتن و معاه واحد أوخر قلبي يخبط وقفت و هزيت الموس المخبي تحت راسي و بديت نهدد فيهم مايقربوليش بصح كانو سكرانين ماعلابالهم بوالو ....
_اليوم ناكلك يا ****
فرح : خزرت جيهة الطريق و شفت طاكسي حبست قدام الزنقة عيطت لابولييييييس ...الوقت الي دارو في زوج يشوفو هربت نجري من غير مانشوف من ورايا و هم كانو خابطين رجليهم موش هازينهم ماقدروش يلحقوني أنا الي هاربة بالروح ....
مانعرفش قداه جريت المهم واحد 3 ولا 4كيلو على فرد نفس حتى تقطع فيا و مابقيتش قادرة نتنفس ....هزيت راسي على صوت آذان الصبح الله أكبر الله أكبر نمشي و دموعي على خدي نمشي نتبع في صوت الآذان علابالي البلاصة الوحيدة الي موش راح يصيبني فيها الأذى ....قعدت في باب المسجد نبكي و ندعي في ربي يبعد عليا الشر و الأشرار و يديرلي حل للظلم الي راني عايشة فيه ....حتى يخرج إمام المسجد ...
الإمام : واش ديري هنا يا بنتي في نصاف الليل ؟؟؟؟
فرح : ماعنديش وين نروح !!
الإمام : و أمك و باباك و داركم وين؟
فرح : ماعنديش
الإمام : لا حول و لا قوة إلا بالله من وين جيتي يا بنتي ؟؟

الحلقة: 2

 فرح : قصتي طويلة يا الشيخ و ما تتحكاش في كلمتين ...

 الإمام : ربي يفرج عليك يا بنتي ادخلي توضي و صلي و أدعي ربي يفتحها عليك .فرح دخلت توضيت و صليت و بكيت و من غير ما نحس رقدت حتى طلع النهار و كانت الساعة 10نسمع في باب يطبطب نضت خرجت نلقاه لامام تاع المسجد كان يسقسي فيا على حكايتي و بديت نحكيلو

 قبل 7سنين 

 كنت عايشة في مصحة الطفولة المسعفة بحكم أني لقيطة (كبولة ) كبرت فيها و أنا من غير أمل في الحياة كان زهري واقف في وجهي ..بزاف من الي كانو معانا تبناوهم و هم صغار بصح أنا ماقبل حتى واحد يتبناني مانعرف علاه مع أني كنت أزين وحدة في البنات كل ...مكتوب.. وصلت لعمر 8سنين و خلاص مابقلى حتى واحد يطلب حتى يشوفني على خاتر كانو يحوسو على الرضع و الأطفال الصغار في السن حتى جاء النهار الي تبدلت فيه كامل حياتي ... 

فرح فرح فرااااااح أرواحي كاين وحدة حابة تشوفك خرجت نجري فرحانة موش مصدقة كان عمري 10سنين و هذم عامين ولا أكثر ما حوس عليا حتى واحد دخلت من الباب لقيت مرأة نص عمر تهبل في الزي من غير ما نحس تخيلت روحي بنتها تخيلتها محضنتني و تقلي يا بنتي كيما كنت نحلم طول عمري ... دخلت و عينيا معبيين دموع نحاول فيها بعينيا أديني معاك ما تخلينيش هنا ربي يخليك .... قربت عندي حطت يدها على شعري الأرطب كي الحرير و قالتلهم موافقة نديها ... حبيت نضحك و نفرح بصح ماقدرتش حضنتها و بديت نبكي و نبكي و نبكي و المربيات الي كبرت معاهم كيف كيف .... تسنياو الأوراق كامل و تكفلت بيا المراة هذي الي مازال ما عرفت عليها والو و مايهمنيش المهم راح تخرجني للعالم الحقيقي العالم الي يعيشو فيه الناس العاديين موش الناقصيين إجتماعيا كيفي ركبتني معاها في الطوموبيل و مشينا من ولاية لولاية كنت فرحانة و ساكتة غير نشوف من الكارو نتنفس في الهواء الجديد هواء بلاصة من غير الميتم الي تربيت فيه وصلنا لدارها كانت في بطيمة دخلتني لبيت مزينة كل حاجة فيها روز معبية ألعاب و بوبيات حسيت روحي في حلم هذي هي الجنة الي يحلمو بيها الأطفال 

عقيلة : أقعدي نتعارفو انا عقيلة الي راح نكون من اليوم ماما عقيلة نخدم فرملية مزوجة و مطلقة عمري 45سنة هذي هي الدار الي راح تعيشي معايا فيها و راح تكوني بنتي ...و انتي أهدري حاجة من الي شفتك ماهدرتيش ؟؟ 

فرح : أنا فرح و فرحانة اني معاك و نحبك (و حضنتها )

الحلقة:3
ماما عقيلة : هههههه هيا مالا ندوش بنتي و نروحو نرقدو شوي خاتر لعشية عندنا خرجة راح تعجبك ...
دوشتني ماما عقيلة و كأنو اول دوش في حياتي كانت تغسلي شعري و هي تقول ماشاء الله شعرك واش طويل وواش مليح ..
تدوشنا و رقدنا و العشية خرجنا شراتلي ياااااسر قش و سبابط و اللعبة الي تعجبني تشريهالي .....حتى نتلاقاو بر
الراجل : واش راكي عقيلة ؟؟
ماما عقيلة : الحمد وووووللله يا ربي راني في أحسن حال
الراجل : الله يدومها هذي هي ؟؟
ماما عقيلة : هيه هذي هي .. و انت كشما ناب ربي و لا حتى هي ماتجيبش الأولاد كيييييفي ؟؟
الراجل : مازال مانابش ربي ...حشمان
ماما عقيلة : بعدو محال ...بالسلامة نخليك عندي طريق مع بنتي ..
الراجل : أحبسي دقيقة ....واش اسمك افحلة ؟؟
ماما عقيلة : اسمها فرح و اسمحلنا مزروبين .
جبد الراجل دراهم من جيبو و مدهملي ....

الحلقة:4
الراجل هذا كان راجل ماما عقيلة تطلقو بعد 20سنة زواج كان باغي يجيب الأولاد و ماما عقيلة ماخبراتوش انو هو الي مايولدش باه ماتجرحوش بصح هو ناكر العشرة كي شافها وصلت 40سنة طلقها و تزوج وحدة صغيرة باه تجيبلو الأولاد و ثم فاق أنو هو الي مايولدش و المراة الجديدة هذي طالبة الطلاق و هو يحاول في ماما عقيلة ترجعلو و يكملو الي مازال من حياتهم مع بعض بصح هي رفضت خاتر كرامتها ماسمحتلهاش ..
انا كنت مادخلتش المدرسة خلااااه و ماما عقيلة علمتني كل شيء دخلتني مدرسة خاصة قريت كل عامين في عام كنت شاطرة و قراية و الحمد لله درك راني ثانية ثانوي ماما عقيلة عوضتني على الحب الي ماشفتوش من النهار الي ولدت، ما ستخسرت فيا والو و انا ثاني نحبها و لكن جات عندي ام حقيقية ماضنيتش راح نحبها أكثر منها ....
فاتت 5سنين من النهار الي خرجت من الميتم ماما عقيلة مريضة كل يوم نشوفها تتعب و تضعاف و ماكنتش نعرف واشي هو المرض تاعها حتى جاء نهار سمعتها تهدر مع الجينيكولوڨ تاعها و تقلها لازم يعني العملية ؟؟
في الأول مافهمتش العملية تاع واه
بصح كي قرب وقتها حطتني ماما عقيلة قدامها و شرحتلي المرض تاعها ....
ماما عقيلة : لازم نعمل العملية و نحي الثديين تاعي ...
فرح : ماتقوليش ؟؟؟ لا لا !! كونساار?
ماما عقيلة : هيه هو ..يا بنتي لازم تعرفي كل شيء أنت موش صغيرة درك راكي 15سنة المرض تاعي راهو في المرحلة الأخيرة و العملية إحتمال 50℅ موش راح تنجح يعني
فرح : تبكي و موش مصدقة ....ماتقوليهاش ماما ما تقوليهاش ماتروحيش و تخليني ربي يخليك ماصدقت لقيتك
ماما عقيلة : موش راح نخلي بنتي بصح لا قدر الله الدار راهي تاعك ماتخلي حتى واحد يديهالك كوني قوية سمعتي?و كملي قرايتك و حياتك .
فرح : بصح بغيتك أنتي مابغيتش الدار
عملت ماما عقيلة العملية و كنت واقفة معاها في كل المراحل الأطباء قالو نجحت بصح حالتها كانت ماتفرحش كل يوم نشوفها تذبل قدام عينيا عامين فاتو و ماما عقيلة ولات خيال مرأة الصحة تاعها كامل و الزين راح بقى غير الجلد و العظم ماخليتهاش حتى دقيقة .حتى هي أكثر من حالتي الوالدين ماتو و عندها أخ واحد عندو افعى موش مرأة في عامين جاء زارها مرة وحدة و من يومها ما رجعش التحاليل الأخيرة تاعها خبرني الطبيب انو المرض الخبيث قاسلها جزء كبير من الكبدة و مابقاتش تخدم و قالي أديها للدار و خليها كنت نبكي عليها الليل مع نهار..

