قصة ذنب لا يغفر كاملة
الحلقة 01...
أحيانا تلد وسط الأحزان بذور جديدة للامل ...الحب... الحياة ..
تعذبنا بشدة ...تعتصر قلوبنا ...تفقدنا ارواحنا ..و نظن انها النهاية ...ثم نبعث بعد موتنا و نتذوق لذة العشق و متعة السعادة ..
_______
أحيانا تلد وسط الأحزان بذور جديدة للامل ...الحب... الحياة ..
تعذبنا بشدة ...تعتصر قلوبنا ...تفقدنا ارواحنا ..و نظن انها النهاية ...ثم نبعث بعد موتنا و نتذوق لذة العشق و متعة السعادة ..
_______
حاكمة في يدها الانفلوب تشوف معاه كانو آخر حاجة تربط روحها مع جسدها... واش فيه لونفلوب هذا باه تغرق معاه و تنسى رحها في نص الغاشي هذا كل ...في البلاصة الي مايقعد فيه غير مهبول و لا حد فاقد عقلو ...قاعدة على حجرة فوق تروطوار قدام المرشي ...موش عارفة علاه ولا كيفاه ...الي تعرفو انو هنا وصلوها رجليها بعد الصدمة الي صراتلها ...فتحاتو و بدات تشوف في ذكرياتها ...في سنين عمرها مرسومة في كل فوطو و في كل رسالة عبرت فيها على حبها و مشاعرها كل ورقة من الي بين يديها هازة طرف من قلبها ...طرف من أحاسيسها و روحها ...و بكل برود يقوللها فض كل شيء و هذا واش يربطني بيك ...موش فاهمة لدرك واش يقصد ؟ شافت معاهم تصويرة تصويرة و هي تحتاقر في ضحكتها الصادقة و عينيها المليانة حب و شغف ...موش نورمال العباد واش تقدر تكذب !! و تبدل مشاعرها بين ليلة و نهار ... غاضتها رحها ...كانت راح تبكي و دموعها مانزلوش ...الرايح و الجاي يشوف معاها ... شكلها و مظهرها مايقولش انها مريضة ..طفلة صغيرة قاعدة في بلاصة كيما هك ؟رجعت للواقع و رجع صوت المرشي قدامها...البطااااطااا ، الفوووول ...ايااااا هز مااابقاش ....
وقفت مخطوفة من بلاصتها ..تلفتت هك و هك و ماهمهاش الي يخزر فيها بإستغراب ..تحوس على حاجة معينة .
في بابا البيزيريا الي كانت قاعد قدامها كانو عينين يشوفو معاها في صمت من غير حركة في برود تام ..غير دخان سيڨارو طالع .
خزرت على جهتها اليمنى و شافت واحد يتكيف و من غير شعور راحت ليه ...ماعليش البريكي ؟؟
الحلقة 02:
هز البريكي و حطهالها في يدها ...رجعت لبلاصتها و حكمت ذكريات عمرها تشوف معاهم بحقد و كره تقلب فيهم بالورقة و خزراتها تقول واش كنت غبية بدات تحرق فيهم بالوحدة ...جروحها مازالت تنزف و انها تحرق التصاور هذم هو كأنها حاكمة قلبها و تكوي فيه ...تصاورها معاه ..التصاور الي كانت راح تخبيهم باه توريهم لأحفادها و اولادها ...تحكيلهم على حبها الأسطوري لباباهم ...بصح خلاص كل شيء رمات آخر فوطو محروقة من يدها و مشات ...من غير ماتشوف من وراها ...مشات و ماتعرفش إذا راح تقدر تعيش نورمال ولا راح تموت ولا تتخنق من شعور الألم الي حاسة بيه ..حد حاكم قلبها و يعصر فيه و ما كان حتى واحد تقدر تحكيلو ولا تشكيلو العذاب الي راهي فيه ..المرة هذي موش كيما المرات الي فاتو.. مابكاتش و موش راح تبكي فض المكتووووب .
العينين الحادين الواقفين في باب البيزيريا حركهم الفضول ...
نروح هنا برك و نجي ...
وين رايح أي وجدت البيتزا تاعك ؟؟
هبط بيدو للأرض هز الطرف الأخير من لافوطو الي رفضت النار تحرقو ...مزال غير وجهها الفرحان و عينيها المليانة حياة ..ماشي على بعد 100 متر من وراها ..غريييب! هذا آخر إنسان تتوقع يكون عندو فضول من النوع هذا ..غاشي كبير ...و عينيه عليها .
كانت غاطسة راسة في الأرض كأنو هموم الدنيا كل فوق كتافها ..لدرجة ماشافتش العركة الي قايمة قدامها بالسكاكين ..
_هزي راسك ...هزي راااسك (/يتمتم بين شفايفو).. وساعت خطواتو ...الناس كل تفرقت غير هي مازالها في عالمها ...الزوج الي يتعركو باين عليهم مدمنين مخذرات وواحد ما تجرأ يقرب يفكهم من بعض ..كانو يقطعو في بعضاهم و دموماتهم تسيل و ماشين و يقربو منها حتى وصل واحد منهم واقف على بعد نص ميترة عليها و اللحظة هذي و في النص مترة هذيك وقف قدامها و خلعها ..
هي : واش كاين واش صرى ؟ الشعب الي داير بيها كل يقوللها اهربي و هي هزت راسها تشوف مع الجبل الشامخ الي هبط من السماء وواقف في وجهها ..و هنا جات ضربة السكين في الفاست تاع الجلد الي لابسها . تخلعت و حطت يديها على فمها من الصدمة و هنا ستوعبت انو الضربة الي جات في ذراعو كان ممكن تجي في وجهها و من غير شعور حكماتو من يدو في محاولة ليها باه تهرب هي وياه من الموقف هذا الي راهم فيه .
هز البريكي و حطهالها في يدها ...رجعت لبلاصتها و حكمت ذكريات عمرها تشوف معاهم بحقد و كره تقلب فيهم بالورقة و خزراتها تقول واش كنت غبية بدات تحرق فيهم بالوحدة ...جروحها مازالت تنزف و انها تحرق التصاور هذم هو كأنها حاكمة قلبها و تكوي فيه ...تصاورها معاه ..التصاور الي كانت راح تخبيهم باه توريهم لأحفادها و اولادها ...تحكيلهم على حبها الأسطوري لباباهم ...بصح خلاص كل شيء رمات آخر فوطو محروقة من يدها و مشات ...من غير ماتشوف من وراها ...مشات و ماتعرفش إذا راح تقدر تعيش نورمال ولا راح تموت ولا تتخنق من شعور الألم الي حاسة بيه ..حد حاكم قلبها و يعصر فيه و ما كان حتى واحد تقدر تحكيلو ولا تشكيلو العذاب الي راهي فيه ..المرة هذي موش كيما المرات الي فاتو.. مابكاتش و موش راح تبكي فض المكتووووب .
العينين الحادين الواقفين في باب البيزيريا حركهم الفضول ...
نروح هنا برك و نجي ...
وين رايح أي وجدت البيتزا تاعك ؟؟
هبط بيدو للأرض هز الطرف الأخير من لافوطو الي رفضت النار تحرقو ...مزال غير وجهها الفرحان و عينيها المليانة حياة ..ماشي على بعد 100 متر من وراها ..غريييب! هذا آخر إنسان تتوقع يكون عندو فضول من النوع هذا ..غاشي كبير ...و عينيه عليها .
كانت غاطسة راسة في الأرض كأنو هموم الدنيا كل فوق كتافها ..لدرجة ماشافتش العركة الي قايمة قدامها بالسكاكين ..
_هزي راسك ...هزي راااسك (/يتمتم بين شفايفو).. وساعت خطواتو ...الناس كل تفرقت غير هي مازالها في عالمها ...الزوج الي يتعركو باين عليهم مدمنين مخذرات وواحد ما تجرأ يقرب يفكهم من بعض ..كانو يقطعو في بعضاهم و دموماتهم تسيل و ماشين و يقربو منها حتى وصل واحد منهم واقف على بعد نص ميترة عليها و اللحظة هذي و في النص مترة هذيك وقف قدامها و خلعها ..
هي : واش كاين واش صرى ؟ الشعب الي داير بيها كل يقوللها اهربي و هي هزت راسها تشوف مع الجبل الشامخ الي هبط من السماء وواقف في وجهها ..و هنا جات ضربة السكين في الفاست تاع الجلد الي لابسها . تخلعت و حطت يديها على فمها من الصدمة و هنا ستوعبت انو الضربة الي جات في ذراعو كان ممكن تجي في وجهها و من غير شعور حكماتو من يدو في محاولة ليها باه تهرب هي وياه من الموقف هذا الي راهم فيه .
الحلقة03:
(هو يهدر) ..اول ماحطت يدها في يدي و جبدتني من وراها جاني شعور غريب ..حاجة ماتتوصفش بالكلام وخزات تاع ابرة في عمق كرشي مازالها تجر فيا من وراها حتى بعدنا على الغاشي و المرشي هذاك كل ...
هي : لاباس قاسك ؟ تجرحتي ؟ تشوف مع لافاست تاعو المقطعة .
هو : لاباس جات في لافاست برك ...
جبدت البريكي من الجيب و مدتهالو ...
هي : سامحني ديتها من غير ما نحس .
هو: ماعليش ...عندك على روحك تقدري تحكميها ..حط يدو في جيبو راح يجبد طرف لافوطو الي ماتحرقش و من بعد تراجع ..ماعرفش علاه ... نخليك ..سلام .
تفرقو في لاري تاع البيس و كل حد منهم راح في حالو ..و فاتت الأيام ...
ميمي ..ميمي نووووضي نوووضي راح عليك الحال ...اوخذي على الطفلة دارت الجذور في السرير ...اوووقفي ابنتي أول نهار تروحي روطار و يسحتوك ...نوضي ماصدقنا لقيتي خدمة ..
ميمي : بصوت كسول ...مممم قداه الساعة خلي نزيد شوي ..
ام ميمي : أي 7:15 واش راح تزيدي ؟
ميمي تخطفت و ناضت تجري و تطيح ..يااااه راح عليا الحال علاه ما نوضتينيش قبل ؟
ماخي قلتي ريقلت البرطابل ..
لبست ميمي قش الخدمة الي شراتو جديد سروال كلاسيك ڨري و بالفاست تاعو و صباط دومي طالون نوار ريقلت شعرها الي عملتلو تموجات كبيرة و مليحة حطت شوي روج و ماسكارا و هزت طرف الخبز الي بالفرماج و خرجت تجري ..
آه يا ربي من أول نهار واش راح يقولو عليا ؟ نحبس طاكسي على زهري و خلاص و يا رب نلحق ..تاااااكسي ..ركبت تاكل في الخبز من جهة و تريقل في اوراقها من جهة و صونا البرطابل... الو صباح الخير .
سلمى : صباااح النشاط ..راني في حلم ولا علم نضتي ؟
ميمي : كيما تشوفي هاني نجري على الصباح ..
سلمى : ربي يوفقك ..ماتنسايش كيما قتلك مع الدخلة صيدي راجل مفهوم ؟
ميمي: ماخي انت عندك راجل لاه راكي تخممي عليا ؟؟ خزرت مع المراية لقات الشوفار يعدل في شلاغمو ..لايكون طامع حتى هو اخخخخ ..هيا باي نوضتي علينا النش على صباح ربي ...
سلمى : هههههه باي
(هو يهدر) ..اول ماحطت يدها في يدي و جبدتني من وراها جاني شعور غريب ..حاجة ماتتوصفش بالكلام وخزات تاع ابرة في عمق كرشي مازالها تجر فيا من وراها حتى بعدنا على الغاشي و المرشي هذاك كل ...
هي : لاباس قاسك ؟ تجرحتي ؟ تشوف مع لافاست تاعو المقطعة .
هو : لاباس جات في لافاست برك ...
جبدت البريكي من الجيب و مدتهالو ...
هي : سامحني ديتها من غير ما نحس .
هو: ماعليش ...عندك على روحك تقدري تحكميها ..حط يدو في جيبو راح يجبد طرف لافوطو الي ماتحرقش و من بعد تراجع ..ماعرفش علاه ... نخليك ..سلام .