الحلقة :5
كنت نديرلها ليكوش و نوكلها و نغسللها و نلبسها انا و ماخليتهاش موسخة و لا جيعانة كنت أنا القسم الي بعثو ربي ليها ....
ماتت ماما عقيلة و وليت كبولة و يتيمة و رجعت ماعندي حد في الدنيا فات العزاء تاعها كيما كان الحال وقفت على كل شيء و ماخليتش الناس تلقى غلطة تهدر عليها .
ظهرو الورثة تاعها من كل بلاصة خوها و أولاد خوها كامل يسالو في الدار و كي قلتلهم كتبتها بأسمي ماصدقونيش و رفعو عليا قضية نصب و إحتيال و الأدهى و الأمر انهم سحتوني من الدار نعم يا خاوتي سحتوني من الدار دون رحمة و لا شفقة حتى يصدر حكم المحكمة .
و أنا درك لقيطة و يتيمة و متشردة يا فضيلة الشيخ هذي هي حكايتي ....
الإمام : لا حول ولا قوة إلا بالله ربي يفرجها عليك يا بنتي قداه عندك و انتي تباتي برا ؟؟
فرح : عندي 10أيام ..
الإمام : بربي نقدرو نعاونوك اليوم الجمعة و راح نطلب من المؤمني
يعاونوك و تدي حقك ..
فرح : صح ؟؟ ربي يطول في عمرك و يخليلك اوليداتك ...
حضرت صلاة الجمعة و طلب الإمام من المصلين يعاونوني نربح في قضيتي و يلقاولي خدمة ومكان إقامة مؤقت حتى ترجعلي الدار ...
و كيما كان الحال الدنيا مازال كاين فيها الخير ...تكفل راجل غني بأمر السكن و الخدمة كانت عندو دار كبيرة و قرر يخدمني عندو و عرض محامي خدماتو باطل الحمد لله الي خلق مايضيع ....
المحامي : ألو مادموزال ممكن تجيني للمكتب و تجيبي الوثائق الي عندك ...
فرح : أكيد نص ساعة و نكون عندك .....
وصلت للمكتب كانت أكبر شركة محاميين في المدينة بيرو كبير و فيه بزاف محاميين و ماعرفتش وين نروح ..
فرح : الو أستاذ ممكن نعرف أسمك وصلت للمكتب و ماعرفتش وين نلقا...... أي سامحني خويا(دخلت في واحد ) ألو ....أه انت الأستاذ ؟؟
المحامي : ممممم انا المحامي خرجت نحوس عليك حتى لقيتك ...
فرح : سامحني عفستك كنت نهدر معاك و ماتولهتش ..
المحامي : ماعليش أنا عبد الرحمان .. .... ممكن وثائقك يا فرح ..
فرح : كنت حشمانة و حسيت قلبي ضرب كي شفتو مديتلو الأوراق كل الي هربتهم النهار الي سحتوني من الدار ..بدأ يقرأ فيهم ...
عبد الرحمان : ههههههه قضيتك راهي أسهل مايكون كل شيء موثق و قانوني و الدار راهي تاعك و مايقدر حتى إنسان يخرجك منها بالوصية و بعقد الملكية و كل شيء و نزيدك المرحومة عقيلة خلات كل شيء بأسمك حتى الطوموبيل و الذهب تقدري تقولي راكي غنية درك الجلسة هذي تاع نهار الإثنين

الحلقة:6
نفرزلك كل شيء و ترجعي لدارك .....اوكي فروحة ؟؟؟
فرح : هيه كيما تحب . ...
عبد الرحمان : ماتخيلتكش كيما هك ؟؟
فرح : كيفاه ؟؟
عبد الرحمان : تخيلتك مراة كبيرة ولا .. .. المهم قداه عمرك ؟؟
فرح : 17سنة ..
عبد الرحمان : تباني 14 ههههههههه
فرح : في عمري 17سنة و 5شهر يعني قريب 18
عبد الرحمان : نهار الإثنين نتلاقاو في المحكمة أبنتي تفاهمنا ...؟؟
فرح :( قلقني كي قالي بنتي) ... أوكي أستاذ ...مشيت شوي و درت عندو قتلو حتى انت على فكرة تبات 20سنة هيهيهي.....و هربت ...
عبد الرحمان ياخي طفلة ياخي ...
فرح روحت لبيت الراجال هذا الي قرر يخدمني عندو و كي دخلت قريب ندوخ ماحطيتش كاين عندنا في دزاير ديار كيما هذي واااااااو هذي خسارة يسموها دار ...هذي قصر بمعنى الكلمة
العساس : انت الطفلة الي جات تخدم السي بشير الداخل ...
دخلت للدار... نطبطب مستحيل راح يسمعوني نعيط عيب ....
حتى تفوت عليا وحدة باينة تخدم ثم ...
فطومة : انتي الطفلة الجديدة ؟ أدخلي للبيرو السي بشير يستنى فيك ...
فرح : السلام عليكم !!!
السي البشير : شكون انتي ؟
أنا الي جيت نخدم هنا ....
السي البشير : ماخبرنيش الشيخ انك قاصر مستحيل نخدم عندي قاصر ...
فرح : في عمري قريب18سنة موش قاصر ربي يخليك لازم نخدم الشارع مايرحمش خليني هنا ....
السي البشير : خلاص حكالي الإمام و فترة و تفوت روحي للبنات يقولولك واش لازم ديري ....
فرح دخلت الكوزينة و لقيت فطومة و هي مشنفة عليا و تشوف فيا من الفوق للتحت ....
فطوم: اطلعي امسحي الغبرة تاع البيوت الي في البروميار إتاج وأعدلي الفراشات و لمي أي حاجة في الأرض ارجعي نقلك واش تزيدي ديري ..

الحلقة السابعة :
مراد : موش قلت ماتمسي والو ....
فرح :من الخلعة طيحت ال
كادر الي فيه الطفلة و تكسر الزجاج تاعو...و قريب ندوخ من الخوف ...بديت نلم في الزجاج المكسر و نحط في الطبلية تاعي ....سامحني سامحني والله موش قصدي كنت نمسح فيه ...كي نخرج نشريلها كادر جديد ....(دخلت في يدي زجاجة و من خوفي كملت نلم فيه بيدي من غير مانحس )
مراد : واش بيك مهبولة !!! يدك تسيح بالدم ماراكيش تشوفي أحبسي . ..
طيشلي الي في يدي و جابلي موشوار و بدأ يمسحلي في صبعي الي يسيح بالدم ....
فرح : والله موش قصدي نكسرو ....سامحني
مراد: خلااااااص ما صرى والو .... جبد الدواء الأحمر و دارو للجرح و زاد ربطهولي ....
معاذ: واش تكسر ؟؟؟ أووووووو الرومنسية ....واش مووودووو بديتي فيها ؟؟
مراد : سكر فمك هذاك تخمامك أنت روح روح تخدم على روحك باباك موش راح يعيشك طول عمرك ...
معاذ : اخدم انت برك يا الشومبيون دوموند .....
فرح : هزيت الكادر و جيت خارجة ....
مراد : خليه هنا درك نعدلو أنا ...
هذا كان أول نهار ليا في الدار الجديدة معبي غموض و مغامرات باقية نخمم واش حكايتهم مراد و معاذ و أختهم الي مكانش
في الدار ....و أمهم وينها ووووو... إيييه واش دخلني فيهم مع الوقت يبان كل شيء أصلا موش مطولة هنا......بعد غدوة نشوف حكايتي وين واصلة مع السكنة ....و نتهنى ...
نهار الإثنين (موعد الجلسة )
نضت الصباح و أنا فرحانة و ندعي في ربي يرجعولي الدار لبست سروال دجين نوار و معاه بودي دومي مونش أبيض و كونفارس بيضاء كثر خير ماما عقيلة ماكنتش مخلية عليا والو و حاكمة شعري كودشوفال و هو هابط لظهري.
فطوم : وين بيها يا لالة "مابقالو في القصر إلا من بارح العصر " خارجة ديجا ؟؟
فرح : اليوم الجلسة تاعي الحاج بشير علابالو أدعيلي تتهني من وجهي و نرجع لداري ...
فطوم : ياااااه يا ربي العزيز الحنين رجعلها دارها و هنيني منها ....
فرح : ههههه من فمك لربي باااااي ...
معاذ : صباح الخير ....أبا اباباباباباااااا شكون الزلة هذي ؟؟