تفرقو في لاري تاع البيس و كل حد منهم راح في حالو ..و فاتت الأيام ...
ميمي ..ميمي نووووضي نوووضي راح عليك الحال ...اوخذي على الطفلة دارت الجذور في السرير ...اوووقفي ابنتي أول نهار تروحي روطار و يسحتوك ...نوضي ماصدقنا لقيتي خدمة ..
ميمي : بصوت كسول ...مممم قداه الساعة خلي نزيد شوي ..
ام ميمي : أي 7:15 واش راح تزيدي ؟
ميمي تخطفت و ناضت تجري و تطيح ..يااااه راح عليا الحال علاه ما نوضتينيش قبل ؟
ماخي قلتي ريقلت البرطابل ..
لبست ميمي قش الخدمة الي شراتو جديد سروال كلاسيك ڨري و بالفاست تاعو و صباط دومي طالون نوار ريقلت شعرها الي عملتلو تموجات كبيرة و مليحة حطت شوي روج و ماسكارا و هزت طرف الخبز الي بالفرماج و خرجت تجري ..
آه يا ربي من أول نهار واش راح يقولو عليا ؟ نحبس طاكسي على زهري و خلاص و يا رب نلحق ..تاااااكسي ..ركبت تاكل في الخبز من جهة و تريقل في اوراقها من جهة و صونا البرطابل... الو صباح الخير .
سلمى : صباااح النشاط ..راني في حلم ولا علم نضتي ؟
ميمي : كيما تشوفي هاني نجري على الصباح ..
سلمى : ربي يوفقك ..ماتنسايش كيما قتلك مع الدخلة صيدي راجل مفهوم ؟
ميمي: ماخي انت عندك راجل لاه راكي تخممي عليا ؟؟ خزرت مع المراية لقات الشوفار يعدل في شلاغمو ..لايكون طامع حتى هو اخخخخ ..هيا باي نوضتي علينا النش على صباح ربي ...
سلمى : هههههه باي
الحلقة 04:
وصلت ميمي للشركة تجري و ديجا راهي روطار ...
ميسووون محمودي ؟؟ ميسوووون ماجاتش ؟؟
ميمي : ( بالسيف تخرج في النفس ) اني هنا ..
المسؤول على الموظفين عمي عيسى ': واشي يا بنتي عاد اول نهار خلي نعرفوك سع و من بعد روطاردي ...😡😡
ميمي : السيركيلاسيون و ال....
عيسى : خلااااص تبعيني ..راحت ميمي تبع في عمي عيسى و تشوف مع الشركة الي راح تخدم فيها واااااو تهبل الحمد لله رزقها ربي و عوضها بحاجة بعد الإكتئاب الي فات عليها .... أرواحي باه نفهمك في الخدمة ...مع انها موش حاجة كبيرة ..هنا كيما راكي تشوفي شركة كبيرة و موفرين للموظفين تاعنا كل وسائل الراحة من الماكلة للمرافق للمساحات الخضراء ...و المدير العام تاعنا مغروم بالمطالعة على هذا فيها مكتبة ... الي راح تخدمي فيها انت بطبيعة الحال.... خدمتك تبدأ من طبع الوثائق و تنظيف و ترتيب الكتب و السيديات لحوايج أخرى تعرفيها مع الوقت ...هيا تفضلي لخدمتك الطابق الاول على الجهة اليمنى .
دخلت ميمي للمكتبة الي كانت أقل ما يتقال عليها كارثة بحق العلم و الكتب ... ميسون محمودي ليسانس علم مكتبات متخرجة من سنين و هذا وين لقات خدمة عمرها 27 سنة .
ميمي : يااااا ربي واشي هذا ؟ خرجو فيا دعاويك يا حبيبة ( امها ) هربت من التسياق في الدار لقيتو قدامي ...
صباح الخير السيد المدير ...صباح الخير ... صباااح النور ...
السكرتيرة : عندك إجتماع بعد نص ساعة و على 12 الغداء مع الوفد الإيطالي و العشية جدولك فارغ في إنتظار أي جديد ...
نزار : مليح تفضلي انت و ابعثيلي النيسكافي ...
رمى جاكاتو فوق الفوتاي و بدأ يشوف في اوراق الإجتماع ...اوووف وينها ..وينها ؟؟ الو ملف الإجتماع ناقص وينهم باقي الأوراق ؟
السكرتيرة : اااا سامحني موسيو بعثناهم يتطبعو في المكتبة و نسيت انها حورية خرجت لاروترات ...دقيقة يكونو عندك ..
نزار : أقعدي انت درك نروح نجيبهم ...انت وجدي لاصال ...
ميمي : قالك و اعمال اخرى مع الوقت تعرفيها ...قول برك فام دوميناج نسيق و نمسح الغبرة هذا زهر ولا بعر ...راحت الأناقة و الكلاسيك في بدون النشافة ...بالحرام من غدوة نعود نجيب بيجامتي معايا نسيق فيها ...( تنشف و تتعارك وحدها ) هااااي هااااي هااااااي وين وين ماتشوفش فيا نسيق ؟؟
الحلقة05:
هااااي هااااي هااااااي وين وين ماتشوفش فيا نسيق ؟؟
نزار : احم جيت ندي اوراق و خارج ...
ميمي : وعلاه في داركم كي تعود امك ولا أختك يسيقو تدخل تعفس بصباطك و الدنيا مبلولة ؟
جات عيني في عينها و تفكرت النهار هذاك ....
ميمي : اااااووو واش تخمم روح اضرب دورة ولدي حتى تشيح الدنيا ..
نزار : ضحكت بيني و بين روحي ..ماعليش درك نبعث وحدة تديهم ..
ميمي : بالسلامة ...راح يبداو يحڨرو من اولها
راح نزار ماشي في الكولوار و يتبسم وحدو شكون يصدق انو بعد 9 شهور يعاود يتلاقاها ...و وين ؟ في الشركة تاعو ..طلع شعرو و بيدو و ضحك ضحكة على جنب جات في وجه نريمان 😒
نريمان : صبااااج الخير نزار الظاهر عامل جو اليوم و مفرهد ...خير يا طير فرحنا معاك ..
نزار : ههه والو شفت عبد عندي زمان ماشفتوش برك ..
نريمان : باهي ...اشقولك الليلة تجي لانيفرسار تاعي نوعدك تشيخ عللخر ( بإغراء ) ...اماااان نزار هذا شهر نحاول فيك .
نزار : نريمان تعرفيني ما نحبش الأجواء هذم ...تبدلت ملامح وجهو للجدية و مشى و خلاها ...بصح ما تخافيش غدوة يجيك الكادو تاعك للبيرو ..
نريمان : 25 سنة بنت المساهم الاول في الشركة ...من اول يوم شافت نزار فيه قررت تجي تخدم معاه اي حاجة المهم كل يوم تشوفو و هذي مدة تاع عام و مازالت ما يأستش انو يجي نهار يحبها فيه ..
نزار : أحلام ( السكرتيرة ) روحي جيبي الأوراق تاع الإجتماع ...
أحلام : راهم يستنو فيك موسيو كنت حاسبة رحتي تجيبهم ..
نزار : كان عندي شغل اوخر ..
دخل للإجتماع مبتسم على غير العادة ...المدراء الكل وقفو يسلمو عليه و هو كأنو في عالم اوخر ...تقدرو تتفضلو ...قعد في بلاصتو و جبد البورتموني تاعو حوس في جيب صغير منو و جبد التصويرة الصغيرة المقصوصة بالمقص بقى يشوف معاها و سرحان ...من غير ما يتوله لنظرات الإستغراب على وجوه الي دايرين بيه ..
احلام : أزربي هاااااتي بدأ الإجتماع ..
ميمي : واش بيكم كل قلقانين في الشركة هذي؟
أحلام : واش تهدري قتلك ازربي ...حكمت الاوراق من ميمي و طلعت تجري حتى وصلت قدام نزار ....احم احم نبداو موسيو ؟؟
نزار :أه ؟؟ نعم نعم نبداو ...
ميمي : ااااااا يما الخية رجليا موش حاسة بيهم ينعل بو الكلاسيك و الطالون في نهار واحد ...هااااو وجهي لا زدتو شفتوني بيه ...اي اي ..
حبيبة ( ام ميمي ) : ههههههه الخبزة صعيبة ...انت الي والفتي الرقاد ما بيك لا الخدمة ياسر لا والو ..
ميمي : قتلوني ايما خيتي حرثو عليا من كي دخلت و انا هز منا حط منا تقسمت على زوج ...ناكل حاجة و نرقد مانحب حتى حد يطبطب عليا ...
حبيبة : و باباك واش نقولو؟
ميمي : بخزرة تاع غل ...قوليلو قاتلك باغية نبوووور ..موش قابلة ، تكره الرجال ، معقدة ، ضربتها جنية بايرة في التوالات و حلفت عليها لا تزوج و لا يفحج عليها راجل ...دخلت لشومبرتها و قفلت الباب ...وعلاه موش باغين يفهمو انها مجروحة و موش قادرة تبدأ من جديد ...خلاااص الي بناتو تهدم و داه الريح ..لبست بيجامتها و رقدت تشوف مع البلافون ...الطفل الي جاء الصباح شكلو مألوف ؟ موش عارفة وين شايفاتو ...إيييه يخلق من الشبه 40 .
في ابرتومون في بطيمة كان قاعد نزار في الكوزينة تاع دارو يشرب في فنجان نيسكافي تاع العشية ...حياتو منظمة بالدقيقة و الساعة الهدوء تاعو الواضح من مظهرو من قعدتو ...حتى من خزرت عينيه اليوم بطولو يخمم في الضيفة الجديدة الي جات للشركة تاعو و الي كانت آخر عبد توقع يشوفها...نزار شخصية رومنسية بطريقتو الخاصة راجل شرقي محافظ و غامض الي دايرين بيه كل متفاهمين على حاجة وحدة انو إنسان موش نورمال مثلا يكسب شركة تسوى آلاف الملايير و يكسب طوموبيل مودال 1970 ، قادر يسكن في اكبر قصر بصح ساكن في F3 في عمارة في حي متواضع جدا ، يغسل وحدو ، يطيب وحدو ، حتى الميناج يديرو وحدو ... يكره التكنولوجيا و الأنترنيت ، يلبس اي حاجة تعجبو حتى لو كانت من البالة ، شعرو يمشطو عادي من غير جال ولا إضافات ، يحب يقرأ قصص الحب و الأدب العالمي ، عندو زوج أصحاب من أيام الجامعة نجيب فاتح بيتزيريا في المرشي الي شاف فيه ميسون اول مرة و الثاني سامي هاجر لكندا بعد ما تعرف على وحدة في الفيسبوك و تفاهم معاها يتزوجو و تخدملو الأوراق ماعندوش بزاف من كي راح ...
الحلقة06
نزار : الو واش راكي ؟
حنان : لاباس انت مليح ؟
نزار : الحمد لله .. نقلك ...قص عليه هدرتو واحد يهدر مع حنان من الجهة الأخرى ..
حنان : واش من شومبر نكمل المكالمة و نطلع ...سجلولي تفاصيل الحالة تاعو و كل حاجة على حالتو الصحية ... 17 سنة جيت جيت ....
المرة هذي نزار الي قطع المكالمة بيناتهم هذا هو السيناريو خطيبتو الدكتورة المشغولة الي ماعندهاش حتى 10 دقايق فارغة تسقسي فيها على خطيبها ...الخطبة الي موش راح تفض هذي 3 سنين و مازال العرس مأجل لأجل غير معلوم ...رمى البرطابل فوق الفوتاي و خرج للبالكون قلقان الوضع بيناتهم عاد لا يحتمل ، هو المتضرر الأول في العلاقة هذي ، موش عارف علاه من نهار شاف ميسون في المرشي حس انو محتاج يعيش قصة حب تعبي عليه حياتو ترجع مشاعرو للحياة صح حنان مرأة ناجحة و ذكية و بوڨوصة بصح احاسيسها باردة و عملية لدرجة الملل تصرفاتها كل محسوبة بالميليمتر لدرجة حفظها و عاد علابالو واش راح تعمل وواش راح تقول قبل ما تقول ..كل مرة تصرى مشكلة بيناتهم يحاول يعمللها 1000 عذر على عكسها هي الي تتصرف معاه كي كاين كي ماكانش ...كل الي يهمها في الموضوع انو علاقتهم مثالية و وفق معايير مجتمعهم البرجوازي التافه . و من جهة أخرى هي السبب في تأجيل العرس و هذا السؤال الي شاغل بال نزار و مالقالوش إجابة عندها .
خمم مع روحو شوي من بعد قرر يدير خطوة مهمة عندو مدة مأجلها .. لبس قشو و خرج راكب الطوموبيل و فجأة تردد ...يكون الشيء الي راح يعملو من تأثير الضيفة الي شافها اليوم ؟؟؟ نفض الأفكار من راسو لا لا موحال ...وصل قدام باب السبيطار و راح يسقسي على خطيبتو العينين كل عليه ، موش معقول إنسان بالطول هذا و الوسامة هذي و ما يجذبش الأنظار ...سقسى وحدة من الفرمليات ..
نزار : ماعليش نسقسيك ؟ الدكتورة حنان وين نلقاها ؟؟
الفرملية : بعينين خارجين منهم القلوب 😍...شفتها درك داخلة للمخزن تاع الأدوية ..
نزار : مارسي ..
نزار : الو واش راكي ؟
حنان : لاباس انت مليح ؟
نزار : الحمد لله .. نقلك ...قص عليه هدرتو واحد يهدر مع حنان من الجهة الأخرى ..
حنان : واش من شومبر نكمل المكالمة و نطلع ...سجلولي تفاصيل الحالة تاعو و كل حاجة على حالتو الصحية ... 17 سنة جيت جيت ....
المرة هذي نزار الي قطع المكالمة بيناتهم هذا هو السيناريو خطيبتو الدكتورة المشغولة الي ماعندهاش حتى 10 دقايق فارغة تسقسي فيها على خطيبها ...الخطبة الي موش راح تفض هذي 3 سنين و مازال العرس مأجل لأجل غير معلوم ...رمى البرطابل فوق الفوتاي و خرج للبالكون قلقان الوضع بيناتهم عاد لا يحتمل ، هو المتضرر الأول في العلاقة هذي ، موش عارف علاه من نهار شاف ميسون في المرشي حس انو محتاج يعيش قصة حب تعبي عليه حياتو ترجع مشاعرو للحياة صح حنان مرأة ناجحة و ذكية و بوڨوصة بصح احاسيسها باردة و عملية لدرجة الملل تصرفاتها كل محسوبة بالميليمتر لدرجة حفظها و عاد علابالو واش راح تعمل وواش راح تقول قبل ما تقول ..كل مرة تصرى مشكلة بيناتهم يحاول يعمللها 1000 عذر على عكسها هي الي تتصرف معاه كي كاين كي ماكانش ...كل الي يهمها في الموضوع انو علاقتهم مثالية و وفق معايير مجتمعهم البرجوازي التافه . و من جهة أخرى هي السبب في تأجيل العرس و هذا السؤال الي شاغل بال نزار و مالقالوش إجابة عندها .
خمم مع روحو شوي من بعد قرر يدير خطوة مهمة عندو مدة مأجلها .. لبس قشو و خرج راكب الطوموبيل و فجأة تردد ...يكون الشيء الي راح يعملو من تأثير الضيفة الي شافها اليوم ؟؟؟ نفض الأفكار من راسو لا لا موحال ...وصل قدام باب السبيطار و راح يسقسي على خطيبتو العينين كل عليه ، موش معقول إنسان بالطول هذا و الوسامة هذي و ما يجذبش الأنظار ...سقسى وحدة من الفرمليات ..
نزار : ماعليش نسقسيك ؟ الدكتورة حنان وين نلقاها ؟؟
الفرملية : بعينين خارجين منهم القلوب 😍...شفتها درك داخلة للمخزن تاع الأدوية ..
نزار : مارسي ..
الحلقة07
راح نزار يحوس على خطيبتو حتى يلمح واحد باين من شكلو موش طبيب مع انو لابس طابلية بيضاء تلفت على اليمنى و اليسرى و دخل للمخزن ..عقد نزار حواجبو و كان راح يطبطب الباب من بعد حبس ...قلبو تزير عليه و توسوس ..حط يدو على الباس و فتحو ...و شاف اللقطة الي ضربت رجولتو في حيط و عفست على كرامتو تحت السبابط .. يدين الطفل الأنوش الي شعرو بالكيراتين و سروالو مقطع في صدر خطيبتو و راسو في رقبتها ...
حنان تصدمت اول ما شافت نزار و بعدت الطفل هذاك عليها ...و حوست في قواميس الكذب الي كانت تكذبو عليه مدة 3 سنين و لقات كذباتها فضو ... كل شيء واضح كيما نور الشمس ..
عينين نزار كانت بين حنان و عشيقها ...و تفكر تأنيب ضميرو كي كان في الطوموبيل انو القرار الي راح يعملو بسبة ميسون ...الطفلة الي ما تربطو بيها حتى علاقة من غير نص تصويرة و فاست جلد مقطعة .. و ضحك على روحو ...
نزار : بكل برود ...كملي الخماج الي كنتي ديري فيه و اهبطي نستنى فيك في الطوموبيل ...هابط في الدروج و يتبسم على سذاجتو و تفاهتو الي خلاتو يرتبط بوحدة 3 سنين عمرها حسساتو بحبها و لا حنانها و لا إهتمامها ...
لحقت حنان تجري من وراه و ملامح الذل على وجهها الطبيبة المتعلمة بنت الأكابر تمارس في الجنس مع واحد بلا مستوى لمجرد رغبتها فيه ...
ركبت معاه في الطوموبيل .
حنان : من فضلك نزار من غير عصبية ولا مشاكل رانا قدام السبيطار ...و درك نفهمك في كل شيء ..
نزار يلعب بصوابعو على الفولون و يتبسم بكل هدوء ... وعلاه الحكاية تستاهل ؟ انا تعلمت مانهبطش النيفو تاعي للناس الي أقل مني مستوى ... على كل حال جيت نقولك راكي طالق و عيشي كيما تحبي خاتر مانقدرش نكمل هك و بلابلا بلا ... و المفاجئة ظهرتي ق**** و تبردي فيها في جهة أخرى و معايا تلعبي فيها النظيفة الشريفة العفيفة .. ( حاول على قد ما يقدر يحافظ على نبرة صوتو الهادئة زير يديه على الفولون) .. خسااارة عفيتك .
كانت حنان مهبطة راسها و تبكي خاتر علابالها انها درك حثالة بالنسبة ليييه .
حنان : ماتلعبهاش مظلووووم و خطيييك انت الي وصلتينا هنا ..
نزار : 😨😨😨 و مازالك تحلي في فمك ؟؟
حنان : هيه انت ... لا علاقة مع الحب ...ماحبيتينيش ..خليتيني نحوس على الحنانة عند غيرك ..خاتر جامد و ماتغيرش و ماتحوسش عليا و كل شيء براحتي و كيما نحب و وقت ما نحب وجودك في حياتي كي كاين كي ماكانش ...عندك حق تقول عليا ق*** هيه مرأة و نحب نحس بأنوثتي حتى مع زبال ...و مايهمنيش لا المركز ولا المال ...الحب ما يتشراش بالدراهم و العلاقات الأسرية ...سامحني خاتر خنتك بصح الله غالب ..هبطت و خبطت الباب و نزار مزال حال فمو و حاط يدو على جبهتو يحاول يستوعب كلامها الي قالاتو ...#
راح نزار يحوس على خطيبتو حتى يلمح واحد باين من شكلو موش طبيب مع انو لابس طابلية بيضاء تلفت على اليمنى و اليسرى و دخل للمخزن ..عقد نزار حواجبو و كان راح يطبطب الباب من بعد حبس ...قلبو تزير عليه و توسوس ..حط يدو على الباس و فتحو ...و شاف اللقطة الي ضربت رجولتو في حيط و عفست على كرامتو تحت السبابط .. يدين الطفل الأنوش الي شعرو بالكيراتين و سروالو مقطع في صدر خطيبتو و راسو في رقبتها ...
حنان تصدمت اول ما شافت نزار و بعدت الطفل هذاك عليها ...و حوست في قواميس الكذب الي كانت تكذبو عليه مدة 3 سنين و لقات كذباتها فضو ... كل شيء واضح كيما نور الشمس ..
عينين نزار كانت بين حنان و عشيقها ...و تفكر تأنيب ضميرو كي كان في الطوموبيل انو القرار الي راح يعملو بسبة ميسون ...الطفلة الي ما تربطو بيها حتى علاقة من غير نص تصويرة و فاست جلد مقطعة .. و ضحك على روحو ...
نزار : بكل برود ...كملي الخماج الي كنتي ديري فيه و اهبطي نستنى فيك في الطوموبيل ...هابط في الدروج و يتبسم على سذاجتو و تفاهتو الي خلاتو يرتبط بوحدة 3 سنين عمرها حسساتو بحبها و لا حنانها و لا إهتمامها ...
لحقت حنان تجري من وراه و ملامح الذل على وجهها الطبيبة المتعلمة بنت الأكابر تمارس في الجنس مع واحد بلا مستوى لمجرد رغبتها فيه ...
ركبت معاه في الطوموبيل .
حنان : من فضلك نزار من غير عصبية ولا مشاكل رانا قدام السبيطار ...و درك نفهمك في كل شيء ..
نزار يلعب بصوابعو على الفولون و يتبسم بكل هدوء ... وعلاه الحكاية تستاهل ؟ انا تعلمت مانهبطش النيفو تاعي للناس الي أقل مني مستوى ... على كل حال جيت نقولك راكي طالق و عيشي كيما تحبي خاتر مانقدرش نكمل هك و بلابلا بلا ... و المفاجئة ظهرتي ق**** و تبردي فيها في جهة أخرى و معايا تلعبي فيها النظيفة الشريفة العفيفة .. ( حاول على قد ما يقدر يحافظ على نبرة صوتو الهادئة زير يديه على الفولون) .. خسااارة عفيتك .
كانت حنان مهبطة راسها و تبكي خاتر علابالها انها درك حثالة بالنسبة ليييه .
حنان : ماتلعبهاش مظلووووم و خطيييك انت الي وصلتينا هنا ..
نزار : 😨😨😨 و مازالك تحلي في فمك ؟؟
حنان : هيه انت ... لا علاقة مع الحب ...ماحبيتينيش ..خليتيني نحوس على الحنانة عند غيرك ..خاتر جامد و ماتغيرش و ماتحوسش عليا و كل شيء براحتي و كيما نحب و وقت ما نحب وجودك في حياتي كي كاين كي ماكانش ...عندك حق تقول عليا ق*** هيه مرأة و نحب نحس بأنوثتي حتى مع زبال ...و مايهمنيش لا المركز ولا المال ...الحب ما يتشراش بالدراهم و العلاقات الأسرية ...سامحني خاتر خنتك بصح الله غالب ..هبطت و خبطت الباب و نزار مزال حال فمو و حاط يدو على جبهتو يحاول يستوعب كلامها الي قالاتو ...#
الحلقة 08:
طريق كاملة يفكر في هدرتها واش عملت في روحي ؟ كيفاه ضيعت 3 سنين مع وحدة كيما هك ؟ نكون صح ماحبيتهاش ؟
هز برطابلو و عيط لصاحبو نجيب ..
نجيب : اهلا بالمعلم
نزار : خدام ولا قاعد ؟؟
نجيب : قاعد ..واش بيه صوتك ؟
نزار : قلقان نتلاقاو في القهوة ...
تلاقى مع صاحبو و حكالو كل شيء و نجيب كان يسمع و مشرع فمو ...
نجيب : تتمسخر ؟ حنان حنان ؟؟ راك سير ؟
نزار : انا نقولك شفتها بعيني انت تكذب فيا
نجيب : والله يا صاحبي راح نهبل في بلاصتك والله كنت حاطها من اطهر نساء الكون حشاتهالي الق*** مايبانش عليها الز*** ارواح انت و زوجني درك من بكري باير و زدتي حكيتيلي ...اووووف
نزار : إييييه كل شيء يفوت ..
نجيب : و وين نروحو درك نحو الفدة ؟ لازملها كعبات ..