الحلقة الثامنة :
درت عندو ... هذي أنتي ...؟؟
فطوم : روحي انتي فرح ربي يفرج عليك ..
معاذ : مممممممم أنا ثاني رايح ندير الفاكسا تاع الكلب عضتني قطة أمس و خفت تكون مكلوبة ..
راحت فرح .....السااااااامط
فطوم : واش السي معاذ أنت ماتسيب حتى وحدة تجي هنا ؟؟
معاذ : راكي علابالك بالعقلية ....بصح كعبة ؟؟
فطوم : شوف هذي سنين و أنا تاپي تحت رجليك و الي تحبها نديرهالك على الأقل ماتجرحنيش و تخليني نحس روحي رخيسة ...و زيد الي عجباتك هذي راهي كبولة ...
معاذ : كبولة !!! كيفاه ؟؟
فطوم : كيما سمعتي .... بصح أنا و بكلي ليك ماديرش فيا هك ...
معاذ : أيييييه منك واحد ماضربك على يدك قتلك خلاص انت الي لاصقة ...
فطوم : خاتر نحبك خاتر نموت عليك ...انت علابالك ..
معاذ : هبلتي بعدي عليا يدخل كاش واحد ديريلي نفطر برك و يزينا بلا مسلسلات ....
مراد في الطوموبيل رايح للخدمة ...واش راهو صبعك ؟؟
فرح : صباح الخير مليح رتاح ...
مراد : عندك طريق ؟؟
فرح : هيه الجلسة تاعي ..
مراد : اركبي نوصلك لاري تاع البيس بعيدة منا ...
فرح : خلي برك موالفة نمشي ..
مراد : هيا راهي طريقي ...
ركبت معاه في الكرسي الي من اللور و أنا حشمانة و خايفة الدنيا علمتني نخاف من كل شيء ..
مراد : تاع واش الشرع ؟
فرح : تاع الدار تاعي باه يرجعوهالي ...
مراد : عندك دار ؟؟ ربي يسهل نشالله ...
فرح: كنت نشوف معاه في الرتروفيزار هذا هو الأمير تاع سندريلا كيما هك كنت نتخيلو طويل و أسمر و عينيه كبار و عندو شوافر و نبيل و عاقل ممممم مانعرف عندو خطيبتو و لا صحبتو ؟؟
فرح : فيقي يا جحشة باينة خلاااااه عندو وحدة كشما بقى طفل من غير علاقة الأيام هذي .....
وصلنا للمحكمة و تلاقيت مع المحامي عبد الرحمان في الباب ...
عبد الرحمان : تعرفي مراد ولد الحاج بشير ؟؟
فرح : هيه نخدم عندهم و قالي نوصلك في طريقي ....
عبد الرحمان : و معاذ أو ثم ؟؟
فرح: هيه ؟؟
عبد الرحمان : مالا عسي روحك و هذا سبب أوخر يخليني نربحلك القضية في أقرب وقت ..
فرح : علاه ؟ تبان تعرفهم !!
عبد الرحمان : أدخلي أدخلي راح الحال ....
من زهري الجلسة أجلها القاضي للشهر الجاي باه يتأكد من الوثائق و راح تتحتم نبقى في الدار هذيك شهر أوخر طاحلي المورال و رجعت للدار الدمعة على راس الشافر ...
فطوم : هاه فرحيني رجعولك دارك ؟؟

الحلقة التاسعة :
فرح : لا تأجلت للشهر الجاي ....و المحامي قالي لازملك على الأقل شهرين باه تفض الإجراءات راح نبقى على قلبك ...
فطوم : أمشي قلبي وجهك عليا بدلي جرودك و أرواحي عاودنيني في العشاء السي بشير عارض أصحابو ... مابقاش الوقت ....
فرح : دخلت للبيت الي نرقد فيها بديت نحي في قشي نحيت السروال و زدت البودي حتى ندور نلقى مراد في الجنينة واقف الدقيقة الي جريت باه نرجع الريدو هو دار على غفلة و شافني هكاك و من زهري لصق الريدو ماحبش يرجع بقيت نجبد فيه حتى طيحتو على راسي غطيت روحي بالريدو هو راح و أنا بقيت بحشمتي في الأرض ماصبت نلبس قشي و لا نحكم راسي الي ضربتني عليه الباڨات حشمت و تبهدلت صعيب تعيش في دار فيها الذكورة ....أمور موش متعودة عليها لبست و خرجت كانت فطوم قريب تضربني كي طولت عليها و أنا ندعي في ربي ما نتلاقاش بمراد الي شافني بالدوبياس ثالث يوم تاعي في الخدمة ...
كانت الوليمة كبيرة جات نجوى خدمت الحلوى و المقبلات (نجوى 26سنة تخصص حلويات عصرية عنطها محل خاص بصح تجي كي تكون مناسبة )
و خالتي حليمة مرأة كبيرة تطيب أكل تقليدي هايل و الله يا الكسكسي تاعها يشهي تاكل صوابعك من وراه بداو المعاريض يجيو و أنا كانت خدمتي نوصل الماكلة للبوفي و نغسل المواعن الناس الي جات كلها شخصيات حتى نشوف عبد الرحمان داخل مانعرف علاه دخلت بعضايا و سيحت الشربة على قشي الحمد لله ماشافنيش يا زهري يا زهري واش درتي فيا ....
فطوم : هاااااي جات البهلولة مسيحة الشربة على قشها ماقلتلكمش ما تبهدلنا غير هي!!
خالتي حليمة : خليها أو خلي الطفيلة صغيرة مسكينة الي قدها مازالو يلعبو البرة ....روحي تروح بنتي بدلي قشك....أسمعي انتي اللبسة تاع إكرام مازالت ؟؟
فطوم : ماعلاباليش ...و ديجا ماتجيهاش ...
رحت وين قالتلي خالتي حليمة جبدت قش إكرام (وحدة كانت تخدم و بطلت ) بصح كي لبستو حسيت روحي عريانة خاتر كان عبارة عن مايوو تاع بحر ..جاتني لاروب فوق الميني بشوي و ضيقة بالسيف قفلت السنسور رحت كملت خدمتي الحمد لله فات العشاء على خير الحاجة الوحيدة الي وترتني هو عبد الرحمان الي مانحاش عينيه مني و تلفلي المشية.......

الحلقة العاشرة:
فرح : ألو أستاذ ؟؟
عبد الرحمان : واش راكي ؟؟
فرح : كيما راك تشوف ..
عبد الرحمان : هلكوك الجماعة بالخدمة ...
فرح : محتمة واش راح نديرو ؟
مراد : اووووو وينكم هذا الماء ماكانش في لاطابل 3...
فرح : سامحني أستاذ لازم نروح ...
هزيت پلا فيه 4كيسان و القرعة تاع الماء بالزربة راح نديهم ...
مراد : هاتي عليك درك نديهم أنا ....
مع نمدلو الپلا يتفتح السونسار تاع لاروب من التحت للفوق لمزية كاينة الطابلية من التحت ....شرعت عينيا و أنا ندعي في ربي نكون نحلم واش قاعد يصرالي اليوم الدوبياس الروج هذا حفظو مراد ياسر عليه شافو مرتين ....بقى السونيار حاكم في الفوق خلاه و صدري مبزع يبان كامل كيما راه ...

الحلقة الحادية عشر :
أنا أشرف منكم يا أولاد العز أولاد mama وpapa...أنا رباتني الدنيا مارباني حتى حد نضت كي المهبولة هو واقف و داير للحيط و أنا نلبس في سروالي و البودي تاعي و ماعلاباليش بيه ...هزيت صاكي و دزيتو و خرجت ....
مراد : وين رايحة في نص الليل ؟؟ أحبسي ..
فرح : أمشي قيلني خليني نروح نهمل في أرض الله الي خلق مايضيع ...
مراد : أصبري والله موش قصدي نشك فيك بصح فطوم هذي10سنين و هي عندنا و زيد أكبر من معاذ ماتوقعتش خويا رخيس هك و مايطعمش ...أحبس ماتجرينيش من وراك ....وصلنا للباب الكبير و كان مغلوق و بدات تخبط فيه و تعيط على العساس يحلو عليها و ثم كثرت و راح تفضحنا و تنوض بابا قفلتلها فمنا بيدي و ديتها للبوست بوليس ...
فرح : أييييي وجعتني ....
مراد : الي هدرتو كل مافهمتيهش واش بيه راسك خشين هك و زيد ماكانش خرجة في الوقت هذا راح طيري أركحي شوي بزة قد صبعي و راح تهبليني تجري فيا من وراك أني قتلك أسمحيلي أفهمي ....غلطت..
فرح : اول مرة نجرب شعور أنو واحد يخاف عليا أنو إنسان يهمو أمري وقفت بيت يدين مراد و حسيت روحي محتاجة الي يقلي اعملي و ماتعمليش و حبسي ماتعمليش هك خاتر نخاف عليك يااااي واش مليح حسيت روحي صغيرة و محتاجاتو صح كان قلقان مني و في نفس الوقت خايف عليا ..... و حاجة تحركت في قلبي ماعرفتهاش واشي هي ...
بقيت في القصر هذاك الشهر كل يوم يزيد يقرب مني مراد حكيتلو حكايتي كاملة و تعاطف معايا خلااااه كان حنين معايا و ماحكمش عليا كيما باقي الناس الي أغلبهم كانو يقولولي "الكبولة " . ...
معاذ : بسسسست
فرح : ااااااااااااا خامج قتلك ماتلعبش معايا هك ....
معاذ : تعرفيني نحب نتمسخر معاك يا قطة
فرح : أخطيني لا تجي الغولة تاعك تاكلني ..
معاذ : شكون ؟؟
فرح: أحم أحم .... فطوم
معاذ: شكون قالك ؟؟
فرح : مايهمش ...
معاذ : أسمعيني هي الي لاصقة فيا كل يوم نقلها أخطيني و هي تقلي نحبك واش رايك وحدة 35سنة تليق مع واحد 25سنة هي الي بغاة قلتلها ألف مرة روحي تزوجي و عيشي حياتك هي الي ماحبتش ...
فطوم كانت من وراء الباب تسمع في معاذ و هو يهدر عليها مع فرح و الدموع تهبط من عينيها من غير صوت ....صار هاك يا السي معاذ بصح تندم على كل غلطة غلطتيها معايا ماكفاكش عطيتك عمري و شرفي ؟؟