نزار : ماصدقت تبت لربي راح ترجعني .
نجيب : هيا برك رجعتي سيليباتار الليلة نسهرك حتى للصباح باه تنسى الخرية هذيك ..
نزار : نضحكك مالا ..اليوم برك فقت اني ماحبيتهاش و تصدق مرتاح انها جات منها كيشغل كنت نحوس عليها .
نجيب : فكنا منها و شوفلنا بلاصة فيها البابيش نسهرو شوي ..
هك و صونا برطابل نزار ...
نجيب : شكون؟
نزار : نريمان ...
نجيب الزلة التونسية ؟!
نزار عيد ميلادها اليوم و من الصباح و هي تصرع فيا ارواح أرواح ...
نجيب ماتقوليش مازلتي تخمم اوقف اوقف نوجدو روحنا ..
نزار :و انت شكون عرضك ههههه سبة و لقيتيها امشي امشي قدامي نشرولها كادو انا ثاني مخنوق و تقول كنت مربوط بالسلاسل ...
طريق كاملة يفكر في هدرتها واش عملت في روحي ؟ كيفاه ضيعت 3 سنين مع وحدة كيما هك ؟ نكون صح ماحبيتهاش ؟
هز برطابلو و عيط لصاحبو نجيب ..
نجيب : اهلا بالمعلم
نزار : خدام ولا قاعد ؟؟
نجيب : قاعد ..واش بيه صوتك ؟
نزار : قلقان نتلاقاو في القهوة ...
تلاقى مع صاحبو و حكالو كل شيء و نجيب كان يسمع و مشرع فمو ...
نجيب : تتمسخر ؟ حنان حنان ؟؟ راك سير ؟
نزار : انا نقولك شفتها بعيني انت تكذب فيا
نجيب : والله يا صاحبي راح نهبل في بلاصتك والله كنت حاطها من اطهر نساء الكون حشاتهالي الق*** مايبانش عليها الز*** ارواح انت و زوجني درك من بكري باير و زدتي حكيتيلي ...اووووف
نزار : إييييه كل شيء يفوت ..
نجيب : و وين نروحو درك نحو الفدة ؟ لازملها كعبات ..
نزار : ماصدقت تبت لربي راح ترجعني .
نجيب : هيا برك رجعتي سيليباتار الليلة نسهرك حتى للصباح باه تنسى الخرية هذيك ..
نزار : نضحكك مالا ..اليوم برك فقت اني ماحبيتهاش و تصدق مرتاح انها جات منها كيشغل كنت نحوس عليها .
نجيب : فكنا منها و شوفلنا بلاصة فيها البابيش نسهرو شوي ..
هك و صونا برطابل نزار ...
نجيب : شكون؟
نزار : نريمان ...
نجيب الزلة التونسية ؟!
نزار عيد ميلادها اليوم و من الصباح و هي تصرع فيا ارواح أرواح ...
نجيب ماتقوليش مازلتي تخمم اوقف اوقف نوجدو روحنا ..
نزار :و انت شكون عرضك ههههه سبة و لقيتيها امشي امشي قدامي نشرولها كادو انا ثاني مخنوق و تقول كنت مربوط بالسلاسل ...
الحلقة09:
حبيبة : نوضي راح تربطي النهار مع الليل ؟؟ من 5 و انت راقدة راهي 7 نوضي شوي و ارجعي ارقدي ...
ميمي: اااااه خلووووني نرقد ...
حبيبة : شوفو شوفو الراجل الي عندي قشها كيفاه مرمي في كل بلاصة( ضربتها على ترمتها و كملت تلم في القش ) طاحت من جيب الفاست انفيتاسيون ... معروضة لعرس تاع شكون ؟
ميمي : حتى حد خليييني
حبيية : و العرضة هذي تاع من ؟ هزي رااااسك
ميمي : ااااااه.. هزت راسها شافت مع الورقة و عاودت هبطت راسها ...موش عرس عيد ميلاد وحدة تخدم معايا لقاتني في طريقها عرضتني ..
حبيبة : يااااااه في لاصال تاع ميموزا ؟؟ مالا لاباس بيها ؟ إييييه الناس الي عندها هذي الصحبة ولا خلي ... وقتاه الحفلة ؟
ميمي : اليووووم ...خليني نرقد
حبيبة : ترقديي؟؟ يرقد سعدك اكثر ماهو راقد اقفي صبي شوي ماء على خليقتك و البسي حاجة مڨدودة نروح لباباك نقولو يوصلك ...الطفلة عرضاتك عيب ماتروحيش ..
هزت ميسون راسها متغششة ...موش باغية نروح وين نعرفها انا الزبلة هذي .حبييييبة وين رايحة ..
هبطت حبيبة عند بابات ميسون تقولو يوصلها اصلا مايصدقو يلقاو مناسبة باه يبعثوها تشوف العباد ممكن تعجب ام كاش حد و تجي تخطبها ...العقلية السامطة ...
وقفت ميمي للدوش تغسل في وجهها الي منفوخ كيما المطلوعة ...امها و تعرفها كي تحط حاجة في راسها تعملها ولا تبقى تنڨرز سمانة منا و الجاي ...
حبيبة : واش ديري هذا كل اخرجي برك الحفلة على 9 يا ربي تمشطي و تمكيجي ...
ميسون : قاعدة نخ 💩💩💩
حبيبة : هههههه اخرجي نعتلك حاجة تهبل اخرحي ..
خرجت ميسون و شافت في يد امها غوب حمرة تحفة ..
ميسون:لاغوب تاع سارة السبيڨيدو ؟ الااااااا ماتقوليليش باغيتني نلبسها ؟؟ 😈😈
حبيبة : هيه مادام الحفلة في لاصال تاع الأحلام باين فيها غير القماقم باه تجي بنتي تهبل أصلا جاتك خير من هذيك المطرڨ تاع الشواء ...كون جاء عندي نشري لبنتي القماش و نخيطلك وحدة خير منها... الله غالب يا كبدتي القماش غالي ..
حكمت ميسون يد امها و باستها ...ربي يخليك ليا يا ست الحبايب و نعوضك على التعب هذا كل الي تتعبي فيه على جالي ...و درك مستعدة نروح للسهرة و ندير حالة بالشطيح بلاغوب تاع سارة المصفارة مكرة فيها 😈😈😈
لبست ميسون لاغوب و مكيجت سموكي و حطت روج بوردو زاد النص في شفايفها ...
ميسون : نروحو ؟؟
علي ( والد ميسون ) : هيا نروحو 12 نجي نديك سمعتي ؟؟
ميمي : واش الشيخ متغشش ألعسل ؟؟
علي : نروحو سع و غدوة نحكو ..
الحلقة 10:
وصلت ميسون قدام لاصال و كانت متوترة شوي خاتر ماتعرف حتى حد مولات العيد ميلاد و ماتعرفهاش و متأكدة انها حشمت برك و عرضتها كي عادت واقفة مع الموظفات الأخرين .... ربي يهديك يا ماما ...تمشي بالطالون و تشوف مع الارض و تستنى غير وقتاه تدخل خاتر البرد يقتل ..مدت الدعوة لموظف الإستقبال و دخلت ...و اول ما دخلت و شافت الديكور و الجو تاع لاصال تصدمت كانت مخلطة بنات و ذكور و ديجي و شطيح ميكست و غاشي كبير واحد ما شايف واحد ..في الأول حشمت خاتر ماتحبش حست رحها في الملاهي ..و من بعد قالت هك خير باه ما تحشمش ...إيييه يا حبيبة المسكينة درك راكي تتخيلي العجايز يكحلو عليا و كل وحدة باغية تخطبني لولدها هههه ...اجمل حاجة في السهرة البوفي ياااااو نموووووت على الماكلة .. قعدت في كرسي و كنت الوحيدة الي قاعدة الناس كل تشطح .. قلت نراقب الوضع و اول ما يبداو ياكلو نهجم الليلة ناكل حتى ندوخ ..
نزار : اووووف منك نجيب امشي و اسكت الليلة جاي ننسى جد النساء ماكان لاه تقولي كحل و شوف وحدة و ووو .... فهمتي أصلا نقعد شوي و نروح نرقد غدوة نخدم بكري ...
نجيب : كولني كولني ....
دخلو للاصال و ستقبلتهم نريمان الي كانت عاطية لرحها طريحة الأناقة و الفخامة هذي كل على جال نزار ..
نزار : كل عام و انت بخير لعقوبة 100سنة ..
نريمان :فرحااااانة برشا بااااارشا موش مصدقة الي انت جيت والله احسن كادو هالليلة بالنسبة ليا ..خزر نزار في صاحبو بنص عين .
نزار : الحقيقة جيت نعيد عليك برك و رايح مانطولش خاتر نرقد بكري ..
نريمان : هات وذنك نقولك حاجة الموسيقى عاليا برشا قربت راسها لوذنو و الدقيقة هذي جات عينو في ميسون الي قاعدة تلعب بالبورطابل كانت حاجة خلاف شكلها في الضوء الملون خلاها تبان واش راح نقول .. الأحمر خلاني نحسها شعلة من الإثارة و الجمال . و ماسمعتش ولا حرف من الي قالاتو نريمان ..
نزار : نخليك انا تتلهاي بضيافك ...و راح و عينيه على ميسون ..
بقى نجيب و نريمان واقفين ...خليه راهو مقلق شوي فسخ الخطبة تاعو اليوم باغي يبقى وحدو ..
الخبر الي سمعاتو نريمان درك يعتبر قنبلة الموسم حست انو طاقة القدر تفتحتلها و امنية عيد ميلادها تحققت حتى قبل ما تطفي الشمع و تتمناها ...انت تحكي من جدك ؟؟ فسخ الخطبة على حنان ؟!
نجيب : هيه اعصابو تاعبة و بالسيف قنعتو يجي معايا ...
ناريمان : مارسي مارسي مارسي ( باساتو على خدو ) و راحت تشطح و الفرحة موش سايعتها ..
الحلقة 11:
رايح جيهة الطابلة تاعها ...الغريب لدرك ماعرف إسمها ...مايهمش الأيام بزاف و راح يشوفها كل يوم ..من بعد فاق لروحو و قعد في الطابلة الي مقابلتها و على عكس الجميع الي كانو يشوفو جيهة وين الشطيح هو كان يشوف فيها و إستغل الظلمة باه يتمعن فيها ...
رغم الظلام الشديد و الأضواء الراقصة ...
يشع جمالك ..هالة البراءة المحيطة بك ... ا
و الأحمر و آااااه من الأحمر ...
تسلط على عنفواني و رجولتي و سحبني من ياقة قميصي ...
كانه يقول لن ترى عينيك الليلة غيري ...
تلك الشفاه التي إستغفرت مئات المرات و انا امرر أصابعي عليها في قطعة الورق الصغيرة تلك الناجية من الحريق ...
تقابلني من هناك ...و انا أحترق هنا .
واقيلا وليت نتأثر بزاف بالكتب تاع الحب الي نقراهم ... كنت نبعد عينيا و نعاود نرجعهم ليها نكحل
على كل لقطة تعملها بصوابعها ..هزت شعرها ، حكت راسها ، نحات صباطها و لصقت رجليها في الحديد تاع الطابلة ههههه لقطة غريبة بصح ضحكتني ...
ميمي : اااااي حلفت اليوم على الطالون و زدت لبستو السخانة ...وقتاه راح يعشووونا جعت و مليت 😩😞
هنا المنشط تاع الحفل قال تفضلو للعشاء البوفي واجد ...
نزار : حركاتها كل رقيقة و ناعمة ..حتى نشوفها وقفت تجري فردة تاع سباط لبستها معدولة و الثانية لبستها في الطريق و حكمني الفضول نعرف واش الي خلاها تجري هك ...حتى نلقاها رايحة للبوفي هازة 3 صحونة واحد معبي لحم و دجاج و الثاني خضرة و سلاطة و الثالث مليااااااان ديسار و باتيسري 😨 هذا كل راح تاكلو وحدها !؟ هزيت حتى انا الماكلة و باقي نشوف فيها من بعيد هازتهم بالسيف و تحوس على بلاصة تقعد فيها ...بصح كانو الطوابل كل كومبلي غير زوج كراسي في طابلة في بلاصة بعيدة ...راحت جبدت الكرسي و قعدت و انا كانت فرصة عمري اني نقعد قريب ليها للدرجة هذي ..