الحلقة الثانية عشر:
غدوة على الصباح خلات فطوم معاذ خرج و طلعت رتبتلو البيت على غير العادة هذا شهر كنت أنا الي نفرز و نمسح الغبرة و كل شيء ....
فطوم : نشوفو الحاج بشير كي يشوف ولدو راقد مع الخدامة واش يكون رايوووو ههههههه..
عبد الرحمان : وينك فرح قريب تبدأ الجلسة ..
فرح: راني في الطريق قريب نوصل ...
بدات الجلسة و أنا نرجف خايفة التعب تاع الشهر هذا كامل يروح باطل ....
بصح الحمد لله حكملي القاضي أنو كل حاجة تملكها المرحومة عقيلة هي ملكي أنا فرح الحمد لله عوضني على الشهرين الي فاتو خير ... و حكم على أخ ماما عقيلة أنو يخرج فورا ولا تضطر الشرطة تخرجو بالقوة ....
رجعني عبد الرحمان للقصر و أنا طايرة بالفرحة كنت مقررة نلم حوايجي و نودع أصحاب الدار و نشكرهم و نروح .....
و كيما كان الحال سلمت عليهم واحد واحد و شكرت الحاج على خيرو الي ما عمري ما ننساه و جيت خارجة ....
(على فكرة عبد الرحمان و مراد كانو برومو واحد و كانو يتنافسو بصح مراد ديما يربحو )
مراد : أهلا بالأستاذ !!
عبد الرحمان : صافا المعلم ؟؟
مراد : وين بيها فرح ؟؟
فرح : (فرحانة ) باركلي رجعولي الدار و راني رايحة ....
مراد : (مشوكي و حزين ) ديجا و كنتي راح تروحي من غير ماتشوفيني ؟
فرح : كنت راح نعيطلك نقلك ...
مراد : تفضل أنت أستاذ درك نوصلها ...
عبد الرحمان : لازم تجي معايا ...
مراد : هيا فرح نوصلك .
كنت نشوف النار الي خارجة من عينيهم في زوج و أنا حاكملي مراد يدي و يجبد فيا ...ركبنا ...
مراد : تسمى خلاص مانزيدش ناكل البسبوسة من يدك ..
فرح : (حشمانة ) اصلا علمتني فيها نجوى روح عندها للمحل و كول ...
مراد : و كيفاه درك واش قررتي تعملي ...في حياتك ؟؟
فرح : موش عارفة !! حبيت نكمل قرايتي العام هذا الباك بصح المدرسة الخاصة الي كنت فيها غالية بزاف و خفت الدراهم الي عندي مايعيشونيش ....
مراد : عندي حل ...نسجلك في المدرسة تاعنا
(مراد كان مدير تاع مدرسة خاصة كبيرة خلاااص تقري جميع الأطوار و المستوى تاعها عالمي ...)
فرح : بصح غااااالية بزاف ..
مراد : ليك أنتي نديرلك سومة تفاهمنا؟؟ ماتخليش قرايتك ...
فرح : ربي يخليك بصح كي نخدم نرجعلك الدراهم ...أوكي ؟
مراد : تحاسبيني بپلا تاع بسبوسة كل سمانة و نشريه عليك ب 100ألف هك لا تساليني لا نسالك ....

الحلقة الثالثة عشر:
فرح كنت نحس روحي فوق السحاب و انا في جنبو كان راجل بمعنى الكلمة رزين و كبير ممكن كي عمري ماحسيت لحنان الأب كان هو الصدر الدافي ..
عبد الرحمان : واش بيكم طولتو ؟؟
فرح :دخلنا الدار و رحت لبيتي و بدات الذكريات المليحة ترجع و بديت نبكي على حنانة ماما عقيلة الي دارتني بنتها و خرجتني من القبر الي كنت عايشة فيه ... قعد قدامي مراد و حط يدو على ظهري و بدأ يسكت فيا قلتلكم كان حنين بزاف ...
بعد ما سكتت نطق عبد الرحمان خويا مراد ممكن تخلينا نديرو الجرد للمتلكات تاع فرح ؟؟ تفضل ...
مراد تنشع قالي باي نتلاقاو و خرج يخنزر في عبد الرحمان مانعرف واش من ثأر بناتهم هذم الزوج ....!!!!
كمل عبد الرحمان الخدمة تاعو و بدأ يوصي فيا على روحي ..
ماتحليش الباب حتى تعرفي شكون ..
و ماديري لامان حتى في واحد ...
و الماء و الڨاز و التريسيتي و على صحتي و ...... كل شيء
عبد الرحمان : فرح راكي كي أختي والله العظيم النهار الي سمعت حكايتك في الجامع قلبي وجعني و حسيت انو لازم أنا الي نفكلك الغلبة الي كنتي فيها و الحمد لله قدرني ربي و رجعتلك حقك درك نوصي أختي .... ماديري لامان حتى في إنسان سمعتي ؟؟
فرح : ربي يحفضك خويا عبد الرحمان و ربي يكثر من أمثالك و ما تخافش راني مرأة و راجل ....
فاتت ليام و فرح كملت تخدم في القصر تاع الحاج في النهار و ترجع تبات في الدار في الليل ...
الحاج بشير : معااااااذ معاااااااذ
كانت الدار تزلزل من صوتو يعيط و هاز سيدي في يدو و يرجف ...
دخل عندنا للكوزينة ....سقساني وينها فطوم ؟ حتى تدخل ....حكمها من شعرها و يكركر في الدار يا فاجرة يا حثالة أنا تستغفلوني أنا تحشوهولي و ديرولي بيت دعارة في وسط داري ...و انت يا كلب لم عليا جرودك و فولكون مانزيدش نشوف وجهك في وسط داري أخرج علياااااا
فرح : كنت مشوكيا موش فاهمة واش راه يصير كيفاه فاق الحاج بمعاذ يرقد مع فطوم ...
فطوم : نبوسلك يدك يا السي بشير خليني راني يتيمة و ماعندي وين نروح هو والله هو الي غواني هو الي طمعني بالزواج هو الي كان يقلي نديك و نتزوج بيك ...
معاذ : (مخلوع و وجهو أصفر ) علاه هذا كل الحاج واش صرى ...
الحاج : تحب تعرف واش صرى هاك شوف الزبل تاعك ....و يا فضيحتي بين الناس أنا الي نزوج في المساكين و ننهي في الشباب على الفاحشة ولدي يعمل فيها ووين في نص داري .... يا عاري يا عاري ...