نزار : احم ماعليش نقعد ؟؟
ميمي : هزيت راسي و شفت القمر واقف على رجليه ...احم محكومة البلاصة ..
نزار : كيفاه ؟ بصح ماكان حتى واحد واقف غيري ؟ !
ميمي : نقصد تفضل ...😤😒
الحلقة 12
قعد نزار و هو حاكمة الضحكة بالسيف ..
ميمي هذا ماخصني يقعد قدامي بقلاوة كيفاه راح ناكل انا ذرك ؟؟ اوووف زهري ...ديجا يروح يقود وين يعرفني بدات تاكل بطريقتها الخاصة ...شعارها في الحياة كل شيء تمنيك فيه غير الماكلة كول على راحتك نفسك تحاسبك ..المهم الموس و الفرشيطة تاعها مازالو نضاف كيما راهم 😂😂😂
نزار : 😁😁 مستعد نكمل حياتي كل نتفرج عليها و هي تاكل هههه اول مرة نشوف طفلة ما تسيتتش في ماكلتها ...
حنا هكاك و الضوء تاع لاصال شعل و تفضح المستور 😂😂😂 يديها في زوج موسخين و فمها مانحكوش عليه و عملت ستوب و فمها مليان و تخزر فيا ...و الصراحة حكمت روحي بالسيف و تبسمت ...
ميمي : اللقمة هذي حصلت ماقدرت نبلعها ولا نتقياها عليه وحلت و روحي قريب طلعت ...اح اح اح
نزار : لاباس ؟ راكي لاباس ؟ كانت تعملي لقطة بيدها في الأول مافهمتش من بعد فهمت انها تقولي اضربني على كتافي تفوت الماكلة ...وقفتلها الماكلة و النفس راح فيها و مافقتش بروحي غير و أنا نضرب فيها بين كتافها ...و من بعد حكمتلي يدي ...و انا جمدت
ميمي : حكمتلو يدو و شربت الماء ...اااااه قتلك اضرب تهبط الماكلة موش تجلدني تقول صيدتي واحد من كفار قريش رئتي قريب خرجت على فمي.. اييي شوف حمارت
نزار : حمرت و حشمت ماحسيتش اني كنت نضرب فيها بالقوة ...سامحيني موش قصدي ..
ميمي : ماعليش تخدم معانا في الشركة الصباح شفتك ؟!
كان راح يقوللها انا المدير و من بعد سكت ..
نزار : هيه انت الي جابوك جديدة للمكتبة ؟؟
بقات ميسون تشوف معاه و مازالت متأكدة انها شافاتو من قبل ما تحكم الخدمة ...تعرفني من قبل ..؟
السؤال هذا خلا نزار يدخل بعضو و مايعرف يجاوب الصراحة ولا يخلي برك ..
نزار : مممم موش سير بصح حتى انا بانلي وجهك مألوف ..
ميمي : لا علينا تشرفنا انا ميسون و انت ؟
حط نزار كفو في كفها و تمتع بالشعور الغريب الي يصرالو كل ما يقيسها و انا نزار ...
ميمي : كانت تاكل و تهدر ..حتى انت كي حالتي جيتي هكاك برك و خاطيك الطوايش و الزرد و الجو تاع الطبقة البرجوازية التافهة هههه ...عندك تكون منهم ؟؟
نزار : هههه لا لا لا لا لا خاطيني اسيدي
ميمي : علابالك من كي دخلت باغية غير نرقد سماطة ترهج جابك ربي مانعرف حتى واحد هنا جيت تحت التهديد ...شافت نظرة التعجب على وجهو!! ...ههه ماتركزش ياسر خاتر نهدر بزاف الناس كل تقولي هك ...
نزار : ههه لا نورمال العكس هدرتك ما تتشبعش ..حتى انا جيت تحت التهديد نزيد شوي و نروح ..
ميمي : نقدرو درك كي تعشينا نروحو ؟ والله غدوة نخدم و اليوم اول نهار رحت روطار خفت نعاودها غدوة يسحتوني ... نقلك الصراحة رانا زملاء انا كون يخيروني بين فواياج للمالديف و نرقد سمانة من غير ما تديرونجيني ماما و ترخسني كل صباح ...نخير النوم
نزار : ههههههههههههه ضحكتيني يعطيك الصحة والله يا زميلتي غير دمك خفيف ..
ميمي : حتى انت باين ناس ملاح ...و سامحني الصباح بلاك هدرت معاك بقلقة والله كنت تعبانة ظهري تقسم من التسياق و المسيح تاع الغبرة المكتبة هذيك معبية اوساخ ... مع الوقت تعرفني قلبي ابيض و فمي خاطيني ...ههه ( بحزن ) و هذا سباب نص مشاكلي في الحياة .
نزار : ماتخمميش القلب المليح يسلك مولاه ...و النية ديما تربح ..
الحلقة 13:
نزار : ماتخمميش القلب المليح يسلك مولاه ...و النية ديما تربح ..
هزت عينيها معاه و كل مرة تتأكد انها شافت العينين هذم من قبل ...نزار نسى كل شيء ..فسخ الخطبة تاعو ، و نريمان الي تستنى في فرصة باه تلصق فيه ، و العقاب الي راح يشوفو كي يسمع باباه انو بطل الخطبة ...و عايش اللحظة ..الحياة العادية من غير رسميات ولا إيتيكات و نفاق و كذب ،و الوان إصطناعية ...ميسون كانت كيما شجرة صغيرة هذا وين بدات تخرج ثمارها خضرة و طبيعية ..
ميمي : ماقلتيليش نقدر نروح درك ؟
نزار : نظن ماتقدريش لازم مولات العيد ميلاد تطفي الشمعات و تقص لاطارت ..
ميمي : إييييه ملل .احكيلي على الشركة قرعجلي شكون ناس ملاح و شكون شرير ..
نزار : شرير خلاااااه ؟؟
ميمي : هيه نظن المدير شرير حسب ما شفت الناس كل خايفة منو تترعد ..
نزار : احم اح اح احححح الصراحة المدير عاقل و ناس ملاح شفتي انا هك ...فوطو كوبي ..
ميمي : ضرباتو على كتفو ..شوفو شوفو حوحو كي يشكر في روحو ...اولدي ام ناس واصلة ما نقدر عليهم لا انا لا انت هاك تشوف في مولات العيد ميلاد هذا واش إسمها سرين ؟
نزار : نريمان ...
هيه هيه نريمان .. انا والله في عرسي و ما نحلمش نديرو في صالة كيما هذي ناس تحب المظاهر و الفوخ و الزوخ ...و انا كون نلقى بابي ألمنيوم ندي ليكوتلات هذم لماما تذوقهم ..هههههه نضحك برك لا تقول الطفلة جعانة ..
نزار : ههههههههه نورمال اني خرجت على عقليتك حتى انا كره المظاهر تصدقي عمري ما عملت عيد ميلادي ؟
ميمي : يووون غضتيني 😞 انا ماما كل عام تخدملي مسكوتشو و تطيبلي الزريرة و الغرايف نهار عيد ميلادي ..وقتاه عيد ميلادك نقول لماما ديرلك شوي غرايف ...
يااااا خاوتي تسحرت بيها ..هي تهدر و انا نصهد معاها .... انا ..انا زايد في 03/03/1982 ..
ميمي : ياااااه انا 04/04/1992 تواريخ الميلاد تاعنا يتشابهو واحد الزي ... وقتاه تطفي المرعوشة هذي الشمع راح نتصرع ...
نزار : هههه فمك يا فمك منشااااار
ميمي : عندك تروح تقوللها شفتك الصباح....
نزار : واش الصباااح ؟؟
ميمي : تهدرو برك باينين قراب لبعضكم ..( تحت لسانها شفتها تتمحكك عليك )
نزار : لا ما كان والو بناتنا الخدمة برك ..
بدات السهرية و نزار و ميسون يحكمو حكاية يسيبو حكاية عكس الغاشي كل الي في الصالة الي كانو يشطحو حتى جاء نجيب ميت بالغلبة قتل روحو بالشطيح ...
نجيب : واش الشوكة هذي الي قاعد فيها نريمان من الصباح تحوس عليك نعيطلها و نجي ..
نزار : واين واين واين ...عض شاربو لقطة تاع حبس ...خليها علينا اي تشطح مع صحاباتها ..
شاف نجيب لميسون الي قاعدة معاه باه فاق .... اااااا ماعليش ..
نزار : ميسون زميلتي في الخدمة ...نجيب صاحبي و خوبا ...
ميسون : تشرفنا ...
نجيب : الله يبارك مالا نجي نخدم معاكم ...الشرف ليا اخت ميسون .
ضربو نزار تحت الطابلة على رجلو ..
ميسون : حتى انت تخدم معانا ؟؟
نجيب : لا عندي بيتزيرا في البلاد ..
ميسون : مممم نموت على البيتزا كي نسلك نجي نجرب البيتزا تاعك .
نجيب : ارواحي كل يوم و اي خالصة من عندي ...
نزار : احم نجيييب واش جيتي باغي ؟ ماخي كنتي تشطح ؟
نجيب : غلبت جيت نقعد معاك شوي .
نزار : رووووح كمل اشطح خاتر نزيدو شوي و نروحو ( يعملو بعينيه قوووود خليني نقعد معاها )
الحلقة 14:
نجيب : اااااا هيه نروووح نخليكم مالا معريفة خير ميسون و البيزيريا او ينعتهالك نزار قوليلو هو يجيبك ...باااي
ميسون : هههه صحبك مقود كي حالتي ..
نزار : يحب يتمسخر برك ..
جات غنية رومنسية و الحالة كل محضنة و تبوس و مالقات ميمي وين تدي راسها هم هكاك و كوبل جاو للبلاصة وين قاعدين بحكم انها ظلمة و فارغة و بداو يمارسو في الحب و الأصوات مانحكيلكمش ... نزار الصفارة تاع مخو صفرت و ميسون كيف كيف طاحت عليها السماء و ماعندها حتى حل غير انها تهرب خاتر اصوات الرغبة تاعهم ماشية و تزيد و الوضع عاد مخجل بطريقة فضيعة ..
ميمي : انا نروح نخليك ...
نزار : تصبحي على خير ...
شاورتلو بيدها من غير ما تدور و راحت مهبطة راسها و عينيه يتبعو فيها حتى خرجت من الباب ..
خرجت البرى تبرد في خدودها الي شعلت فيهم النار جبدت البرطابل و بدات تعيط لباباها ...بصح والو مايهزش ..
وقفت قعدت فضت الحفلة و بداو الغاشي يروحو و باباها مايهزش و تقلقت و موش هازة حتى فرنك باه تركب في تاكسي ..
ميمي :نسيتيني يا بابا رقدتي و خليتيني ياخي زهر !!😢😢😢😭😭😭 نبعثلو ميساج بلاك يقراه " بابا راهي 12 فضت الحفلة ارواح اديني اني واقفة البرى جمدت و المطر راح تبدأ تصب " 5 دقايق و رجعهلها ميساج " غير شوفي في واش تروحي راني سرقت البرطابل لباباك " 😨😱😰 الكلللللب الطحااااان ..
نزار : خرجت و لقيت ميسون مازالت واقفة قدام الباب هازة برطابلها و باينة ميتة بالبرد عندها قريب ساعة من كي خرجت وعلاه ماروحتش ..؟ قربت عندها حتى وصلت قدامها حتى نلقاها تشوف مع البرطابل و تسب الكلللب الطحان ...ميسون ماروحتيش ماخي لاباس ؟؟
ميسون : من الصباح نعيط لبابا يجي و هو ظهر سرقولو البرطابل شوووف ...عطاتو قرأ الميساج ..هنا بدات المطر تصب ..
نزار : ادخلي استناي الداخل المطر تصب ..درك تمرضي ..
جات فكرة في راس ميسون و حشمت خاتر هذا اول نهار تتعرف على نزار و عيب تطلب منو حاجة كيما هك ..
ميسون : بغيييت ...😣😣نطلب من عندك 20 الف نروح و غدوة الصباح نمدهالك والله .