الحلقة الرابعة عشر:
فرح : أقعد الحاج ماتعملش هك راك مريض و قلبك مايتحملش .....
معاذ خرج و تبعاتو الكلبة تاع فطومو....
معاذ : مافهمتش واش فيه السي دي اصبري نشوفو و نفهم ....
فطوم تتضيحك تحت خشمها هي الي عملتها باه تتنتاقم من معاذ و تكرهو في فرح الي كانت كل يوم تشوفو يزيد يتغرم بيها ...
معاذ : مستحيل واش هذا شكون صورني ؟؟
فطوم : تمسح في دميعاتها ... ماتكون غير هي فرح تكرهني و تغير مني و من الي جات و هي حاطة عينها عليك و كي ماقيمتيهاش حبت تفضحني ...
معاذ : الكبولة الق**** اليوم نقتلها و ندفنها تحت رجليا الطلابة الكلبة ....
طاح الليل و فرح كملت خدمتها روطار من بعد ما صرى فطوم راحت و خلتها وحدها ....
مراد : فرح مروحة درك ؟؟ ماخي تفاهمنا ماكانش خرجة في الليل وحدك ؟؟
فرح : واش ندير راح الحال و لازم نروح
مراد : أقعدي باتي !!
فرح : مانقدرش ....ماسمعتيش الي صرى ؟؟
مراد : أطلعي أحكيلي في الطريق ...
حكيت لمراد الي صرى كامل و كان يعيط لمعاذ و ماحكموش وصلني للدار و راح ...طلعت في الدروج مع حليت الباب دخلت حكمهولي واحد ماخلانيش نقفلو و دخل بالسيف عليا .
فرح : واش راك دير هنا معااااذ ؟؟ هبلتي ؟؟
معاذ : جيت نخلص حق القوادة الي درتيها ..
فرح : قوادة واش درت ؟؟
معاذ : مالا نعجبك و بغيتيني هاني جيت !!
فرح : بعد عليا لهيه راك شارب موش في عقلك...
معاذ : الليلة نمتعك بغيتي تجربي أرواحي هنا.
بديت نجري في الدار و هو يجري من ورايا حتى حكمني مع الحيط ...بغيتيني كون قلتيلي أصلا هذا شهر و أنا سخفان عليك كون قلتيلي برك وعلاه فسدتيها عليك و عليا ...
فرح : واش درت والله ماعملتلك حاجة سيبني ربي يخليك
مراد : أوووووف فرح نسات البورتموني تاعها غدوة ماتلقاش باه تركب نديهولها على زهري و خلااااص ...طالع في الدروج حتى نسمع فرح تبكي و تعيط في نص الدار ....و أنا عقلي طار مافقتش كيفاه خبطت الباب برجلي كسرتو و دخلت و يا ريتني مادخلت لقيت خويا مقطعلها قشها و يعتدي عليها و حاكمها راح يغتاصبها ...و كي شافني زاد هاج ....هي هربت و تخبات وراء ظهري حاكمتني بزوج يدين و تبكي
معاذ : ممممممممم جاء البروفيسار صاحبك ؟؟ تسمى تلعبي على زوج حبال..
مراد : قدمت عندو هزيت يدي و عطيتو بونيا المهم من بعدها فقد الوعي بقيت نسكت في فرح الي محضنتني و لاصقة في رقبتي و تبكي و تقلي ماتخلينيش .........

الحلقة الخامسة عشر :
فرح : يكتت موش فاهمة واش يقصد و مراد حاط يديه على راسو و ساكت.
خرج معاذ و مراد عينيه معبيين بالدموع كان يسكت فيا حتى لقيت روحي نسكت فيه ...واش قال معاذ موحال تقتل مستحيل عبد كيفك يكون مجرم راهو غاير منك برك أحكيلي مراد ...
مراد: كانت أكسيدون تمنيت كون أنا الي متت في بلاصتهم .
فرح :كان هذاك الكبرياء و الرزانة الي نعرفهم فيه كل راحو كان يبكي كي الصغير و انا قلبي تفتت عليه كان في حضني يبكي و كان قلبي يقلي هذا هو الي تحبيه هذا هو الي تبغيه ...كان راح يروح بصح أنا قتلو أبقى معايا ماتخلينيش علابالي عيب علابالي الناس راح تهدر عليا بصح نعرف أنهم ندير ولا مانديرش راح يقولو الكبولة هذيك ق*** مالا خليني نحس الحنان و أنا أكبر إنسانة محرومة في الدنيا كان هذاك الفوتاي الي في الصالون شاهد أنو ماصرى بيناتنا والو كنت متخبيا بين ذرعيه راقدة على صدرو كنت متأكدة أنو كان محتاجني أكثر ما كنت محتاجاتو ....
06:00تاع الصباح الوقت باه نروح للخدمة فقت هزيت راسي و بقيت نشوف معاه و طايح شعري على وجهو ....و فاق من النوم حكملي راسي جبدو لصدرو .... و قالي ماتروحيش ...
فرح : مانقدرش و الحاج شكون يعملو الفطور فطوم راحت ...
مراد : هيا نوصلك ...
فرح : .....بصح عيب الجيران ...
مراد : مالا نروح أنا و انتي ألحقي ....
خرج مراد و انا كنت طايرة مع السحاب إحساس الحب هذا واش مليح صح ماقالهاش مانطقهاش بفمو بصح كل شيء قالوه عينيه ....
فات الصيف و بدات القراية و سجلني مراد عندو في المدرسة واش صعيبة نكون قريبة ليه و في نفس الوقت مانقدرش نهز حتى عيني معاه صعيبة نحب المدير تاعي الي عينين البنات كل عليه و هو يشبه لأبطال القصص الخيالية ....بدات الغيرة تاعي تزيد و أنا نشوفو يهدر مع المعلمات و يضحك و أنا مازلت الطفلة الصغيرة الي عمرها 18سنة و مازالت تلعب ...
و بديت نستعمل في الطرق الملتوية باه نخليه يتعلق بيا ماكانش يهمني حتى واحد المهم هو ...أنا كنت حبست الخدمة في القصر على جال القراية بعت ذهب ماما عقيلة و خلصت بيه شوي و حكمت شوي نصرف فيه ...
معاذ و فطوم مابقاوش مع بعضاهم بعد ما فاق بيها هي الي عملت الفيديو و كان يتلاقاني في الطريق و يحاول فيا نسامحو...

الحلقة السادسة عشر :
بصح أنا خلاص وليت خايفة منو ...
معاذ :(راكب في الطوموبيل و يتبع فيها ) أركبي نوصلك فرح قتلك سامحيني ...ماكنتش في وعي النهار هذاك راني عرفت كل شيء ...
فرح : خلاااص خليني ضرك و راك مسامح....
الحكاية مافضتش عند الحد هذا معاذ كان مصر يكبرلي في راسي و كان مغرقني بكادواتو كان يبعثلي القضية تاع كل شهر من غير الشوكولا و الدباديب و الدراهم الي يخليهملي تحت الباب ...في الجيهة الأخرى وين معلق قلبي كان مراد ماعلابالوش بيا يهدر معايا مرة في السمانة في التليفون و هدرتو باردة تقول خاطي العبد الي بكاء في حضني هذيك الليلة نكون نتوهم أنو يحبني ؟؟؟
بديت نشك في حب مراد ليا في الوقت الي كان خوه يدير في كل شيء باه غير نرضى عليه بصح القلب و ما يريد حنا البنات نعشقو في الي يجرجرنا ....
بدلت طريقة اللبسة تاعي عدت غير الميني و السيري هذا كامل باه نلفت إنتباه أستاذ مراد كيما يقولولو و لقيت روحي زدت غير تعلق معاذ بيا و هبالو عليا و أنا كنت مراهقة و وحيدة و هو كان صغير و تاع طوايش و البنات كل الي يقراو معايا عاشقين فيه و يقولولي غير أرضاي عليه ...
أنا وصلت لمرحلة عقلي و قلبي تفرق بين مراد الي نعشق فيه و معاذ الي يعشق فيا و بين هذا و هذا و المشكل الأكبر أنهم خاوة يعني في حالة خيرت واحد فيهم راح نفسد العلاقة بيناتهم و هم من بكري مايتفاهموش ....على حكاية لاكسيدون الي ماتت فيها أمو و أختو و منع مراد الي كان يسوق ...
دخلت لمكتب المدير و أنا قلقانة و مقررة اليوم نفرزها واش يسميها علاقتو بيا ؟؟
فرح : أستاذ حبيت نهدر معاك ( كانت عندو معلمة و لاحظت انها الفترة هذي قريبة بزاف منو )
مراد : تفضلي ؟؟؟
فرح: حشمت و مالقيت مانهدر ... ممكن على إنفراد أستاذ ؟؟
الأستاذة : أهدري أطفلة الأستاذ موش قاعدلك ...
مراد : هههه كيما قالت الأستاذة عندي إجتماع درك ...أهدري ..
فرح : تعباو عينيا بالدموع و حكمتني الغصة و حسيت روحي رخيسة و عرفت أنو الي في راسي مجرد وهم ...
خرجت نجري و نبكي دخلت ليتوالات و بردت قلبي بالبكاء أنا البقرة الي تخيلت أنو واحد كيفو يحب وحدة كبولة و هاملة كيفي كان مجرد شفقة ....