نزار قمة البساطة و التواضع ياااا رب واش صرالي الليلة الإنسانة العادية هذي خطفت مني احاسيسي و خلاتني نحس امور عمري ما توقعت نحسهم ....
الحلقة 15:
نمدلك ماكانش مشكل بصح راهي 12 كيفاه راح تركبي مع تاكسيار وحدك ...راح يتجرأ و يطلب منها حاجة و موش ضامن ردة فعلها ...عندي طوموبيل خليني نوصلك ولا على الأقل اركبي تستناي باباك فيها حتى يجي... المطر ماشية و تقوى ..
انا في 27 سنة الي عشتها وصلت نعرف الإنسان الخبيث من عينيه ..بصح الي راني نشوف فيه في نزار ماعندو حتى علاقة بالخبث و قلة الأدب ....لااا موش باغية نتعبك معايا نروح في تاكسي عادي ...
نزار : قلق شوي ...تسمى التاكسيار كونفيونص اكثر مني سامحيني ماقصدت والو ...حل البورتموني تاعو و مدلها 100 الف ..
حست بتأتيب الضمير و انو أسلوبها معاه كان فيه نوع من الشك هبطت راسها و قالتلو ...خلي برك وصلني انت خير إذا مافيهاش إشكال .
إشكال ؟ واش من إشكال ياااااه هذي هي النهاية المثالية لليلة حلوة كيما هذي ...
هيا معايا تشمختي ...المطر قوية بزاف و هي الطلون ما خلاهاش تزرب و على شعرة طاحت كون ماحكمتش فيه ...جاتو الجراة على غير العادة و حكمها من يدها و راحو يجرو للطوموبيل و تفكر اول موقف ببناتهم كي حكمت يدو ..حس اللقطة تعاودت ..حس نفس الإحساس ..نفس دقات القلب ...يكون هذا هو الحب من اول نظرة ؟؟
ميسون : ياخي نهار ؟؟ بابا يكون صراتلو حاجة ؟؟ على هذا ما جاش؟ قلبي موش مهنيني ماعليش تزرب ؟
نزار : مايكون غير الخير ..عطاتو عنوان دارهم و راحو ...
في وسط الجو العاصف و المطر و الرعد و البرق جامي كان نزار فرحان و زاهي كيما الليلة هذي مابغاش الطريق تفض ..
حبسو قدام دارهم و حبست طاكسي و هبط باباها ...يدو مربوطة
ميسون : باااااباااا و راحت تجري عندو و بقى نزار واقف من بعيد يشوف حضنت باباها و باقية تسقسي فيه واش صرى و كيفاه و وقتاه
شكون هذا الي وصلك ؟
يخدم معايا كي شافك طولتي قالي نوصلك و انا موش هازة دراهم ولا جابني ...
نزار : قرب و خايف من رد فعل باباه الي كان عاقد حواجبو ... على سلامتك عمي قاتلي ميسون سرقولك البرطابل ماخي سلمات ؟ حكموهم ؟
علي: يسلمك ولدي ..كنت في السونترال ماحكموهش ..كثر خيرك كي وصلتي ميسون عقلي غير عندها و يدي تجرحت ماقدرتش نسوق .
ميسون : شفتي نزار ضربوه بالموس الخماجات المسخين ...حاكمة يد باباها تبكي و تبوس فيها ..
الحلقة16:
علي : هيا ندخلو علاه واقفين البرى ..
نزار : كثر خيرك يا عمي...الحمد لله على سلامتك ..هك ولا اكثر .
علي : كثر خيرك انت تصبح على خير .
ميسون : تصبح على خير ..
نزار : تحبي ماتجبش غدوة نورمال ...
ميسون : بغيتي يسحتوني هههه
نزار : نقصد درك نقوللهم انو عندك بروبلام .
علي : ماتحشمش روحك اني لاباس غدوة تجي ..
نزار : على راحتكم .
روحت للدار و الضحكة مازالت في فمي ...عملت دوش و خرجت ترميت في سريري فاتح عينيا و عقلي يعاود في كل لقطة صرات اليوم ...نورمالمون راني متغشش ولا سكران و نبكي على خطيبتي الي شفت خيانتها بعيني ..حطيت يدي على قلبي و حاسو كااالم دقاتو معتدلة و شايخ فيها هههه حتى رجعت بخيالي و تفكرت الشوارب الحمر هذوك ...و بدأ قلبي يشطح بين ضلوعي راح يطير من بلاصتو ...نكون حبيت في نفس اليوم الي تفارقت مع خطيبتي ؟ حوست على برطابلي باه نشوف شكون عيط و تخلعت من ليميساج و ليزابال الي لقيتهم ..نجيب ، نريمان ، يما، بابا ، حنان .... قررت ما نرد على حد و نستمتع بالشيء الي حاسو ...و غدوة يديرلها ربي ألف حل ..
فتحت عينيها الي ماتفهمش لونهم بني ولا اخضر ولا رمادي و شافت اشعة الشمس دافية معبية بيتها وماعرفتش علاه اول حد تفكراتو نزار ...تنهدت بعمق و ناضت بنشاط على غير العادة لدرجة كي جات امها تفيقها لقاتها نايضة تخلعت ...
لابسة جيب كحلة تحت الركبة بشوي و جاية دروات معاها تريكو تاع صوف ابيض قصير و فوقو فاست خشينة نوار مع كونفارس روز ..
ميمي : صباح الخير على احلى حبيبة في الدنيا ...
حبيبة : خير يا طير راكي زاهية على غير العادة ..
ميمي : احسبيهملي ...ماعيطتش سلمى آمس ؟
حبيبة : عيطت و حكيتلها كل شيء و قاتلك اول ما تنوضي عيطيلي
ميمي : هيا نخليك يا حبوبتي العشية ...
حبيبة : ربي ينورها في وجهك يا بنتي ...( بصوت واطي ) و يرزقك ولد الحلال ..
ميمي : سممممااااعتك ...قاعدة على قلبك هعههه
يا ربي داوي جرحها و عوضها خير ياااا رب
الحلقة 17:
دخلت للشركة و طلعت للمكتبة و بدات تفرز و مقررة ترجعها جنتها. الخاصة بإعتبار انها راح تخدم فيها طول عمرها ..
ميمي : نسيت البارح نسقسي نزار واش من بيرو يخدم نروح نقولو ميرسي ...
نزار : عندي بزاف خدمة للويكاند و نهدرو ..
ام نزار : بغيتي تقتل باباك ليلة كاملة و لاطونسيون تاعو 17 ماصدقت طلع النهار ..ارواح يا ولدي ماتعملش فينا هك ..
نزار : واش عملت فيكم ..تسمى المشاكل الي في الدنيا كل انا سبتها انا سباب عذابكم ؟ حياتي و انا حر فيها نعمل الي نحب ...
بدات امو تبكي في البرطابل و قلبو حن ...حاول تجي الله يخليك يا كبدتي ...
نزار : خلاص لعشية و نجي فيلامان الباب يصوني .. اااااه
فتح الباب و لقى حنان واقفة ...ما عرف يقوللهم تفضلي ولا يسحتها ...
حنان : موش راح تقولي فوتي ؟ مهما كان بيناتنا عشرة ..
نزار طلعلو الزبل لراسو ...الهدرة هذي قوليها لروحك ...اهدري واش عندك فيساع عندي خدمة ..
حنان : عيب الجيران طالعين و هابطين ..واش يقولو علينا .
اووووف ...ادخلي تكى على الكونتوار تاع الكوزينة و ربع يديه و يستنى فيها تهدر ..
حنان: اااحم نعرف انك قلقان مني و بلاك بلاك راك تكرهني درك ..
نزار : هذي اكيييبد موش بلاك .
حنان : لا علينا حبيت نقولك على آمس من فضلك ما تقولش لعمي و طاطا علاه بطلنا ...مانحبش صورتي تتهدم في عينبهم ..
نزار : ااااا و تحبيني نقوللهم انا الي خنتك باه صورة الدكتورة المحترمة ما تخسرش ؟؟؟ تفضلي اخرجي من داري و من حياتي وقتك فض و حكايتك خلاصت ..و على فكرة آمس برك عرفت اني عمري ما حبيتك .
تعباو عينين حنان بالدموع و خرجت تجر في اذيال الخيبة و الذل ...
الحلقة 18:
لبس و تعطر عدل شعرو مليح و خرج ..رايح للخدمة و حاجة وحدة في بالو وقتاه يلحق و يروح يشوفها درك التصويرة الصغيرة مابقاتش تكفي ...
دخل للشركة بطولو الي يخليه شامخ كيما الجبال ... خزرتو الي هازة معاها بزاف اسرار و خبايا ...
احلام ( السكرتيرة ) : صباح الخير مسيو نزار اليوم كيما العادة ...
نزار : حبسي نوصل هنا و نرجع ...
احلام : على راحتك السي نزار .. حط نزار حوايجو في البيرو و خرج علابالكم وين رايح ...
ميمي : هذا الي صرى كل صدعتيلي راسي من الصباح خليني نخدم ...
سلمى : احبسي و أحوالو المادية واش تبانلك ؟
ميمي : من طوموبيلتو يبان يشف اكثر من حالتنا بصح ناس ملاح بزاف ...
سلمى : ماعليش المهم ولد حلال و خدام ...
ميمي : انتم اي راجل يهدر معايا تزوجوني ليه ؟ مجرد زميل مايروحش بالك لبعيد ...ههههه هياااا بااااي ( شافاتو جاي من بعيد )
سلمى : مادام قلتي عليه بوقوص يعني عجبك يعني كاين امل يعني ...
ميمي : يعني ماتروحيش تقودي عليا هاو جاء ..
سلمى : جاء عندك؟ ماتكوبيش ..اسسسمعي ...كوبات الكلبة . تهدر مع ولدها كولني انت و اختك كولوني ...يجي يهدر العبد كلمتين يظهرلكم البول ، الماء، الجوع ...يا ربي كاش نهار نموت مجلوطة ...
نزار : صباح الخير مدموزال ميسون ..
ميمي :صباح الخير نزار ( كانت حشمانة و تلعب بيديها )
نزار : صبحتي لاباس مامرضتيش من البرد تاع البارح ؟؟ و الوالد كيفاه صبح ..؟
ميمي : لاباس مامرضتش و بابا راهو مليح جرح صغير برك و حكموه الي سرقلو البرطابل ...يعطيك الصحة على البارح ..
نزار كان هايم مع حركاتها الي يبانو تاع وحدة صغيرة مع اللبسة هذي ...من غير مزية .
ميمي : كشما سحقيتي ؟
نزار : لا لا ما تعبيش روحك نحوس على كتاب برك نقراه و نرجع هذا ...
حكمت ميمي الكتاب و قرات عنوانو " عشق حد النخاع " اوووووه باين عليك عاشق .
نزار ماشي و هي ماشية من وراه ...والله والو آمس برك فسخت الخطبة تاعي ...
وقفت ميسون مصدومة ...آمس ؟ مايبانش عليك!! .
واش حبيتي يبان ؟
يعني تكون قلقان حزين ،تبكي ... حاجة كيما هك .
هههههه كاين حوايج في الدنيا هذي ما يستاهلوش تعطيهم لا وقت ولا قيمة في حياتك ...فوتيهم ببساطة كأن شيء لم يكن ..خاصة إذا عملتي الي عليك و في الأخير تطعنتي في الظهر .وقف يشوف مع كتاب و ميسون كانت سافرت بخيالها للخيانة الي صراتلها مهبطة راسها تمشي و رجعو الذكريات و الجراح كل لمخيلتها ..حتى دخلت فيه ..
ميمي : اااه سامحني سرحت و ماشفتكش حبستي ..
كل ما تقرب منو ولا تقيسو تمشي صعقة تاع تريسيتي في كل جسمو ...طول عمري مقتنع انو رغبتي في النساء إنتقائية و صعيبة . بصح معاها نحس بالشذوذ و الإنحراف من أول نهار جات عيني عليها و هي تشوف مع الانفلوب هذاك بكل حزن ..
ميمي : كلامك صحيح بصح انا غبية موش كيفك فقت روطار ... على فكرة حتى انا فسخت الخطبة تاعي عندي 9 شهر .رجعت لبلاصتها كأني حيرتلها الجراح ..