مسحت دموعي و رضيت بالواقع الي كان قلبي عاميني عليه ...كملت على 5خرجت و بدأ مراد يعيطلي في البرطابل و أنا مانهزش بعثلي ليمساج و قالي هزي بصح أنا قلبي برد و ماقدرتش نزيد نعيش في الأحلام أكثر من هك وصلت للدار و زاد بعثلي مراد ميساج و قالي راني جاي عندك للدار ....
فرح : بدأ قلبي يخبط و وجهي حمار و الفرحة الي ماقدرتش نخبيها باينة من عينيا و كنت نهدر مع روحي ماتتسرعيش يا مهبولة ....هك شوي و طبطب الباب عدلت شعري و كنت لابسة روب تاع دار ميني بيضاء و بابوش أبيض و شعري مطلوق على كتافي و شوي غوج ألافر كلار المهم نقتل ....
فرح : نحل نلقاه معاذ .....الحلقة السابعة عشر:
معاذ : خليني نهدر معاك ربي يخليك هذي شهور و انتي تعذبي فيا ...
فرح : واش باغي الجيران تسمع راك علابالك و قلتهالك ألف مرة مانقدرش نكون معاك ...
دخل معاذ للدار و بقاء يهدر معايا و يحاول فيا نرضى عليه ....
فرح : أخرج ربي يخليك راني نستنى في ضياف ...بصح معاذ راسو خشين قعد في الفوتاي و قالي موش رايح حتى تقوليلي هيه راني نوعدك نسيك في الي فات كل ...
مراد : ممكن نفهم واش راه صاري هنا ؟؟؟؟
فرح : معاذ أخرج راني الي عندي قلتهولك ...أخرج.
معاذ تشوكا كي شاف خوه و هبل و بدأ يكسر في الدار 6شهر و أنا نحاول و نحلل و انتي طايحة مع خويا هذا هو الي تعشقي فيه هذا هو الي قلتي عليا لا على خاترو ؟؟؟ في واش زايد عليا ؟ بصح مانسامحكش مراد مانسامحكش انك ديما توقف في طريقي و تدي الحاجة الي نبغيها كل بصح موش راجل .....و خرج و الدمعة قريب طيح ....
مراد : واش كاين فرح واش راه يهدر معاذ ؟؟؟
فرح : راهو يخرف برك أستاذ ماقال والو سامحني ....
قفل مراد الباب و قدم عندي و أنا هزتني الرعشة ....هزلي راسي و انا ماقدرتش نشوف معاه من الحشمة ....
مراد : تسمى ماتحبينيش ؟؟
فرح براسها : لا
مراد : بصح أنا نعشق فيك و نهبل كي نشوفك و مانقدرش نهدر معاك سامحيني اليوم تحتمت ندير هك سامحيني خليتك تحسي بالإحراج ...
فرح : مسحت دموعي و رجعت فيا الروح ...صح ؟؟ لا تتمسخر؟
هزلي مراد راسي و قرب وجهو ليا و تالمون هو طووييل وانا قصييرة هبط راسو حتى عواجت كرومتو باه وصل راسو قدام راسي ....
مراد : حبي صح تحسابيني مانحبكش ؟؟
فرح : مممم ماتحبنيش ...

الحلقة السابعة عشر:
معاذ : خليني نهدر معاك ربي يخليك هذي شهور و انتي تعذبي فيا ...
فرح : واش باغي الجيران تسمع راك علابالك و قلتهالك ألف مرة مانقدرش نكون معاك ...
دخل معاذ للدار و بقاء يهدر معايا و يحاول فيا نرضى عليه ....
فرح : أخرج ربي يخليك راني نستنى في ضياف ...بصح معاذ راسو خشين قعد في الفوتاي و قالي موش رايح حتى تقوليلي هيه راني نوعدك نسيك في الي فات كل ...
مراد : ممكن نفهم واش راه صاري هنا ؟؟؟؟
فرح : معاذ أخرج راني الي عندي قلتهولك ...أخرج.
معاذ تشوكا كي شاف خوه و هبل و بدأ يكسر في الدار 6شهر و أنا نحاول و نحلل و انتي طايحة مع خويا هذا هو الي تعشقي فيه هذا هو الي قلتي عليا لا على خاترو ؟؟؟ في واش زايد عليا ؟ بصح مانسامحكش مراد مانسامحكش انك ديما توقف في طريقي و تدي الحاجة الي نبغيها كل بصح موش راجل .....و خرج و الدمعة قريب طيح ....
مراد : واش كاين فرح واش راه يهدر معاذ ؟؟؟
فرح : راهو يخرف برك أستاذ ماقال والو سامحني ....
قفل مراد الباب و قدم عندي و أنا هزتني الرعشة ....هزلي راسي و انا ماقدرتش نشوف معاه من الحشمة ....
مراد : تسمى ماتحبينيش ؟؟
فرح براسها : لا
مراد : بصح أنا نعشق فيك و نهبل كي نشوفك و مانقدرش نهدر معاك سامحيني اليوم تحتمت ندير هك سامحيني خليتك تحسي بالإحراج ...
فرح : مسحت دموعي و رجعت فيا الروح ...صح ؟؟ لا تتمسخر؟
هزلي مراد راسي و قرب وجهو ليا و تالمون هو طووييل وانا قصييرة هبط راسو حتى عواجت كرومتو باه وصل راسو قدام راسي ....
مراد : حبي صح تحسابيني مانحبكش ؟؟
فرح : مممم ماتحبنيش ...

الحلقة الثامنة عشر:
فرح براسها : لا
مراد : بصح أنا نعشق فيك و نهبل كي نشوفك و مانقدرش نهدر معاك سامحيني اليوم تحتمت ندير هك سامحيني خليتك تحسي بالإحراج ...
فرح : مسحت دموعي و رجعت فيا الروح ...صح ؟؟ لا تتمسخر؟
هزلي مراد راسي و قرب وجهو ليا و تالمون هو طووييل وانا قصييرة هبط راسو حتى عواجت كرومتو باه وصل راسو قدام راسي ....
مراد : حبي صح تحسابيني مانحبكش ؟؟
فرح : مممم ماتحبنيش ...
مراد : واش ندير باه نبينلك اني نهبل عليك ؟؟
حضني عندو جبدني حتى لصقت في صدرو ...نحبك يا ننوستي ...قرب فمو من فمي و تفنن في هذيك البوسة حتى حسيت الدوخة ضربتني كان يطعم في فمي كيما الي ياكل في الحلوة ولا لاكرام و انا جنيييت و شعلت و بديت نبوس فيه و نبوس حتى جبدني عليه و باسني على جبهتي و حضني عندو و قالي انتي تاعي وحدي مانزيدش نحب حتى واحد يدور بيك لا معاذ و لا غيرو و درك نهدر معاه ...
فرح : مراد راح و أنا بقيت عايشة معاه في خيالي بديت قصة حب نعرف أنها تبان صعيب تكمل بصح راح نعيشها سيف على الدنيا الي ظلمتني بما فيه الكفاية ....طلع النهار و انا نايضة نشيطة و نغني "توحشتك أنااااا عمري بغيت نشووووفك طال صبري طالت عليا غيبتك ....لي بغيتيها نديرلك أنا بخاطرك يا عمري يييي. "
مراد : ألو الكبدة واش راكي اليوم ..؟
فرح : هااااايلة و انت ؟
مراد : مارقدتش البارح .... ستنيتك تعرضيني ...
فرح : ممممم عيب أني خارج هيا من بعد و نشوفك .....
مراد : نستناك ....مواااااح ..... راح تقولولي مهبول تعشق في وحدة لقيطة بلا موالي ؟ راح تقولولي انت ولد العز تعشق في وحدة زاولية ...راح نقلكم قلبي الي عشقها هي الي قدرت تفرحني بعد السنين هذي كل الي عشتهم وحدي أقرب الناس ليا تهموني أني قتلت يما و أختي ....نحبها و خلاص ماتسقسونيش علاش ...
فرح هزيت صاكي و حليت الباب و تجيني ضربة تاع موس لكرشي حسيت قلبي حبس شفت حياتي و هي فايتة بين عينيا هذي هي النهاية عشت كبولة و متت مقتولة ؟؟؟ و طحت ....

الحلقة التاسعة عشر:
هزوني الجيران للسبيطار بعد ما ساح مني دم كبير و ماعرفو بشكون يتاصلو و انا ماعندي حتى حد في هاذ الدنيا .....لقاو عنوان المحامي عبد الرحمان و الرقم تاعو عيطتلو الجارة و جاء يجري و ماخلا عليا والو و العجيب في الأمر أنو دمو هو الوحيد الي توافق مع دمي و تقبلو جسمي دارولي عملية خيطولي الجرح الي كان قاسلي المصارن و زاد تكفل عبد الرحمان بالتكاليف كل ...عندي يومين في السبيطار و غير عبد الرحمان الي يزورني ماقدرتش نسقسي على برطابلي باه نعيط لمراد و نخبرو ...
مراد : تحيرت على فرح هذم نهارين ماجاتش نخبر لابوليس تكون صراتلها حاجة ؟؟ رحت لدارها مرتين واحد مافتح عليا ...عقلي راح يتفلق وين راحت الطفلة هذي ؟؟
معاذ: مراد مراد سمعتي واش صرى ؟؟ فرح ضربوها بالموس و راهي في السبيطار ....قريتها في الجرنان ...
رحت أنا و معاذ و ندعي في ربي تكون بخير دخلت لقيت عبد الرحمان و العايلة تاعو جاو يطلو عليها ....
مراد : فرح راكي لاباس ؟؟ هذا وين سمعت سامحيني ....عبد الرحمان وعلاه ماخبرتينيش ؟؟
عبد الرحمان : ماتولهتش ديجا علااااه نعيطلك ؟؟
مراد : قلقان ....أنا أنا .....المدير تاع المدرسة تاعها ...
ام عبد الرحمان(مريم) : على سلامتك يا بنتي نشالله ترتاحي و ترجعي بخير ....(نجي نشوف مع ذراعها نلقى وحمة يا ربي نعرفها الوحمة هذي شايفتها ))) ....
بابات عبد الرحمان(مسعود ) : بالسلامة بنيتي ربي يشفيك ...
الحلقة عشرون:
مريم : حبس حبس دقيقة ....فرح هذي واشي؟؟
فرح : توحيمة !!
مريم : من الي خلقتي فيك ؟؟
عبد الرحمان : كنت نشوف في ماما وجهها أصفر و ترجف و حاكمة ذراع فرح حتى نلقاها داخت و طاحت في الأرض .... عيطنا للطبيب قاسلها لاطونسيون و لقاها طايحة و فاقت و هي تعيط فرح وينها فرح .... و انا مافاهم فيها حتى شيء ......
مريم : أخرج عبد الرحمان أخرجو كامل و عيط لباباك مسعود وينو مسعود عيطلو .....
مسعود : واش بيك مريم واش صرى ؟
مريم : فرح هي بنتي ...هيه مسعود هي بنتنا ...هي بنتي الي طيشتها بنتنا مسعود ...
مسعود : واش بيك يا مرأة هبلتي بنتنا طيشتيها في جانفي نهار الثلج كيفاه راح تعيش ؟؟
مريم : التوحيمة الي في ذراعها تاع بنتي والله تاعها مستحيل ننساها
كانت مريم تبكي على طول صوتها من الصدمة الي تعرضتلها و ضطر الطبيب يضربلها ابرة مهدئة
مسعود : ممكن نسقيسك يا فرح على حاجة ؟؟
فرح : فضل ....
مسعود : خبرنا عبد الرحمان انك....... كيفاه راح نقولهالك ؟؟؟
فرح : لقيطة ؟؟؟ عادي قول راني والفت هيه لقيطة علااااه؟؟
مسعود : واش من عام زايدة و كاش خبر على والديك ؟؟
فرح :زايدة 1999 ههههه ووالديا نضن أنهم يهود خاطي مسلمين ...
مسعود : علااااه؟؟؟؟؟؟
فرح : عمرك تخيلتي ام ولا أب يقدر يطيش كبدتو في نهار ثلج يطلبو فيه السماح نهار درجة الحرارة فيه -4 ؟؟؟
مسعود : طاحت الدمعة من عيني بعد ما تأكدت انو الي راقظة قدامي هي بنتي و من لحمي و دمي ....ياااااه يا بنتي كل إبن آدم خطآء و خير الخطاؤون التوابون ....
فرح : بالنسبة ليا مايهمنيش نعرف شكون يكونو خاتر ما يسالو فيا والو و نكرهم من غير ما نشوفهم ..

الحلقة الواحد وعشرون:
مسعود :(في قلبو آه يا ربي سامحنا يا رب ) ربي يشفي بنتي و المسامح كريم يا بنتي ...رجعت عند مريم الي فاقت و تسقسي فيا بعينيا على واش عملت وليت بعثت عبد الرحمان عند فرح و بقيت مع مريم و حكيتلها كل شيء و هي مصدومة و تبكي ...
مريم : شفتي قتلك مسعود قتلك ...
مسعود : أصبري نزيد نتأكذ و نعمل تحليل DNA
مريم : ازرب ديرو اهدر مع الطبيب هذي 18سنة و انا عايشة في العذاب و تأنيب الضمير ....
"نحيلكم درك الحكاية من الأول خلاص قبل ما تولد فرح .... هذي مريم و مسعود يعشقو في بعضاهم و عايلاتهم مايتفاهموش قرر بابات مسعود يزوجو بوحدة أخرى أم عبد الرحمان بصح مسعود ماقدرش يحبها و ينسى مريم بعد 10سنين ماتت أم عبد الرحمان و هي تزيد و مات البيبي الي كان في كرشها
و رجع مسعود يخرج مع مريم و هزت منو الكرش الفترة هذيك تاع 9شهور كان مسعود مسافر و ماعندو عليها حتى خبر و فاقو بيها والديها و قررو يطيشو البيبي الي جابلهم العار للعايلة ....ولدت مريم و و نحالها باباها الطفلة الي كانت" فرح "و طيشها في بلاصة ما قال عليها حتى لواحد و كان جانفي و الثلج و البرد ....بعد ما رجع مسعود من السفر خبراتو مريم و جاء خطبها و زوجوهالو باه يخبو العار تاع بنتهم الي ولدت سيزاريان حوست مريم و مسعود على الطفلة في كل بلاصة بصح مالقاوهاش هذي هي الحكاية "

الحلقة الثانية والعشرون:
خرجت من السبيطار بعد ما حكمو فطوم الي ظهرت هي الي ضربتني بالموس و دخلوها الحبس بمحاولة القتل العمدي ...كان مراد يعامل فيا كي بنتو كان يخرج من الخدمة طول يجي عندي كان يسهر معايا و سعات يبات كان مستحفض بيا ....
مراد : جييييت يا حبي ...
فرح : شوف واش درتلك اليوم ؟؟
مراد : علاه وقفتي من بلاصتك ؟؟ واش وصيتك
هزني و رجعني للسرير ....و باسني على فمي تعرفي أنو ماكانش بسبوية في الدنيا تكون أحلى منك ....و نزيدك من اليوم أنا الي نبدلك الپونسمون تاع الجرح .....راني تعلمت ...
فرح: تعرف قداه نحبك ؟؟
مراد : قد الپلا تاع البسبوسة كل ..
فرح : لا قد الدنيا كل أموووووااااح ..
الباب يطبطب راكي تستنى في كاش واحد ؟ تكون وحدة من البنات برك ... خليني نحل أنا و ادخل للبيت ...
فرح : شكووووون ؟
عبد الرحمان : أنا جيت و جبت معايا الدار حلي ...
فرح : طاطا مريم و عمي مسعود تفضلو ...جوزو ..
مريم : الحمد لله على سلامتك يا بنتي ...
قعدنا شوي حكينا و ضحكنا حتى تبدلت وجوه يما و بابا ...
مسعود : جينا نطلو عليك يا بنتي و عندنا ليك هدرة ...
مريم : خليني أنا الي نهدر ...
فرح : خوفتوني واش كاين ...
مراد : أكيد الرخيس تاع عبد الرحمان جابهم يخطبوهالو لازمني ندير حاجة ....خرجت من البيت ...السلام عليكم ...
سلمت عليهم و بانتلي ماعجبهمش الحال ...
مراد : فرح نروح ولا نبقى ....
فرح : أقعد مراد ماكان والو ...
عبد الرحمان :زاد الجو تكهرب حتى نسمع بابا يقول لفرح راكي بنتنا صح أنا ماكنتش مصدق الي راني نسمع فيه ..... بابا واش راك تخرف أختي ماتت في كرش ماما و ماما مريم ماتجيبش الأولاد !!!! كيفاه بنتك

الحلقة الثالثة والعشرون:
مريم تبكي و تحضن في فرح و فرح تبعد فيها ....
فرح : أحبسو أحبسو فهموني واش راه صاري شكون بنت شكون ؟ فهموني ؟؟
مراد : حكمت راسي و انا نحل في اللغز الي سمعتو ...
عبد الرحمان : أووووو فهمونا كيفاه ؟؟
بدات مريم تحكي و تبكي و حنا في 3حالين فامنا و نتخيلو فيه مسلسل تركي ولا مسلسل مكسيكي .....
فرح : اسكتييييي كذابة. أخرجو من داري كامل .أخرجي انتي بالذات ....واشي هي الحاجة الي تخليني نصدق أنك ماما و هو بابا ؟؟
مسعود : عملنا تحليل DNA و طلعتي بنتنا هاكي تشوفي . ....
فرح : مانشوف والو و روحو خلوني نكرهكم ....
عبد الرحمان: بصح ماما ماتجيبيش الأولاد كيفاه ؟؟؟
مريم طلعت التريكو تاعها و شفنا الجرح تاع السيزاريان الي في كرشها .... هذا هو العقاب الي عاقبني ربي بيه بعد ما خليتهم داولي بنتي من بين يديا حرمني من الضناية حرمني نزيد نذوق كلمة ماما بعد السيزاريان تعفن الجرح تاعي و ضطريت نحي الرحم كامل باه نعيش و هاني عشت للنهار الي لقيتك غيه يا بنتي أسمحيلي ....
فرح : قلتلكم أخرجو عليا أخرجو ....
بعد صدمة العمر الي صرات لفرح اليوم دخلت بعضها ماتقبلتش واقع أنو عندها ام و أب ...كنت لاباس عليا كنت راضية أني كبولة مابغيتش يكونو عندي أول نهار تخلاو و جاء الوقت الي ما نقبلهمش كيما ماقبلونيش ...
مراد : واش راك تقولي فرح أنا والله فرحت و راح نص الهم الي فوق كتافي على الأقل كي نحبو نتزوجو الحاج ما يرفضش راكي تعرفي !!!.
فرح : حتى أنت مراد تقلي هك تسمى كنتي تفوت بيا في الوقت تسمى كون ما ظهروش ماكنتش راح ..... هيا صحا صحا خلااااص كرهت من ناس تروح و ترجع لحياتي ....
كوبيت على مراد و بديت نبكي لازمني نبين للمجتمع كل أنو الكبولة الي ماتسواش راهي تقدر تعيش بيهم و من غيرهم ...