الحلقة 19:
هزيت الكتاب و كنت خارج ..
ميمي : ههه اول مرة نشوف راجل يحب الروايات الرومنسية .. حتى انا نموت عليهم ..
نزار : ههههه ماعشناهش في الواقع خلي نقراو عليه في الخيال .. تهلاي في روحك ..
بدات ميمي تنجذب لنزار بعد ما كانت حالفة على جنس الرجال ...موش حب ..بصح إنجذاب لشخصيتو لرزانتو ، هدرتو الي تدل على ثقافتو و تربيتو ..اووووف حبسي برك ( تهدر مع رحها )
فض النهار و جاء الوقت الحاسم .. المواجهة الي يكرهها و يتجنبها نزار من سنين .... مشاعر الذنب تخليه يهرب ...يهرب من أقرب الناس ليه ..
دخل للفيلا تاعهم كأنو غريب كل جزء منها يفكرو و يعذبو ... اااااه كون يرجع الزمان 😞 😩 قاعد في الفوتاي و يهز في رجلو بتوتر مشبك يديه و عرقو بدأ يسيل ...
ام نزار ( وردة ) : على السلامة يا قلبي يا روحي يا عزيزي مرحبا بيك في دارك ..
نزار : لاباس يما ؟ و فجأة لمع بين عينيه صوت امو و هو في العناية المركزة ...يا ريت تموووت و ما تبقاش تفكرني في كبدتي الي حرقتيها على خاوتك ... بعد يدين امو عليه ...وينو ؟؟
وردة : شكون ؟ باباك ؟
نزار : هيا ماعنديش وقت عندي خدمة ..
هبط والدو بالعكاز في يدو علامات الكبر واضحة عليه .. هبط نزار راسو و تفكر...
حسبتك انت الي تحافظ على خاوتك و تحميهم .... خساااارة كسرتيلي ظهري و قلبي ..تعصر قلب نزار و كل مرة يشوف والدو يتمنى يموت
الحاج مسعود ( والد نزار ) : على السلامة ولدي ..
نزار : قولو الي عندكم موش قاعد ..
وردة : علاه تعمل هك يا ولدي اقعد تعشى معانا راني قلتلهم وجدو كل شيء و طيبتلك الكسكسي بيدي نعرفك تشتيه ...
نزار : من غير ما نهدرو و نعاودو ... كان عندكم ولدكم و ماااات خلونا نتعاملو على وجه ربي من غير ما يجرح فيه حد لوخر ..
مسعود : خلاااااااص قلنالك الف مرة غلطنا و كنا مصدومين و كل شيء راح في حالو ...
نزار : ماراحش حط يدو على قلبو ...مازال هنا ...كل شيء عملتوه مازااااال هنا ( شاور لراسو ) حتى الي يمرضلو كلب ما يرميهش في البيت وحدو و ما يشوفش في وجهو شهر ...انتم عملتوها ...ماقتلتش خاوتي متعمد كنت معاهم .. كنا نضحكو و نلعبو ... ماقتلتهمش تمنيت كون متت انا و بقاو هم .. تمنيت كون ماهزيتهمش و رحت نحوس بيهم .. علابالكم نحبهم اكثر من روحي علابالكم انو حسام كان الهواء الي نتنفسو توأمي و روحي ، و هناء بنتي موش اختي ...و انتم واش عملتو ؟؟ حملتوني الذنب كلللل كيشغل قا
الحلقة 20:
نزار : نرجعو للموضوع الي جيت على جالو ... فسخت خطبتي على حنان آمس و عندي أسبابي الخاصة الي ماتحوسوش تفهمو عليها هذا اولا ...ثانيا مايهمونيش علاقات العائلتين كولو بعضاكم ..أصلا موش حاسس انكم عائلتي علاه حتى نجامل ناس مايهموني في شيء ...و من اليوم ما نزيدش نخلص حساب حتى حد و موش ملزوم نبرر تصرفاتي حتى لحد ، تعبت من عقدة الذنب الي سنين وانتم تشنقو فيا بيها ...سلااااام خرج يحل في ڤرافاتو ..عارف انو زودها معاهم ، ممكن جرحتهم بالهدرة ، بصح جاء الوقت الي ينفض الثقل الي حطوهولو فوق كتافو ..
راح ماشي بالطوموبيل بالشوي خلاه فشلان و قلقان و مخنوق ...سامحني يا رب موش قصدي نكون طفل عاق ...موش قصدي نجرحهم ولا نبكيهم ...بصح حتى هم حطموني من الداخل ..5 سنين عايش بذنب كبير قد الجبال ... النهار الي تحفر في ذاكرتي و موحال يروح حبس على شط البحر و قعد في الرمل غاطس راسو بين رجليه و تفكر :
"خرجت من الخدمة انا و التوأم تاعي حسام ...كاين ناس قلال يفرقو بيناتنا من كثر ما كنا متشابهين ماشيين و نضحكو و نتمسخرو و تفكر حسام انو اليوم عيد ميلاد هناء و حنا نسينا عليه ...عملنا إتصالاتنا ووجدنا كل شيء ...
حسام : اووووف تفرزت ...كون ماتفكرناش تاكلنا بسنيها الغولة هذيك ..
نزار : مازال الكادو و خلاص ..
حسام : انا علابالي واش نشريلها دور دور منا ...دخلنا للمول شرالها الأيفون اللخر الي عندو شهر من الي خرج ..
نزار : تسمى انت فرزتي اموراتك و قعدت انا ...
حسام : ههههه الله يسهل عليك ..
بقيت نعصر في مخي بزاف و مالقيتش حاجة تساوي معزتها عندي ...و قررت انو طفلة بجمال و نعومة اختي هناء يواتيها غير الألماس ...و فتت للصايغي شريت سلسلة رقيقة فيها موتيف تاع جنحين ملاك في نصهم الماسة صغيرة كنت متاكد انو عقلها راح يطير من الفرحة كي تشوفها.
الحلقة 21:
حسام : تسمى قصفتيني بالمدفعية ...نهز الايفون درك نطيشو في الزبالة ؟
نزار : ههههههه بووووووم للجبهة ..
فتنا للدار و قلنالها توجد رحها و لبست غوب برانساس في الغوز عادتها في كل عيد ميلاد ...هي الاميرة الصغيرة تاع دارنا ... مع انو عيد ميلادها 22 بصح مازالت العسل الي يحلي حياتنا ..خرجنا سهرنا و إحتفلنا في مطعم حجزناها على شط البحر طفات هناء شمعتها 22 و ماكنتش نعرف انها آخر شمعة تطفيها ...
هناء : ااااااا الأيفون الي بغيتو ااااااا خويا الحبيب مممموووااااح
نزار : حبسي حبسي شوفي الكادو تاعي سع ...
فتحت هناء لابوات الصغيرة و ماصدقتش عينيها من جمال السلسلة الي جابها. نزار ..
هناء : واااااو نزار !! تهبل تخطف العقل ...تعباو عينيها بالدموع من الفرحة ...و ترمات في حضنو ...مع انو نزار و حسام توام بصح نزار كان المتكفل بخاوتو خاتر رزين و عاقل و ثقيل بزاف و باباه يعول عليه في كل شيء على عكس خوه ...
خزرت هناء في نزار بعينيها المليانين دموع و قالتلو مانحيهاش السلسلة هذي حتى نموت ..
حسام : هههه هذا وقت الهدرة هذي ثانا ؟ تموتي نموت معاك هههههه .
نزار : خلاص مالا كي حسمتو امركم موتو انتم اني قاعد فيها وحدي ..هههههههههههه
شاخو بالضحك و حضنو بعضاهم و فضت سهرتهم ماعرفوش انها الملائكة هي الي هدرت على فمهم ...جاو مروحين للدار فرحانين ...ماشيين بالشوي بالطوموبيل و يتفكرو في ذكريات طفولتهم ...مايعرفوش انها آخر مرة يجمعو فيها في الدنيا و يحكيو ...جات شاحنة الموت من هيك ضواوها بدات تقرب ...درك تبعد ..درك تروح لهيه ... بصح دخلت فيهم ديراكت ...
مسح نزار الدمعة الي هبطت على جنب عينو ...كل مرة يرجع للنهار هذا يتمنى لكن عمل حاجة ...يتمنى لكن نساو انو عيد ميلادها من أصلو ...يتمنى على الأقل يكون بلاصة حسام و يموت هو ...ماتقدروش تتخيلو الم انو يموت خوك التوأم الي كبرتي معاه داخل نفس كيس الحمل و كبرتي معاه كأنكم عبد واحد ...
نزار :نقسملكم انو حسيت روحي خرجت من جسمي و عاودت رجعت النهار هذاك ...افضع ألم ..غطس يديه في الرمل و هز كمشة رماها بعيد ووقف يمسح في وجهو دموعو الي حد ما شافهم قبل نازلين ...روح للدار و طاح كي الموتى ...
الحلقة22'
طلع فجر يوم جديد راسو يوجع ...الم فضيع .. صب كاس ماء شربو و باقي يشوف في الفراغ ...كل ما يتفكر يصرالو هك يدخل في حالة إكتئاب و حزن شديد ...ناض من فراشو كي العادة دوش و شرب قهوتو وواقف مع المراية يشوف مع ملامحو الميتة ...يغلق في قفايل الشوميز حتى صونا البرطابل ...
نزار : صباح الخير نريمان لاباس ؟
نريمان :صباح النور و الورد و الياسمين ..جاي ؟ ولا نجي نوصلك ؟
نزار :؟!! ماتعبيش روحك ..نجي وحدي
نريمان : باهي ماو رايح معانا الموظفين كل متشوقين للرحلة هذي ..
خزر نزار مع البرطابل في يدو و تفكر انو اليوم ويكاند و زيد رايحين رحلة ترفيهية للموظفين ..
نزار : اااااه نسيت ...روحي انت معاهم انا تعبان شوي اليوم ...
نريمان : ااااا خسااااارة قلت نتفرهد انا و انت شوي و نبدلو جو ..
نزار : موش قادر ... كوبا فتح لاشوميز رماها في الارض و ترمى في السرير و غمض عينيه ...
ميسون : وعلاه عمي عيسى ماخي موظفة حتى انا 😢😢
عيسى : بصح كي سجلو للرحلة ماكنتيش موظفة و على هذا ماعندكش بلاصة في الكار ...
قلبت ميسون شواربها كي الاولاد الصغار شحال تمنات تروح تشوف البلاصة هذيك خاصة في الوقت هذا من العام تكون بيضاء بالثلج ..
راح يركب عيسى في الكار من بعد تفكر الملفات الي لازم يراجعهم المدير لنهار الأحد ...بس بس ميسوووون ...ارواحي ارواحي ...
ميسون : 😍😍 راح تديني والله نروح واقفة نورمال اني موالفة ..
عيسى : سسسسس قتلك ماكانش ...قوليلي وين تسكني ؟؟
ميسون : في حي السعادة علاه ؟ ..
عيسى : جابك ربي هذم الملفات وصليهم للمدير راهو في طريقك ماخي تروحي في الكار 3 ؟ احبسي في لاري تاع الولاية في حي 100 مسكن درك نعيطلو يستناك ثم ...هيا هيا سعدي ببنتي الزينة ...
ميسون : بصح ...😢😢😢
عيسى : هاكي 5آلاف تاع البيس ..
الحلقة 23:
راحت ميسون متغششة تخبط في رجليها للارض و تتعارك و غايضتها رحها ...درك نبطل كي عادو راح يحڨروني 😭 مانيش فاكتار انا ...ماداونيش معاهم و زادو يبعثو فيا 😤😤 وصلت ميسون للبلاصة الي قاللها عليها عيسى و بقات تستنى و كي ما جاء حتى حد عيطت لعمي عيسى ...الو عمي عيسى جمدت و الثلج بدأ يصب وينو المدير هذا ؟ 😡
عيسى : نعيطلو مايهزش ...شفتي البطيمة الي من وراك الباب الاول في الطابق الأول طبطبي يحل عليك مديهملو و كثر خيرك بنتي ...