الحلقة الرابعة والعشرون:
فاتت ليام و جوزت الباك ...و نجحت لا فرحة و لا هم يحزنون حاولو كامل يتاصلو بيا من عبد الرحمان لمراد للي يسمي روحو بابا و يما بصح أنا كانت عندي خطة جديدة راح تخليهم يعرفو أني قادرة على مسؤوليتي ....و نعيش من غيرهم ....
قاسني مراد بهدرتو حسيت بغلطتي الكبيرة قفل عليا الباب و راح رقد في بيت أخرى....عمري 18سنة مراهقة مازلت مانعرفش صلاحي طول عمري نستنى نلقى الإنسان الي يخاف عليا و ينعتلي الطريق كي نغلط و نبعد نحبك مراد نحبك ...
راح مراد هدر مع دارنا و الي هم بابا و ماما الجدد بصح كان واحد معارض الزواج هذا ...
عبد الرحمان : ماحطيتش الدنيا تدور و تجيبلي حقي منك كيما حرمتيني من حبي و عشق عمري راح نحرمك من فرح . .....انت الي قتلتي خولة بالهبال تاعك النهار الي لقيتيها معايا و جاء الوقت الي تخلص روح ماعندناش بنات للزواج ....
مراد : خولة كانت أختي قبل ماتكون حبيبتك و ماقتلتهاش ياعبد ربي ماقتلتهاش ....
عبد الرحمان : ههعهه ماقتلتيهاش علاه كنتي ماشي 160 ؟ وعلاه خليتيني نعيش هذي سنين كي المهبول ...
مراد : هيه أنا قتلت خولة بصح أنت مانخليكش تقتل فرح و تخليني كي المهبول فرح تحبني و موحال نخليها ترجع حتى تقبل تزوجهالي و كي تلقاها أحرقلي قلبي ...

عمي مسعود و عمتي مريم فرحو بالخبر أني لقيت بنتهم و زادو فرحو كثر كي طلبت نزوج بيها ... مازالت المشكلة تاع عبد الرحمان مع الوقت تتحل ...
فرح : وينك مراد نهار كامل ماجيتيش ؟؟
مراد: علاه تحوسي عندي شغالاتي ...
فرح : و أنا لوقتاه نبقى هنا ...
مراد :حتى تترباي ...
فرح : بصح نحبك مراد وعلاه تعامل فيا كيما هك ..
مراد : حتى أنا قتلك نحبك و كي تقدري حبي ليك درك نقلك واش راح يصرى .....
فاتت سمانة و أنا على الحالة هذي بين ربع حيوط و بديت نقلق و نمل و مراد بارد معايا و عامل فيا ببرود خلااااه واش لازم ندير باه نبينلو أني ندمانة ....
مراد: تعشيتي ؟؟
فرح : لا ماتعشيتش و قلقت بغيت نبدل قشي ...عندي سمانة و أنا لابسة القمجة تاعك ...
مراد : درك نشريلك ...
فرح : لا ماتشريليش و زيد بغيت أومور خصوصية ...
مراد : واش بغيتي نجيبلك أهدري ؟؟
فرح : عيب عليك أديني معاك نشري الي بغيت ...
مراد : و نشالله بغيتي تخرجي بلاروب الي جبتك بيها من البار ؟؟
فرح : لا خليت سروال و تريكو في البيت تاعي الي لتحت ...
هبط مراد جابلي السروال و التريكو و خرجنا دانا نشري ...شريت قش دار خاتر كنت نعرف أني ماعندي وين راح نخرج و شريت ملابس داخلية و ليبوند خاتر جاتني **** هزيت راسي معاه لقيت وجهو راح يشعل بالحشمة سلكنا و خرجنا كان الوجاع تاعها راح يقتلني و هو يشوف معايا و أنا نتلوى ووجعي يحمار ويصفار ...
مراد : مريضة ؟؟ واش نشري

شرالي الدواء من لافارماسي و رحنا نتعشاو بصح ماقدرتش ناكل قلبي وجعني ...
فرح : أديني للدار مابغيتش ناكل ...
هزينا الماكلة و روحنا للدار ...كنت نبكي من الوجع و مراد مالقى مايعملي ...
مراد : نديرلك تيزانة تشربيها ؟؟
فرح : خليني أمشي قبلني .. أييييييي .
كانت تبكي و تتوجع و مالقيت ماندير حليت النات و بديت نحوس خاتر ماعرفتش واش ندير قالك المرأة تحب تسترخي و تهدأ أعصابها ... و زوجها لازم يتلهى بيها ...
دخلت عندها من غير مانهدر قعدت على السرير و بديت نفوت في يدي على شعرها و نمسحلها في الدمعة الي هابطة على خدها ... تنحى عليك ؟؟
فرح : حسيت الوجع راح مانعرف من لمست مراد ليا ولا من السيبو كلوفينال الي درتها هههه المهم حبيبي راهو بجنبي ...درت عندو و زدت حضنتو و قتلو سامحني يا حبيبي ..
مراد : السماح ماتعبيش روح درك و حاولي ترقدي ...
فرح : في دقيقة حسيت روحي مرتو و مزيدة بولدو ....و بقيت محضناتو و هو زاد تكى بحذايا و نحى صباطو و يبوسلي في جبهتي و يلعبلي بشعري و أنا ذبت في حنانتو ...
مراد : رقدت بين يديا كي الملايكة و أنا نشوف معاها و حاجة في قلبي تقلي بوسها توحشتها هي راقدة و أنا حطيت فمي على فمها قلت بوسة خفيفة حتى لقيت فمي يطلب نزيد ... و هي الخبيثة ماكانتش راقدة غير حطيت فمي في فمها بدات تبوس فيا و أنا كنت متوحشها خلااااه كليتها من شواربها ماقدرتش نصبر .. ..فاتت ليلة من الحنانة و الحب بايتة حبيبتي فوق صدري راقدة ...

الحلقة الاخيرة 😍😍
نضت الصباح مقرر نهدر مع الحاج بابا من غير ما نقلو راهي هنا عندنا ...حكيتلو حكايتها كل و فرحلها من قلبو و تفاجىء كي قتلو أخطبهالي بصح في الأخير واقف وراح معايا عند باباها و خطبهالي رسمي. ..
لغدوة ديتها عند أمها وباباها مع انها قاتلي خليني عندك بصح أنا حبيت نزوج بيها بالطبع و الشان ....
عبد الرحمان مازال مغشش و موش موافق على زواجنا بصح والديه بعد الي جربوه قالو مانوقفوش في وجه سعادة بنتنا ....
فرح : يا عمري يا عمري وقتاه برك يفض الشهر هذا و تولي راجلي توحشتك ...
مراد : ماتزيدينيش يا حبي ...
معاذ كي سمع مراد. خطب فرح هز حوايجو و راح للخارج يخدم ...و قاللهم نموت ثم و ماتزيدوش تشوفو وجهي حتى الحاج بشير قاللهم كرهت من مشاكلو خلي يروح و يعول على روحو ...
وجدت أنا و حبي للعرس كانت ماما مريم حنينة معايا بزاف بصح انا قلبي مازال مابياضش من جيهتها بصح نعرف انو الوقت هو الي يداوي الجروح ....
شراولي دارنا الي نحبها كل ...و عرسي قرب و مازالو نهارين و أنا الفرحة موش سايعتني ...
مراد : ننوستي عندي ليك مفاجئة راح تعجبك ...
مشيت مع حبيبي ... و نعتلي دارنا الي راح نعيشو فيها و عجبتني طار عقلي بيها كانت جنة فوق الأرض ...
نهار عرسنا ....نشطح أنا و حبي في لاصال و العينين كل علينا ...
مراد : نسقسيك حبي ؟ جبتيلي الدوبياس الحمر العذبتيني واحد النهار ...
فرح : ههههههههه مازلتي تشفى ... جبتلك حوايج راح تنسيك في الدوبياس الحمر ...
فضت السهرة و هزني حبيبي لبيتنا و فاتت ليلة عمرنا و لا في الأحلام ....
فرح : موش مصدقة أنك راجلي ...
مراد : مازلت بصح نص ساعة و نولي راجلك .... نموت عليك و عينيك و كل حاجة فيك ...يبوسلي في رقبتي و هابط لصدري و أنا إستسلمت و طيشت روحي فوق السرير....🔞🔞🔞🔞(عيب واش تستناو )
كلت قرايتي و تخرجت من الجامعة و درت محاماة و راني نخدم في الشركة تاع بابا مع عبد الرحمان و ماما تربيلي في حبيبة قلبي بنتي" نورسين "
و عايشة مع حبيبي قصة الحب الي عوضتني على سنين الحرمان و المعاناة الي عشتهم كل "الله لا يحرم مؤمن "

______❤النهاية❤_______