ميسون : حبس عمي عيسى مانقدرش ...الوووو ألوو عمي ... عيسى ...عيسى الكلب 👿👿 راحت كيما قاللها عيسى و النار طالعة من عينها.. و كي وصلت للباب فرغت الغش تاعها فيه حطت يدها على لاصونات و ماهزتهاش ...
نزار : شكون السامط الي يصوني هك ...وقف حل الباب و لقى ميسون واقفة خشمها احمر و خدودها حمر من البرد ...
ميسون : اول ما فتح الباب و شفت صدرو العريان بقيت باهتة و نسيت يدي على لاصونات ..
كانت دقيقة صمت طويلة ...
ميسون : حبست و تفكرت!!! نزار هو المدير 😱😱😱 موش ممكن ؟؟ واش تعمل هنا ؟ هذي هي دار المدير ؟!
نزار : اصبري دقيقة نلبس قشي و نفهمك ...
ميسون : احبس احبس احبس خلاص خلاص فهمت ...تفضل يا حضرة المدير الملفات تاعك و سامحني على الإزعاج ..رماتهم عليه و راحت ..
نزار : ميسوووون ...ميسوووون فهمتيني غالط .احبسي ...
راحت ميسون قلقانة غاضتها رحها ...وعلاه خبى عليها انو المدير تاع الشركة ؟! خاف اني نخرط عليه ؟ ولا نستغلو ؟ مافهمتش علاه ماقاليش ..
دخل نزار لبس قشو و خرج و شافها ركبت في البيس و مشات ...اوووف واش داني مانقولهاش ..
شاف البرطابل و لقى عيسى معيط قداه من مرة
.نزار : الو عيسى ابعثلي النيمرو تاع ميسون ميساح .
عيسى : علاه واش دارت انا الي بعثتها ماخي جابتهملك؟
نزار : غدوة و نتفاهمو عليها الخدمة المعوجة هذي ...ابعث ..
دخلت ميسون للدار متغششة راح تتفلق ...فاتت ديراكت لبيتها من غير ما تهدر حتى كلمة ...كان قادر يقولي عادي ...اووووف الله لا قال يروح يرنك ...سامط ..
صونا برطابلها رقم ماتعرفوش .
ميسون : الو شكون ؟
نزار : ميسون اني نزار ..
ميسون : نعم حضرة المدير كشما تحتاج ؟؟ على ما أضن رانا في الويكاند و من حقي نرتاح ..
نزار : ماتهدريش معايا هك اهبطي محتاجك ..
ميسون : ؟؟ في واش تحتاجني ؟
نزار : اهبطي نهدرو و نفهمك في كل شيء ...
ميسون : احبس احبس ...تكون حكاية الملفات و عمي عيسى كل خطة درتيها باه نجيك للدار ...و معريلي على صدرك تحساب راح تغريني و نعشق فيك من اول نظرة ... يعطيك الصحة حشيتوهالي و انا نقول ولد فميلة و عاقل ...و ظهرتي واحد من الجماعة البرجوازية الحقيرة ...ماتزيدش تعيطلي ..
نزار : اسكتي شوي ...تهبطي ولا نطلع ؟
ميسون : تطلع ؟!!!!!
الحلقة 24:
نزار : ارواحي نحكيلك كل شيء بكل بساطة ..وعلاه قلبتيها فيلم اكشن خص غير تقوليلي بغيتي تغتاصبني ..
ميسون : حشمت و حمار وجهها ...😣😣 عيب الي تقول فيه
نزار : انت الي جبدتي سيرة صدري و تعشقي فيا مع اني جامي لمحتلك بحتى حاجة ..انت محرد زميلة تخدم معايا ..
ميسون :بحزن ..تقصد نخدم عندك 😞
نزار : اهبطي راني التحت ..
لبست ميسون المونطو تاعها و عاودت خرجت ..
نزار : اركبي ...
ميسون : قول وراس عويناتي الملاح هذوك ؟؟ اهبط
نزار :هههه يا بنتي وين نهبط الثلج يصب و رانا في الحومة تاعك ..
ميسون تهبط من الطوموبيل ولا نرجع نروح ؟
هبط نزار و كان ماشي من وراها و هي محسوب تجري و هو ينفخ في يديه من البرد و يضحك ..جاء البيس و ركبو ..
نزار : وين راح تديني 😁😁
ميسون :ماتضحكش مانيش نضحك معاك 😒
وقفت العجوزة الي كانت قاعدة قدام ميسون و قعد نزار..
ميسون : حصرني بكتفو للكارو ...و في ساع تفكرتو من غير هدوووم 😫😫 بلعت ريقي و درت نشوف مع شفايفو على جنب ...رجعو غوز من البرد و لحيتو المعدولة من عند ربي .. حبس البيس ..
نزار : ايا نهبطو هنا ..
ميسون : ماها ...وين رايحين ؟
نزار : البتزيرا تاع صاحبي نجيب هنا هيا نقعدو و نهدرو كي العباد ..حكملها يدها و وقفها علابالو راسها خشين و تحرنلو .... راحو عند نجيب و دخلو لقاوها فارغة ...
نجيب : اهلا بالمعلم ...وينك من ليلة الحفلة ماظهرتيش ؟
نزار : علابالك الخدمة مانقعدش هاني جبت ميسون تاكل البيتزا ...
نجيب : مرحبا بيها مع انو نهار اليوم تاع بركوكس ولا عصيدة برك ..
نزار : هههه ديرلنا وحدة سبيسيال ..
ميسون واقفة في باب البيزيريا و تتفكر في النهار هذاك تخز مع الحجرة الي كانت قاعدة عليها وين قبر ذكرياتها و في نزار ...انت هو مول البريكي ؟؟ صح ؟
نزار : واش من بريكي ؟؟
قربت عندو و باقية تخزر مع ملامحو ...انت هو والله انت هو ..
نزار : ههههه ( لعب روحو هذا وين تفكر ) ااااا انت هي المجنونة الي كانت راح تحرق المرشي من بعد سرقتلي البريكي و هربت و من بعد شعرة ضربوك بالموس ...؟!!
ميسون : شافت مع ذراعو و جات الضربة في ذراعك هنا ؟؟!
نزار : كي ظهرنا معريفة قديمة هيا نقعدو نهدرو بصراحة ...
علاه ماقلتيليش انت المدير ؟
تفكرتي ليلة الحفلة ؟؟
ميسون : هيه ...واش بيها ؟؟😣😣
كنت راح نعرفك بروحي نورمال و من بعد كي قلتي عليا مدير شرير ، و من الطبقة البرجوازية التافه
نزار : ارواحي نحكيلك كل شيء بكل بساطة ..وعلاه قلبتيها فيلم اكشن خص غير تقوليلي بغيتي تغتاصبني ..
ميسون : حشمت و حمار وجهها ...😣😣 عيب الي تقول فيه
نزار : انت الي جبدتي سيرة صدري و تعشقي فيا مع اني جامي لمحتلك بحتى حاجة ..انت محرد زميلة تخدم معايا ..
ميسون :بحزن ..تقصد نخدم عندك 😞
نزار : اهبطي راني التحت ..
لبست ميسون المونطو تاعها و عاودت خرجت ..
نزار : اركبي ...
ميسون : قول وراس عويناتي الملاح هذوك ؟؟ اهبط
نزار :هههه يا بنتي وين نهبط الثلج يصب و رانا في الحومة تاعك ..
ميسون تهبط من الطوموبيل ولا نرجع نروح ؟
هبط نزار و كان ماشي من وراها و هي محسوب تجري و هو ينفخ في يديه من البرد و يضحك ..جاء البيس و ركبو ..
نزار : وين راح تديني 😁😁
ميسون :ماتضحكش مانيش نضحك معاك 😒
وقفت العجوزة الي كانت قاعدة قدام ميسون و قعد نزار..
ميسون : حصرني بكتفو للكارو ...و في ساع تفكرتو من غير هدوووم 😫😫 بلعت ريقي و درت نشوف مع شفايفو على جنب ...رجعو غوز من البرد و لحيتو المعدولة من عند ربي .. حبس البيس ..
نزار : ايا نهبطو هنا ..
ميسون : ماها ...وين رايحين ؟
نزار : البتزيرا تاع صاحبي نجيب هنا هيا نقعدو و نهدرو كي العباد ..حكملها يدها و وقفها علابالو راسها خشين و تحرنلو .... راحو عند نجيب و دخلو لقاوها فارغة ...
نجيب : اهلا بالمعلم ...وينك من ليلة الحفلة ماظهرتيش ؟
نزار : علابالك الخدمة مانقعدش هاني جبت ميسون تاكل البيتزا ...
نجيب : مرحبا بيها مع انو نهار اليوم تاع بركوكس ولا عصيدة برك ..
نزار : هههه ديرلنا وحدة سبيسيال ..
ميسون واقفة في باب البيزيريا و تتفكر في النهار هذاك تخز مع الحجرة الي كانت قاعدة عليها وين قبر ذكرياتها و في نزار ...انت هو مول البريكي ؟؟ صح ؟
نزار : واش من بريكي ؟؟
قربت عندو و باقية تخزر مع ملامحو ...انت هو والله انت هو ..
نزار : ههههه ( لعب روحو هذا وين تفكر ) ااااا انت هي المجنونة الي كانت راح تحرق المرشي من بعد سرقتلي البريكي و هربت و من بعد شعرة ضربوك بالموس ...؟!!
ميسون : شافت مع ذراعو و جات الضربة في ذراعك هنا ؟؟!
نزار : كي ظهرنا معريفة قديمة هيا نقعدو نهدرو بصراحة ...
علاه ماقلتيليش انت المدير ؟
تفكرتي ليلة الحفلة ؟؟
ميسون : هيه ...واش بيها ؟؟😣😣
كنت راح نعرفك بروحي نورمال و من بعد كي قلتي عليا مدير شرير ، و من الطبقة البرجوازية التافه
قررت مانحرجكش و نخليك تحكي معايا على طبيعتك ..هذا برك ..و عندك 3 ايام من كي بديتي الخدمة يعني ماكانتش نيتي نخبي عليك ..فهمتي ؟
ميسون : فهمت ... انا ديما نهدر ياسر و لساني الي راح يدخلني للنار هو سباب مشاكلي ..
نزار : العكس أحلى حاجة فيك ههههه
حشمت ميسون و هبطت راسها ..
نزار : ماقلتيليش وعلاه مارحتيش معاهم للرحلة ولا ماتحبيش الثلج ؟؟
ميسون : 😭😭😭😭 ارواح مالا نقولك ..ماحبش عمي عيسى يديني و ..... كملت تحكيلو و ماسكتتش حتى جات البيتزا تاكل و تهدر و نزار يتأمل مع حركاتها و المايوناز و الهريسة الي معبيين وجهها حتى كملت ...اااا الحمد لله والله يا نجيب بيتزا فخامة منا و الجاية ناكل غير عندك و ما تحڨرنيش كي نجي وحدي بلا السيد المدير ..
نجيب : خسارة عليك والله على الراس و العين ..
نزار : مانخليكش اصلا تجي وحدك عند الصعلوك هذا ههه ..
خزرت ميسون و نجيب في بعضاهم من بعد هبطت راسها ..
نزار : و درك كيفاه نخليها تحرق في قلبك ماتروحيش تلعبي بالثلج باه تفسد صورة الشركة يقولو علينا حڨارين ؟؟
ميسون : هيه حڨرتوني كي عدت جديدة 😢
نزار : هيا مالا امشي معايا ...نخليك شريكي غدوة و نتلاقاو ...( غمز لنجيب و الفرحة من عينيه )
هذي سنين ماشافش نجيب نزار نشيط و يهدر و يضحك كيما هك من لاكسيدون الي دارها عاد قليل وين يضحك ..الظاهر يعشق فيها الطفلة هذي. ...اول ما خرجو من الباب لقاو الثلج يصب قاوي ..
نزار : حبسي تشوفي !! .قرب عندها و رجعلها لاكابيش تاع الموطو على راسها و زاد عدلهالها على رقبتها مليح ..ممم خصك ليڨون و حاجة ديريها على رقبتك ..ميسون غير تصهد قتلها باللقطة هذي ...مدة طويلة ما حستش بالإهتمام من الجنس الآخر موش راح تكذب على رحها نزار جذاب و اي وحدة تعشق فيه .
إرسال تعليق